23/24-02-2015 .ಚಾಮರಾಜನಗರ -(ಪತ್ನಿ ಸಾವಿಗೆ ಕಾರಣರಾದ ಪತಿ, ಭಾವನಿಗೆ ಸಜೆ,ಸ್ವರ್ಧಾತ್ಮಕ ಯುಗದಲ್ಲಿ ವಿದ್ಯಾರ್ಥಿಗಳು ಹೆಚ್ಚು ಕ್ರಿಯಾಶೀಲರಾಗಲು ಕರೆ : ಎಂ ರಾಮಚಂದ್ರ)

ಪತ್ನಿ ಸಾವಿಗೆ ಕಾರಣರಾದ ಪತಿ, ಭಾವನಿಗೆ ಸಜೆ ಚಾಮರಾಜನಗರ, ಫೆ. 23 - ಪತ್ನಿಗೆ ದೈಹಿಕ ಹಾಗೂ ಮಾನಸಿಕ ಹಿಂಸೆ ನೀಡಿ ಆಕೆ ಆತ್ನಹತ್ಯೆ ಮಾಡಿಕೊಳ್ಳಲು ಕಾರಣರಾದ ಪತಿ ಹಾಗೂ ಆಕೆಯ ಭಾವನಿಗೆ ಸಜೆ ಹಾಗೂ ದಂಡ ವಿಧಿಸಿ ಪ್ರಧಾನ ಜಿಲ್ಲಾ ಮತ್ತು ಸೆಷನ್ಸ್ ನ್ಯಾಯಾಲಯ ತೀರ್ಪು ನೀಡಿದೆ. ನಂಜನಗೂಡು ತಾಲೂಕು ಹೆಗ್ಗಡಹಳ್ಳಿ ಗ್ರಾಮದ ಜ್ಯೋತಿ ಎಂಬುವರನ್ನು ಗುಂಡ್ಲುಪೇಟೆ ತಾಲೂಕು ಕುಂದಗೆರೆ ಗ್ರಾಮದ ಶಿವಶಂಕರಪ್ಪ ಎಂಬುವರೊಂದಿಗೆ 2003ರ ಜೂನ್ 20ರಂದು ವಿವಾಹ ಮಾಡಿಕೊಡಲಾಗಿತ್ತು. ಶಿವಶಂಕರಪ್ಪ ಹಾಗೂ ಈತನ ಅಣ್ಣ ಈಶ್ವರಪ್ಪ ಅವರು ಜ್ಯೋತಿ ಅವರಿಗೆ ತಂದೆ ಮನೆಯಿಂದ ಹಣ ತರುವಂತೆ ಮಾನಸಿಕ ಹಾಗೂ ದೈಹಿಕ ಹಿಂಸೆ ನೀಡುತ್ತಿದ್ದರು. ಅಪ್ಪನ ಮನೆಗೆ ಹೋಗುವಂತೆ ಹೊಡೆದು ಬೈದು ಹಿಂಸೆ ನೀಡುತ್ತಿದ್ದರು. 2011ರ ಮೇ 10ರಂದು ಸಂಜೆ 5 ಗಂಟೆ ಸಮಯದಲ್ಲಿ ಜ್ಯೋತಿ ಅವರ ಗಂಡ ಮತ್ತು ಭಾವ ಗಲಾಟೆ ಮಾಡಿದ್ದರಿಂದ ಅದೇ ದಿನ ಸಂಜೆ 6 ಗಂಟೆ ವೇಳೆಗೆ ಮೈಮೇಲೆ ಸೀಮೆ ಎಣ್ಣೆ ಸುರಿದುಕೊಂಡು ಜ್ಯೋತಿ ಬೆಂಕಿ ಹಚ್ಚಿಕೊಂಡಿದ್ದರು. ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಾಗಿದ್ದ ಅವರು ಚಿಕಿತ್ಸೆ ಫಲಕಾರಿಯಾಗದೆ 2011ರ ಮೇ 11ರಂದು ಮೃತಪಟ್ಟಿದ್ದರು. ಈ ಪ್ರಕರಣ ವಿಚಾರಣೆ ನಡೆದು ಜ್ಯೋತಿ ಅವರ ಪತಿ ಶಿವಶಂಕರಪ್ಪ ಹಾಗೂ ಭಾವ ಈಶ್ವರಪ್ಪ ಆಕೆಗೆ ದೈಹಿಕ ಮಾನಸಿಕ ಹಿಂಸೆ ನೀಡಿ ಆತ್ಮಹತ್ಯೆ ಮಾಡಿಕೊಳ್ಳಲು ಕಾರಣವಾಗಿರುವುದು ರುಜುವಾತಾದ ಹಿನ್ನೆಲೆಯಲ್ಲಿ ಪ್ರಧಾನ ಜಿಲ್ಲಾ ಮತ್ತು ಸೆಷನ್ಸ್ ನ್ಯಾಯಾಧೀಶರಾದ ಲಕ್ಷ್ಮಣ್ ಎಫ್ ಮಳವಳ್ಳಿ ಅವರು ಶಿವಶಂಕರಪ್ಪನಿಗೆ 4 ವರ್ಷಗಳ ಸಜೆ ಹಾಗೂ ಒಂದು ಸಾವಿರದ ಐದುನೂರು ರೂ. ದಂಡ ಮತ್ತು ಈಶ್ವರಪ್ಪನಿಗೆ ಎರಡೂವರೆ ವರ್ಷಗಳ ಸಜೆ ಹಾಗೂ 1500 ರೂ. ದಂಡ ವಿಧಿಸಿ ತೀರ್ಪು ನೀಡಿದ್ದಾರೆ. ಸರ್ಕಾರದ ಪರವಾಗಿ ಸರ್ಕಾರಿ ಅಭಿಯೋಜಕರಾದ ಟಿ.ಎಚ್. ಲೋಲಾಕ್ಷಿ ವಾದ ಮಂಡಿಸಿದ್ದರು. ----------------------------------------------------- ಸ್ವರ್ಧಾತ್ಮಕ ಯುಗದಲ್ಲಿ ವಿದ್ಯಾರ್ಥಿಗಳು ಹೆಚ್ಚು ಕ್ರಿಯಾಶೀಲರಾಗಲು ಕರೆ : ಎಂ ರಾಮಚಂದ್ರ ದಿ ಹಿಂದೂ ಪತ್ರಿಕೆ ವತಿಯಿಂದ ಎಸೆಎಸ್‍ಎಲ್‍ಸಿ ವಿದ್ಯಾರ್ಥಿಗಳಿಗೆ ನಡೆದ ಕಾರ್ಯಾಗಾರ ಚಾಮರಾಜನಗರ: ಫೆ-25 : ವಿದ್ಯಾರ್ಥಿಗಳ ಜೀವನದಲ್ಲಿ ಎಸ್‍ಎಲ್‍ಸಿ ತರಗತಿ ಪ್ರಮುಖವಾದ ಮೈಲಿಗಲ್ಲು. ಇದರಲ್ಲಿ ಶೇಕಡ 90 ಕ್ಕಿಂತ ಹೆಚ್ಚು ಅಂಕಗಳಿಸಿದರೆ ಮಾತ್ರ ಉನ್ನತ ವ್ಯಾಸಾಂಗ ಮಾಡಬಹುದು. ಹೀಗಾಗಿ ವಿದ್ಯಾರ್ಥಿಗಳು ಹೆಚ್ಚು ಕ್ರೀಯಾಶೀಲರಾಗಬೇಕೆಂದು ಜಿಲ್ಲಾ ಪಂಚಾಯತಿ ಅದ್ಯಕ್ಷ ಎಂ.ರಾಮಚಂದ್ರು ಕರೆ ನೀಡಿದರು. ನಗರದ ಸೇವಾ ಭಾರತಿ ಶಿಕ್ಷಣ ಸಂಸ್ಥೆಯ ಸಭಾಂಗಣದಲ್ಲಿ ದಿ ಹಿಂದೂ ಪತ್ರಿಕೆ ಹಾಗು ಮಂಗಳೂರಿನ ವಿಕಾಸ್ ಫ್ರೀ ಯೂನಿರ್ವಸಿಟಿ ಕಾಲೇಜು ಸಂಯುಕ್ತಾಶ್ರಯದಲ್ಲಿ ಎಸ್‍ಎಸ್‍ಎಲ್‍ಸಿ ವಿದ್ಯಾರ್ಥಿಗಳಿಗೆ ಏರ್ಪಡಿಸಿದ್ದÀ ಮಾರ್ಗದರ್ಶನ ಕಾರ್ಯಾಗಾರವನ್ನು ಉದ್ಗಾಟಿಸಿ ಮಾತನಾಡಿದ ಅವರು ಇತ್ತೀಚಿನ ದಿನಗಳಲ್ಲಿ ಶೈಕ್ಷಣಿಕ ಕ್ಷೇತ್ರದಲ್ಲಿ ಪೈಪೋಟಿ ಏರ್ಪಟ್ಟಿದೆ. ಯಾವುದೆ ಉನ್ನತ ವ್ಯಾಸಂಗ ಹಾಗು ಉನ್ನತ ಹುದ್ದೆಗೆ ಹೊಗಲು ಹೆಚ್ಚು ಅಂಕಗಳಿಕೆ ಮಾನದಂಡವಾಗಿದೆ. ಹೀಗಾಗಿ ವಿದ್ಯಾರ್ಥಿಗಳು ಹೆಚ್ಚು ಶ್ರಮವಹಿಸಿ ಪರಿಕ್ಷೇಯಲ್ಲಿ ಯಶಸ್ಸು ಕಾಣಬೇಕೆಂದು ಸಲಹೆ ನೀಡಿದರು. ಪ್ರತಿಷ್ಟಿತ ದಿ ಹಿಂದೂ ರಾಷ್ಟೀಯ ದಿನಪತ್ರಿಕೆ ಹಲವು ಒತ್ತಡಗಳ ನಡುವೆಯೂ ವಿದ್ಯಾರ್ಥಿಗಳ ಉತ್ತಮ ಭವಿಷ್ಯಕ್ಕೆ ಇಂತಹ ಕಾರ್ಯಾಗಾರ ಹಮ್ಮಿಕೊಂಡಿರುವುದು ಹೆಮ್ಮೆಯ ವಿಷಯ ಹಿಂದುಳಿದ ಜಿಲ್ಲೆ ಎಂಬ ಹಣೆಪಟ್ಟಿ ಹೊಗಲಾಡಿಸಲು ವಿದ್ಯಾರ್ಥಿಗಳು ಪರೀಕ್ಷೆಯನ್ನು ಸವಾಲಾಗಿ ಸ್ವೀಕರಿಸಿ ಜಿಲ್ಲೆಗೆ ಕೀರ್ತಿ ತರಬೇಕೆಂದು ಸಲಹೆ ನೀಡಿದರು. ದಿ ಹಿಂದೂ ಪತ್ರಿಕೆಯ ರೀಜಿನಲ್ ಮ್ಯಾನೇಜರ್ ಜಿ.ಆರ್.ವೆಂಕಟೇಶ್ ಮಾತನಾಡಿ 1878 ರಲ್ಲಿ ಸ್ವಾತಂತ್ರ್ಯ ಚಳುವಳಿಯ ಬಗ್ಗೆ ಜನರಿಗೆ ತಿಳುವಳಿಕೆ ನೀಡಬೇಕೆಂಬ ಉದ್ದೇಶದಿಂದ ಆರು ಜನರಿಂದ ಪ್ರಾರಂಭಗೊಂಡ ಈ ಪತ್ರಿಕೆ ಬೃಹದಾಕಾರವಾಗಿ ಬೆಳೆದು 3 ಸಾವಿರ ಸಿಬ್ಬಂದಿಗಳು ಹೊಂದಿದೆ. ಈ ಪತ್ರಿಕೆ ವಿವಿಧ ಕ್ಷೇತ್ರಗಳ ಸಮಗ್ರ ವರದಿಯನ್ನು ನೀಡುತ್ತಾ ಬಂದಿದ್ದು ಶಿಕ್ಷಣ ಕ್ಷೇತ್ರಕ್ಕೂ ಹೆಚ್ಚಿನ ಪ್ರಾಧನ್ಯತೆ ನೀಡಿ ವಿದ್ಯಾರ್ಥಿಗಳ ಮಾನಸಿಕ ಬೆಳವಣಿಗೆಗೆ ಅತ್ಯುತ್ತಮ ಲೇ ಖನಗಳನ್ನು ನೀಡುತ್ತಾ ಬಂದಿದೆ ಎಂದರು. ದೃಶ್ಯ ಮಾಧ್ಯಮ, ಇಂಟರ್‍ನೆಟ್, ಮೋಬೈಲ್ ಇನ್ನಿತರ ಆಧುನಿಕ ತಂತ್ರಜಾÐನ ಬೆಳೆದಿದ್ದರು ಕೂಡಾ ಅದು ಕಣ್ಣಿಗೆ ಮಾತ್ರ ಕೆಲಸ ನೀಡುತ್ತಿದ್ದು ಮೆದುಳಿಗೆ ಕೆಲಸ ನೀಡುತ್ತಿಲ್ಲ. ಪತ್ರಿಕೆಗಳು ಹಾಗು ಪುಸ್ತಕಗಳು ಮನುಷ್ಯನ ಜಾÐಪಕ ಶಕ್ತಿ, ಜಾÐನ, ಮತ್ತು ವಿಮರ್ಶೆ ಮಾಡಲು ವಿಫಲವಾದ ಅವಕಾಶಗಳಿವೆ. ಹೀಗಾಗಿ ಪ್ರತಿಯೊಬ್ಬ ವಿದ್ಯಾರ್ಥಿಗಳು ಓದಬೇಕೆಂದು ತಿಳಿಸಿದರು. ಕಾರ್ಯಾಗಾರದ ಅದ್ಯಕ್ಷತೆ ವಹಿಸಿದ್ದ ಸೇವಾ ಭಾರತಿ ಶಿಕ್ಷಣ ಸಂಸ್ಥೆಯ ಆಡಳಿತಾಧಿಕಾರಿ ಎಸ್.ರಮೇಶ್ ಮಾತನಾಡಿ ವಿದ್ಯಾರ್ಥಿಗಳು ಪತ್ರಿಕೆಯನ್ನು ಓದುವುದನ್ನು ಕಲಿಯಬೇಕು. ಏಕೆಂದರೆ ನೆರೆಯ ಕೇರಳ ಹಾಗು ತಮಿಳುನಾಡು ರಾಜ್ಯಗಳಲ್ಲಿ ಹೆಚ್ಚು ಪತ್ರಿಕೆ ಓದುವುದರಿಂದ ಉನ್ನತ ವ್ಯಾಸಾಂಗ ಹಾಗು ಉನ್ನತ ಹುದ್ದೆಗಳನ್ನು ಪಡೆಯುತ್ತಿದ್ದಾರೆ. ಆ ರಾಜ್ಯಗಳಲ್ಲಿ ಪಿಸಿಎಂಬಿ ಗೆ 200 ಅಂಕಗಳಿದ್ದರೆ ನಮ್ಮ ರಾಜ್ಯದಲ್ಲಿ 70 ರಿಂದ 80 ಅಂಕಗಳಿವೆ ಇದರಿಂದ ಕರ್ನಾಟಕದ ವಿದ್ಯಾರ್ಥಿಗಳು ಪರಿಪೂರ್ಣವಾಗಿ ಇಂಗ್ಲೀಷ್ ಅಥವ ಕನ್ನಡದಲ್ಲಿ ಗುರಿ ತಲುಪಲು ಸಾದ್ಯವಾಗದೆ ಭವಿಷ್ಯ ಡೋಲಾಯಮಾನವಾಗಿದೆ ಎಂದು ಎಚ್ಚರಿಸಿದರು. ಹಿಂದೂ ಪತ್ರಿಕೆ ಸಂಸ್ಥೆಯವರು ಕೈಗೊಂಡಿರುವ ಈ ಕಾರ್ಯಾಗಾರವನ್ನು ವಿದ್ಯಾರ್ಥೀಗಳು ಸಧ್ಭಳಕೆ ಮಾಡಕೊಂಡು ಹೆಚ್ಚು ಅಂಕಗಳಿಸಬೇಕೆಂದು ತಿಳಿಸಿದರು. ವೇದಿಕೆಯಲ್ಲಿ ಮಂಗಳೂರು ವಿಕಾಸ ಕಾಲೇಜಿನ ವೆಲ್‍ಫೇರ್ ಆಫೀಸರ್ ಶ್ರುತಿ ಭಂಡಾರಿ ವಿದ್ಯಾರ್ಥಿಗಳಿಗೆ ಮಾರ್ಗದರ್ಶನ ಮಾಡಿದರು. ಅಲ್ಲದೆ ಸಿಗ್ಮಾ ಇಂಡಿಯಾ ಬೆಂಗಳೂರು ಸಂಸ್ಥೆಯ ತರಬೇತುದಾರ ಹರಾಮ್ ಫರಾಜ್ ವಿದ್ಯಾರ್ಥಿಗಳೊಂದಿಗೆ ಸಮಾಲೋಚನೆ ನಡೆಸಿ ಉತ್ತಮ ಕೇಳಿದ ಪ್ರಶ್ನೆ ಕೇಳಿದ ವಿದ್ಯಾರ್ಥಿಗಳಿಗೆ ಬಹುಮಾನ ವಿತರಿಸಿದರು. ---------------------------------------- ಫೆ. 24ರಂದು ಕನ್ನಡ ಪುಸ್ತಕ ಪ್ರಾಧಿಕಾರದ ಅಧ್ಯಕ್ಷರ ಪ್ರವಾಸ ಚಾಮರಾಜನಗರ, ಫೆ. 23 :- ಕನ್ನಡ ಪುಸ್ತಕರ ಪ್ರಾಧಿಕಾರದ ಅಧ್ಯಕ್ಷರಾದ ಡಾ. ಬಂಜಗೆರೆ ಜಯಪ್ರಕಾಶ ಅವರು ಫೆಬ್ರವರಿ 24ರಂದು ಜಿಲ್ಲಾ ಪ್ರವಾಸ ಕೈಗೊಂಡಿದ್ದಾರೆ. ಮಧ್ಯಾಹ್ನ 2 ಗಂಟೆಗೆ ಮಲೆಮಹದೇಶ್ವರ ಸ್ವಾಮಿ ಬೆಟ್ಟಕ್ಕೆ ಆಗಮಿಸುವರು. ನಂತರ ಮಲೆಮಹದೇಶ್ವರ ಬೆಟ್ಟದ ಸಂಸ್ಥೆಯ ಪುಸ್ತಕ ಪ್ರೇಮಿ ವಿದ್ಯಾರ್ಥಿ ಬಳಗದವರು ಹಮ್ಮಿಕೊಂಡಿರುವ ಕಾರ್ಯಕ್ರಮದಲ್ಲಿ ಭಾಗವಹಿಸಿ ವಾಸ್ತವ್ಯ ಹೂಡುವರು. ಫೆಬ್ರವರಿ 25ರಂದು ಬೆಳಿಗ್ಗೆ 10.30 ಗಂಟೆಗೆ ಚಿತ್ರದುರ್ಗಕ್ಕೆ ತೆರಳುವರು ಎಂದು ಪ್ರಾಧಿಕಾರದ ಆಡಳಿತಾಧಿಕಾರಿಯವರು ತಿಳಿಸಿದ್ದಾರÉ. ತಾತ್ಕಾಲಿಕ ಆಯ್ಕೆ ಪಟ್ಟಿ ಪ್ರಕಟ ಚಾಮರಾಜನಗರ, ಫೆ. 23- ಚಾಮರಾಜನಗರ ಜಿಲ್ಲಾ ಪೊಲೀಸ್ ಘಟಕದಲ್ಲಿ ಪೋಲ್ ಸೆಟ್ ಎಸಿಪಿ ಖಾಲಿ ಹುದ್ದೆಗಳ ನೇಮಕಾತಿಗಾಗಿ ನಡೆದ ಲಿಖಿತ ಪರೀಕ್ಷೆ, ದೇಹದಾಡ್ರ್ಯತೆ ಮತ್ತು ಸಹಿಷ್ಣುತೆ ಪರೀಕ್ಷೆಗಳಲ್ಲಿ ಅರ್ಹರಾದ 25 ಜನ ಅಭ್ಯರ್ಥಿಗಳ ತಾತ್ಕಾಲಿಕ ಆಯ್ಕೆ ಪಟ್ಟಿಯನ್ನು ನಗರÀದ ಜಿಲ್ಲಾ ಪೊಲೀಸ್ ಕಚೇರಿಯ ಪ್ರಕಟಣಾ ಫಲಕದಲ್ಲಿ ಅಭ್ಯರ್ಥಿಗಳ ಮಾಹಿತಿಗಾಗಿ ಪ್ರಕಟಿಸಲಾಗಿದೆ ಎಂದು ಪೊಲೀಸ್ ಅಧೀಕ್ಷಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. ಫೆ. 25, 26ರಂದು ಮಹದೇಶ್ವರ ಬೆಟ್ಟದಲ್ಲಿ ಜನಪರ ಉತ್ಸವ ಚಾಮರಾಜನಗರ, ಫೆ. 23:- ಕನ್ನಡ ಮತ್ತು ಸಂಸ್ಕøತಿ ಇಲಾಖೆಯು ಮಲೆಮಹದೇಶ್ವರಸ್ವಾಮಿ ಕ್ಷೇತ್ರ ಅಭಿವೃದ್ಧಿ ಪ್ರಾಧಿಕಾರದ ಸಹಯೋಗದೊಂದಿಗೆ ಫೆಬ್ರವರಿ 25 ಹಾಗೂ 26ರಂದು ಜನಪರ ಉತ್ಸವ ಕಾರ್ಯಕ್ರಮವನ್ನು ಕೊಳ್ಳೇಗಾಲ ತಾಲೂಕಿನ ಮಹದೇಶ್ವರಬೆಟ್ಟದಲ್ಲಿ ಹಮ್ಮಿಕೊಂಡಿದೆ. ಫೆಬ್ರವರಿ 25ರಂದು ಸಂಜೆ 4 ಗಂಟೆಗೆ ಆಹಾರ, ನಾಗರಿಕ ಸರಬರಾಜು ಮತ್ತು ಗ್ರಾಹಕ ವ್ಯವಹಾರಗಳ ಸಚಿವರು ಹಾಗೂ ಚಾಮರಾಜನಗರ ಜಿಲ್ಲಾ ಉಸ್ತುವಾರಿ ಸಚಿವರಾದ ಯು.ಟಿ.ಖಾದರ್ ಅವರು ಜನಪರ ಉತ್ಸವಕ್ಕೆ ಚಾಲನೆ ನೀಡುವರು. ಹನೂರು ಶಾಸಕರಾದ ಆರ್. ನರೇಂದ್ರ ಅಧ್ಯಕ್ಷತೆ ವಹಿಸಲಿದ್ದು ಸಾಲೂರು ಬೃಹನ್ಮಠ ಅಧ್ಯಕ್ಷರಾದ ಪಟ್ಟದ ಗುರುಸ್ವಾಮಿ ಅವರು ದಿವ್ಯ ಸಾನಿಧ್ಯ ವಹಿಸುವರು. ವಿಧಾನ ಪರಿಷತ್ ಉಪಸಭಾಪತಿಯವರಾದ ಮರಿತಿಬ್ಬೇಗೌಡ, ಕರ್ನಾಟಕ ರಾಜ್ಯ ರಸ್ತೆ ಅಭಿವೃದ್ಧಿ ನಿಗಮದ ಅಧ್ಯಕ್ಷರು ಹಾಗೂ ಶಾಸಕರಾದ ಸಿ. ಪುಟ್ಟರಂಗಶೆಟ್ಟಿ, ಜಿಲ್ಲಾ ಪಂಚಾಯತ್ ಅಧ್ಯಕ್ಷರಾದ ಎಂ. ರಾಮಚಂದ್ರ, ಲೋಕಸಭಾ ಸದಸ್ಯರಾದ ಆರ್. ಧ್ರುವನಾರಾಯಣ, ಶಾಸಕರಾದ ಎಸ್. ಜಯಣ್ಣ, ಎಸ್. ನಾಗರಾಜು (ಸಂದೇಶ್ ನಾಗರಾಜು), ಕೆ.ಟಿ. ಶ್ರೀಕಂಠೇಗೌಡ, ಆರ್. ಧರ್ಮಸೇನ, ಜಿಲ್ಲಾ ಪಂಚಾಯತ್ ಉಪಾಧ್ಯಕ್ಷರಾದ ಎಸ್. ಬಸವರಾಜು, ಕೊಳ್ಳೇಗಾಲ ತಾಲೂಕು ಪಂಚಾಯತ್ ಅಧ್ಯಕ್ಷರಾದ ಎಸ್. ರಾಜು, ಉಪಾಧ್ಯಕ್ಷರಾದ ಲತಾ ರಾಜಣ್ಣ, ಮಾರ್ಟಳ್ಳಿ ಜಿ.ಪಂ. ಸದಸ್ಯರಾದ ಇಶ್ರತ್ ಬಾನು, ಮಹದೇಶ್ವರ ಬೆಟ್ಟ ತಾ.ಪಂ. ಸದಸ್ಯರಾದ ಹಲಗತಂಬಡಿ, ಮಹದೇಶ್ವರ ಬೆಟ್ಟ ಗ್ರಾ.ಪಂ. ಅಧ್ಯಕ್ಷರಾದ ರುಕ್ಮಿಣಿ ಅವರು ಗೌರವಾನ್ವಿತ ಅತಿಥಿಗಳಾಗಿ ಪಾಲ್ಗೊಳ್ಳುವರು. ಕನ್ನಡ ಮತ್ತು ಸಂಸ್ಕøತಿ ಇಲಾಖೆ ನಿರ್ದೇಶಕರಾದ ಕೆ.ಎ. ದಯಾನಂದ, ಜಂಟಿ ನಿರ್ದೇಶಕ (ಆಡಳಿತ)ರಾದ ವಿ.ಎನ್. ಮಲ್ಲಿಕಾರ್ಜುನಸ್ವಾಮಿ ಅವರು ವಿಶೇಷ ಆಹ್ವಾನಿತರಾಗಿ ಪಾಲ್ಗೊಳ್ಳುವರು. ಫೆಬ್ರವರಿ 25ರ ಕಾರ್ಯಕ್ರಮಗಳು- ಚಾಮರಾಜನಗರದ ಸಿ.ಎಂ. ನರಸಿಂಹಮೂರ್ತಿ ಮತ್ತು ತಂಡ - ಸುಗಮ ಸಂಗೀತ, ರಾಮಸಮುದ್ರದ ಜಿ. ರಾಜಪ್ಪ ಮತ್ತು ತಂಡ – ಜನಪದ ಗೀತೆ, ಮಂಗಲದ ಶ್ರೀ ಶಂಕರೇಶ್ವರ ನಾಟಕ ಕಲಾತಂಡ – ರಂಗಗೀತೆ, ಸೋಮಹಳ್ಳಿಯ ಎಸ್.ಬಿ. ನಾಗರಾಜು ಮತ್ತು ತಂಡ – ಭಕ್ತಿಗೀತೆಗಳು, ಕಲಕಲ ಮಾದಹಳ್ಳಿಯ ಬಸವರಾಜಯ್ಯ ಮತ್ತು ತಂಡ – ತಂಬೂರಿ ಪದ, ಯಳಂದೂರಿನ ಶಾಂತರಾಜು ಮತ್ತು ತಂಡ – ಜನಪದ ಹಾಡು, ಹೊಂಗನೂರಿನ ಕೆಂಪರಾಜು ಮತ್ತು ತಂಡ – ಸಂಗೀತ ಸಂಜೆ, ಯಳಂದೂರಿನ ಬಸವರಾಜಯ್ಯ ಮತ್ತು ತಂಡ – ಭಜನೆ, ಗಾಳಿಪುರದ ಮಹದೇವಮ್ಮ ಮತ್ತು ತಂಡ ಹಾಗೂ ಯರಿಯೂರಿನ ಮಾಳಗರಸಮ್ಮ ಮತ್ತು ತಂಡ - ಸೋಬಾನೆ ಪದ, ನಂಜುಂಡಸ್ವಾಮಿ, ರಾಮಣ್ಣ, ನಾಗರಾಜು, ನಾಗರಾಜು, ವೆಂಕಟರಮಣಸ್ವಾಮಿ, ಆರ್.ಎಂ. ಚೆಲ್ಲಪ್ಪ - ಪೌರಾಣಿಕ ನಾಟಕ ಪದಗಳು, ಚಾಮರಾಜನಗರದ ಮಹದೇಶ್ವರ ಕೃಪಾ ಪೋಷಿತ ನಾಟಕ ಮಂಡಳಿಯಿಂದ ದಕ್ಷಯಜ್ಞ ಪೌರಾಣಿಕ ನಾಟಕ, ಹರದನಹಳ್ಳಿಯ ಮರಿಯಮ್ಮ ಮತ್ತು ತಂಡದಿಂದ ಜನಪದ ಹಾಡು ಏರ್ಪಟ್ಟಿದೆ. ಫೆಬ್ರವರಿ 26ರ ಕಾರ್ಯಕ್ರಮಗಳು- ಯಳಂದೂರಿನ ಆರ್. ಮಹೇಂದ್ರ ಮತ್ತು ತಂಡ, ಸಿದ್ದಯ್ಯನಪುರದ ಎಸ್.ಜಿ. ಮಹಾಲಿಂಗಸ್ವಾಮಿ ಮತ್ತು ತಂಡ – ಸುಗಮ ಸಂಗೀತ, ರಾಮಸಮುದ್ರದ ಪಿ.ಮಹೇಶ್ ಮತ್ತು ತಂಡ, ಕೆಸ್ತೂರಿನ ನಾಗರಾಜು ಮತ್ತು ತಂಡ – ಜನಪದ ಗೀತೆ, ಜ್ಯೋತಿಗೌಡನಪುರದ ಜಿ.ಬಿ. ಮಹೇಶ್ ಮತ್ತು ತಂಡ – ಭಕ್ತಿಗೀತೆಗಳು, ವೈಕೆ ಮೋಳೆಯ ದೊಡ್ಡರಂಗಯ್ಯ ಮತ್ತು ತಂಡ – ತತ್ವಪದ, ಬಾಚಹಳ್ಳಿಯ ಮಾದೇಶ್ ಮತ್ತು ತಂಡ - ಹರಿಕಥೆ, ಯಾಚೇನಹಳ್ಳಿಯ ಚನ್ನಾಜಮ್ಮ ಮತ್ತು ತಂಡ – ರಾಗಿಕಲ್ಲಿನ ಪದ, ದೊಡ್ಡರಾಯಪೇಟೆಯ ಪಿ. ಮಹದೇವಮ್ಮ ಮತ್ತು ತಂಡ - ಸೋಬಾನೆ ಪದ, ಯಳಂದೂರಿನ ಮಲೆಮಹದೇಶ್ವರ ಸೋಬಾನೆ ಕಲಾತಂಡದಿಂದ ಮಹದೇಶ್ವರ ಹಾಡು, ಅಂಬಳೆ ಸಿದ್ದರಾಜು, ನಾಗಮಹದೇವ, ನಾರಾಯಣಿ, ಯಡಿಯೂರು ಮಹದೇವ, ಶಿವಣ್ಣ, ಪ್ರಕಾಶ್, ಎಸ್. ಮಂಜು ಇವರಿಂದ ಜನಪದ ಗೀತೆಗಳು, ಕೊಳ್ಳೇಗಾಲದ ಲೋಕೇಶ್ ಮತ್ತು ತಂಡದಿಂದ ಸಂಗೀತ ಸಂಜೆ, ಕಮಲಾಪುರದ ಮಹದೇವಸ್ವಾಮಿ ಮತ್ತು ತಂಡದಿಂದ ಜನಪದ ಹಾಡು, ಕೆ. ಬಸವಾಪುರದ ಬಿ.ಎಂ. ಲಿಂಗರಾಜು ಮತ್ತು ತಂಡದಿಂದ ತಮಟೆ ವಾದನ, ಕೊಳ್ಳೇಗಾಲದ ಕೃಷ್ಣಮೂರ್ತಿ ಮತ್ತು ತಂಡದಿಂದ ಜನಪದ ಗೀತೆ ಹಾಗೂ ಅರಳೀಪುರದ ಪುಟ್ಟಸಿದ್ದಮ್ಮ ಮತ್ತು ತಂಡದಿಂದ ರಾಗಿಕಲ್ಲಿನ ಪದ ಗಾಯನ ಕಾರ್ಯಕ್ರಮ ನಡೆಯಲಿದೆ. ಫೆ. 25ರಂದು ನೇರ ಫೋನ್ ಇನ್ ಕಾರ್ಯಕ್ರಮ ಚಾಮರಾಜನಗರ, ಫೆ. 23- ಜಿಲ್ಲೆಯ ನಾಗರಿಕರ ಕುಂದುಕೊರತೆಗಳನ್ನು ಆಲಿಸಿ ಪರಿಹರಿಸುವ ಸಲುವಾಗಿ ಜಿಲ್ಲಾಡಳಿತದ ವತಿಯಿಂದ ಫೆಬ್ರವರಿ 25ರಂದು ಬೆಳಿಗ್ಗೆ 10 ರಿಂದ 11 ಗಂಟೆಯವರೆಗೆ ನಗರದ ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣದಲ್ಲಿ ನೇರ ಫೋನ್ ಇನ್ ಕಾರ್ಯಕ್ರಮ ಏರ್ಪಡಿಸಲಾಗಿದೆ. ಜಿಲ್ಲಾಧಿಕಾರಿ, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ, ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ, ವಿವಿಧ ಇಲಾಖೆಗಳ ಜಿಲ್ಲಾಮಟ್ಟದ ಅಧಿಕಾರಿಗಳು ಕಾರ್ಯಕ್ರಮದಲ್ಲಿ ಉಪಸ್ಥಿತರಿರುತ್ತಾರೆ. ನಾಗರಿಕರು ಕುಂದುಕೊರತೆಗಳಿದ್ದಲ್ಲಿ ದೂರವಾಣಿ ಸಂಖ್ಯೆ 08226-224888ಗೆ ಕರೆ ಮಾಡಿ ಪರಿಹರಿಸಿಕೊಳ್ಳುವಂತೆ ಜಿಲ್ಲಾಧಿಕಾರಿಯವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ ಜಿಲ್ಲಾ ಸೈನಿಕ ಮಂಡಳಿ ಸಭೆ : ಕುಂದುಕೊರತೆ ಅರ್ಜಿ ಸ್ವೀಕಾರ ಚಾಮರಾಜನಗರ, ಫೆ. 23- ಜಿಲ್ಲಾ ಸೈನಿಕ ಮಂಡಳಿ ಸಭೆಯು ಸಧ್ಯದಲ್ಲೇ ಮೈಸೂರಿನಲ್ಲಿ ಅಲ್ಲಿನ ಜಿಲ್ಲಾಧಿಕಾರಿಯವರು ನಡೆಸಲಿದ್ದು ಕುಂದುಕೊರತೆಗಳಿದ್ದಲ್ಲಿ ಆ ಸಂಬಂಧ ಅರ್ಜಿಯನ್ನು ಸಲ್ಲಿಸಲು ಅವಕಾಶ ಕಲ್ಪಿಸಲಾಗಿದೆ. ಮಾಜಿ ಸೈನಿಕರು ಹಾಗೂ ಅವಲಂಬಿತರು ಅಂದಿನ ಸಭೆಯಲ್ಲಿ ಚರ್ಚಿಸಲು ಇಚ್ಚಿಸುವ ಕುಂದುಕೊರತೆ ಅರ್ಜಿಯನ್ನು ದ್ವಿಪ್ರತಿಯಲ್ಲಿ ಫೆಬ್ರವರಿ 28ರೊಳಗೆ ಮೈಸೂರಿನ ಸೈನಿಕ ಕಲ್ಯಾಣ ಮತ್ತು ಪುನರ್ವಸತಿ ಇಲಾಖೆಯ ಉಪನಿರ್ದೇಶಕರ ಕಚೇರಿಗೆ ಸಲ್ಲಿಸುವಂತೆ ಪ್ರಕಟಣೆ ತಿಳಿಸಿದೆ. ಫೆ. 27ರಂದು ಚಾ.ನಗರ ಆಯವ್ಯಯ ಸಭೆ ಚಾಮರಾಜನಗರ, ಫೆ. 23- ಚಾಮರಾಜನಗರ ನಗರಸಭೆಯ 2016-17ನೇ ಸಾಲಿನ ಪರಿಷ್ಕøತ ಹಾಗೂ 2017-18ನೇ ಸಾಲಿನ ಅಂದಾಜು ಆಯವ್ಯಯ ಸಭೆಯನ್ನು ನಗರಸಭಾ ಅಧ್ಯಕ್ಷರಾದ ಎಸ್.ಎನ್. ರೇಣುಕ ಅವರ ಅಧ್ಯಕ್ಷತೆಯಲ್ಲಿ ಫೆಬ್ರವರಿ 27ರಂದು ಬೆಳಿಗ್ಗೆ 11 ಗಂಟೆಗೆ ನಗರಸಭೆ ಕಚೇರಿ ಸಭಾಂಗಣದಲ್ಲಿ ನಡೆಯಲಿದೆ ಎಂದು ಪೌರಾಯುಕ್ತರು ಪ್ರಕಟಣೆಯಲ್ಲಿ ತಿಳಿಸಿದ್ದಾರÉ. ಯಳಂದೂರು : ವಿವಿಧ ಕೌಶಲ ತರಬೇತಿಗೆ ಅರ್ಜಿ ಆಹ್ವಾನ ಚಾಮರಾಜನಗರ, ಫೆ. 23- ಯಳಂದೂರು ಪಟ್ಟಣ ಪಂಚಾಯಿತಿಯು ನಲ್ಮ್ ಯೋಜನೆಯಡಿ ವಿವಿಧ ಕೌಶಲ್ಯ ತರಬೇತಿ ನೀಡಲಿದ್ದು ಆಸಕ್ತರಿಂದ ಅರ್ಜಿ ಆಹ್ವಾನಿಸಿದೆ. ಸ್ಪೋಕನ್ ಇಂಗ್ಲೀಷ್ ಮತ್ತು ಸಾಫ್ಟ್ ಸ್ಕಿಲ್, ಕಮ್ಯುನಿಕೇಷನ್ ಸ್ಕಿಲ್, ಬೇಸಿಕ್ ಎಂಬೇಡೆಡ್ ಸಿಸ್ಟಂ ಕೋರ್ಸ್, ಅಡ್ವಾನ್ಸ್‍ಡ್ ಎಂಬೇಡೆಡ್ ಸಿಸ್ಟಂ ಕೋರ್ಸ್, ಎಲೆಕ್ಟ್ರಾನಿಕ್ಸ್ ಮತ್ತು ಮೇಟೆನೆನ್ಸ್ ಆಫ್ ಮೊಬೈಲ್ ಫೋನ್ ತರಬೇತಿಯನ್ನು ನೀಡಲಾಗುತ್ತದೆ. ಅಭ್ಯರ್ಥಿಗಳು ಯಳಂದೂರು ಪಟ್ಟಣ ಪಂಚಾಯಿತಿ ವ್ಯಾಪ್ತಿಯ ಒಳಗಿರಬೇಕು. ಎಸ್ ಎಸ್ ಎಲ್ ಸಿ ತೇರ್ಗಡೆಯಾಗಿದ್ದು 18 ರಿಂದ 35ರ ವಯೋಮಿತಿಯೊಳಗಿರಬೇಕು. ಬಿಪಿಎಲ್ ಕುಟುಂಬಕ್ಕೆ ಸೇರಿದವರಾಗಿರಬೇಕು. ಅರ್ಜಿಯನ್ನು ಪಟ್ಟಣ ಪಂಚಾಯಿತಿ ಕಚೇರಿಯಲ್ಲಿ ಉಚಿತವಾಗಿ ವಿತರಿಸಲಾಗುತ್ತದೆ. ಭರ್ತಿ ಮಾಡಿದ ಅರ್ಜಿಯನ್ನು ಫೆಬ್ರವರಿ 28ರೊಳಗೆ ಸಲ್ಲಿಸಬೇಕು. ಹೆಚ್ಚಿನ ಮಾಹಿತಿಗೆ ಪಟ್ಟಣ ಪಂಚಾಯಿತಿ ಕಚೇರಿಯ ಸಂಬಂಧಪಟ್ಟ ವಿಷಯ ನಿರ್ವಾಹಕರನ್ನು ಸಂಪರ್ಕಿಸುವಂತೆ ಮುಖ್ಯಾಧಿಕಾರಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. ಪ್ರೋತ್ಸಾಹಧನ ಅರ್ಜಿ ಸಲ್ಲಿಕೆ ಅವಧಿ ವಿಸ್ತರಣೆ ಚಾಮರಾಜನಗರ, ಫೆ. 23- 2015-16ನೇ ಶೈಕ್ಷಣಿಕ ಸಾಲಿನಲ್ಲಿ ಮೆಟ್ರಿಕ್ ನಂತರದ ಕೋರ್ಸುಗಳ ಪಬ್ಲಿಕ್ ಪರೀಕ್ಷೆಗಳಲ್ಲಿ ಪ್ರಥಮ ಯತ್ನದಲ್ಲಿ ಪ್ರಥಮದರ್ಜೆಯಲ್ಲಿ ತೇರ್ಗಡೆಯಾದ ಪರಿಶಿಷ್ಟ ಜಾತಿ ವಿದ್ಯಾರ್ಥಿಗಳಿಗೆ ನೀಡುವ ಪ್ರೋತ್ಸಾಹಧನಕ್ಕೆ ಅರ್ಜಿ ಸಲ್ಲಿಸುವ ಅವಧಿಯನ್ನು ಫೆಬ್ರವರಿ 28ರವರೆಗೆ ವಿಸ್ತರಿಸಲಾಗಿದೆ. ಈ ಹಿಂದೆ ಅರ್ಜಿ ಸಲ್ಲಿಕೆಗೆ ಜನವರಿ 25 ಕಡೆಯ ದಿನವೆಂದು ತಿಳಿಸಲಾಗಿತ್ತು. ಆದರೆ ಹಲವಾರು ವಿಶ್ವವಿದ್ಯಾಲಯಗಳ ಫಲಿತಾಂಶ ಇನ್ನೂ ಪ್ರಕಟವಾಗದಿರುವ ಹಿನ್ನೆಲೆಯಲ್ಲಿ ವಿದ್ಯಾರ್ಥಿಗಳ ಹಿತದೃಷ್ಠಿಯಿಂದ ಫೆಬ್ರವರಿ 28ರವರೆಗೂ ಆನ್ ಲೈನ್ ಮೂಲಕ ಅರ್ಜಿ ಸಲ್ಲಿಸಲು ಕಾಲಾವಕಾಶ ನೀಡಲಾಗಿದೆ. ವಿವರಗಳಿಗೆ ವೆಬ್ ಸೈಟ್ ತಿತಿತಿ.sತಿ.ಞಚಿಡಿ.ಟಿiಛಿ.iಟಿ ನೋಡುವಂತೆ ಸಮಾಜ ಕಲ್ಯಾಣ ಇಲಾಖೆ ಪ್ರಕಟಣೆ ತಿಳಿಸಿದೆ. ಇಬ್ಬರು ಬಾಲಕಿಯರು ಕಾಣೆ : ಸುಳಿವು ನೀಡಲು ಮನವಿ ಚಾಮರಾಜನಗರ, ಫೆ. 23 ನಗರದ ಸರ್ಕಾರಿ ಬಾಲಕಿಯರ ಬಾಲಮಂದಿರದ ಇಬ್ಬರು ವಿದ್ಯಾರ್ಥಿನಿಯರು ಕಾಣೆಯಾಗಿದ್ದಾರೆ. ಬಾಲಮಂದಿರದಲ್ಲಿ ಇದ್ದ ಪ್ರಿಯಾ ಹಾಗೂ ಗೌರಿ ಎಂಬ ಇಬ್ಬರು ಬಾಲಕಿಯರು ನಗರದ ಪಿಡಬ್ಲ್ಯೂಡಿ ಪ್ರಾಥಮಿಕ ಶಾಲೆಯಲ್ಲಿ ವ್ಯಾಸಂಗ ಮಾಡುತ್ತಿದ್ದು ಜನವರಿ 22ರಂದು ಬೆಳಿಗ್ಗೆ 9.45ಕ್ಕೆ ಶಾಲೆಗೆ ಕಚೇರಿ ಸಿಬ್ಬಂದಿ ಬಿಟ್ಟುಬಂದಿದ್ದರು. ಆದರೆ ಶಾಲೆ ಪ್ರಾರಂಭವಾಗುವ ಮೊದಲೇ ಈ ಇಬ್ಬರೂ ಬಾಲಕಿಯರು ಕಾಣೆಯಾಗಿದ್ದಾರೆಂದು ಬಾಲಮಂದಿರದ ಅಧೀಕ್ಷಕರು ತಿಳಿಸಿದ್ದಾರೆ. 14 ವರ್ಷದ ಪ್ರಿಯಾ ಕಪ್ಪು ಬಣ್ಣ, ಗುಂಡುಮುಖ ಹೊಂದಿದ್ದು ಕೆಂಪುಬಣ್ಣದ ಚೂಡಿದಾರ್ ಧರಿಸಿದ್ದಾರೆ. 13 ವರ್ಷದ ಗೌರಿ ಕಪ್ಪು ಬಣ್ಣ ದುಂಡುಮುಖ ಹೊಂದಿದ್ದು ಆಕಾಶನೀಲಿ ಬಣ್ಣದ ಷರ್ಟ್ ಮತ್ತು ಜೀನ್ಸ್ ಧರಿಸಿದ್ದಾರೆ. ಈ ಬಾಲಕಿಯರ ಬಗ್ಗೆ ಸುಳಿವು ದೊರೆತಲ್ಲಿ ಹತ್ತಿರದ ಪೊಲೀಸ್ ಠಾಣೆ ಇಲ್ಲವೇ ಮಕ್ಕಳ ಸಹಾಯವಾಣಿ ಸಂಖ್ಯೆ 1098 ಅಥವಾ ನಗರದ ಹೌಸಿಂಗ್ ಬೋರ್ಡ್ ಕಾಲೋನಿಯಲ್ಲಿರುವ ಸರ್ಕಾರಿ ಬಾಲಕಿಯರ ಬಾಲಮಂದಿರದ ಅಧೀಕ್ಷಕರು ಹಾಗೂ ಪರಿವೀಕ್ಷಣಾಧಿಕಾರಿ (ದೂ.ಸಂ. 08226-225711)ಗೆ ಮಾಹಿತಿ ನೀಡುವಂತೆ ಪ್ರಕಟಣೆಯಲ್ಲಿ ಕೋರಲಾಗಿದೆ. ಫೆ. 26ರಂದು ನವೋದಯ ವಿದ್ಯಾಲಯದಲ್ಲಿ ವಿದ್ಯಾರ್ಥಿಗಳಿಗೆ ಉಚಿತ ಚಿಕಿತ್ಸೆ ಶಿಬಿರ ಚಾಮರಾಜನಗರ, ಫೆ. 23- ತಾಲೂಕಿನ ಹೊಂಡರಬಾಳುವಿನಲ್ಲಿರುವ ನವೋದಯ ವಿದ್ಯಾಲಯದಲ್ಲಿ ಫೆಬ್ರವರಿ 26ರಂದು ವಿದ್ಯಾರ್ಥಿಗಳಿಗೆ ಉಚಿತ ಆರೋಗ್ಯ ಚಿಕಿತ್ಸೆ ಶಿಬಿರ ಏರ್ಪಾಡು ಮಾಡಲಾಗಿದೆ. ವಿದ್ಯಾಲಯದಲ್ಲಿ ವ್ಯಾಸಂಗ ಮಾಡಿ ವೈದ್ಯಕೀಯ ಶಿಕ್ಷಣ ಪೂರ್ಣಗೊಳಿಸಿ ವೈದ್ಯರಾಗಿ ಸೇವೆ ಸಲ್ಲಿಸುತ್ತಿರುವ ಹಿರಿಯ ವಿದ್ಯಾರ್ಥಿಗಳೇ ಶಿಬಿರದಲ್ಲಿ ಪಾಲ್ಗೊಳ್ಳುತ್ತಿರುವುದು ವಿಶೇಷವಾಗಿದೆ. ಶಿಬಿರದಲ್ಲಿ ನವೋದಯ ವಿದ್ಯಾಲಯ ವಿದ್ಯಾರ್ಥಿಗಳ ಜತೆಗೆ ಹೊಂಡರಬಾಳು, ನಲ್ಲೂರು, ನಾಗವಳ್ಳಿ, ಜ್ಯೋತಿಗೌಡನಪುರ ಪ್ರಾಥಮಿಕ ಶಾಲೆಯ ವಿದ್ಯಾರ್ಥಿಗಳಿಗೂ ಹಾಗೂ ನವೋದಯ ಬಳಿ ಇರುವ ಸೋಲಿಗ ಮಕ್ಕಳ ಪ್ರಾಥಮಿಕ ಶಾಲೆಯ ವಿದ್ಯಾರ್ಥಿಗಳಿಗೂ ಆರೋಗ್ಯ ಚಿಕಿತ್ಸಾ ಶಿಬಿರ ಸೌಲಭ್ಯ ದೊರೆಯಲಿದೆ. ಪೋಷಕರು ಶಿಕ್ಷಕರು ಬಂದು ಶಿಬಿರದ ಪ್ರಯೋಜನ ಪಡೆಯಬಹುದು. ಎಲುಬು ಕೀಲುಗಳ ವೈದ್ಯರು, ಮಹಿಳೆಯರ ಸಮಸ್ಯೆ, ಚರ್ಮರೋಗ, ಫಿಜಿಸಿಯನ್ ಸೇರಿದಂತೆ ಇನ್ನಿತರ ತಜ್ಞ ವೈದ್ಯರು ಶಿಬಿರದಲ್ಲಿ ಪಾಲ್ಗೊಳ್ಳಲಿದ್ದು ಅಗತ್ಯವೆನಿಸಿದಲ್ಲಿ ಔಷಧಿ ಕೂಡ ಉಚಿತವಾಗಿ ವಿತರಿಸುವರೆಂದು ನವೋದಯ ವಿದ್ಯಾಲಯದ ಪ್ರಾಚಾರ್ಯರಾದ ಡೇನಿಯಲ್ ರತ್ನಕುಮಾರ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. ಪತ್ರಿಕಾ ಮಾಧ್ಯಮದ ಮೂಲಕ ಸಾರ್ವಜನಿಕರಲ್ಲಿ ಒಂದು ಮನವಿ ಚಾಮರಾಜನಗರ ಲೋಕಸಭಾ ಕ್ಷೇತ್ರ ವ್ಯಾಪ್ತಿಯಲ್ಲಿ ಚಾಮರಾಜನಗರ ಜಿಲ್ಲೆಯಲ್ಲಿ ಅರಣ್ಯ ಪ್ರದೇಶ 1450 ಚದರ ಕಿಮೀ ಮತ್ತು ಮೈಸೂರು ಜಿಲ್ಲೆಯಲ್ಲಿ ಅರಣ್ಯ ಪ್ರದೇಶ 2791 ಚದರ ಕಿಮೀ ಇರುತ್ತದೆ. ಚಾಮರಾಜನಗರ ಜಿಲ್ಲೆಯಲ್ಲಿ ಬಿ.ಆರ್.ಟಿ. ಹುಲಿ ರಕ್ಷಿತಾ ಪ್ರದೇಶ, ಬಂಡಿಪುರ ಹುಲಿ ರಕ್ಷಿತಾ ಪ್ರದೇಶ, ಕಾವೇರಿ ವನ್ಯಜೀವಿ ವಿಭಾಗ ಮತ್ತು ಮಲೈಮಹಾದೇಶ್ವರ ವನ್ಯಜೀವಿ ವಿಭಾಗಗಳು ಒಳಗೊಂಡು ಅರಣ್ಯದಿಂದ ಈ ಜಿಲ್ಲೆ ಸಂಪತ್‍ಭರಿತವಾಗಿದೆ. ಭಾರತ ದೇಶದಲ್ಲೇ ಅತೀ ಹೆಚ್ಚು ಹುಲಿಯನ್ನು ಹೊಂದಿರುವ ಕೀರ್ತಿ ನಮ್ಮ ಜಿಲ್ಲೆಯ ಅರಣ್ಯ ಪ್ರದೇಶಕ್ಕೆ ಇರುತ್ತದೆ. ಈ ಅರಣ್ಯ ಸಂಪತ್ತನ್ನು, ಅರಣ್ಯದಲ್ಲಿರುವ ಪ್ರಾಣಿ-ಪಕ್ಷಿ ಸಂಕುಲಗಳನ್ನು ಕಾಪಾಡುವ ಜವಾಬ್ದಾರಿ ಎಲ್ಲರ ಕೈಯಲ್ಲಿ ಇರುತ್ತದೆ. ಆದರೆ ಇತ್ತೀಚೆಗೆ ಬಂಡೀಪುರ ಅರಣ್ಯ ಪ್ರದೇಶ ಮತ್ತು ಬಿ.ಆರ್.ಟಿ. ಅರಣ್ಯ ಪ್ರದೇಶ ವ್ಯಾಪ್ತಿಯಲ್ಲಿ ಕಾಡಿಗೆ ಬೆಂಕಿ ಬಿದ್ದು ಸಾವಿರಾರು ಎಕರೆ ಅರಣ್ಯ ಪ್ರದೇಶ ಸುಟ್ಟುಹೋಗಿದೆ ಅನೇಕ ಪ್ರಾಣಿ-ಪಕ್ಷಿಗಳು-ಜಂತುಗಳು ಬೆಂಕಿಗೆ ಆಹುತಿಯಾಗಿದೆ. ಅಲ್ಲದೇ ಬೆಂಕಿಯನ್ನು ನಂದಿಸುವ ಕಾರ್ಯದಲ್ಲಿದ್ದ ಅರಣ್ಯ ಅಧಿಕಾರಿಯೊಬ್ಬರು ಸಾವನ್ನಪ್ಪಿದ್ದಾರೆ. ಅನೇಕ ಸಿಬ್ಬಂದಿಗಳು ಬೆಂಕಿಯಿಂದ ಗಾಯಗೊಂಡು ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಕಾಡಿಗೆ ಬೆಂಕಿ ಬೀಳಲು ಕಾರಣವನ್ನು ಹುಡಿಕಿದ ಸಂದರ್ಭದಲ್ಲಿ, ಕಿಡಿಗೇಡಿಗಳು ಈ ಕೃತ್ಯವನ್ನು ಮಾಡಿರುವ ಬಗ್ಗೆ ಶಂಕೆ ಇರುತ್ತದೆ. ಅಲ್ಲದೇ ಅರಣ್ಯ ಇಲಾಖಾಧಿಕಾರಿಗಳ ಮೇಲಿನ ವೈಷಮ್ಯದಿಂದ ಕೆಲವು ಕಿಡಿಗೇಡಿಗಳು ಕಾಡಿಗೆ ಬೆಂಕಿ ಇಡುವುದರ ಮೂಲಕ ನಮ್ಮ ಜಿಲ್ಲೆಯ ಅರಣ್ಯ ಸಂಪತ್ತನ್ನು ಮತ್ತು ಮೂಕ ಪ್ರಾಣಿ-ಪಕ್ಷಿ-ಜಂತುಗಳನ್ನು ನಾಶಮಾಡುತ್ತಿರುವುದು ವಿಶಾದನೀಯ. ಬೆಂಕಿ ನಂದಿಸುವ ಕಾರ್ಯವನ್ನು ಹಗಲಿರುಳೂ ಬಹಳ ಶ್ರಮದಿಂದ ಮಾಡುತ್ತಿದ್ದರೂ ಸಹಾ ಇನ್ನೂ ನಿಯಂತ್ರಣಕ್ಕೆ ಬಂದಿರುವುದಿಲ್ಲ. ಸಾರ್ವಜನಿಕರಿಗೆ ಉತ್ತಮ ಪರಿಸರ, ಮಳೆ, ಹವ ಇತ್ಯಾದಿಗಳ ಪೂರೈಕೆಗೆ ಕಾರಣವಾದ ಅರಣ್ಯವನ್ನೇ ಈ ರೀತಿ ನಾಶ ಮಾಡಿದರೆ ಮುಂದಿನ ಪೀಳಿಗೆಯವರು ಯಾವ ರೀತಿ ಸಂಕಷ್ಟದಲ್ಲಿ ಬದುಕಬಹುದು ಎಂದು ಊಹಿಸಬಹುದಾಗಿದೆ. ಬೆಂಕಿ ನಂದಿಸುವ ಕಾರ್ಯದಲ್ಲಿ ಹಗಲಿರುಳು ಶ್ರಮಪಡುತ್ತಿರುವ ಅರಣ್ಯ ಇಲಾಖಾ ಅಧಿಕಾರಿಗಳ/ಸಿಬ್ಬಂದಿಗಳ ಸೇವಾ ಮನೋಭಾವಕ್ಕೆ ನಾನು ಕೃತಜ್ಞತೆ ಸಲ್ಲಿಸುತ್ತೇನೆ. ಅರಣ್ಯ ಇಲಾಖೆಗೆ ಅಗತ್ಯ ಸಿಬ್ಬಂದಿಗಳನ್ನು ತುಂಬುವ ಕಾರ್ಯಕ್ಕೆ ಸರ್ಕಾರಕ್ಕೆ ಒತ್ತಡ ತರುತ್ತೇನೆ. ನಮ್ಮ ಆಸ್ತಿಯಾದ ಅರಣ್ಯ ಸಂಪತ್ತನ್ನು/ಪ್ರಾಣಿ-ಪಕ್ಷಿ-ಜಂತುಗಳ ಸಂಪತ್ತನ್ನು ನಾಶಮಾಡದೇ, ಅವುಗಳನ್ನು ಉಳಿಸಲು ನಾವೆಲ್ಲರೂ ಒಗ್ಗಟ್ಟಿನಿಂದ ಅರಣ್ಯ ಇಲಾಖೆಯವರೊಂದಿಗೆ ಕೈಜೋಡಿಸಿ ಪ್ರಾಮಾಣಿಕ ಪ್ರಯತ್ನ ಮಾಡೋಣ ಎಂದು ಈ ಮೂಲಕ ಸಾರ್ವಜನಿಕರಲ್ಲಿ ವಿನಂತಿ ಮಾಡಿಕೊಳ್ಳುತ್ತೇನೆ. ಸಹಿ/- (ಆರ್.ಧ್ರುವನಾರಾಯಣ) ಲೋಕಸಭಾ ಸದಸ್ಯರು