ಕೊವೆಡ್ ಸೋಂಕು: ಮಾಜಿ ಶಾಸಕ ಗುರುಸ್ವಾಮಿ ಸಾವು. *ವರದಿ : ರಾಮಸಮುದ್ರ ಎಸ್.ವೀರಭದ್ರಸ್ವಾಮಿ*

            ಚಾಮರಾಜನಗರ: ಚಾಮರಾಜನಗರ ವಿಧಾನಸಭಾ ಕ್ಷೇತ್ರದ ಮಾಜಿ ಶಾಸಕ, ಬಿಜೆಪಿ ಮುಖಂಡ ಸಿ. ಗುರುಸ್ವಾಮಿ (68)  ಅವರು ಕೋವಿಡ್ ಸೋಂಕಿನಿಂದ ಬುಧವಾರ ಮೈಸೂರಿನ ಖಾಸಗಿ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದಾರೆ.

ಕೋವಿಡ್ ದೃಢಪಟ್ಟಿದ್ದರಿಂದಾಗಿ ಆಗಸ್ಟ್ 5 ರಂದು ಮೈಸೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದರು. ಚಿಕಿತ್ಸೆ ಫಲಕಾರಿಯಾಗದೇ ಬುಧವಾರ ಬೆಳಿಗ್ಗೆ 7 ಗಂಟೆ ಸಮಯದಲ್ಲಿ ಮೃತಪಟ್ಟಿದ್ದಾರೆ.

ಜಿ.ಪಂ. ಮಾಜಿ ಅಧ್ಯಕ್ಷೆ, ಜಿಲ್ಲಾ ಬಿಜೆಪಿ ಪ್ರಧಾನ ಕಾರ್ಯದರ್ಶಿ, ವಕೀಲೆ ನಾಗಶ್ರೀ ಪ್ರತಾಪ್ ಸೇರಿದಂತೆ ಇಬ್ಬರು ಪುತ್ರಿಯರು, ಪತ್ನಿ ಶೀಲಾ ಅವರನ್ನು ಗುರುಸ್ವಾಮಿ ಅಗಲಿದ್ದಾರೆ.

ವೃತ್ತಿಯಲ್ಲಿ ವಕೀಲರಾಗಿದ್ದ ಸಿ. ಗುರುಸ್ವಾಮಿಯವರು ಜನತಾ ಪಕ್ಷ, ಜನತಾದಳದಿಂದ ರಾಜಕೀಯ ಜೀವನ ಆರಂಭಿಸಿದ್ದರು. ಜನತಾದಳ ಇದ್ದಾಗ ಅವಿಭಜಿತ ಮೈಸೂರು ಜಿಲ್ಲೆಯ ಜಿಲ್ಲಾ ಪರಿಷತ್ ಸದಸ್ಯರಾಗಿದ್ದರು. ಹಿರಿಯ ರಾಜಕೀಯ ನಾಯಕ, ಕೇಂದ್ರದ ಮಾಜಿ ಸಚಿವ ರಾಜಶೇಖರಮೂರ್ತಿಯವರ ಶಿಷ್ಯರಾಗಿದ್ದರು. ರಾಜಶೇಖರಮೂರ್ತಿಯವರು ಬಿಜೆಪಿ ಸೇರಿದ ಸಂದರ್ಭದಲ್ಲಿ ಅವರನ್ನು ಅನುಸರಿಸಿ ಗುರುಸ್ವಾಮಿ ಸಹ ಬಿಜೆಪಿ ಸೇರಿದರು.

1999ರಲ್ಲಿ ನಡೆದ ವಿಧಾನಸಭಾ ಚುನಾವಣೆಯಲ್ಲಿ ಬಿಜೆಪಿ ಅಭ್ಯರ್ಥಿಯಾಗಿ ಚಾಮರಾಜನಗರ ಕ್ಷೇತ್ರದಿಂದ ಗೆದ್ದು ಬಂದರು. ಎರಡು ಅವಧಿಗೆ ಗೆದ್ದು ಹ್ಯಾಟ್ರಿಕ್ ಗೆಲುವಿನ ನಿರೀಕ್ಷೆಯಲ್ಲಿದ್ದ  ವಾಟಾಳ್ ಪಕ್ಷದ ವಾಟಾಳ್ ನಾಗರಾಜ್ ಅವರನ್ನು ಗುರುಸ್ವಾಮಿಯವರು ಸೋಲಿಸಿದ್ದು ಆಗ ದಾಖಲೆಯಾಗಿತ್ತು. ಕ್ಷೇತ್ರದ ಮೊದಲ ಹಾಗೂ ಏಕೈಕ ಬಿಜೆಪಿ ಶಾಸಕರೆಂಬ ಹೆಗ್ಗಳಿಕೆಯೂ ಅವರದೇ ಆಗಿತ್ತು. ನಂತರ ಕ್ಷೇತ್ರದಲ್ಲಿ ಬಿಜೆಪಿ ಜಯಗಳಿಸಿಲ್ಲ.

1999-2004ರ ಅವಧಿ ಮುಗಿದ ನಂತರ ನಡೆದ ರಾಜಕೀಯ ಸ್ತಿತ್ಯಂತರಗಳಲ್ಲಿ ಗುರುಸ್ವಾಮಿಯವರು ಬಿಜೆಪಿ ತೊರೆದು ಕಾಂಗ್ರೆಸ್‌ಗೆ ಸೇರ್ಪಡೆಯಾದರು. ಬಳಿಕ ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷರಾಗಿದ್ದರು. ಬಳಿಕ ಕಾಂಗ್ರೆಸ್ ತೊರೆದು ಬಿಜೆಪಿಗೆ ಸೇರ್ಪಡೆಯಾಗಿದ್ದರು. ಜಿಲ್ಲೆಯ ಪ್ರಭಾವಿ ಬಿಜೆಪಿ ಮುಖಂಡರಲ್ಲೊಬ್ಬರಾಗಿ, ಜನಾನುರಾಗಿ ಮುಖಂಡರಾಗಿ ಗುರುತಿಸಿಕೊಂಡಿದ್ದರು.

ಮೃತರ ಅಂತ್ಯಕ್ರಿಯೆ ಅವರ ಸ್ವಗ್ರಾಮ ತಾಲೂಕಿನ ಯಾನಗಹಳ್ಳಿಯ ತೋಟದಲ್ಲಿ ಕೋವಿಡ್ ಶಿಷ್ಟಾಚಾರ ದಂತೆ ನಡೆಯಲಿದೆ ಎಂದು ಕುಟುಂಬದ ಮೂಲಗಳು ತಿಳಿಸಿವೆ.

ಹೆಬ್ಬೆಟ್ಟು ಪತ್ರಕರ್ತರ ಹಾವಳಿಗೆ ಕಡಿವಾಣ ಇಲ್ಲವೇ?

ಸ್ನೇಹಿತರೊಬ್ಬರ ಅಂಕಣ.

೯೪೮೦೦೩೦೯೮೦ ನಾವು ನಕಲಿಸಿ ಹಾಕಿದ್ದೇವೆ.

ಹೆಬ್ಬೆಟ್ಟು ಪತ್ರಕರ್ತರ ಹಾವಳಿಗೆ ಕಡಿವಾಣ ಇಲ್ಲವೇ?

ನಕಲಿ ಪತ್ರಕರ್ತರನ್ನು ಪೋಷಿಸುತ್ತಿರುವ ಪತ್ರಕರ್ತರ ಸಂಘಗಳು, ಭ್ರಷ್ಟ ಅಧಿಕಾರಿಗಳು, ಜನಪ್ರತಿನಿಧಿಗಳು

ಪತ್ರಕರ್ತರು ಎಂದರೆ, ಭ್ರಷ್ಟಾಚಾರವನ್ನು ಎತ್ತಿಹಿಡಿಯುವ ಹೋರಾಟಗಾರರು, ತಪ್ಪಿತಸ್ಥರಿಗೆ ಶಿಕ್ಷೆ ಕೊಡಿಸುವ, ಅನ್ಯಾಯಕ್ಕೆ ಒಳಗಾದವರಿಗೆ ನ್ಯಾಯ ಕೊಡಿಸುವ ಸಮಾಜದ ರಕ್ಷಕರು ಎನ್ನುವುದು ಜನಸಾಮಾನ್ಯರ ತಿಳಿವಳಿಕೆಯಾಗಿತ್ತು. ಆದರೆ, ಪತ್ರಕರ್ತರ ಶ್ರೇಷ್ಠತೆಯನ್ನು ಇನ್ನುಮುಂದೆ ಚಲನಚಿತ್ರಗಳಲ್ಲಿ ಮಾತ್ರ ಕಾಣಲು ಸಾಧ್ಯ. ನಿಜ ಜೀವನದಲ್ಲಿ ಅಸಾಧ್ಯ ಎನ್ನುವ ಸ್ಥಿತಿ ನಿರ್ಮಾಣವಾಗಿದೆ.

ಸಮಾಜದ ಅಂಕುಡೊಂಕುಗಳನ್ನು ತಿದ್ದಿ, ಜನಪರವಾಗಿ ಮತ್ತು ಸಮಾಜದ ಅಭಿವೃದ್ಧಿಗೆ ಇವರು ಕೆಲಸ ಮಾಡುವುದಾದರೆ ಇವರನ್ನು ಸ್ವಾಗತಿಸಬಹುದು. ಆದರೆ, ಬಹುತೇಕ ಪತ್ರಕರ್ತರು ಹೆಬ್ಬೆಟ್ಟು ಪತ್ರಕರ್ತರು, ಮೊಬೈಲ್ ಪತ್ರಕರ್ತರು ಆಗಿದ್ದಾರೆ. ಒಂದು ವಾಸ್ತವ ಸುದ್ದಿಯನ್ನು ತಮ್ಮ ಲೇಖನಿ ಮೂಲಕ ಪತ್ರಿಕೆಗೆ ಬರೆಯಲು ಬರವಣೀಗೆಯೇ ಗೊತ್ತಿಲ್ಲದ ರೋಲ್‌ಕಾಲ್ ಪತ್ರಕರ್ತರ ಹಾವಳಿ ಸಮಾಜದಲ್ಲಿ ದಿನೇ ದಿನೇ ಹೆಚ್ಚಾಗುತ್ತಿದೆ. ಅಲ್ಲದೇ ಮೊಬೈಲ್ ಹಿಡಿದು ದೃಶ್ಯಗಳನ್ನು ಸೆರೆ ಹಿಡಿದು ಅದನ್ನು ಯಥಾವತ್ತಾಗಿ ಯು ಟ್ಯೂಬ್ ಚಾನಲ್‌ಗಳಲ್ಲಿ ಪ್ರಸಾರ ಮಾಡಿ ಅದನ್ನು ಸುದ್ದಿ ಮಾಡಿದ ವ್ಯಕ್ತಿಗಳ ಮೊಬೈಲ್‌ಗಳಿಗೆ ಕಳಿಸಿ ಹಣಕ್ಕೆ ಬೇಡಿಕೆ ಇಡುವವರ ಸಂಖ್ಯೆಯೂ ಕಡಿಮೆ ಏನಲ್ಲ.

ಪತ್ರಿಕೋದ್ಯಮದ ಗಂಧ ಗಾಳಿ, ಸಭ್ಯತೆ, ನೀತಿ, ನಿಯಮ ಯಾವುದೂ ಗೊತ್ತಿಲ್ಲದ ಅಥವಾ ಕನಿಷ್ಠ ವಿದ್ಯಾರ್ಹತೆಯೂ ಇಲ್ಲದ ಕೆಲವು ವ್ಯಕ್ತಿಗಳು, ಯುವಕರು ಸುಲಭವಾಗಿ ಹಣ ಮಾಡಲು, ಅಧಿಕಾರಿಗಳನ್ನು ಬೆದರಿಸಿ ತಮ್ಮ ಕೆಲಸ ಮಾಡಿಸಿಕೊಳ್ಳಲು ರಾಜಕಾರಣಿಗಳ ಬಳಿ ಎಂಜಲು ಕಾಸಿಗೆ ಕಾಯುತ್ತ ಪತ್ರಕರ್ತನ ವೇಷ ಧರಿಸಿರುವುದು ಎಲ್ಲೆಡೆ ಕಂಡುಬರುತ್ತಿದೆ.

ಯಾರು ಇವರನ್ನು ಪೋಷಿಸುತ್ತಿರುವುದು ಎಂಬ ಹುಡುಕಾಟ ನಡೆಸಿದರೆ ನಮಗೆ ಆಶ್ವರ್ಯವೇ ಕಾದಿರುತ್ತದೆ. ಬಹುತೇಕ ಪ್ರಮುಖ ಪತ್ರಿಕೆಗಳಲ್ಲಿ ಕೆಲಸ ಮಾಡುವ ಪತ್ರಕರ್ತರೇ ಇಂತಹ ನಕಲಿ ಪತ್ರಕರ್ತರನ್ನು ಪೋಷಿಸುತ್ತಿದ್ದಾರೆ. ಒಂದು ತಾಲ್ಲೂಕಿನಲ್ಲಿ ಬರವಣಿಗೆ ಗೊತ್ತಿರುವ, ಪತ್ರಿಕೋದ್ಯಮ ಕಲಿತ ವಿದ್ಯಾವಂತರು ಮತ್ತು ಸಮಾಜಮುಖಿಯಾಗಿ ಕೆಲಸ ಮಾಡುವ ಮೂರ್‍ನಾಲ್ಕು ಪತ್ರಕರ್ತರನ್ನು ಮಾತ್ರ ನಾವು ಕಾಣಬಹುದು. ಒಟ್ಟಾರೆ ಒಂದು ತಾಲ್ಲೂಕಿನಲ್ಲಿ ೧೦ ರಿಂದ ೧೫ ಜನ ಪತ್ರಕರ್ತರು ಇದ್ದರೆ, ಪತ್ರಕರ್ತರ ಸಂಘಗಳು ಕನಿಷ್ಠ ೪ ಇರುತ್ತವೆ. 

ಇದಕ್ಕೆ ಪತ್ರಕರ್ತರಲ್ಲಿನ ಬದ್ಧತೆಯ ಕೊರತೆ, ಸ್ವಾರ್ಥ, ದ್ವೇಷ, ಗುಂಪುಗಾರಿಕೆ ಮತ್ತು ರಾಜಕಾರಣಿಗಳ ಸಖ್ಯ ಪ್ರಮುಖ ಕಾರಣ ಎನ್ನಬಹುದು. ಕೆಲವು ವರ್ಷಗಳಿ ಹಿಂದೆ ಇಡೀ ರಾಜ್ಯದಲ್ಲಿ ಪತ್ರಕರ್ತರನ್ನು ಪ್ರತಿನಿಧಿಸುವ ಒಂದು ಸಂಘ ಮಾತ್ರ ಇತ್ತು. ಈ ಸಂಘಕ್ಕೆ ಸೇರಲು ಒಂದಷ್ಟು ನಿಯಮಾವಳಿ ರೂಪಿಸಲಾಗಿತ್ತು. ಆದರೆ, ಇಂತಹ ಸಂಘದಲ್ಲಿ ಅರ್ಹತೆ ಇರುವ ಪತ್ರಕರ್ತರಿಗೆ ಸದಸ್ಯತ್ವ ಕೊಡಲು ನಿರಾಕರಣೆ ಮಾಡಿದ ಕಾರಣ ಮತ್ತೊಂದು ಸಂಘ, ಮಗದೊಂದು ಸಂಘಗಳ ಹುಟ್ಟಿಗೆ ಕಾರಣವಾಯಿತು. ಇಂತಹ ಎಮರ್ಜೆನ್ಸಿ ಸಂಘಗಳಲ್ಲಿ ಸದಸ್ಯತ್ವ ಪಡೆಯಲು ಸದಸ್ಯರ ಸಂಖ್ಯೆ ಹೆಚ್ಚಿಸುವ ಕಾರಣದಿಂದ ಸದಸ್ಯತ್ವ ಪಡೆಯಲು ಬೇಕಿದ್ದ ಕಠಿಣ ನಿಯಮಗಳನ್ನು ಸಡಿಲಗೊಳಿಸಲಾಯಿತು.

ನಂತರ ಇಂತಹ ಸಂಘಗಳಲ್ಲೂ ಒಡಕು ಮೂಡಿದ ಕಾರಣ ಪತ್ರಕರ್ತರ ಸಂಘಗಳು ನಾಯಿ ಕೊಡೆಗಳಂತೆ ಹೆಚ್ಚಿ ಹಾದಿ ಬೀದಿಯಲ್ಲಿ ತಿರುಗಾಡುವ ಪುಂಡರು, ಪೋಕರಿಗಳು ಪತ್ರಕರ್ತರ ವೇಷ ಧರಿಸಲು ಸ್ವಾರ್ಥ ಪತ್ರಕರ್ತರೇ ಕಾರಣ ಎನ್ನುವುದು ಕಹಿ ಸತ್ಯ.

ನೂರಾರು ಯು ಟ್ಯೂಬ್ ಚಾನಲ್‌ಗಳು, ಕೇವಲ ಎರಡು ಪುಟದ ೩೦ ಪತ್ರಿಕೆಗಳನ್ನು ಪ್ರಿಂಟ್ ಮಾಡಿ ಸರ್ಕಾರಿ ಕಚೇರಿಗಳಿಗೆ ತಲುಪಿಸುವ ಹತ್ತಾರು ಹೆಬ್ಬೆಟ್ ಸಂಪಾದಕರು, ಇಂತಹ ಲೋಕಲ್ ಪತ್ರಿಕೆಯ ಲೋಕಲ್ ವರದಿಗಾರರು. ಹೀಗೆ ಒಂದು ಜಿಲ್ಲಾ ಕೇಂದ್ರದಲ್ಲಿ ೩೦ ಲೋಕಲ್ ಪತ್ರಿಕೆಗಳು ಪ್ರಿಂಟ್ ಆದರೆ, ಒಂದು ತಾಲ್ಲೂಕಿನಲ್ಲಿ ೩೦ ಲೋಕಲ್ ವರದಿಗಾರರು ಮತ್ತು ರಾಜ್ಯಮಟ್ಟದ ಪತ್ರಿಕೆಗಳ ಹತ್ತು ಹದಿನೈದು ವರದಿಗಾರರು, ಯುಟ್ಯೂಬ್ ಚಾನಲ್‌ಗಳ ಕ್ಯೂಟ್ ವರದಿಗಾರ ಹಿಂಡೇ ಇರುತ್ತದೆ. ಇದು ಖಂಡಿತಾ ತಪ್ಪಲ್ಲ. ಆದರೆ, ಒಂದು ಸುದ್ದಿ ಮಾಡಲು ಇಂತಿಷ್ಠು ಹಣ ನೀಡಬೇಕು ಎನ್ನುವ ಅಲಿಖಿತ ನಿಯಮ ರಾಜಕಾರಣಿಗಳು, ಜನಪ್ರತಿನಿಧಿಗಳು, ಸಂಘ ಸಂಸ್ಥೆಗಳ ಪದಾಧಿಕಾರಿಗಳಿಗೆ ನುಂಗಲಾರದ ತುತ್ತಾಗಿದೆ.

ಕಂಡು ಕೇಳರಿಯದ ಪತ್ರಿಕೆಗಳ ಐಡಿ ಕಾರ್ಡ್, ವಿಸಿಟಿಂಗ್ ಕಾರ್ಡ್‌ಗಳನ್ನು ಇಟ್ಟುಕೊಂಡು, ದಪ್ಪ ದಪ್ಪ ಅಕ್ಷರಗಳಲ್ಲಿ ತಮ್ಮ ಕಾರು, ಬೈಕ್‌ಗಳ ಮುಂಭಾಗ ಪ್ರೆಸ್ ಎಂದು ಬರೆಸಿಕೊಂಡು ಸರ್ಕಾರಿ ಕಚೇರಿಗಳಲ್ಲಿ ದಾಳಿ ಇಡುವುದು, ಅಧಿಕಾರಿಗಳನ್ನು ಬೆದರಿಸಿ ಹಣ ಪೀಕುವುದು ಸರ್ವೆ ಸಾಮಾನ್ಯವಾಗಿದೆ. ಕೆಲವು ಉತ್ತಮ, ಪ್ರಾಮಾಣಿಕ ಅಧಿಕಾರಿಗಳಿಗೆ ಸ್ಥಳೀಯ ಪತ್ರಕರ್ತರು ನುಂಗಲಾರದ ತುತ್ತಾದರೆ, ಭ್ರಷ್ಟ ಅಧಿಕಾರಿಗಳಿಗೆ ಇಂತಹ ನಕಲಿ ಪತ್ರಕರ್ತರು ರಕ್ಷಕರಾಗಿದ್ದಾರೆ. 

ಯಾವುದೇ ಸಂಘ ಸಂಸ್ಥೆಯವರು, ಸಣ್ಣಪುಟ್ಟ ಒಂದು ಕಾರ್ಯಕ್ರಮಕ್ಕೆ ೧೦ ಸಾವಿರ ರೂ. ಖರ್ಚು ಮಾಡಿದರೆ, ಈ ಕಾರ್ಯಕ್ರಮಕ್ಕೆ ಅಹ್ವಾನವಿಲ್ಲದೆ ಬರುವ ಪತ್ರಕರ್ತರಿಗೆ ೨೦ ಸಾವಿರ ರೂ. ಎತ್ತಿಡಬೇಕು. ಕಾರ್ಯಕ್ರಮದ ಆಯೋಜಕರು ಬೇಕಂತಲೇ ಇಂತಹವರಿಗೆ ಆಹ್ವಾನ ನೀಡುವುದಿಲ್ಲ. ಆದರೆ, ಕಳ್ಳ ಬೆಕ್ಕು ಎಲ್ಲಿ ಹಾಲಿದೆ ಎನ್ನುವುದು ಪತ್ತೆ ಮಾಡುವ ಹಾಗೆ ನಕಲಿ ಪತ್ರಕರ್ತರು ಯಾವ ಕಡೆ ಕಾರ್ಯಕ್ರಮ ನಡೆಯುತ್ತಿದೆ ಎನ್ನುವುದನ್ನು ಕ್ಷಣ ಮಾತ್ರದಲ್ಲಿ ಪತ್ತೆ ಮಾಡುತ್ತಾರೆ. ತಮಗೆ ಆಹ್ವಾನವಿಲ್ಲದಿದ್ದರೂ ಕಾರ್ಯಕ್ರಮದ ಆಯೋಜಕರು ಕಂಡರೆ ಮುಗುಳ್ನಕ್ಕು ಕೂರುತ್ತಾರೆ. ಕಾರ್ಯಕ್ರಮ ಮುಗಿದ ಬಳಿಕ ಎಲ್ಲರೂ ಎದ್ದು ಹೋದರೂ ಈ ನಕಲಿ ಪತ್ರಕರ್ತರು ಮಾತ್ರ ಜಗ್ಗುವುದಿಲ್ಲ. ಏನಾದರೂ ವಸೂಲಿ ಮಾಡಿಕೊಂಡೇ ಹೋಗುತ್ತಾರೆ. ಈ ವೇಳೆ ಆಯೋಜಕರು ಏನೋ ಪಾಪ ಬಂದಿದ್ದಾರೆ ಎಂದು ಒಂದಿಬ್ಬರಿಗೆ ಹಣ ಕೊಡಲು ಮುಂದಾದರೂ ನಕಲಿ ಪತ್ರಕರ್ತರು ಕಾಗೆಗಳ ಹಾಗೆ ಮುತ್ತಿಕೊಂಡು ತಮಗೂ ಕೊಡಿ ಎಂದು ಬಾಯಿ ಬಿಟ್ಟೆ ಕೇಳುವುದು ನಡೆಯುತ್ತದೆ. ಒಬ್ಬನಿಗೆ ಕೊಟ್ಟು ಮತ್ತೊಬ್ಬರಿಗೆ ಕೊಡಲಿಲ್ಲ ಎಂದರೆ ಮುನಿಸು, ನೋಡಿ ಏನ್ಮಾಡ್ತೀವಿ ಎನ್ನುವ ಧಮಕಿ, ಕಾರ್ಯಕ್ರಮದ ವಿರುದ್ಧ ಸುದ್ದಿ ಮಾಡುವುದು, ತೆಗಳುವುದು, ನಡೆಯುತ್ತಿದೆ. ಇದು ಪತ್ರಕರ್ತರಿಗೆ ಶೋಭೆ ತರುವುದಿಲ್ಲ ಎನ್ನುವುದು ಗೊತ್ತಿದ್ದರೂ ಸಹ ಸುಖಾ ಸುಮ್ಮನೆ ಒಂದು ಕಾರ್ಯಕ್ರಮಕ್ಕೆ ಹೋಗಿ ಪೆನ್ನು ಹಿಡಿದು ಹಾಳೆಯ ಮೇಲೆ ಗೀಜುವ ನಾಟಕವಾಡಿದರೆ, ಅಥವಾ ಮೊಬೈಲ್ ಹಿಡಿದು ಕಾರ್ಯಕ್ರಮವನ್ನು ಚಿತ್ರೀಕರಿಸುಂತೆ ತೋರ್ಪಡಿಸಿದರೆ ಸಾಕು. ಐನೂರು ಗ್ಯಾರಂಟಿ ಇರುವಾಗ ಯಾವುದೇ ಮಾತು ಮಾರ್ಗಕ್ಕೆ ಜಗ್ಗದ ಭಂಡ ಪತ್ರಕರ್ತರ ಪಡೆಯೇ ಹಣ ಮಾಡುವ ಅಕ್ರಮ ದಂಧೆಗೆ ನಿಂತಿದೆ. 

ಇಂತಹ ಪತ್ರಕರ್ತನ ಸೋಗಿನಲ್ಲಿರುವ ಹಲವಾರು ವಿಷಜಂತುಗಳು ಸಮಾಜದ ಅಭಿವೃದ್ಧಿಗೆ ಮಾರಕವಾಗಿದ್ದಾರೆ. ಯವುದೇ ಕಾಮಗಾರಿಯ ಗುದ್ದಲಿ ಪೂಜೆ ಅಥವಾ ಉದ್ಘಾಟನೆಯಾಗಲಿ ಅದರ ಕಾರ್ಯಕ್ಷಮತೆ, ಗುಣಮಟ್ಟ ಪರೀಕ್ಷಿಸಲು ಯಾವುದೇ ಪತ್ರಕರ್ತರು ಮುಂದಾಗುವುದಿಲ್ಲ. ಅಥವಾ ತನಿಖಾ ವರದಿ ಮಾಡುವುದಿಲ್ಲ. ಸ್ಥಳೀಯ ಜನಪ್ರತಿನಿಧಿಗಳು ಅಥವಾ ಗುತ್ತಿಗೆದಾರರು ಕೊಡುವ ಭಕ್ಷೀಸಿಗೆ ಕೈ ಒಡ್ಡಿ ಅಕ್ರಮ ಅಥವಾ ಕಳಪೆ ಕಾಮಗಾರಿಗಳನ್ನು ಕಂಡೂ ಕಾಣದಂತೆ ಹೊರಟುಹೋಗುತ್ತಾರೆ.

ಕೆಲವು ರಾಜಕಾರಣಿಗಳು ತಮ್ಮ ರಕ್ಷಣೆಗೆ ಪತ್ರಕರ್ತರನ್ನು ಸಾಕುತ್ತಿದ್ದಾರೆ. ಯಾರಾದರು ಇವರ ವಿರುದ್ಧ ದನಿ ಎತ್ತಿದರೆ ಅಂತಹವರ ದನಿಯನ್ನು ಬೇರೆ ರೀತಿಯಲ್ಲಿ ಅಡಗಿಸಲಾಗುತ್ತದೆ.

ಜತೆಗೆ ಕೆಲವು ಭ್ರಷ್ಟ ರಾಜಕಾರಣಿಗಳು ಮತ್ತು ಭ್ರಷ್ಟ ಅಧಿಕಾರಿಗಳ ಕೃಪಾಪೋಷಣೆಯಲ್ಲಿ ನಡೆಯುವ ಇಂತಹ ಯು ಟ್ಯೂಬ್ ಚಾನಲ್‌ಗಳು, ಓನ್ಲಿ ಥರ್ಟಿ ಪ್ರಿಂಟ್ ಆಗುವ ಡರ್ಟಿ ಪೇಪರ್‌ಗಳಿಗೆ ಕಡಿವಾಣ ಹಾಕುವುದು ಹೇಗೆ ಎನ್ನುವುದನ್ನು ವಿಚಾರ ಮಾಡಬೇಕಿದೆ.

ಸಂಬಂಧಪಟ್ಟ ಜಿಲ್ಲೆಗಳ ಜಿಲ್ಲಾಧಿಕಾರಿಗಳು, ಪೋಲಿಸ್ ವರಿಷ್ಟಾಧಿಕಾರಿಗಳು ಇಂತಹ ನಕಲಿ ಪತ್ರಕರ್ತರ ವಿರುದ್ದ ಸೂಕ್ತ ಕ್ರಮ ಕೈಗೊಳ್ಳುವ ಮೂಲಕ ವೃತ್ತಿನಿರತ ಪತ್ರಕರ್ತರ ಆತ್ಮಗೌರವವನ್ನು ಹೆಚ್ಚಿಸಬೇಕಿದೆ. 

ಬರಹ:

ದಾವಲಸಾಬ ತಾಳಿಕೋಟಿ

ಪತ್ರಕರ್ತರು 

ಗಜೇಂದ್ರಗಡ ಜಿಲ್ಲಾ ಗದಗ

ಕೊವೆಡ್ ನಿಂದ ಮೃತಪಟ್ಟವರನ್ನ ಚಾಮರಾಜನಗರದಲ್ಲಿ ಸಕಲ ಗೌರವ ಮಾನವಿಯತೆಯಿಂದ ಮಣ್ಣು ಮಾಡುತ್ತಿರುವ ಮುಸಲ್ಮಾಸ ಸಮುದಾಯದ ಸೋದರರು. ಮಾಹಿತಿಗಾಗಿ.. ರಾಮಸಮುದ್ರ ಎಸ್.ವಿರಭದ್ರಸ್ವಾಮಿ

ನಿಮ್ಮ ಕಾರ್ಯಕ್ಕೆ ಚಾಮರಾಜನಗರ ಜಿಲ್ಲೆಯ ಜನರ ಪರವಾಗಿ ಅಬಿನಂದನೆ.

ಐಜಿಪಿ, ಅವರೆ,ನಿಮಗೊಂದು ಪ್ರಶ್ನೆ? ಅಂತಿಮ ಸಾಲಿನಲ್ಲಿದೆ. ಚೆಕ್ ಪೋಸ್ಟ್ ನಲ್ಲಿ ಕರ್ತವ್ಯ ಲೋಪ.. ೭ ಮಂದಿ ಪೊಲೀಸರ ಅಮಾನತು. 29-03-2020

ಚೆಕ್ ಪೋಸ್ಟ್ ನಲ್ಲಿ ಕರ್ತವ್ಯ ಲೋಪ.. ೭ ಮಂದಿ ಪೊಲೀಸರ ಅಮಾನತು. 

 *ವರದಿ: ರಾಮಸಮುದ್ರ ಎಸ್. ವೀರಭದ್ರಸ್ವಾಮಿ*

ಚಾಮರಾಜನಗರ: ಚೆಕ್ ಪೋಸ್ಟ್ ಗಳಲ್ಲಿ ಕರ್ತವ್ಯ ಲೋಪ ಎಸಗಿದ ಆರೋಪದ ಮೇಲೆ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳು 7 ಮಂದಿ ಪೊಲೀಸರನ್ನು ಅಮಾನತುಗೊಳಿಸಿ ಆದೇಶಿಸಿದ್ದಾರೆ.

ಚಾಮರಾಜನಗರ ಗ್ರಾಮಾಂತರ ಠಾಣೆಯ ಎಎಸ್ಐ ಕೂಸಪ್ಪ, ಸೈಯದ್ ರಫಿ, ಪ್ರಸಾದ್, ಅಬ್ದುಲ್ ಖಾದರ್ ಹಾಗೂ ಚಾಮರಾಜನಗರ ಪೂರ್ವ ಠಾಣೆಯ ಮಹಾದೇವಸ್ವಾಮಿ, ಮಹೇಶ್ ಡಿವೈಎಸ್ಪಿ ಕಚೇರಿಯ ರೇವಣ್ಣಸ್ವಾಮಿ ಅಮಾನತುಗೊಂಡ ನೌಕರರಾಗಿದ್ದಾರೆ.

ಹೆಗ್ಗವಾಡಿ ಕ್ರಾಸ್ ಚೆಕ್ ಪೊಸ್ಟ್ ಅಲ್ಲಿ ಕರ್ತವ್ಯ ಲೋಪ ಎಸಗಿ, ಪೂರ್ವಾನುಮತಿ ಇಲ್ಲದೇ ಹೆಚ್ಚು ವಾಹನಗಳನ್ನು ಬಿಟ್ಟಿದ್ದಾರೆಂದು ಆರೋಪಿಸಿ ಜಿಲ್ಲಾದಿಕಾರಿಗಳು  ಕಂದಾಯ ವಿಭಾಗದ ೬ ನೌಕರರನ್ನು ಶನಿವಾರ ಡಿಸಿ ಅಮಾನತುಗೊಳಿಸಿದ್ದರು. ಅದರ ಬೆನ್ನ ಹಿಂದೆಯೆ ಈಗ ಜಿಲ್ಲಾ ಪೊಲೀಸ್ ಇಲಾಖೆಯಲ್ಲೂ ಅಮಾನತ್ತು ಆಗಿದೆ.                                      .             
 ಪುಣಜನೂರು ಚೆಕ್ ಪೊಸ್ಟ್ ನಲ್ಲೂ ಅದೇ ವಾಹನಗಳು ಸಾಗಿದೆ. ಅಲ್ಲು ಕರ್ತವ್ಯಲೋಪವಾಗಿದ್ದು ಅಂದೆ ಇಲಾಖಾ ಸಿಬ್ಬಂದಿಗಳನ್ನ ಅಮಾನತು ಮಾಡಬೇಕಿತ್ತು ಆದರೆ ಇಂದು ತಡರಾತ್ರಿ ಅಮಾನತ್ತಿನ ಆದೇಶ ಹೊರಡಿಸಿದ್ದಾರೆಂದು ತಿಳಿದುಬಂದಿದೆ.  ಮಾಹಿತಿ ಲಬ್ಯವಾದ ಪ್ರಕಾರ ಮೀನು ಹೊತ್ತ ಸಾಗಿದ್ದ ಏಳೆಂಟು ವಾಹನಗಳು ಪುಣಜನೂರು ಸಾಗಿ ತಮಿಳುನಾಡಿಗೆ ನುಗ್ಗುತ್ತಿದ್ದಂತೆ ತಮಿಳುನಾಡಿನ ಪೊಲೀಸರು ತಡೆದು ಕರ್ನಾಟಕ ಭಾಗಕ್ಕೆ ಕಳುಹಿಸಿ ಸಿಎಸ್ ಅವರಿಗೆ ವರದಿ ನೀಡಿದ್ದರು ಎಂದು ತಿಳಿದುಬಂದಿದೆ.  ಇದೆಲ್ಲ ಆದ ಮೇಲೆ ವಿಚಾರಣೆ ನಡೆಸಿದ ಚಾಮರಾಜನಗರ ಎಸ್ಪಿ ಅವರು ಅಮಾನತ್ತಿನ ಆದೇಶ ಹೊರಡಿಸಿದ್ದಾರೆ. 
 ಹೆಗ್ಗವಾಡಿ ಚೆಕ್ ಪೊಸ್ಟ್ ಗ್ರಾಮಾಂತರ ವ್ಯಾಪ್ತಿಗೂ, ಪುಣಜನೂರು ಪೂರ್ವ ಗ್ರಾಮಾಂತರ ಠಾಣಾ ವ್ಯಾಪ್ತಿಗೂ ಬರುತ್ತದೆ. ಇಲ್ಲಿನ ೬ ಸಿಬ್ಬಂದಿಗಳ ಜೊತೆ ಡಿವೈಸ್ಪಿ ಕಚೇರಿಯಲ್ಲಿನ ಸಿಬ್ಬಂದಿ ರೇವಣ್ಣಸ್ವಾಮಿ ಹೋಗಿದ್ದೇಕೆ ಎಂಬ ಪ್ರಶ್ನೆ ಉದ್ಭವಿಸುತ್ತಿದೆ.  .           .---------------------------------

ಐಜಿ ವಿಪುಲ್ ಕುಮಾರ್ ಅವರಿಗೊಂದು ಪ್ರಶ್ನೆ....? 
ಪುಣಜನೂರು ಚೆಕ್ ಪೊಸ್ಟ್ ಗೆ ಪೂರ್ವ ಗ್ರಾಮಾಂತರ ಠಾಣಾ ಸಿಬ್ಬಂದಿಗಳು ತಪಾಸಣೆಗೆ ನಿಯೋಜನೆಯಾಗುವುದು ಸಾಮಾನ್ಯ ಆದರೆ ಕಳೆದೆರಡು ವರ್ಷಗಳಿಂದ SDPO ಕಚೇರಿಯಿಂದ ನಿಯೋಜನೆ ಮಾಡುವ ಪ್ರಕ್ರಿಯೆ ನಡೆದಿದೆ.‌ಇದು ನ್ಯಾಯ ಸಮ್ಮತವೇ ಎಂಬುದು ನೋಡಿಮ ಕಾರಣ ಅದರ ಹಿಂದೆ ಈ ವ್ಯವಸ್ಥೆ ಇಲ್ಲಿ ಇರಲಿಲ್ಲ ಎಂಬುದು ನಿಮ್ಮ ಇಲಾಖೆಯವರಿಗೆ ಗೊತ್ತಿರುವ ವಿಚಾರವೆ ಸರಿ. ? ಒಂದು ಉತ್ತಮ ಉದಾಹರಣೆ ಎಂದರೆ ಕಳೆದ ಎರಡು ತಿಂಗಳ ಹಿಂದೆ ಹೆಸರಲ್ಲಿ ವಿಜಯ್ ಕುಮಾರ್ ಎಂಬ ಹೆಸರಿದೆ ಆದರೆ  ಅಲ್ಲಿಗೆ ಹೋಗದೇ  ನಿಯೋಜನೆಯಾಗದಿದ್ದರೂ ವಿಜಯ್ ಕುಮಾರ್ ಅವರ ಹೆಸರಿನಲ್ಲಿ ಮಹದೇವಸ್ವಾಮಿ ಎಂಬ ಡಿವೈಸ್ಪಿ ಕಚೇರಿ ಸಿಬ್ಬಂದಿ ಕಾರ್ಯ ನಿರ್ವಹಿಸಿದ್ದಾರೆ ಇದೀಗ ೨೧ ರಿಂದ ೨೮ ರ ಮಾರ್ಚ್ ವರೆಗೂ  ರೇವಣ್ಣಸ್ವಾಮಿ ಅವರು ಅದಿಕೃತವಾಗಿ ಕೆಲಸ ಮಾಡುತ್ತಿರುವುದು ದಾಖಲೆ ಇದೆ ಇದು ಎಷ್ಟು ಸರಿ? ಇವರ ನಿಯೋಜನೆ ಮಾಡಲು ಜಿಲ್ಲಾ ಪೊಲೀಸ್ ವರೀಷ್ಟಾದಿಕಾರಿಗಳ ಅದಿಕೃತ ಆದೇಶ ಇದಿಯೇ ಎಂಬುದನ್ನ ಪರಿಶೀಲಿಸಿದರೆ ಮತ್ತೊಂದು ಸತ್ಯ ಹೊರಬಂದರೂ ಬರಬಹುದು. ದಯಮಾಡಿ ಪರಿಶೀಲನೆ ಮಾಡಿ  ಮತ್ತಷ್ಟು ಕ್ರಮ ಜರುಗಿಸಬೇಕಾಗಿದೆ.

ಚಾಮರಾಜನಗರ ಜಿಲ್ಲೆಯಲ್ಲಿ ಯಾವುದೆ ಕೊರೊನೊ ಪ್ರಕರಣ ಇಲ್ಲ : ಜಿಲ್ಲಾದಿಕಾರಿ ರವಿ 20-03-2020

 ಚಾಮರಾಜನಗರ ಜಿಲ್ಲೆಯಲ್ಲಿ ಯಾವುದೆ ಕೊರೊನೊ ಪ್ರಕರಣ ಇಲ್ಲ : ಜಿಲ್ಲಾದಿಕಾರಿ ರವಿ

------------------

ಮೂವರ ಪರೀಕ್ಷಾ ವರದಿ ನೆಗೆಟಿವ್  

ಚಾಮರಾಜನಗರ, ಮಾರ್ಚ್. 20 - ಜಿಲ್ಲೆಯಲ್ಲಿ ವಿದೇಶದಿಂದ ಆಗಮಿಸಿದವರ ಪೈಕಿ ಮೂವರು ವ್ಯಕ್ತಿಗಳ ಗಂಟಲು ದ್ರವ ಹಾಗೂ ರಕ್ತದ ಮಾದರಿಯನ್ನು ಪರೀಕ್ಷೆಗಾಗಿ ಕಳುಹಿಸಿದ್ದು, ಈ ಸಂಬಂಧ ಪ್ರಾವಿಷನಲ್ ವರದಿ ಬಂದಿದ್ದು, ಮೂವರ ಪರೀಕ್ಷಾ ವರದಿಯಲ್ಲೂ ನೆಗೆಟಿವ್ ಬಂದಿದೆ. ಯಾವುದೇ ಸೋಂಕು ಕಂಡುಬಂದಿಲ್ಲ ಎಂದು ವರದಿ ತಿಳಿಸಿದೆ ಎಂದು ಜಿಲ್ಲಾಧಿಕಾರಿ ಡಾ. ಎಂ.ಆರ್. ರವಿ ಅವರು ತಿಳಿಸಿದ್ದಾರೆ.

ನಗರದ ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣದಲ್ಲಿಂದು ನಡೆದ ಪತ್ರಿಕಾ ಗೋಷ್ಠಿಯಲ್ಲಿ ಈ ವಿಷಯವನ್ನು ಜಿಲ್ಲಾಧಿಕಾರಿಗಳು ತಿಳಿಸಿದ್ದಾರೆ.

ಜಿಲ್ಲೆಗೆ ವಿದೇಶದಿಂದ ಆಗಮಿಸಿದವರ ಪೈಕಿ ತಪಾಸಣೆ ನಡೆಸಿ ಮೂವರು ವ್ಯಕ್ತಿಗಳ ಗಂಟಲು ದ್ರವ ಹಾಗೂ ರಕ್ತದ ಮಾದರಿಯನ್ನು ಮೈಸೂರಿನ ಮೆಡಿಕಲ್ ಕಾಲೇಜು ಮತ್ತು ಸಂಶೋಧನಾ ಕೇಂದ್ರಕ್ಕೆ ಪರೀಕ್ಷೆಗಾಗಿ ಕಳುಹಿಸಲಾಗಿತ್ತು. ವರದಿಯು ಬಂದಿದ್ದು, ನೆಗೆಟಿವ್ ಆಗಿದೆ. ಆದರೂ ಸಹ ಈ ಮೂವರನ್ನು ಆಸ್ಪತ್ರೆಯಲ್ಲಿಯೇ ಇರಿಸಿ ಅವರ ಆರೋಗ್ಯದ ಮೇಲೆ ನಿಗಾವಣೆ ಮುಂದುವರೆಸಲಾಗಿದೆ. ಇಂದೂ ಸಹ ವಿದೇಶದಿಂದ 10 ಜನರು ಬಂದಿದ್ದಾರೆ. ಎಲ್ಲರೂ ಆರೋಗ್ಯವಾಗಿದ್ದಾರೆ. ಈ ಎಲ್ಲರನ್ನು ಮನೆಯಲ್ಲಿಯೇ ಪ್ರತ್ಯೇಕಿಸಿ ನಿಗಾ ವಹಿಸಲಾಗುತ್ತಿದೆ ಎಂದು ಜಿಲ್ಲಾಧಿಕಾರಿಯವರು ತಿಳಿಸಿದ್ದಾರೆ.

ಒಟ್ಟಾರೆ ಇದುವರೆಗೆ 33 ಮಂದಿ ವಿದೇಶದಿಂದ ಬಂದವರಾಗಿದ್ದಾರೆ. 26 ಮಂದಿಯನ್ನು ಮನೆಯಲ್ಲಿಯೇ ಪ್ರತ್ಯೇಕಿಸಿ ಅವರ ಆರೋಗ್ಯದ ಮೇಲೆ ನಿಗಾ ವಹಿಸಲಾಗಿದೆ. ನಾಲ್ವರು 14 ದಿನಗಳ ಹೋಮ್ ಕ್ವಾರೆಂಟೈನ್ ಅವಧಿಯನ್ನು ಪೂರ್ಣಗೊಳಿಸಿದ್ದಾರೆ ಎಂದು ಜಿಲ್ಲಾಧಿಕಾರಿ ಡಾ. ಎಂ.ಆರ್. ರವಿ ಅವರು ತಿಳಿಸಿದ್ದಾರೆ.

*ಮುಂದಿನ ಆದೇಶ ತನಕ ಅಂತರರಾಜ್ಯ ಬಸ್ ಸಂಚಾರ ಸ್ಥಗಿತ, ಗುಂಡ್ಲುಪೇಟೆ, ತೆರಕಣಾಂಬಿ ಸಂತೆ ರದ್ದು, ದಾ.ದತ್ತಿ ದೇವಾಲಯಗಳಿಗೆ ಭಕ್ತರ ಪ್ರವೇಶ ನಿಷೇದ,ಸಂಬಂದಿಸಿ ಆದೇಶ ಪತ್ರಗಳು ಇಲ್ಲಿದೆ

ಶಿಕ್ಷಣ ಸಚಿವರಿಗೊಂದು ಪತ್ರ..ಮುಚ್ಚಲ್ಪಡುವ ಶಾಲೆಗೆ ಕಾಯಕಲ್ಪ ನೀಡಿ... ರಾಮಸಮುದ್ರ ಎಸ್.ವೀರಭದ್ರಸ್ವಾಮಿ

ಶಿಕ್ಷಣ ಸಚಿವರಾದ ತಾವು ಈ ಶಾಲೆಯ ಚಿತ್ರ ಬಹುಶಃ  ತಾವು ನೋಡಿರಬಹುದೇನೋ ಎಂದು ಹೇಳುತ್ತಿರುವೆ. ಕಳೆದ ವಾರದ ಹಿಂದಷ್ಟೆ ಪ್ರತಿಭಾ ಕಾರಂಜಿ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದೀರಿ..
ಸುತ್ತ ಪೆಂಡಾಲ್ ಕವಿದುಕೊಂಡು ಈ ಕಟ್ಟಡ ತಮ್ಮನ್ನ ಮರೆ ಮಾಚಿಕೊಂಡಿತ್ತು ಹಾಗಿಯೇ ಗಂಬೀರ ವಿಚಾರ ಈ ಶಾಲೆ ಮುಚ್ಚುವ ಹಂತವನ್ನೂ ಕೂಡ ಕಂಡಿಕೊಂಡಿದೆ.
ಚಾಮರಾಜನಗರ ಪಟ್ಟಣದಿಂದ ಕೇವಲ ೩ ಕಿ.ಮಿ ಅಂತರದಲ್ಲಿರುವ ರಾಮಸಮುದ್ರ ಸಮೀಪ ಕ್ರಿಸ್ತರಾಜ ಬಾಲರಪಟ್ಟಣ ಶಾಲೆ ಎಂದರೆ ಸಾಕು ಹತ್ತಳ್ಳಿಗೆ ಯಜಮಾನ ಹೇಗೋ ಸುಮಾರು ಗ್ರಾಮದ ಜನರಿಗೆ ಶಿಕ್ಷಣ ನೀಡಿದ ಜ್ಞಾನ ಮಂದಿರ. ಇದು ಖಾಸಗೀ ಶಾಲೆಯಾದರೂ ಸರ್ಕಾರದ ಅನುದಾನಕ್ಕೋಳಪಟ್ಟ ಕನ್ನಡ ಮಾದ್ಯಮ ಶಾಲೆಯಾಗಿದೆ.

ಮೊದಲ ಹಂತದಲ್ಲಿ ಈಗ ಒಂದರಿಂದ ಐದನೇ ತರಗತಿಗಳು ಮುಚ್ಚಿ ಹೋಗಿದೆ.ಮುಚ್ಚಲು ಆದೇಶ ಯಾರು ಕೊಟ್ಟರೆಂಬ ಅನುಮಾನ ಈಗಲೂ ಕಾಡುತ್ತಿದೆ. ಉಳಿದಂತೆ ೬, ೭ ತರಗತಿಗಳು ಬಹುಶಃ ೬೨ ವಿದ್ಯಾರ್ಥಿಗಳು ವ್ಯಾಸಂಗ ಮಾಡುತ್ತಿದ್ದು ಓರ್ವ ಶಿಕ್ಷಕರಷ್ಟೆ ಅನುದಾನಿತ ಶಿಕ್ಷಕರಾಗಿ ಕೆಲಸ ಮಾಡುತ್ತಿದ್ದಾರೆ ಎಂಬ ಮಾಹಿತಿ ದೊರೆತಿದೆ. ಉಳಿದಂತೆ ಆಡಳಿತ ವರ್ಗ ಇಬ್ಬರ ಶಿಕ್ಷಕರನ್ನ  ಅತಿಥಿ ಶಿಕ್ಷಕರಾಗಿ ಮಾಡಿಕೊಂಡೊ ಏನೊ ಶಿಕ್ಷಣ ಬಂಡಿ ನಡೆಸಿ ಈಗ ಅದನ್ನು ನಿಲ್ಲಿಸಲು ಸಂಚು ನಡೆಸುತ್ತದೆ.
ದಯಮಾಡಿ ಹೆಚ್ಚಿನ ಪೀಠಿಕೆ ಹಾಕದೇ ತಮ್ಮಲ್ಲಿ ವಿನಂತಿಸಿಕೊಳ್ಳುವುದೇನೆಂದರೆ....
ಈಗ ಪ್ರವೇಶವನ್ನೆ ನಿಲ್ಲಿಸಿ ಹಂತ ಹಂತವಾಗಿ ಮುಚ್ಚುತ್ತಿರುವ ಈ ಶಾಲೆಗೆ ಕಟ್ಟು ನಿಟ್ಟಾಗಿ ಪ್ರವೇಶ ಮಾಡಿಕೊಂಡು ಶಾಲೆ ನಡೆಸುವಂತೆ ಡಿಡಿಪಿಐ & ಬಿಇಓ ಗಳಿಗೆ ಸೂಚನೆ ನೀಡಿ ಜ್ಞಾನ ಮಂದಿರ ಬೆಳಗಲು ಕಾರಣರಾಗಬೇಕೆಂದು ಕೋರುತ್ತೇವೆ.
----------
ಕೆಲವು ವ್ಯಾಕರಣ ಪದಗಳು ಲೋಪವಾಗಿದ್ದರೆ ವಿಷಾದವಿರಲಿ.. ಮೊಬೈಲ್ ಅಲ್ಲಿ ಟೈಪ್ ಮಾಡುತ್ತಿದ್ದು ಸಾದ್ಯತೆ ಇರುತ್ತದೆ. ಆದರೂ ಎಚ್ಚರ ವಹಿಸಿ ಬರೆಯುತ್ತಿರುವೆ..ತಪ್ಪಿದ್ದರೆ ಕ್ಷಮೆಯಿರಲಿ.

ಇಂತಿ....ರಾಮಸಮುದ್ರ ಎಸ್.ವೀರಭದ್ರಸ್ವಾಮಿ.
                        ಹಳೆಯ ವಿದ್ಯಾರ್ಥಿ.
                                 9480030980

----------

ಸಾರ್ವಜನಿಕರಿಗೊಂದು ಮಾತು.....ನೀವು ಓದಿದ ಶಾಲೆ ನಿಮಗೆ ಬೇಡವಾದೀತೆ..ನಿಮ್ಮ ಮಕ್ಕಳಿಗೆ ಕನ್ನಡ ಮಾದ್ಯಮ ಬೇಡವೆಂದದ್ದರಿಂದೇನೋ ಈ ಸ್ಥಿತಿಗತಿ...ಶಿಕ್ಷಕರಾಗಿದ್ದೀರಾ, ವೈದ್ಯರಾಗಿದ್ದೀರಾ,ಇಂಜಿನಿಯರ್ ಆಗಿದ್ದೀರಾ,ಹೋರಾಟಗಾರರಾಗಿದ್ದೀರಾ.ಪತ್ರಕರ್ತರಾಗಿದ್ದೀರಾ.ಚಲನ ಚಿತ್ರ ನಟರಾಗಿದ್ದೀರಾ, ಕೃಷಿಕರಾಗಿದ್ದೀರಾ, ಜನಪ್ರತಿನಿದಿಗಳಾಗಿದ್ದೀರಾ ಆದರೆ ಒಬ್ಬನೂ ಈ ಶಾಲೆ ಉಳಿಸಬೇಕು ಎಂದು ಮುಂದೆ ಬರಲಿಲ್ಲವಲ್ಲ..ನಿಜಕ್ಕೂ  ರಾಮಸಮುದ್ರದ ೫ ಹಾಲಿ ನಗರಸಬಾ ಸದಸ್ಯರು, ಮಾಜಿ ಸದಸ್ಯರು, ಮಾಜಿ ಜಿ.ಪಂ./ನ.ಸ.ಅದ್ಯಕ್ಷರು.ಪತ್ರಕರ್ತರಾದವರಿಗೂ ಬೇಡವಾಯಿತಾ!? ಈ ಜ್ಞಾನ ಮಂದಿರ..!?

----------

ಚಾಮರಾಜನಗರ ಆಲೂರು ಬ್ಯಾಂಕ್ ಮೇಲೆ ಎಸಿಬಿ ದಾಳಿ...ನಿಜಕ್ಕೂ ಕಳ್ಳಾಟ ಯಾರದ್ದು..!?... ಸತ್ಯ ಘಟನೆಗಳ ರೋಚಕ ಕಥೆ....

ಚಾಮರಾಜನಗರದ ಆಲೂರು
ಬೆಳೆ ಸಾಲ ಮನ್ನಾ ಸಾಲ ತಿರುವಳಿ ಪತ್ರಕ್ಕಾಗಿ ೧೫.೦೦೦ ಬೇಡಿಕೆ ಇಟ್ಟಿದ್ದ ಆಲೂರು ವಿಜಯ ಬ್ಯಾಂಕ್ ಮೇಲೆ ಚಾಮರಾಜನಗರ ಎಸಿಬಿ ಘಟಕ ದಾಳಿ ನಡೆಸಿ ಮ್ಯಾನೆಜರ್ ವಶಪಡಿಸಿ ವಿಚಾರಣೆ ಮಾಡಿ ಜೈಲಿಗಟ್ಟುತ್ತಾರೆ...ಇದು ವಾಸ್ತವ ಘಟನೆ.....
ಪೂರಕ ಎಂಬಂತೆ ಅವರದ್ದೆ ಆದ ಬ್ಯಾಂಕಿನ ವಿಡಿಯೊ ಗಳೆ ಸಾಕ್ಷಿ.... ಜೊತೆಗೆ ಬ್ಯಾಂಕಿನ ಹೊರಗಿದ್ದ ಬಿಟಿವಿ ವರದಿಗಾರ & ಕಸ್ತೂರಿ ಟಿವಿ ವರದಿಗಾರ ರಾತ್ರಿ ೧೧ ರ ತನಕ ಮೊಕ್ಕಂ ಇದ್ದು ನಂತರ ಕಾಯುವುದರಿಂದ ಪ್ರಯೋಜವಿಲ್ಲ ಎಂದು ಹೊರಡುತ್ತಾರೆ.ಮತ್ತೊಂದು ಸಾಕ್ಷಿ.  ದಾಳಿ ಸಂಬಂದಿಸಿದ ಸುದ್ದಿಗಳು ಮೈಸೂರು ಎಸಿಬಿ ಘಟಕದ ಅದಿಕಾರಿಗಳಿಂದ ಪತ್ರಿಕಾ ಪ್ರಕಟಣೆ ಹೊರಡಿಸಲ್ಪಡುತ್ತದೆ.! ಸುದ್ದಿಯೂ ಮರುದಿನ ಪತ್ರಿಕೆಯಲ್ಲಿ ಪ್ರಕಟಸಲ್ಪಡುತ್ತದೆ...ಹೀಗೆ ಈ ಸುದ್ದಿ ಇತಿಹಾಸ ಸೃಷ್ಟಿಯನ್ನೆ ಮಾಡಿ ಬಿಡುತ್ತದೆ. ಬ್ಯಾಂಕ್ ಮೇಲೆ ಎಸಿಬಿ ದಾಳಿ ಮೊದಲೆಯ ಪ್ರಕರಣವಾದರೂ ಇದು ಎಷ್ಟರ ಮಟ್ಟಿಗೆ ಪೀಕಲಾಟ ತಂದಿಡುತ್ತದೆ ಎಂದರೆ ಇದನ್ನ ಜೀರ್ಣಿಸಿಕೊಳ್ಳಲಾಗದ ಬ್ಯಾಂಕಿನವರು
ರಾಜ್ಯ ಎಸಿಬಿ ಘಟಕದ ಬಹುತೇಕ ಅದಿಕಾರಿಗಳಿಗೆ ಇಲ್ಲ ಸಲ್ಲದ ಕಥೆಗಳ ಕಟ್ಟಿ
ಬಿಡುತ್ತಾರೆ. ಮತ್ತೊಂದೆಡೆ ಲ್ಯಾಪ್ ಟಾಪ್ ಅಲ್ಲಿ ಸಂಗ್ರಹಿಸಲ್ಪಟ್ಟ ಕ್ಯಾಮೆರಾ. ನಂ೬ ರ ವಿಡಿಯೊ ಮೊಬೈಲ್ ಅಲ್ಲಿ ಬ್ಯಾಂಕ್ ಅದಿಕಾರಿಗಳೆ ಸಿದ್ದ ಪಡಿಸಿ ಎಸಿಬಿ ಅದಿಕಾರಿಗಳೆ ಹಣ ತಂದಿಟ್ಟು ಕಳ್ಳಾಟವಾಡಿದ್ದಾರೆ.ಎಂದು ಮಾದ್ಯಮದವರನ್ನೂ ನಂಬಿಸುತ್ತಾರೆ. ನಾವು ನಿಮ್ಮನ್ನ ಬಿಡುವುದಿಲ್ಲ..ಕಾನೂನನಲ್ಲೆ ಹೋರಾಡ್ತೇವೆ ಎಂದು ಹಾರಾಡಿ ಬರುತ್ತಾರೆ. ಈ ವಿಚಾರಣೆ ಪೂರ್ಣ ಪರ ಚರ್ಚೆಗೆ ಗ್ರಾಸವಾಗಿ ೨೬-೧೨-೨೦೧೯ ರಂದು ಪ್ರಮುಖರ ವಿಚಾರಣೆಯನ್ನ ರಾಜ್ಯ ಎಸಿಬಿಯ ಪ್ರಮುಖರು ಮೂರು ಪ್ರಶ್ನೆಯಲ್ಲಿ ಕೇಳಿ ತಿಳಿದು
ಅಂತಿಮಗೊಳಿಸಿ ಕಳುಹಿಸಿಕೊಡುತ್ತಾರೆ.
೨೭-೧೨-೨೦೧೯ ರಂದು ಮ್ಯಾನೇಜರ್ ಬಿಡುಗಡೆಯಾಗುತ್ತದೆ ಈ ಬಿಡುಗಡೆ ವಿಳಂಬಕ್ಕೂ ಕಾರಣವಿದೆ. ನ್ಯಾಯಾಲಯ ಮತ್ರು ವಕೀಲರ ಶುಲ್ಕ ಎಂದು ೧೫.೦೦೦ ವಸೂಲಿ ಮಾಡುವುದು ಸರಿಯಾದ ಕ್ರಮವೇ ಎಂದು .....ನ್ಯಾಯಾದೀಶರೊಬ್ಬರನ್ನ ......ಕಾರ್ಯಕ್ರಮದ ಬಿಡುವಿನ ಸಮಯದಲ್ಲಿ ಕೇಳಲಾಗಿ ಹಾಗೇನು ಪಡೆಯಲು ಅವಕಾಶವಿಲ್ಲ.ನೋಡೋಣ ಅದೇನಿದೆ ಎಂಬುದನ್ನ ತಿಳಿಸಿದ್ದು ಆ ವಿಚಾರ ಬ್ಯಾಂಕ್ ಮ್ಯಾನೇಜರ್ ವಿಚಾರ ಪ್ರಸ್ತಾಪಿತವಾಗಿರಬಹುದು. ನ್ಯಾಯಾಲಯದ ಶುಲ್ಕ ಎಂದು ಬಡವರ ಸುಲಿಗೆ ಮಾಡುವುದು ಎಷ್ಟು ಸರಿ ಎಂಬ ಪ್ರಶ್ನೆ ನಮ್ಮಲ್ಲಿ ಮೂಡಿ ಬಂದಿದೆ..ಇರಲಿ...ಮುಂದುವರೆಸೋಣ...
ಹೀಗೆ ನಂತರದ ದಿನ...೩೧-೧೨-೨೦೧೯ ವರ್ಷದ ಕೊನೆ ದಿನ ಬ್ಯಾಂಕ್ ನ ಪ್ರಮುಖರು ರಾಜ್ಯ ಎಸಿಬಿ ಕಚೇರಿಗೆ ಬರುತ್ತಾರೆ. ಅವರಿಗೆ ಉತ್ತರ ಕೊಟ್ಟರಾಯಿತು ಎಂದು ಹಿಂದೆ ಹೇಳಿರುವಾಗ ಆ ದಿನ ಮಾತಿಗೆ ಮಾತು ಬೆಳೆದು ವೈಪರೀತ್ಯವಾಗಿ ಸತ್ಯ ಅರಗಿಸಿಕೊಳ್ಳದೆ ಹೊರಬಂದಿರಬಹುದು...
ಮುಂದೆ ರೊಚ್ಚಿಗೆದ್ದ ಜಿಎಮ್:
ಆ ವೇಳೆಗಾಗಲೇ ಜಿಎಮ್ ಒಬ್ಬರು ರೊಚ್ಚಿಗೆದ್ದು ಏನೇನೊ ಮಾಹಿತಿ ನೀಡಿ ದಾರಿ ತಪ್ಪಿಸಿದ್ದರು ಎಂದು ಕಂಟಾಘೋಷವಾಗಿ ಹೇಳಬಲ್ಲೆವು. ಇದಕ್ಕೆ ಕೆಲವು ಮಾದ್ಯಮದವರು ಯಾಕೆ ಕೈ ಜೋಡಿಸಿದರೊ ಎಂಬುದಂತು ಗೊತ್ತಿಲ್ಲ...ಬ್ಯಾಂಕ್ ಜಿಎಮ್ ಪರವಾಗಿ ಅದಿಕಾರಿಗಳ ವಿರುದ್ದ ನಿಲ್ಲುತ್ತಾರೆ.
ಇಷ್ಟಕ್ಕೂ ಆ ವಿಡಿಯೊ ಅಲ್ಲಿದ್ಧದ್ದು...ಹಣ ನೀಡಿ ಹೋದ ನಂತರ ದೂರದಾರನೊಂದಿಗೆ ಮತ್ತೆ ಅದಿಕಾರಿಗಳು ಬಂದು  ಹಣದ ರಶೀದಿ,ಹಣ, ಮತ್ತು ಮ್ಯಾನೇಜರ್ ಕೈ ಹಿಡಿದುಕೊಂಡ ಚಿತ್ರಣವಷ್ಟೆ ಸೆರೆಯಾಗಿರುತ್ತದೆ.(ದೂರುದಾರ ಹಣ ಪಡೆದಿದ್ದಾರೆ ಎಂಬ ಸೂಚನೆಯನ್ನ ಸರ್ಕಾರಿ ನೌಕರ ಸಕ್ಷಮದಲ್ಲೆ ಕ್ಯಾಮೆರಾ....ಅಲ್ಲಿ ರೆಕಾರ್ಡ್ಸ್ ಆಗಿರುತ್ತದೆ.ಬಹುತೇಕರಿಗೆ ಇದು ಗೊತ್ತಿಲ್ಲ.ಉಳಿದ ಚಿತ್ರಣದು ಕ್ಯಾಮೆರಾ ನಂ..೬ ರಲ್ಲಿ...ಇಲ್ಲಿದೆ ನಾವು ಹೇಳೋ ಟ್ವಿಸ್ಟ್... ನೋಡಿ....ನೀವು ನಮ್ಮನ್ನ ಈ ಪ್ರಕರಣದಲ್ಲಿ ಎಸಿಬಿ ಅದಿಕಾರಿಗಳ ಬಕೆಟ್ ಎಂದರೂ ಪರವಾಗಿಲ್ಲ..ಮುಂದೆ ಯಾರು ಯಾರ ಬಕೆಟ್ ಎಂಬುದು ಗೊತ್ತಾಗುತ್ತದೆ....
೧)ದೂರುದಾರನಿಂದ ದೂರು ಪಡೆದು ಅದಿಕಾರಿಗಳು ಲಗ್ಗೆ ಇಡ್ತಾರೆ
೨)ಸರ್ಕಾರಿ ನೌಕರರ ಸಾಕ್ಷಿಯಾಗಿ ಓರ್ವ ವ್ಯಕ್ತಿ ಪರಿಗಣಿಸ್ತಾರೆ
೩)ರಾಸಾಯನಿಕ ಸಿಂಪಡಿತ ಹಣ ಮ್ಯಾನೆಜರ್ ಕೈಯಲ್ಲಿರುತ್ತದೆ.
೪) ಅವರದ್ದೆ ಆದ ವಿಡಿಯೊಗ್ರಪಿ. ಪೊಟೊಗ್ರಪಿ ಇರುತ್ತದೆ
೫) ಯಾರಿಗೂ ತೊಂದರೆಯಾಗದ ತರಹ ಕರ್ತವ್ಯ ನಿರ್ವಣೆ ಮಾಡಿದ ಎಸಿಬಿ ಅದಿಕಾರಿಗಳು.
೬)ಇದಕ್ಕೂ ಮುಂಚೆ ಸಂಗ್ರಹಿಸಿದ ದಾಖಲೆ,ವಿಡಿಯೋ ೨೦ ದಿನಗಳ ಕಾಲ ಪರಿಶೀಲನೆ. ಸಿಬಿಐ ನಿಂದ ಅನುಮತಿ..ಪಡೆದು ಸಿದ್ದರಾಗಿರುತ್ತಾರೆ..ಇದು ರಾಜ್ಯ & ಜಿಲ್ಲಾ ಎಸಿಬಿ ಘಟಕ ಅನುಸರಿಸಿದ ನೀತಿ ನಿಯಮಗಳು....
 ----------------
ನಂತರ ಆಗಿದ್ದೇನು...?
ರಾಜ್ಯ ಎಸಿಬಿ ಘಟಕದ ಅದಿಕಾರಿಗಳು ತಕ್ಕ ಉತ್ತರ‌ ನ್ಯಾಯಾಲಯದಲ್ಲೆ  ಕೊಡುತ್ತೇವೆ ಎಂದು ರಾಜ್ಯ, ಕೇಂದ್ರದಿಂದ ಒತ್ತಡ ತರುತ್ತದ್ದ ಬ್ಯಾಂಕ್ ಶಾಖೆಯ ಕೆಲವರಿಗೆ ಮುಖಕ್ಕೆ ಹೊಡೆದಂಗೆ ೩೧-೧೨-೨೦೧೯ ರಂದು ಬಹುಶಃ ಹೇಳಿದ್ದರಿಂಲೇನೊ ಹೇಗಾದರೂ ಮಾಡಿ ಏನಾದರೂ ಮಾಡಲೆಬೆಕೆಂದು ಜಿ.ಎಮ್ ಸಿದ್ದವಾಗಿಯೇ ಬಿಟ್ಟರು.

ಇದ್ದಕ್ಕಿಂದ್ದಂತೆ ಚಾಮರಾಜನಗರ ವಾರ್ತಾ ಇಲಾಖೆಯವರು....ಲೀಡ್ ಬ್ಯಾಂಕ್ ಕಚೇರಿಯಲ್ಲಿ ವಿಜಯ್ ಬ್ಯಾಂಕ್ ಸಂಬಂದ ೧೨.೩೦ ಕ್ಕೆ ಪತ್ರಿಕಾಘೊಷ್ಟಿ ಇದೆ ನಂತರ ಊಟದ ವ್ಯವಸ್ಥೆ ........ಹೊಟೆಲ್ ಅಲ್ಲಿದೆ ಇದೆ ಎಂಬ ಮಾಹಿತಿ ಹಾಕಿದ್ದರು.....

ಕೆಲವರಿಗೆ ಆ ಪತ್ರಿಕಾಘೋಷ್ಟಿ ಪ್ರಾರಂಭವಾಗೋದು ೧ ಕ್ಕೆ ಅಂತ ಗೊತ್ತಿತ್ತು...ಆಗಲೆ ಸ್ವಲ್ಪ ಅನುಮಾನ..ಬಹುತೇಕ ವರದಿಗಾರರಿಗೆ ಈ ಯೋಜನೆ ಗೊತ್ತಿದೆ ಅಂತ..ಕೆಲವರು ಐದತ್ತು ನಿಮಿಷ ಪತ್ರಿಕಾಘೋಷ್ಟಿ ಕಾಯದವರು ಅರ್ದ ತಾಸು ಕಾದರು.. ನಂತರ ಬಂದವರೆ ಜಿಎಮ್......ಸಾರಿ ಸಾರಿ.....ಅಂತ ಹೇಳುತ್ತಲೆ ನಮ್ಮಲ್ಲಿ ಅದ್ಬುತ ಸಾಕ್ಷಿ ಇದೆ. ವಿಡಿಯೊ ಇದೆ ಎಂದವರು..ಪತ್ರಿಕಾಘೋಷ್ಟಿ ನಡೆಸಲು ಮೇಲಾದಿಕಾರಿಗಳ ಅನುಮತಿ ಬೇಕು ಬಂದ ಕೂಡಲೆ ಮಾತಾಡ್ತೀನಿ ಅಂತ ಏಕಾ ಏಕಿ..ಬೇಡ ಅಂತ ಹೇಳಿ ಬಿಟ್ಟರು...ಪೆನ್ನು. ಪ್ಯಾಡ್ ಸಾಮಾನ್ಯ..ಇಲ್ಲಿ..ಅದರ ಜೊತೆ ೧೫೦ ಪಾರ್ಕರ್ ಪೆನ್..BOB ಮುದ್ರಿತ ಕಪ್..ಉಡುಗೊರೆಯಾಗಿ ನೀಡಿದರು..ಕೆಲವರಿಗೆ..ಕೆಲವರು ಬೇಡ ಎಂದರು ಆದರೆಬೇರೆ ಕಡೆಯಿಂದ ತಲುಪುವುದಿಲ್ಲ ಎಂಬ ಗ್ಯಾರಂಟಿ ಏನು!? ..ಊಟಕ್ಕೆ ಅವರ ವಿಸಿಟಿಂಗ್ ಕಾರ್ಡ್ ತೋರಿಸಿ ಎಂದು ಹೇಳಿ ಹೋದರು..

----------------
ಶುರುವಾಯ್ತ..... ನೋಡಿ ಆ ಬ್ಯಾಂಕ್ ವಿಡಿಯೋನ ಅಸಲಿ ಕಥೆ....
ಎಸಿಬಿ ಅದಿಕಾರಿಗಳೆ ಹಣ ನೀಡಿ ತಪ್ಪಿತಸ್ಥರನ್ನಾಗಿ ಮಾಡಿದ ಎಸಿಬಿ ಅದಿಕಾರಿಗಳ ಕಳ್ಳಾಟ,  ಎಂಬ ಶೀರ್ಷಿಕೆ ಸುದ್ದಿಗಳು.......
ಮತ್ತೆ ಹರಿದು ಬಂತು ಎರಡು ವಿಡಿಯೋ.....
ಹೌದು ೨೦೦೦.ಕಟ್ಟಿದರೆ ಸಾಲ ಮನ್ನ ಆಗುತ್ತದೆ. ಅದು ನೋಟಿಸ್ ಶುಲ್ಕ. ಖಾತೆ ರನ್ನಿಂಗ್ ಗೆ ಅಂತ ಹೇಳಿದ್ರೆ, ೧೫.೦೦೦ ಕೊಡಲೆ ಬೇಕು..ನ್ಯಾಯಾಲಯ, ವಕೀಲರ ಶುಲ್ಕ ಎಂಬ ಮ್ಯಾನೆಜರ್ ಹೇಳಿದ ಎರಡು ವಿಡಿಯೋ....ಅಲ್ಲಿಗೆ ಮೂರು ಚಿತ್ರಣಗಳು ಲಬ್ಯವಾದವು...
ಇದರಲ್ಲಿ ಅಸಲಿ ನಕಲಿ ಯಾವುದು ಎಂಬುದು ತಿಳಿಯಲೆ ಬೇಕು...ಎಲ್ಲವೂ ಅಸಲಿಯೇ...ಎರಡು ವಿಡಿಯೋ ಎಸಿಬಿ ಅವರು ದಾಳಿ ನಡೆಸಲು ಕಾರಣರಾದ ಚಿತ್ರಣ, ಹಾಗೂ ಸಾಲ ಮನ್ನಾ ವದ ಖಾತೆ, ಸಿಬಿಐ ಘಟಕದಿಂದ ಅನುಮತಿ ಪಡೆದು ನುಗ್ಗಲು ಸಹಕಾರಿ ಯಾಗಿತ್ತು... ಇನ್ನೊಂದು ಬ್ಯಾಂಕ್ ಅವರೆ ಲ್ಯಾಪ್ ಟಾಪ್ ನಿಂದ ಚಿತ್ರಿಸಿ ‌ಮಾದ್ಯಮಕ್ಕೆ ನೀಡಿ ತಪ್ಪು ಸಂದೇಶ ನೀಡಿದರು.
ಅದನ್ನ ಪ್ರಕಟಿಸಿದರು.ಮುಂದೆ ಬಹುತೇಕರು ಎಸಿಬಿ ನ್ಯಾಯಾಲಯದಲ್ಲಿ ಉತ್ತರಿಸುವ ಸಾದ್ಯತೆ ಕೂಡ ಇದೆ..
ಬ್ಯಾಂಕ್ ಅದಿಕಾರಿಗಳು ನಮ್ಮನ್ನ ರೈಡ್ ಮಾಡಲು ಅವರಿಗೇನು ಅದಿಕಾರ ಇದೆ ಎಂದು ಮಾದ್ಯಮದವರಿಗೆ ಸವಾಲೊಡ್ಡುವ ಮಾತುಗಳು ನೋಡಿದರೆ ತಪ್ಪು ಎಸಿಬಿ ಅವರದ್ದೆ ಎನ್ನುವಂತಾಗಿತ್ತು.. ಆದರೆ ಮೈಸೂರು ವಿಭಾಗ ಎಸ್ಪಿ ರಶ್ಮಿ ಅವರು ಲೋಕಾಯುಕ್ತದಲ್ಲಿ ಕೆಸಲ ನಿರ್ವಹಿಸಿದ್ದವರು ಈಗ..ಎಸಿಬಿ ಅಲ್ಲಿ ಕೆಲಸ ಮಾಡುತ್ತಿರುವ ಇವರು ಕೆಲಸದ ಅನುಭವ ಪರಿಗಣಿಸಲೇ ಬೇಕು. ಇವರು ಪ್ರಕರಣ ದಾಖಲಿಸಿದಾಗಿನಿಂದ ೧೫-೨೦ ದಿನಗಳ ಕಾಲ ಸಾಲ ಮನ್ನಾ ಪಟ್ಟಿ, ಶುಲ್ಕ ರಹಿತಿ ಎನ್ ಒ.ಸಿ.ನೀಡಬೇಕು ಎಂಬ ಎಲ್ಲಾ ಮಾಹಿತಿ ದಾಖಲಿಸಿ...ಸಿಬಿಐ ಘಟಕದಿಂದ ಅನುಮತಿ ಪಡೆದು ಜೊತೆಗೆ ತಮ್ಮ ಐಜಿ ಅವರ ಗಮನಕ್ಕೆ ತಂದು ದಾಳಿ ನಡೆಸಲು ಜಿಲ್ಲಾ ಘಟಕಕ್ಕೆ ಸೂಚಿಸಿ ತದ ನಂತರ ಕೈಗೊಂಡ ಕ್ರಮಗಳು...ಈಗ ಹೇಳಿ ಕಳ್ಳಾಟ....ಎಸಿಬಿ ಅದಿಕಾರಿಗಳದ್ದೊ., ಬೇರೆ ವಿಡಿಯೊ ತೋರಿಸಿ ದಾರಿ ತಪ್ಪಿಸಿದವರದ್ದೋ...ಮತ್ತ್ಯಾರದ್ದೋ ಅಂತ....!?
ಪ್ರಸ್ತುತ ಪ್ರಕರಣ ನ್ಯಾಯಾಲಯ ಅಂಗಳದಲ್ಲಿದೆ. ತಪ್ಪು ಒಪ್ಪುಗಳನ್ನ ಎಸಿಬಿ ಅದಿಕಾರಿಗಳು ನ್ಯಾಯಾಲಯದಲ್ಲಿ ಉತ್ತರಿಸುತ್ತಾರೆ..ನಾವೇಕೆ ಬೀದಿಗೆ ಬರಬೇಕು. ಅದು ನಮ್ಮ ಕೆಲಸವಲ್ಲ..ದೂರು ಬಂದಿದೆ. ಪರಿಶೀಲಿಸಿದ್ದೇವೆ.ಸುಮ್ಮನೇ ಕೂರಲು ನಮ್ಮಿಂದ ಸಾದ್ಯವಿಲ್ಲ ಎಂದು ಹೆಮ್ಮೆಯಿಂದ ಮೈಸೂರು ಎಸಿಬಿ ಎಸ್ಪಿ ಜೆ.ರಶ್ಮಿ ಅವರು ಉತ್ತರಿಸುತ್ತಾರೆ..
ಯಾರು ಎಷ್ಟೆ ಬೊಗಳಿದರೂ ನ್ಯಾಯಾಲಯದ ಆದೇಶಕ್ಕೆ ಎಲ್ಲರೂ ತಲೆ  ಬಾಗಲೇ ಬೇಕು...
--------------
ಕ್ಯಾಮೆರಾ ನಂ.......ಅಲ್ಲಿ ದೂರುದಾರ ಒಳಬರುವ ಚಿತ್ರವಿದ್ದರೆ..ಕ್ಯಾ.೬ ರಲ್ಲಿಬ್ಯಾಂಕ ಮ್ಯಾನೆಜರ್ ಮಾತುಕತೆ ಚಿತ್ರಣವಿದೆ. ಮತ್ತೆ..ಕ್ಯಾ.ನಂ......ಅಲ್ಲಿ ಹಣ ಪಡೆದಿದ್ದಾರೆ ಎಸಿಬಿ ಅದಿಕಾರಿಗಳು ಒಳಪ್ರವೇಶಿಸಬಹುದುಎಂಬ ಸೂಚನೆ ನೀಡುವ ಚಿತ್ರಣವಿದೆ. ಕ್ಯಾಮೆರಾ....ನಂ.....ಅಲ್ಲಿ ಹಣ ಪಡೆದ ಸಿಬ್ಬಂದಿ ಕಟ್ಟದೆ ಇರುವ ಚಿತ್ರಣ ಇದೆ. ಅದಿಕಾರಿಗಳು ನುಗ್ಗಿದ ನಂತರ ದೂರುದಾರನ ಹಣ ಜಪ್ತಿ ಮಾಡಬೇಕಾದ ಕೆಲಸ ಎಸಿಬಿ ಅದಿಕಾರಿಗಳಿಗಿರುತ್ತದೆ. ಈ ಎಲ್ಲಾ ಚಿತ್ರಣ ಬ್ಯಾಂಕಿನ  ಐದಾರು ಕ್ಯಾಮೆರಾದಲ್ಲಿ ಚಿತ್ರೀಕರಿಸಲ್ಪಟ್ಟರೂ ಕ್ಯಾ.ನಂ.೬ ಕೊಟ್ಟು ದಾರಿ ತಪ್ಪಿಸಿದ್ದೇಕೆ ಎಂಬುದನ್ನ  ಜನ ಮನಗಾಣಬೇಕಾಗಿದೆ.

------------------
ಪ್ರಕರಣದಲ್ಲಿ ದೂರುದಾರರ ಹೆಸರು. ದಾಳಿ ನಡೆಸಿದ ಅದಿಕಾರಿಗಳು. ರಾಜ್ಯ ಘಟಕ & ಕೇಂದ್ರ ಘಟಕದ ಕೆಲವರ ಹೆಸರನ್ನ ಪ್ರಸ್ತಾಪಿಸಿಲ್ಲ....ಮುಂದಿನ ದಿನಗಳಲ್ಲಿ ಎಲ್ಲರ ಹೆಸರನ್ನ ಜನರ ಮುಂದೆ ಇಡ್ತೇವೆ...
--------
ರೈತರು ಎನ್ ಒ.ಸಿ ಗೆ ಒಂದು ರೂಪಾಯಿ ನೀಡಬೇಡಿ..ಅದು ಉಚಿತವಾಗಿ ಕೊಡುವಂತದ್ದು ಎಂದು ತಿಳಿಸಿರುವ ಅವರು ಅಂತ ದೂರನ್ನ ಆಯಾ ಕಚೇರಿ ಸಂಪರ್ಕಿಸಿ ದೂರು ಸಲ್ಲಿಸಲು ತಿಳಿಸಿದ್ದಾರೆ.
-----------------------

ಇದು ವೈಯುಕ್ತಿಕವಾಗಿ ನಾನು, ಇಲಾಖೆ ಕೆಲಸ ಗಮನದಲ್ಲಿಟ್ಟುಕೊಂಡು ಅನಿಸಿಕೆ ವ್ಯಕ್ತಪಡಿಸಿರುತ್ತೇನೆ. ನ್ಯಾಯಾಲಯ ನಿಂದನೆಪದಗಳಿಂದಲೂ ಕೂಡಿರುವುದಿಲ್ಲ ಎಂದು ಮನಗಂಡಿದ್ದು...ಅರಿವಿಗೆ ಬಾರದೆ ಪದಗಳಿದ್ದರೆ ವಿಷಾದವಿರಲಿ..ಸಾಕ್ಷಿಗಳು ಇಲಾಖಾ ಪರವಾಗಿಯೆ ಇಟ್ಟುಕೊಂಡು ಕೆಲಸ ಮಾಡುತ್ತಿದ್ದಾರೆ ಅದೂ ಈ ಪ್ರಕರಣದಲ್ಲಿ ಇನ್ನೂ ಸಾಕಷ್ಟು ಸತ್ಯಗಳ ನಮ್ಮಲ್ಲಿಯೂ.ಇಲಾಖೆಯಲ್ಲೂ ಇದೆ. ದಾರಿ ತಪ್ಪಿಸಲು ಹೋಗಿ ನೀವು ದಾರಿ ತಪ್ಪಬೇಡಿ.ಎಂಬುದಷ್ಟೆ ಆಶಯಆಶಯ.

ಪೈನಲ್ ಟಚ್.....ಇದೋಂದುಪೂರ್ವ ಯೋಜಿತ ಕೃತ್ಯಾಂತಾನೆಹೇಳ್ತಾರೆ. ಸತ್ಯ...ದೂರು ಬಂದಾಗಿನಿಂದ ಜೈಲಿಗಟ್ಟೊ ತನಕ ಅಥವಾ ದಾಳಿ ನಡೆಸೊ ತನಕ ಮಾಡುವ ಪ್ರಕ್ರಿಯೆ ಎಲ್ಲವೂ ಪೂರ್ವ ಯೋಜಿತ..ಉದಾ..ಹಣಕ್ಕೆ ರಸಾಯನಿಕ ಸಿಂಪಡಣೆ, ಓರ್ವರ ಸಾಕ್ಷಿ,ಹೀಗೆ ಮತ್ತಷ್ಟು ಕ್ರಿಯೆಗಳು ಪೂರ್ವ ಯೋಜಿತವಾಗದಿದ್ದರೆ ಹಿರಿಯ ಅದಿಕಾರಿಗಳಿಗೆ ಇವರೇ ತಲೆದಂಡವಾಗಬೇಕಾಗುತ್ತದೆ.

.ಇಂತಿ....ರಾಮಸಮುದ್ರ ಎಸ್.ವೀರಭದ್ರಸ್ವಾಮಿ..