ತುಮಕೂರು ಶ್ರೀಗಳ ವಿಚಾರದಲ್ಲಿ ಈ... ಜಿಲ್ಲಾಡಳಿತ ನಡೆದುಕೊಂಡಿದ್ದು ಸರಿಯೇ!? ನಾಚಿಕೆಯಾಗಬೇಕು.. ಸರಿ ಎನಿಸಿದ್ರೆ ಶೇರ್ ಮಾಡಿ.. ಇದು ಕೇವಲ ನನ್ನ ಮನದಾಳದ ಮಾತುಗಳಷ್ಟೆ ನೆನಪಿರಲಿ...ನೋಯಿಸುವ ಹಿತಾದೃಷ್ಟಿಯಲ್ಲ.! ಇಂತಿ ರಾಮಸಮುದ್ರ ಎಸ್.ವೀರಭದ್ರಸ್ವಾಮಿ

ಪೀಠಿಕೆಯನ್ನ ಚೆನ್ನಾಗಿ ಹಾಕ್ತೀನಿ ಆದರೆ ಸತ್ಯಾಂಶವನ್ನ ಯಾವುದೋ ಒಂದು ಭಾಗದ ಸಾಲುಗಳಲ್ಲಿ ಬರೆಯಲು ಇಚ್ಚೆ ಪಡುತ್ತೇನೆ.ಕಾರಣ ಮೊದಲೆ ಹೇಳಿ ಬಿಟ್ಟರೆ ಅದಕ್ಕೆ ಸ್ವಾರಸ್ಯವಿರಲ್ಲ ನೋಡಿ..ಪೂರ್ತಿ ಓದಿ. ಎಲ್ಲಾದರೂ.ಲೋಪದೋಷವಿದ್ದರೆ ನನಗೆ ತಿಳಿಸಿ ತಪ್ಪು ತಿದ್ದುಕೊಳ್ಳಲು ನನ್ನೊಂದಿಗ ಕೈ ಜೋಡಿಸಿ....
ಶ್ರೀಗಳ ಲಿಂಗೈಕ್ಯ ಸುದ್ದಿಯನ್ನ ಮದ್ಯಾಹ್ನ ಪ್ರಸಾದ ಸ್ವೀಕರಿಸಿದ  (ಮಕ್ಕಳ ಊಟ ಮಾಡಿದ )ನಂತರ ತಿಳಿಸಬೇಕೆಂಬ ಮಾತಿನಂತೆ  ಕಾರ್ಯದರ್ಶಿಗಳು ಆಡಳಿತ ಮಂಡಳಿ ತಿಳಿಸಿದರು.ಅದರಂತೆ ಭಕ್ತಾದಿಗಳಿಗೆ ತಿಳಿಸಿದರು. ಇಡೀ ಅಖಂಡ ಭಾರತವೇ ಕತ್ತಲಲ್ಲಿ ಒಂದು ಕ್ಷಣ ಮುಳುಗಿದಂತೆ ಆದವು. ಬಡ ವಿದ್ಯಾರ್ಥಿಗಳ ಪಾಲಿನ  ಆಶಾಕಿರಣ ತನ್ನ ಪ್ರಕರತೆಯನ್ನ ನಿಲ್ಲಿಸಿದ್ದರಿಂದ ಶೋಕ ಸಾಗರದಲ್ಲಿ ಮುಳುಗಿದರು. ಶ್ರೀಗಳ ದರ್ಶನ ಪಡೆಯಲು ಅಸಂಖ್ಯಾತ ಭಕ್ತರು ಸಾಲು ಸಾಲು ಮುಗಿಲ ಮುಟ್ಟಿದ್ದವು. ನಮ್ಮ ಆರಕ್ಷಕ ಪಡೆ ಸದ್ದಿಲ್ಲದೆ,ಲೋಪವಾಗದಂತೆ ರಾಜ್ಯದ ನಾನಾ ಮೂಲೆಗಳಿಂದ ಬಂದು ಶಾಂತಿ ಸುವ್ಯವಸ್ಥೆಯನ್ನ ಕಾಪಾಡಿದರು. ಇವರಿಗೊಂದು ಸಲಾಂ ಹೇಳಲೇ ಬೇಕು.ಈ ನಡುವೆ ತುಮಕೂರಿನ ಲೇಡಿ ಸಿಂಗಂ ಎಂದೇ ಬಿಂಬಿತರಾಗಿರುವ ಎಸ್ಪಿ ಅವರ ಮೇಲೆ ಅಂದು ಸಚಿವರೊಬ್ಬರ ದರ್ಪ ಮಾತ್ರ ಕೇಳುವ ಹಾಗೇ ಇರಲಿಲ್ಲ. ಮುಖ್ಯಮಂತ್ರಿಗಳ ಅವರೊಂದಿಗಿನ ಸಚಿವರನ್ನ ಬೆಂಬಲಿಸುವ ಹಿತಾದೃಷ್ಟಿಯಿಂದ ಆಕೆಯನ್ನ ಅವರದ್ದೆ ತಪ್ಪೆಂದು ಬಿಂಬಿಸಿದರು.. ನಾಚಿಕೆಯಾಗಬೇಕು ಸ್ವಾಮಿ. ಆ ಸಂದರ್ಭದಲ್ಲಿ ಮುಖ್ಯಮಂತ್ರಿ ಸಚಿವರು,ಶಾಸಕರು ಎಂಬುದ ಮರೆತ ಒಮ್ಮೆ ಅಲ್ಲಿ ನಿಂತು ನೀವು ಕೊಟ್ಟ ಪ್ರೋಟೊ ಕಾಲ್ ಅನುಸರಿಸಿ ನಿಮಗೆ ಗೊತ್ತಾಗುತ್ತದೆ ಅವರವರ ಕಷ್ಟ ಏನು ಅಂತ.? ಇರಲಿ ಬಿಡಿ ಅವರು ನಿಮ್ಮಿಂದ ಮೆಚ್ಚಿಸಿಕೊಂಡರೆ ಪದಕ ಕೊಡಬಹುದು ಜನರು ಕೊಡುವ ಪದಕದ ಮುಂದೆ ನಿಮ್ಮದು ಕಸ ಕಡಿಮೆ..ಈ ಎಸ್ಪಿ ಅವರನ್ನ ಎಲ್ಲೆಡೆ ಸನ್ಮಾನ ಮಾಡುವ ಕಾಲವೂ ದೂರವಿಲ್ಲ ಬಂದೆ ಬರುತ್ತೆ..
ಇನ್ನ ಇಡೀ ತುಮಕೂರಿನ ಜನತೆ ಎಲ್ಲೆಡೆ ಪ್ರಸಾದವನ್ನ ಸದ್ದಿಲ್ಲದೆ ಹಂಚಿದರು. ಹಲವಾರು ಹೊಟೆಲ್ ಅಲ್ಲಿ ರಾಜ್ಯದ ವಿವಿದೆಡೆಯಿಂದ ಬರುವ ಜನರಿಗಾಗಿ ಉಚಿತ ಊಟ ತಿಂಡಿ,ಕೊಟ್ಟು ಸಂತೈಸಿದರು ಇದಕ್ಕಿಂತ ಬೇಕಾ ಪ್ರತಿ ಭಕ್ತನೂ ಇಲ್ಲಿ ರತ್ನವೇ ಆಗಿತ್ತು. ಈ ಭಾರತ ರತ್ನ ಕೊಡಿ ಅಂತ ನಿಮಗೆ ಪತ್ರ ಬರೆಯಬೇಕಾ? ಇದೇಂದಾ ದೌರ್ಭಾಗ್ಯ ನಮ್ಮದು ಹೇಳಿ ...ಸಣ್ಣಪುಟ್ಟ ವಿಚಾರಕ್ಕೆಲ್ಲ ಬೀದಿಗೆ ಬಂದು ಬಂದ್ ಕರೆ ಕೊಡುವ ಬುದ್ದಿ (ಲದ್ದಿ) ಜೀವಿಗಳು ಎಲ್ಲಿದ್ದಾರೆ?  ಇವರಿಗೆ ಭಾರತರತ್ನ ಕೊಡಬೇಕೆಂಬ ಜನರ ಕೂಗು ಕೊಡುವವರ ಕಿವಿಗೆ ತಟ್ಟಿಸುವ ಬಗೆ ಹೇಗೆ? ನೀವೇ ಹೇಳಿ...ಇದೊಂದು ಕಡೆಯಾದರೆ ಮತ್ತೊಂದು ಕಡೆ ಅದೂ ನಮ್ಮ ಚಾಮರಾಜನಗರ ಜಿಲ್ಲೆಯಲ್ಲಿ ಎಂಥ ವಿಪರ್ಯಾಸ ನೋಡಿ....ಇದು ನಿಜಕ್ಕೂ ಜಿಲ್ಲಾಡಳಿತ ..ಯಾರಿಗೆ ಮಾಡಿದ ಅವಮಾನ ಹೇಳಿ..ಸರ್ಕಾರಿ ರಜೆಯನ್ನ ಮುಖ್ಯಮಂತ್ರಿಗಳು ಘೋಷಣೆ ಮಾಡಿದರೂ ಕಚೇರಿಯಲ್ಲಿ ಮೀಟಿಂಗ್ ನಡೆದವು. ಅದೂ ಜಿಲ್ಲಾಡಳಿತ ಭವನದ ಒಳಗೆ. ಇದನ್ನ ಕಂಡ ಕೆಲವರು ಗಲಾಟೆಯನ್ನೂ ಮಾಡಿ ಬಂದರು..ಇದೇನಾ ಮುಖ್ಯಮಂತ್ರಿಗಳೇ ನಿಮ್ಮ ಆದೇಶ..ಅಂತ ಕಡಿದು‌ ಕಟ್ಟೆ ಹಾಕುವ ಮೀಟಿಂಗ್ ಚಾಮರಾಜನಗರ ಜಿಲ್ಲೆಯ ಜಿಲ್ಲಾಡಳಿತಕ್ಕೆ ಇತ್ತ, ಅಥವಾ ರಾಜ್ಯದ ಎಲ್ಲಾ ಜಿಲ್ಲೆಗಳಿಗೂ ಇತ್ತ.? ವಿಪರ್ಯಾಸ ಎಂದರೆ ಇಡೀ ರಾಜ್ಯವೇ ಜಾತಿ ಮತ ದರ್ಮ ಮತ ಮರೆತು, ಬಾಗಿಲು ಹಾಕಿ ಭಾವಚಿತ್ರಕ್ಕೆ ಹಾರ ಸಮರ್ಪಣೆ ‌ಮಾಡಿ ಗೌರವ ಸೂಚಿಸಿದರೆ ಇಲ್ಲಿ ಪೊಟೊ ಇಲ್ಲ, ಅವರಿಗೊಂದು ಹಾರವೂ ಇಲ್ಲ. ಜಿಲ್ಲಾಡಳಿತಕ್ಕೆ ಇಷ್ಟು ದರಿದ್ರವೇ!?   ಹಣ ಲೂಟಿ ಮಾಡುವವರ ವಿರುದ್ದ ಹೋರಾಟ ಮಾಡುವ ಮಾಹಿತಿ ಹಕ್ಕು ಕಾರ್ಯಕರ್ತರೇ ನೀವೆ ಒಂದು ಅರ್ಜಿ ಹಾಕಿ ಯಾವುದೋ ಒಂದು ವರ್ಗಕ್ಕೆ ಸೀಮಿತವಾದ ಸಂತರ ಜಯಂತಿ ಮಾಡಲು ಏನಿಲ್ಲ ಅಂದರೂ ಸರ್ಕಾರ ೨೫ ರಿಂದ ೫೦ ಸಾವಿರ ಹಣ ಖರ್ಚು ಮಾಡುತ್ತದೆ. ತಿಳಿದಿರಲಿ.. ವರ್ಷವಿಡಿ ವಿವಿದ ಮಹಾನುಭಾವರ ಹೆಸರಿನಲ್ಲು
ಕನ್ನಡ ಸಂಸ್ಕೃತಿ ಇಲಾಖೆ ಹಾಗೂ ಜಿಲ್ಲಾಡಳಿತ ವತಿಯಿಂದ ಮಾಡುವ ಜಯಂತಿ ಹೆಸರಲ್ಲಿ ಕೋಟಿ ಗಟ್ಟಲೆ ಪೋಲಾಗುತ್ತದೆ. ಒಂದೊಂದು ಜಿಲ್ಲೆಯಲ್ಲೂ ಅರ್ಜಿ ಹಾಕಿ ನೋಡಿ ಸತ್ಯಾಂಶ ಗೋಚರವಾಗುತ್ತದೆ. ಇಂತಹವರಿಂದ ಹಣ ಲೂಟಿಯಾಗುವ ಲೆಕ್ಕ ಕೇಳಿ ನಿಮಗೂ ಕಾರ್ಯಕ್ರಮ ಗಳು, ಆಯೋಜನೆಗಳು ಸಿಗಬಹುದು ಆದರೆ ಎಲ್ಲರ ಮನ ಗೆದ್ದ ಶ್ರೀಗಳ ನೆನೆಯದ ಈ ..... ಜಿಲ್ಲಾಡಳಿತ ಕ್ಕೆ ಏನು ಹೇಳಬೇಕೊ ಗೊತ್ತಿಲ್ಲ.! ಬಹುಶಃ ಒಂದು ಬೃಹತ್ ಕಾರ್ಯಕ್ರಮ ಅದೇ ಚಾಮರಾಜನಗರ ಜಿಲ್ಲಾಡಳಿತ ಭವನದಲ್ಲಿ ಮಾಡಿ ಎಲ್ಲಾ ದರ್ಮದ ಹಿರಿಯರನ್ನ (ಪಾದ್ರಿಯವರು,ಸ್ವಾಮೀಜಿಯವರು, ಮೌಲ್ವಿಗಳ ಸಮಾಗಮ ಮಾಡಿ ) ಕರೆಯಿಸಿ ಅದೇ ಜಿಲ್ಲಾಡಳಿತ ಕರೆಯಿಸಿ ಅವರಿಂದ ಉದ್ಘಾಟಿಸಬೇಕು. ಅದು ್ಮ ನಿಮ್ಮೆಲ್ಲರ ಹಣದಿಂದ...ಬೇವರ್ಸಿ ಸರ್ಕಾರದ ಹಣದಿಂದಲ್ಲ....
ಮತ್ತೊಂದು ಸಂತೋಷ ವಿಷಯ ಅಂದರೆ ಚಾಮರಾಜನಗರ ಜನತೆ ಸಂತೋಷ, ಹೆಮ್ಮೆಯಿಂದ ಎದೆ ತಟ್ಟಿ ಹೇಳಬೇಕು..ಪ್ರಸಾದ ಅಂದರೆ ಶ್ರಮದ ಪ್ರತಿಫಲವೆಂದು..ಹಲವಾರು ಬಡ ರೈತರ ದುಡಿಮೆಯ ಫಲವೆಂದು ನೆನಪಿರಲಿ...
 ಚಾಮರಾಜನಗರ ಜಿಲ್ಲೆ ಕೊಳ್ಳೇಗಾಲದ ರಾಮಾಪುರದಲ್ಲಿ ವೈಯುಕ್ತಿಕ ಮತ್ಸರಕ್ಕಾಗಿ ಪ್ರಸಾದದಲ್ಲಿ ವಿಷವಿಕ್ಕಿ ಸಾವಿಗೆ ಕಾರಣರಾವರೂ ಇದ್ದಾರೆ.ಇರಬಹುದು ಆದರೆ ಲಕ್ಷಕ್ಕೊಂದು ಬೇರೆ ವಿಚಾರಕ್ಕಷ್ಟೆ. ಅಂದು ಇತಿಹಾಸ ಸೇರಿಯೂ ಆಯಿತು. ಆದರೆ ಇಂದು  ಅದೇ ಪ್ರಸಾದ ಮಹತ್ವ ಸಾರಿದ ಚಾಮರಾಜನಗರ ಶಿವು( ಸಿದ್ದಗಂಗಾ ಮಠದಲ್ಲಿ ಎಂಟನೆ ತರಗತಿ ವ್ಯಾಸಂಗ ಮಾಡುತ್ತಿರುವ ವಿದ್ಯಾರ್ಥಿ)ಯೂ ಇದ್ದಾನೆ .. .ಪ್ರಸಾದವೆಂದರೆ ದೇವರು ನೀಡುವ ವರ..ಅದು ಸಿಗದೇ ಅದೇಷ್ಟೋ ಜನ ಹಸಿವಿನಿಂದ ಸತ್ತವರೂ ಇದ್ದಾರೆ. ಅದನ್ನ ಚೆಲ್ಲಬೇಡಿ. ಎಂದು ಅನ್ನದ ಮಹಿಮೆ ಸಾರಿದ ವಿದ್ಯಾರ್ಥಿ ಯನ್ನ ಅದೂ ಚಾಮರಾಜನಗರ ಜನತೆ ಸ್ಮರಿಸಬೇಕು. ಸಮಾರಂಭದಲ್ಲಿ ಕರೆದು ಸನ್ಮಾನಿಸಬೇಕು..
ಇಂತಿ..
ರಾಮಸಮುದ್ರ ಎಸ್.ವೀರಭದ್ರಸ್ವಾಮಿ.
(ಅನಿಸಿಕೆ ಅಭಿಪ್ರಾಯ ಕಾಮೆಂಟ್ ಬಾಕ್ಸ್ ಅಲ್ಲಿ ಹಾಕಿ. ಇಷ್ಟ ಆದರೆ ಶೇರ್ ಮಾಡಿ) 

ಸೆಕ್ಸ್ ಚಾಟ್ ಮಾಡಿದ ಮೇಲೆ: ಕೆಲವರು ಯಾಕೆ ಹಿಂಗೆ!

ಸೆಕ್ಸ್ ಚಾಟ್ ಮಾಡಿದ ಮೇಲೆ: ಕೆಲವರು ಯಾಕೆ ಹಿಂಗೆ!? 
ಪೇಸ್ ಬುಕ್ ಅನ್ನೋ ಮಾಯಜಾಲದಲ್ಲಿ ಹೋಗು ಹೋಗುತ್ತಾ ಮೋಹ ಜಾಲ,ಕಾಮ ಜಾಲಕ್ಕೂ ನೂಕಿ ಬಿಡುತ್ತದೆ. ಎರಡನ್ನಿ ಬಿದ್ದ ಮೇಲೆ ಇದಕ್ಕೇಕೆ ಪರದಾಟ ಎನ್ನುವಂತೆ ಕೈ ಬಿಟ್ಟು ಮತ್ತೆ ಸುಮ್ಮನಾಗಿ ಬಿಡುತ್ತಾರೆ. ಆದರೆ ಕಾಮದ ಮೋಹ ಜಾಲಕ್ಕೆ ಸಿಕ್ಕ ಕೆಲವರ ಪೇಸ್ ಬುಕ್ ಟೈಮ್ ಲೈನ್ ನೋಡಿದರೆ ಸಾಕು..ಹುಡುಗರು ಬೃಹತ್ ಪ್ರಮಾದ ಮಾಡಿದವರಂತೆ ಕುಣಿಯುತ್ತಾ ಪೋಸ್ಟ್ ಹಾಕಿ ಬಿಡುತ್ತಾರೆ. ಕೆಲವೊಮ್ಮೆ ಕೆಲವು ಮೆಸೆಜ್ ಡಿಲಿಟ್ ಮಾಡಿ.ಇತರ ಕಮಂಗಿ ಹುಡುಗರಿಂದಲೆ ಬೈಗುಳ ಪ್ರಾರಂಭಿಸಿ ತಮಾಸೆ ನೋಡುತ್ತಾರೆ.ಕೆಲವರ ಪುಕ್ಕಟ್ಟೆ ಸಂದೇಶಗಳು ಅಬ್ಬಾ.. ಗ್ರೇಟ್...ಖಾತೆ ತೆರೆದ ಮಂದಾಕಿನಿಗೆ ಬ್ಲಾಕ್,ಇಗ್ನೊರ್..ಇತ್ಯಾದಿ ಮಾಡೋದು ಗೊತ್ತಿಲ್ಲ.!?  ಸುದ್ದಿ ಮೂಲವೋ,ಸಾಮಾಜಿಕ ಕಳಕಳಿ ಮಾಹಿತಿ ಹಾಕಿದ್ರೆ ಜಾಗೃತ ಮೂಡಿಸೋ ಕೆಲಸವೇ ಆಗೊಲ್ಲ..ಕಾಮಾಂದದ ಸಂದೇಶಗಳಲ್ಲಿ ಒಬ್ಬರದ್ದೆ ತಪ್ಪು ಅಂತ ಹೇಳೊಲ್ಲ. ಇಬ್ಬರದ್ದು ಇದ್ದೆ ಇರುತ್ತೆ. ಹೇಳಲು ಒಬ್ಬರಿಕೆ ಅಂಜಿಕೆಯಾದರೆ ಮತ್ತೊಬ್ಬರಿಗೆ ನಾಚಿಕೆ. ಅಂತಿಮವಾಗಿ ಸಂಬಂದಗಳು,ಸಂಸಾರದ ಕೊಂಡಿಗಳು ಕಳಚಿ ಬೀಳುತ್ತದೆ. ಸತ್ಯಾಂಸ ಮಾಡಿದವರಿಗೆ, ಮಾಡಿಸಿಕೊಂಡವರಿಗಷ್ಟೆ ಗೊತ್ತು. ಈ ನಡುವೆ ಅದಿಕೃತ ಅಂದ್ರೆ .ನಮ್ ಸೈಬರ್ ಪೊಲೀಸರಿಗೆ ಡಿಟೇಲ್ ತೆಗೆಯೊ ಮೊದಲೆ ಏನೆನೆಲ್ಲ ಇದೆ ಅಂತ ಲೆಕ್ಕ ಹಾಕಿ ಬಿಡುತ್ತಾರೆ.... ಮೋಸ ಹೋದೆವು ಎಂದರೆ ಠಾಣೆಗೆ ಹೋಗಿ..ಮತ್ತೊಬ್ಬರು ಏನೇನೋ ಸಂದೇಶ ಮಾಡಿಬಿಟ್ಟರು..ತಮ್ಮ ಶೀಲವೇ ಹೋಯಿತು ಅನ್ನೊ ಮಟ್ಟಿಗೆ ಬೀದಿಯಲ್ಲಿ ನಿಲ್ಲಬೇಡಿ...ಎಲ್ಲರೂ ಶ್ರೀರಾಮ ಆಗೊಲ್ಲ. ಎಲ್ಲರೂ ಕೃಷ್ಣರಾಗೊಲ್ಲ...ಕಾಮಾತುರಾಣಾಯ ನಭಯಂ,ನಲಜ್ಜ ಅನ್ನೊ ಹಾಗೇ ತಪ್ಪು ಮಾಡೋವಾಗ ಗೊತ್ತಾಗದ್ದು, ಮಾಡಿದ ಮೇಲೆ ಗೊತ್ತಾದರೆ ಏನೂ ಪ್ರಯೋಜನವಿಲ್ಲ.‌ನೆನಪಿರಲಿ...ಅರಿಷಡ್ವರ್ಗ ಅನ್ನೋದು ಎಲ್ಲರಲ್ಲೂ ಇರುತ್ತೆ. ಇರಲೇಬೇಕು. ಎಲ್ಲರದ್ದು ತಪ್ಪಲ್ಲ..
: ಪೇಸ್ ಬುಕ್ ಸ್ನೇಹಿತೆಯೊಬ್ಬರ ಟೈಮ್ ಲೈನ್ ನೋಡಿ ಬೇಸರ ಆಯಿತು..ಅದನ್ನ ನೋಡಿ ಡಿಲಿಟ್ ಮಾಡಿ.. ಪಾಪ ಅವರದಷ್ಟೆ ಅಲ್ಲ ನಿಮ್ಮದು ಮರ್ಯಾದೆ ಹೋಗುತ್ತದೆ ಅಂತ..ಡೋಂಟ್ ಕೇರ್...ಬೇರೆಯವರು ಎಚ್ಚೆತ್ತುಕೊಳ್ಳಲಿ ಬಿಡಿ ಅಂತ ಸರ್ ಅಂತ ಹೇಳಿದರು..ಸ್ನೇಹಿತರಲ್ಲದ ಸ್ನೇಹಿತನಿಗೆ ಕರೆ ಮಾಡಿ ಕೇಳಿದೆ...ತಪ್ಪಲ್ಲವೇ ಅಂತ..? ಒಂದೇ ಮಾತು. ನನ್ನದು ತಪ್ಪು ಅಂತ ಅನಿಸಿದರೆ ಆಕೆ ಮಾಡಿದ್ದು ಸರಿಯೇ!? ಸಂಪೂರ್ಣ ಸಂದೇಶಗಳನ್ನ ತೋರಿಸಲೆ ಅಂತೇಳಿದ.ಕೆಲವನ್ನಷ್ಟೆ  ಅಳಿಸಿ ಹಾಕಿದ್ದಾರೆ. ತಮಗೂ ತೋರಿಸಲೇ ಅಂದರು. ನನಗೆ. ಆ ಶುಭ ಸಂದೇಶಗಳನ್ನ ನೋಡುವ ತವಕವಿಲ್ಲ..ಪ್ರಪಂಚ ಕೆಲವೊಮ್ಮೆ ಕತ್ತಲ ಕೂಪದಲ್ಲಿರುತ್ತದೆ. ಬೆಳಕು ಬಂದಾಗ ಜಗತ್ತು ನೋಡಬೇಕು ಅಂತೇಳಿ ಕಟ್ ಮಾಡಿದೆ.. ಇವರಿಬ್ಬರು ನನಗೆ ಗೊತ್ತೆ ಅಲ್ಲ..ಏನೇನಾಗಿದೆ ಅನ್ನೊ ವಾಸ್ತವ ಅಂಶ ಗೊತ್ತು.!ಪಾಪ ಠಾಣೆಗೆ ಹೋದರೆ ಗೊತ್ತಿಲ್ಲದವರಿಗೆ ಗೊತ್ತಾಗೊ ಬದಲು,ಗೊತ್ತಿರುವವರಿಗೆ ಗೊತ್ತಾದರೆ (ತಂದೆ,ತಾಯಿ) ಸಾಕು ನಿಮ್ಮ ಕಥೆ ಗೊತ್ತಾಗೊದು. ನೆನಪಿರಲಿ..ಗೊತ್ತಿದ್ದರೂ ಗೊತ್ತಿಲ್ಲದಂತೆ ಇರಬೇಕು..ಆಗ ಪ್ರಪಂಚ ಏನೆಂಬುದು ಅರಿವಾಗೋದು..!?
ಇಬ್ಬರದ್ದೂ ತಪ್ಪು ಅಂತ ನಾನು ನಿರ್ಣಯಕ್ಕೆ ಬರೋದು ನನ್ನ ಅಭಿಪ್ರಾಯವಲ್ಲ...ಅವರವರಿಗೆ ಬಿಟ್ಟಿದ್ದು..ಅವರವರ ನೋವು ಅವರಿಗಷ್ಟೆ ಗೊತ್ತಲ್ಲವೇ!?
ಇಷ್ಟ ಆದರೆ ಶೇರ್ ಮಾಡಿ...ನೀವು ಮಾಡಿಕೊಂಡ ತಪ್ಪಿಗೆ ಗಂಡು ಸಂತತಿ ದೂಷಿಸಬೇಡಿ. ನೆನಪಿರಲಿ ಆತನೂ........!
ಅದೇಷ್ಟೋ ಹುಡುಗರು ತಮ್ಮ ಗೆಳತಿಯರು ಅವರ ಮಾನ‌ ಮರ್ಯಾದೆ ಹೋಗೋದು ಬೇಡ ಅಂತ ಅವರಿಗೆ ಬೆಲೆ ಕೊಡ್ತಾರೆ. ಅದೆ ಅವರು ಮನಸ್ಸು ಮಾಡಿದರೆ ಏನೆಲ್ಲ ಅವಘಡವಾಗೊದು ನೆನಪಿಸಿಕೊಂಡರೆ ಸಾಕು. ಬದುಕೇ ವಿಚಿತ್ರ.. ನಿಮ್ಮ ತೆವಲಿಗೆ ಮತ್ತೊಬ್ಬರ ಬಲಿ ಕೊಡಬೇಡಿ.ಹುಡುಗರೆಲ್ಲ ಕೆಟ್ಟವರಲ್ಲ....ಕೆಟ್ಟವರಲ್ಲ ಹುಡುಗಿಯರಲ್ಲ..ಸಂದರ್ಭವಷ್ಟೆ.!

ಮಕ್ಕಳ ಕಲಿಕಾ ಸಾಮಥ್ರ್ಯಕ್ಕೆ ಅನುಗುಣವಾಗಿ ಗುಣಾತ್ಮಕ ಶಿಕ್ಷಣ ನೀಡಲು ಸಿ.ಇ.ಒ ಸಲಹೆ  

ಚಾಮರಾಜನಗರ, ಜ. 03 :- ಮಕ್ಕಳ ಕಲಿಕಾ ಸಾಮಥ್ರ್ಯಕ್ಕೆ ಅನುಗುಣವಾಗಿ ಗುಣಾತ್ಮಕ ಶಿಕ್ಷಣ ನೀಡುವ ಮೂಲಕ ಸುಸ್ಥಿರ ಫಲಿತಾಂಶ ಹೊರಹೊಮ್ಮಲು ಶಿಕ್ಷಕರು ಆದ್ಯತೆ ನೀಡಬೇಕು ಎಂದು ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಡಾ. ಕೆ. ಹರೀಶ್‍ಕುಮಾರ್ ಅವರು ಸಲಹೆ ಮಾಡಿದರು.
ನಗರದ ಜೆ.ಎಚ್. ಪಟೇಲ್ ಸಭಾಂಗಣದಲ್ಲಿಂದು ಜಿಲ್ಲಾ ಪಂಚಾಯತ್ ಹಾಗೂ ಸಾರ್ವಜನಿಕ ಶಿಕ್ಷಣ ಇಲಾಖೆಯ ಸಹಯೋಗದೊಂದಿಗೆ ಎಸ್.ಎಸ್.ಎಲ್.ಸಿ ಫಲಿತಾಂಶವನ್ನು ಉತ್ತಮಗೊಳಿಸುವ ನಿಟ್ಟಿನಲ್ಲಿ ಫ್ರೌಢಶಾಲೆಯ ಸಮಾಜವಿಜ್ಞಾನ ವಿಷಯದ ಸಹ ಶಿಕ್ಷಕರಿಗೆ ಹಮ್ಮಿಕೊಳ್ಳಲಾಗಿದ್ದ ಕಾರ್ಯಾಗಾರವನ್ನು ಸಾವಿತ್ರಿಬಾಯಿ ಪುಲೆ ಅವರ ಭಾವಚಿತ್ರಕ್ಕೆ ಪುಷ್ಪನಮನ ಮಾಡುವ ಮೂಲಕ ಉದ್ಘಾಟಿಸಿ ಅವರು ಮಾತನಾಡಿದರು.
ಶಿಕ್ಷಕ ವೃತ್ತಿ ಇತರೆ ವೃತ್ತಿಗಳಿಗಿಂತ ಪವಿತ್ರವಾದದ್ದು. ಮಕ್ಕಳ ಜ್ಞಾನಾರ್ಜನೆಗೆ ಸೂಕ್ತ ಕಲಿಕಾ ಅವಕಾಶಗಳನ್ನು ನೀಡಿ ಅವರ ಶೈಕ್ಷಣಿಕ ಪ್ರಗತಿಯಲ್ಲಿ ಶಿಕ್ಷಕರು ವಹಿಸುವ ಪಾತ್ರ ಪ್ರಮುಖವಾಗಿದೆ. ಶಿಕ್ಷಕರ ನಡೆ. ನುಡಿ, ಶಿಸ್ತು ಹಾಗೂ ಬದ್ಧತೆ ಮಕ್ಕಳನ್ನು ಸಕ್ರಿಯವಾಗಿ ತಲುಪಬೇಕು. ಆ ಮೂಲಕ ಮಕ್ಕಳಲ್ಲಿ ಗುಣಮಟ್ಟದ ಕಲಿಕಾ ಪ್ರವೃತ್ತಿಗೆ ಪರಿಣಾಮಕಾರಿ ಒತ್ತು ನೀಡಬೇಕು. ಎಸ್.ಎಸ್.ಎಲ್.ಸಿ ಪರೀಕ್ಷೆ ಕೆಲವೇ ತಿಂಗಳುಗಳ ಹತ್ತಿರವಿದೆ. ಇದನ್ನು ಗಮನದಲ್ಲಿಟುಕೊಂಡು ಶಿಕ್ಷಕರು ವಿದ್ಯಾರ್ಥಿಗಳ ಕಲಿಕಾ ಸಾಮಥ್ರ್ಯ ವೃದ್ದಿಸಲು ಕಾಯೋನ್ಮುಖರಾಗಬೇಕು ಎಂದರು.
ಪ್ರತಿವರ್ಷದ ಎಸ್.ಎಸ್.ಎಲ್.ಸಿ ಫಲಿತಾಂಶದಲ್ಲಿ ಸಮಾಜವಿಜ್ಞಾನ ವಿಷಯದಲ್ಲಿ ಎರುಪೇರು ಕಂಡುಬರುತ್ತಿದೆ. ಸಮಾಜ ವಿಜ್ಞಾನ ವಿಷಯ ಮಕ್ಕಳ ದೈನಂದಿನ ಘಟನೆಗೆ ಸಂಬಂದಿಸಿದೆ. ವಿಷಯದ ಕಲಿಕಾ ಸಾಮಥ್ರ್ಯಕ್ಕೆ ಅನುಸಾರವಾಗಿ ಮಕ್ಕಳನ್ನು ವಿಂಗಡಿಸಿ ನಿಧಾನಗತಿಯ ಕಲಿಕಾರ್ಥಿಗಳಿಗೆ ಶಿಕ್ಷಕರು ಹೆಚ್ಚಿನ ಗಮನ ಹರಿಸಬೇಕು. ಅ ಮೂಲಕ ಎಸ್.ಎಸ್.ಎಲ್.ಸಿ ಸುಸ್ಥಿರ ಫಲಿತಾಂಶಕ್ಕೆ ಎಲ್ಲಾ ಶಿಕ್ಷಕರು ಶ್ರಮಿಸಬೇಕು ಎಂದು ತಿಳಿಸಿದರು.
ಮಕ್ಕಳು ಗುರುಗಳನ್ನು ಮಾದರಿ ವ್ಯಕ್ತಿಯನ್ನಾಗಿ ಕಾಣುವುದರಿಂದ ಶಿಕ್ಷಕರು ಹೊಂದಿರುವ ಜ್ಞಾನ, ಮಕ್ಕಳ ಮೇಲೆ ತೋರುವ ಪ್ರೀತಿ, ವಿಷಯ ಸಂಪತ್ತು ಮಕ್ಕಳನ್ನು ಪ್ರಭಾವಿಸುವಂತಿರಬೇಕು. ಸಮಾಜವಿಜ್ಞಾನವಷ್ಟೆ ಅಲ್ಲ. ಇತರೆ ವಿಷಯಗಳನ್ನು ಮಕ್ಕಳಿಗೆ ಅಪ್ಯಾಯಮಾನ ರೀತಿಯಲ್ಲಿ ಕಲಿಸಿದಾಗ ಮಾತ್ರ ಗುಣಮಟ್ಟದ ಕಲಿಕೆ ಸಾಧ್ಯವಾಗುತ್ತದೆ ಎಂದು ಹರೀಶ್‍ಕುಮಾರ್ ಅವರು ಶಿಕ್ಷಕರಿಗೆ ತಿಳಿಸಿದರು.
ಕಾರ್ಯಾಗಾರದಲ್ಲಿ ನಂಜನಗೂಡಿನ ಹದಿನಾರು ಗ್ರಾಮದ ಸರ್ಕಾರಿ ಪ್ರೌಢಶಾಲೆಯ ಸಹ ಶಿಕ್ಷಕರಾದ ಬಸವರಾಜು ಅವರು ಸಂಪನ್ಮೂಲ ವ್ಯಕ್ತಿಯಾಗಿ ಭಾಗವಹಿಸಿದ್ದರು.
ಸಾರ್ವಜನಿಕ ಶಿಕ್ಷಣ ಇಲಾಖೆಯ ಶಿಕ್ಷಣಾಧಿಕಾರಿಗಳು, ಜಿಲ್ಲೆಯ ಎಲ್ಲ ಸರ್ಕಾರಿ, ಅನುದಾನಿತ ಹಾಗೂ ಅನುದಾನರಹಿತ ಫ್ರೌಢಶಾಲೆಯ ಸಮಾಜವಿಜ್ಞಾನ ಶಿಕ್ಷಕರು ಕಾರ್ಯಾಗಾರದಲ್ಲಿ ಹಾಜರಿದ್ದರು.

ಜಿಲ್ಲಾ ಪಂಚಾಯತ್ ಉಪ ಕಾರ್ಯದರ್ಶಿಯಾಗಿ ಹನುಮನರಸಯ್ಯ ಅಧಿಕಾರ ಸ್ವೀಕಾರ 

ಚಾಮರಾಜನಗರ, ಜ. 03 - ಚಾಮರಾಜನಗರ ಜಿಲ್ಲಾ ಪಂಚಾಯಿತಿಯ ನೂತನ ಉಪಕಾರ್ಯದರ್ಶಿಯಾಗಿ ಎ. ಹನುಮನರಸಯ್ಯ ಅವರು ಇಂದು ಅಧಿಕಾರ ಸ್ವೀಕರಿಸಿದರು.
ಬೆಂಗಳೂರು ನಗರ ಜಿಲ್ಲಾ ಪಂಚಾಯತ್ ಉಪ ಕಾರ್ಯದರ್ಶಿಯಾಗಿ ಈ ಹಿಂದೆ ಕಾರ್ಯ ನಿರ್ವಹಿಸಿದ್ದರು. ಅಲ್ಲದೆ ಯೋಜನಾ ನಿರ್ದೇಶಕರಾಗಿಯು ಕಾರ್ಯ ನಿರ್ವಹಿಸಿದ ಅನುಭವ ಇವರಿಗಿದೆ. ಶಿವಮೊಗ್ಗ, ತುಮಕೂರು ಸೇರಿದಂತೆ ಇನ್ನಿತರ ಜಿಲ್ಲೆಗಳಲ್ಲಿಯೂ ಸೇವೆ ಸಲ್ಲಿಸಿದ್ದ ಎ. ಹನುಮನರಸಯ್ಯ ಅವರು ಪ್ರಸ್ತುತ ಚಾಮರಾಜನಗರ ಜಿಲ್ಲಾ ಪಂಚಾಯತ್ ಉಪ ಕಾರ್ಯದರ್ಶಿಯಾಗಿ ಅಧಿಕಾರಿ ಸ್ವೀಕರಿಸಿದ್ದಾರೆ
ರೈತರ ಸಾಲ ಮನ್ನಾ: ನಾಡಕಚೇರಿಗಳಲ್ಲೂ ನೊಂದಾಯಿಸಿಕೊಳ್ಳಲು ಅವಕಾಶ
ಚಾಮರಾಜನಗರ, ಜ. 03:- ರಾಜ್ಯ ಸರ್ಕಾರ ವಾಣಿಜ್ಯ ಬ್ಯಾಂಕುಗಳಲ್ಲಿ ಬೆಳೆ ಸಾಲ ಮಾಡಿರುವ ರೈತರಿಗೆ ಸಾಲ ಮನ್ನಾ ಮಾಡುವ ಸಲುವಾಗಿ ತಂತ್ರಾಂಶವನ್ನು ಜಾರಿಗೆ ತಂದಿದ್ದು, ಬ್ಯಾಂಕುಗಳಲ್ಲಿ ಸಾಲಪಡೆದ ಎಲ್ಲ ರೈತರು ಅಗತ್ಯ ದಾಖಲಾತಿಗಳೊಂದಿಗೆ ಜನವರಿ 10ರೊಳಗೆ ಸಂಬಂಧಪಟ್ಟ ಬ್ಯಾಂಕಿಗೆ ಹಾಜರಾಗಿ ಸ್ವಯಂ ಘೋಷಣಾ ಪತ್ರಕ್ಕೆ ಸಹಿ ಮಾಡುವಂತೆ ಜಿಲ್ಲಾಧಿಕಾರಿಯವರು ತಿಳಿಸಿದ್ದಾರೆ.
ಬ್ಯಾಂಕುಗಳಲ್ಲಿ ಸಾಲ ಪಡೆದ ರೈತರು ಆಧಾರ್, ರೇಷನ್ ಕಾರ್ಡ್, ಪಹಣಿ ದಾಖಲಾತಿಗಳೊಂದಿಗೆ ಸಂಬಂಧಪಟ್ಟ ಬ್ಯಾಂಕಿಗೆ ಖುದ್ದು ಹಾಜರಾಗಿ ಸ್ವಯಂ ಘೋಷಣಾ ಪತ್ರಕ್ಕೆ ಸಹಿ ಮಾಡಬೇಕು. ಸದರಿ ದಾಖಲೆಗಳನ್ನು ಹತ್ತಿರದ ನಾಡ ಕಚೇರಿಯಲ್ಲೂ ಕೂಡ ಸಲ್ಲಿಸಿ ನೊಂದಣಿ ಮಾಡಲು ಅವಕಾಶ ಕಲ್ಪಿಸಲಾಗಿದೆ. ಈ ಸದಾವಕಾಶವನ್ನು ರೈತಬಾಂಧವರು ಸದುಪಯೋಗ ಮಾಡಿಕೊಳ್ಳುವಂತೆ ಜಿಲ್ಲಾಧಿಕಾರಿಯವರು ಪ್ರಕಟಣೆಯಲ್ಲಿ ಕೋರಿದ್ದಾರೆ.

ಸಮನ್ವಯ, ವಿಶೇಷ ಶಿಕ್ಷಕರ ನೇಮಕಾತಿಗೆ ಅರ್ಜಿ ಆಹ್ವಾನ
ಚಾಮರಾಜನಗರ, ಜ. 03 :- ಸಮನ್ವಯ ಶಿಕ್ಷಣ ಸಂಪನ್ಮೂಲ ಅಭಿವೃದ್ಧಿಗಾಗಿ ಜಿಲ್ಲೆಯಲ್ಲಿ ಖಾಲಿ ಇರುವ ಸಮನ್ವಯ ಶಿಕ್ಷಣ ಶಿಕ್ಷಕರು, ವಿಶೇಷ ಶಿಕ್ಷಕರನ್ನು ನೇರ ಗುತ್ತಿಗೆ ಮೂಲಕ ನೇಮಕಾತಿ ಮಾಡಿಕೊಳ್ಳುವ ಸಲುವಾಗಿ ಅರ್ಜಿ ಆಹ್ವಾನಿಸಲಾಗಿದೆ.
ಸರ್ಕಾರಿ ಪ್ರಾಥಮಿಕ ಶಾಲಾ ವಿಭಾಗದಲ್ಲಿ ಬುದ್ದಿ ಮಾಂಧ್ಯತ್ವ(ಎಂ.ಆರ್), ದೃಷ್ಠಿ ದೋಷ(ವಿ,ಐ), ಶ್ರವಣದೋಷ(ಎಚ್.ಐ) ಮತ್ತು ಸರ್ಕಾರಿ ಪ್ರೌಢಶಾಲಾ ವಿಭಾಗದಲ್ಲಿ ಬುದ್ದಿ ಮಾಂಧ್ಯತ್ವ(ಎಂ.ಆರ್), ದೃಷ್ಠಿ ದೋಷ(ವಿ,ಐ), ದೈಹಿಕ ನ್ಯೂನತೆ(ಎಲ್.ಡಿ) ಹುದ್ದೆಗಳಿಗೆ ನೇಮಕ ಮಾಡಿಕೊಳ್ಳಲಾಗುತ್ತದೆ.
ಆರ್.ಸಿ.ಐ ಸೂಕ್ತ ವಿದ್ಯಾರ್ಹತೆ ಇರಬೇಕು. ಪ್ರಾಥಮಿಕ ಶಾಲಾ ವಿಭಾಗಕ್ಕೆ ವಿಶೇಷ ಶಿಕ್ಷಣದಲ್ಲಿ ಡಿ.ಇಡಿ ಮತ್ತು ಪ್ರೌಢಶಾಲಾ ವಿಭಾಗಕ್ಕೆ ವಿಶೇಷ ಶಿಕ್ಷಣದಲ್ಲಿ ಬಿ.ಇಡಿ ವಿದ್ಯಾರ್ಹತೆ ಹೊಂದಿರಬೇಕು. ಅರ್ಜಿಯನ್ನು ಅಗತ್ಯ ದಾಖಲೆಗಳೊಂದಿಗೆ ನಗರದ ಜಿಲ್ಲಾಡಳಿತ ಭವನದಲ್ಲಿರುವ ಜಿಲ್ಲಾ ಯೋಜನಾ ಸಮನ್ವಯಾಧಿಕಾರಿಗಳ ಕಚೇರಿ, ಸಾರ್ವಜನಿಕ ಶಿಕ್ಷಣ ಇಲಾಖೆ, ಸಮಗ್ರ ಶಿಕ್ಷಣ ಅಭಿಯಾನ ಇಲ್ಲಿಗೆ ಜನವರಿ 10ರೊಳಗೆ ಸಲ್ಲಿಸಬೇಕು. ವಿವರಗಳಿಗೆ ಸದರಿ ಕಚೇರಿಯನ್ನು ಸಂಪರ್ಕಿಸುವಂತೆ ಪ್ರಕಟಣೆ ತಿಳಿಸಿದೆ.
ಜನವರಿ 4ರಂದು ಜಿಲ್ಲಾ ಪಂಚಾಯತ್ ಸಾಮಾನ್ಯ ಸಭೆ
ಚಾಮರಾಜನಗರ, ಜ. 03 - ಜಿಲ್ಲಾ ಪಂಚಾಯತ್ ಅಧ್ಯಕ್ಷರಾದ ಶಿವಮ್ಮ ಅವರ ಅಧ್ಯಕ್ಷತೆಯಲ್ಲಿ ಜಿಲ್ಲಾ ಪಂಚಾಯತ್ ಸಾಮಾನ್ಯ ಸಭೆಯು ಜನವರಿ 4 ರಂದು ಬೆಳಿಗ್ಗೆ 11 ಗಂಟೆಗೆ ಜಿಲ್ಲಾ ಪಂಚಾಯತ್ ನೂತನ ಸಭಾಂಗಣದಲ್ಲಿ ನಡೆಯಲಿದೆ ಎಂದು ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಡಾ. ಕೆ. ಹರೀಶ್‍ಕುಮಾರ್ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಜನವರಿ 4ರಂದು ಜಿಲ್ಲಾ ಪೊಲೀಸ್ ವಾರ್ಷಿಕ ಕ್ರೀಡಾಕೂಟಕ್ಕೆ ಚಾಲನೆ
ಚಾಮರಾಜನಗರ, ಜ. 03 :- ಪೊಲೀಸ್ ಇಲಾಖೆವತಿಯಿಂದ ಚಾಮರಾಜನಗರ ಜಿಲ್ಲಾ ಪೊಲೀಸ್ ವಾರ್ಷಿಕ ಕ್ರೀಡಾಕೂಟವನ್ನು ಜನವರಿ 4, 5 ಮತ್ತು 6ರಂದು ಜಿಲ್ಲಾ ಪೊಲೀಸ್ ಕವಾಯಿತು ಮೈದಾನದಲ್ಲಿ ಹಮ್ಮಿಕೊಳ್ಳಲಾಗಿದೆ.
ಜನವರಿ 4ರಂದು ಬೆಳಿಗ್ಗೆ 8 ಗಂಟೆಗೆ ಜಿಲ್ಲಾಧಿಕಾರಿ ಬಿ.ಬಿ. ಕಾವೇರಿ ಅವರು ಸಮಾರಂಭವನ್ನು ಉದ್ಘಾಟಿಸುವರು. ಕೊಳ್ಳೇಗಾಲ ಮಲೆ ಮಹದೇಶ್ವರ ವನ್ಯಜೀವಿ ವಿಭಾಗದ ಉಪ ಅರಣ್ಯ ಸಂರಕ್ಷಣಾಧಿಕಾರಿ ಎಡುಕೊಂಡಲು ಅವರು ಮುಖ್ಯ ಅತಿಥಿಯಾಗಿ ಭಾಗವಹಿಸಲಿದ್ದಾರೆ.
ಕ್ರೀಡಾಕೂಟದ ಸಮಾರೋಪ ಸಮಾರಂಭವು ಜನವರಿ 6ರಂದು ಸಂಜೆ 4 ಗಂಟೆಗೆ ನಡೆಯಲಿದೆ. ಮೈಸೂರು ದಕ್ಷಿಣ ವಲಯದ ಪೊಲೀಸ್ ಮಹಾ ನಿರೀಕ್ಷಕರಾದ ಕೆ.ವಿ. ಶರತ್‍ಚಂದ್ರ ಸಮಾರೋಪ ಕಾರ್ಯಕ್ರಮದ ಮುಖ್ಯ ಅತಿಥಿಗಳಾಗಿ ಪಾಲ್ಗೊಳ್ಳಲಿದ್ದಾರೆ ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಧರ್ಮೇಂದರ್ ಕುಮಾರ್ ಮೀನಾ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.




   

ಮತದಾರರ ಪಟ್ಟಿ ವಿಶೇಷ ಸಂಕ್ಷಿಪ್ತ ಪರಿಷ್ಕರಣೆಗೆ ಅಗತ್ಯ ಸಹಕಾರ: ವೀಕ್ಷಕರಾದ ನವೀನ್‍ರಾಜ್ ಸಿಂಗ್ (04-01-2019)

ಗಣರಾಜ್ಯೋತ್ಸವ ಅರ್ಥಪೂರ್ಣ ಆಚರಣೆಗೆ ಪೂರ್ವಭಾವಿ ಸಭೆಯಲ್ಲಿ ತೀರ್ಮಾನ 

ಚಾಮರಾಜನಗರ, ಜ. 04 :- ಜಿಲ್ಲಾಡಳಿತ ಹಾಗೂ ಎಲ್ಲಾ ಸಂಘಸಂಸ್ಥೆಗಳ ಸಹಕಾರದೊಂದಿಗೆ ಜನವರಿ 26ರಂದು ಗಣರಾಜ್ಯೋತ್ಸವ ದಿನ ಆಚರಣೆಯನ್ನು ಅರ್ಥಪೂರ್ಣವಾಗಿ ಹಮ್ಮಿಕೊಳ್ಳಲು ತೀರ್ಮಾನಿಸಲಾಗಿದೆ.
ನಗರದ ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣದಲ್ಲಿ ಇಂದು ಜಿಲ್ಲಾಧಿಕಾರಿ ಬಿ.ಬಿ.ಕಾವೇರಿ ಅವರ ಅಧ್ಯಕ್ಷತೆಯಲ್ಲಿ ನಡೆದ ಗಣರಾಜ್ಯೋತ್ಸವ ದಿನಾಚರಣೆ ಪೂರ್ವಭಾವಿ ಸಭೆಯಲ್ಲಿ ಕಾರ್ಯಕ್ರಮವನ್ನು ಸುಸೂತ್ರವಾಗಿ ಕೈಗೊಳ್ಳಲು ನಿರ್ಧಾರ ಮಾಡಲಾಯಿತು.
ಸಭೆಯಲ್ಲಿ ಹಾಜರಿದ್ದ ಸಂಘಟನೆಗಳ ಮುಖಂಡರು ಮಾತನಾಡಿ ಕಾರ್ಯಕ್ರಮದಲ್ಲಿ ಸರ್ಕಾರಿ ಶಾಲಾ ಮಕ್ಕಳಿಗೆ ಹೆಚ್ಚು ಆದ್ಯತೆ ಕೊಡಬೇಕು. ಖಾಸಗಿ ಶಾಲೆಗಳು ಸೇರಿದಂತೆ ಎಲ್ಲ ಶಾಲೆಗಳಲ್ಲಿ ಕಡ್ಡಾಯವಾಗಿ ಗಣರಾಜ್ಯೋತ್ಸವ ದಿನ ಆಚರಿಸಬೇಕು. ಬ್ಯಾಂಕುಗಳಲ್ಲಿ ಸಹ ಆಚರಣೆಗೆ ಸೂಚನೆ ನೀಡಬೇಕು. ಯಾವುದೇ ಲೋಪವಿಲ್ಲದೇ ಕಾರ್ಯಕ್ರಮ ಆಯೋಜನೆಯಾಗಬೇಕು. ಕಾರ್ಯಕ್ರಮಕ್ಕೆ ನಾವು ಎಲ್ಲ ಸಹಕಾರ ನೀಡಲಿದ್ದೇವೆ ಎಂದರು.
ಜಿಲ್ಲಾಧಿಕಾರಿ ಬಿ.ಬಿ. ಕಾವೇರಿ ಅವರು ಮಾತನಾಡಿ ಎಲ್ಲ ಶಾಲೆಗಳು ಕಡ್ಡಾಯವಾಗಿ ಗಣರಾಜ್ಯೋತ್ಸವ ಆಚರಿಸಲು ಸೂಚಿಸಲಾಗುತ್ತದೆ. ಜಿಲ್ಲೆಯಲ್ಲಿರುವ ಬ್ಯಾಂಕುಗಳು ಕೂಡ ಗಣರಾಜ್ಯೋತ್ಸವ ಆಚರಿಸುವಂತೆ ನಿರ್ದೇಶನ ನೀಡಲಾಗುತ್ತದೆ. ಜಿಲ್ಲೆಯಲ್ಲಿ ಕಾರ್ಯಕ್ರಮ ಆಚರಿಸದೇ ಇರುವವರ ಬಗ್ಗೆ ಗಮನಿಸಲಾಗುತ್ತದೆ ಎಂದರು.
ಡಾ. ಬಿ.ಆರ್. ಅಂಬೇಡ್ಕರ್ ಜಿಲ್ಲಾ ಕ್ರೀಡಾಂಗಣದಲ್ಲಿ ಎಂದಿನಂತೆ ಗಣರಾಜ್ಯೋತ್ಸವ ದಿನ ಆಚರಣೆ ಮಾಡಲಾಗುತ್ತದೆ. ಬೆಳಗಿನ ಪಥ ಸಂಚಲನ, ಸಾಂಸ್ಕøತಿಕ ಕಾರ್ಯಕ್ರಮಗಳು, ಧ್ವಜಾರೋಹಣ ಇತರೆ ಸಿದ್ದತೆಗಳಿಗೆ ಅಧಿಕಾರಿಗಳು ಕಾರ್ಯೋನ್ಮುಖರಾಗಬೇಕೆಂದು ಜಿಲ್ಲಾಧಿಕಾರಿ ಸೂಚಿಸಿದರು.
ಆಕರ್ಷಕ ಪಥಸಂಚಲನ ಕಾರ್ಯಕ್ರಮಕ್ಕೆ ಮೊರಾರ್ಜಿ, ಕಿತ್ತೂರು ರಾಣಿ ಚನ್ನಮ್ಮ ಸೇರಿದಂತೆ ಎಲ್ಲಾ ಸರ್ಕಾರಿ ವಸತಿ ಶಾಲೆಗಳ ಮಕ್ಕಳನ್ನು ಸಹ ತೊಡಗಿಸಿಕೊಳ್ಳಬೇಕು. ಬೆಳಗಿನ ಸಾಂಸ್ಕøತಿಕ ಕಾರ್ಯಕ್ರಮಗಳು ಅಚ್ಚುಕಟ್ಟಾಗಿ ಮೂಡಿಬರಲು ಎಲ್ಲರಿಗೂ ಸರಿಸಮಾನವಾಗಿ ತರಬೇತಿ, ತಾಲೀಮು ನೀಡುವ ಕೆಲಸ ನಿರ್ವಹಿಸಬೇಕೆಂದು ಜಿಲ್ಲಾಧಿಕಾರಿ ತಿಳಿಸಿದರು.
ಸಂಜೆಯ ವೇಳೆ ಚಾಮರಾಜೇಶ್ವರ ದೇವಾಲಯ ಬಳಿ ಸಹ ಸಾಂಸ್ಕøತಿಕ ಕಾರ್ಯಕ್ರಮಗಳನ್ನು ಪ್ರಸ್ತುತ ಪಡಿಸಲು ಶಾಲಾ ಕಾಲೇಜು ವಿದ್ಯಾರ್ಥಿಗಳನ್ನು ಸಜ್ಜುಗೊಳಿಸಬೇಕು. ಶಿಕ್ಷಣ ಇಲಾಖೆ ಅಧಿಕಾರಿಗಳು ಈಗಿನಿಂದಲೇ ಕಾರ್ಯಕ್ರಮಕ್ಕೆ ಪೂರ್ವಭಾವಿ ಸಿದ್ದತೆಗಳನ್ನು ಕೈಗೊಳ್ಳಬೇಕು ಎಂದರು.
ಕಾರ್ಯಕ್ರಮ ನಿರ್ವಹಣೆಗೆ ಸ್ವಾಗತ ಸಮಿತಿ, ವೇದಿಕೆ ಸಮಿತಿ, ಧ್ವಜಾ ಸಿದ್ದತೆ ಸಮಿತಿ, ಲಘು ಉಪಹಾರ, ಬಹುಮಾನ, ಸಾಂಸ್ಕøತಿಕ ಕಾರ್ಯಕ್ರಮ ಸಮಿತಿಗಳು ಮಾಡಬೇಕಿರುವ ಕೆಲಸಗಳನ್ನು ನಿರ್ದಿಷ್ಟ ಪಡಿಸಲಾಗಿದೆ. ಯಾವುದೇ ಚ್ಯುತಿ ಬಾರದಂತೆ ಗಣರಾಜ್ಯೋತ್ಸವ ಆಚರಣೆ ಕಾರ್ಯಕ್ರಮವನ್ನು ಯಶಸ್ವಿಯಾಗಿ ನಡೆಸಲು ಅಧಿಕಾರಿಗಳು ಮುಂದಾಗುವಂತೆ ಜಿಲ್ಲಾಧಿಕಾರಿ ಕಾವೇರಿಯವರು ತಿಳಿಸಿದರು.
ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಡಾ. ಕೆ. ಹರೀಶ್‍ಕುಮಾರ್, ಹೆಚ್ಚುವರಿ ಜಿಲ್ಲಾಧಿಕಾರಿ ಸಿ.ಎಲ್. ಆನಂದ್, ಕನ್ನಡ ಮತ್ತು ಸಂಸ್ಕøತಿ ಇಲಾಖೆ ಸಹಾಯಕ ನಿರ್ದೇಶಕರಾದ ಎಚ್. ಚೆನ್ನಪ್ಪ, ತಹಶೀಲ್ದಾರ್ ಕೆ. ಪುರಂದರ್, ಸಂಘಟನೆಗಳ ಮುಖಂಡರಾದ ಚಾ.ರಂ. ಶ್ರೀನಿವಾಸಗೌಡ, ಗು. ಪುರುಷೋತ್ತಮ್, ಚಾ.ಗು. ನಾಗರಾಜು, ಜಿ. ಬಂಗಾರು, ಚಾ.ಹ. ಶಿವರಾಜು, ಪಣ್ಯದಹುಂಡಿ ರಾಜು, ಬಸವನಪುರ ರಾಜಶೇಖರ್, ಉಮ್ಮತ್ತೂರು ಬಸವರಾಜು ಇತರೆ ಸಂಘಟನೆ ಪ್ರತಿನಿಧಿಗಳು, ಜಿಲ್ಲಾಮಟ್ಟದ ಅಧಿಕಾರಿಗಳು ಸಭೆಯಲ್ಲಿ ಹಾಜರಿದ್ದರು.

ಮತದಾರರ ಪಟ್ಟಿ ವಿಶೇಷ ಸಂಕ್ಷಿಪ್ತ ಪರಿಷ್ಕರಣೆಗೆ ಅಗತ್ಯ ಸಹಕಾರ: ವೀಕ್ಷಕರಾದ ನವೀನ್‍ರಾಜ್ ಸಿಂಗ್

ಚಾಮರಾಜನಗರ, ಜ. 04  ಭಾವಚಿತ್ರವಿರುವ ಮತದಾರರ ಪಟ್ಟಿಯ ವಿಶೇಷ ಸಂಕ್ಷಿಪ್ತ ಪರಿಷ್ಕರಣೆ ಕಾರ್ಯವನ್ನು ಜಿಲ್ಲೆಯಲ್ಲಿ ಕೈಗೊಳ್ಳಲಾಗಿದ್ದು, ಈ ಸಂಬಂಧ ರಾಜಕೀಯ ಪಕ್ಷಗಳ ಪ್ರತಿನಿಧಿಗಳ ಸಹಕಾರ, ಸಲಹೆ ಅಗತ್ಯವಿದೆ ಎಂದು ಕರ್ನಾಟಕ ರಾಜ್ಯ ಮಿನರಲ್ ಸಂಸ್ಥೆ ವ್ಯವಸ್ಥಾಪಕ ನಿರ್ದೇಶಕರು ಹಾಗೂ ಜಿಲ್ಲಾ ಮತದಾರರ ಪಟ್ಟಿಯ ವೀಕ್ಷಕರಾದ ನವೀನ್‍ರಾಜ್ ಸಿಂಗ್ ಅವರು ತಿಳಿಸಿದರು.
ನಗರದ ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣದಲ್ಲಿಂದು ಜಿಲ್ಲೆಯ ಮತದಾರರ ಪಟ್ಟಿ ಪರಿಷ್ಕರಣೆ ಕುರಿತು ನಡೆದ ಸಭೆಯ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.
ಜಿಲ್ಲೆಯಲ್ಲಿ ಮತದಾರರ ಪಟ್ಟಿಯ ವಿಶೇಷ ಸಂಕ್ಷಿಪ್ತ ಪರಿಷ್ಕರಣೆ ಕಾರ್ಯ ನಡೆದಿದೆ. ಮತದಾರರ ಪಟ್ಟಿ ಪರಿಷ್ಕರಣೆ ಕುರಿತು ತಮ್ಮ ಸಲಹೆ, ಅಭಿಪ್ರಾಯಗಳನ್ನು ಸಹ ನೀಡಬೇಕಿದೆ ಎಂದು ನವೀನ್‍ರಾಜ್ ಸಿಂಗ್ ಅವರು ಪ್ರಸ್ತಾಪ ಮಾಡಿದರು.
ಈ ವೇಳೆ ಮಾತನಾಡಿದ ರಾಜಕೀಯ ಪಕ್ಷಗಳ ಪ್ರತಿನಿಧಿಗಳು ಮತಗಟ್ಟೆ ಮಟ್ಟದ ಅಧಿಕಾರಿಗಳು ಹಾಗೂ ರಾಜಕೀಯ ಪಕ್ಷಗಳು ನೇಮಕ ಮಾಡಿರುವ ಮತಗಟ್ಟೆ ಮಟ್ಟದ ಏಜೆಂಟರು ಪರಸ್ಪರ ಸಮನ್ವಯದಿಂದ ಕಾರ್ಯನಿರ್ವಹಿಸಬೇಕಿದೆ. ಈ ನಿಟ್ಟಿನಲ್ಲಿ ಮುಂದೆ ಸಭೆ ಏರ್ಪಾಡು ಮಾಡಬೇಕು. ಕೆಲ ವಾರ್ಡುಗಳಲ್ಲಿ ಕಳೆದ ನಗರಸಭೆ ಚುನಾವಣೆ ವೇಳೆ ಕೆಲ ಮತದಾರರ ಹೆಸರು ಕೈಬಿಟ್ಟು ಹೋಗಿತ್ತು. ಇದನ್ನು ಸರಿಪಡಿಸಬೇಕು. ಎಂಬಿತ್ಯಾದಿ ವಿಷಯಗಳನ್ನು ಪ್ರಸ್ತಾಪಿಸಿದರು.
ಇದಕ್ಕೆ ಸ್ಪಂದಿಸಿದ ವೀಕ್ಷಕರು ಶೀಘ್ರದಲ್ಲೇ ಮತಗಟ್ಟೆ ಮಟ್ಟದ ಏಜೆಂಟರು ಹಾಗೂ ಮತಗಟ್ಟೆ ಮಟ್ಟದ ಅಧಿಕಾರಿಗಳ ಸಭೆ ಕರೆಯಬೇಕು. ಎಲ್ಲ ವಿಷಯಗಳು ಮನದಟ್ಟು ಮಾಡಿಕೊಡಬೇಕು ಎಂದರು.
ರಾಜಕೀಯ ಪಕ್ಷಗಳ ಪ್ರತಿನಿಧಿಗಳು ನೀಡಿರುವ ಸಲಹೆ, ಅಭಿಪ್ರಾಯಗಳನ್ನು ಗಣನೆಗೆ ತೆಗೆದುಕೊಳ್ಳಲಾಗುತ್ತದೆ. ಸಮರ್ಪಕ ಕಾರ್ಯ ನಿರ್ವಹಣೆಗೆ ಸೂಚನೆ ಕೊಡಲಾಗುತ್ತದೆ ಎಂದು ನವೀನ್‍ರಾಜ್ ಸಿಂಗ್ ಅವರು ತಿಳಿಸಿದರು.
ಇದೇ ವೇಳೆ ಅಧಿಕಾರಿಗಳು ಕೈಗೊಂಡಿರುವ ಮತದಾರರ ಪಟ್ಟಿ ಪರಿಷ್ಕರಣಾ ಕಾರ್ಯದ ಪ್ರಗತಿ ಪರಿಶೀಲಿಸಿದ ನವೀನ್‍ರಾಜ್ ಸಿಂಗ್ ಅವರು ಮತದಾರರ ಪಟ್ಟಿ ಪರಿಷ್ಕರಣೆ ಕೆಲಸವನ್ನು ಗಂಭೀರವಾಗಿ ನಿರ್ವಹಿಸಬೇಕು. ಮರಣ ಹೊಂದಿದವರ ಹೆಸರು, ವಿವರವನ್ನು ಗ್ರಾಮ ಲೆಕ್ಕಾಧಿಕಾರಿಗಳು ತಕ್ಷಣವೇ ಮತಗಟ್ಟೆ ಮಟ್ಟದ ಅಧಿಕಾರಿಗಳಿಗೆ ಮಾಹಿತಿ ನೀಡಬೇಕು. ಇದರಿಂದ ಪಟ್ಟಿಯಲ್ಲಿ ಹೆಸರು ಕೈಬಿಡುವ ಸಂಬಂಧ ಕ್ರಮ ತೆಗೆದುಕೊಳ್ಳಲು ಸಾಧ್ಯವಾಗುತ್ತದೆ ಎಂದರು.
ಜಿಲ್ಲಾಧಿಕಾರಿ ಬಿ.ಬಿ. ಕಾವೇರಿ ಅವರು ಮಾತನಾಡಿ ಮತಗಟ್ಟೆ ಅಧಿಕಾರಿಗಳು ಹಾಗೂ ರಾಜಕೀಯ ಪಕ್ಷಗಳು ನೇಮಿಸಿರುವ ಮತಗಟ್ಟೆ ಮಟ್ಟದ ಏಜೆಂಟರ್ ಸಭೆ ನಡೆಸಲು ಅಗತ್ಯ ಕ್ರಮ ವಹಿಸಲಾಗುತ್ತದೆ. ಸಮರ್ಪಕ ಮತದಾರರ ಪಟ್ಟಿ ಪರಿಷ್ಕರಣೆ ಕೆಲಸಕ್ಕೆ ಆದ್ಯ ಗಮನ ನೀಡಲಾಗುತ್ತದೆ ಎಂದರು.
ಹೆಚ್ಚುವರಿ ಜಿಲ್ಲಾಧಿಕಾರಿ ಸಿ.ಎಲ್. ಆನಂದ್, ಉಪವಿಭಾಗಾಧಿಕಾರಿ ಫೌಜಿಯಾ ತರನ್ನುಮ್, ತಹಶೀಲ್ದಾರರಾದ ರಾಯಪ್ಪ ಹುಣಸಗಿ, ಕೆ. ಪುರಂದರ್, ಗಣಪತಿ ಶಾಸ್ತ್ರಿ, ಸುದರ್ಶನ್, ಜಿಲ್ಲಾ ಯೋಜನಾ ನಿರ್ದೆಶಕರಾದ ಕೆ. ಸುರೇಶ್ ಇತರೆ ಇಲಾಖೆಯ ಅಧಿಕಾರಿಗಳು ಸಭೆಯಲ್ಲಿ ಹಾಜರಿದ್ದರು.

ಜನವರಿ 5ರಂದು ಮುಜರಾಯಿ ಸಚಿವರ ಜಿಲ್ಲಾ ಪ್ರವಾಸ 

ಚಾಮರಾಜನಗರ, ಜ. 04 - ಮುಜರಾಯಿ ಮತ್ತು ಕೌಶಲ್ಯಾಭಿವೃದ್ಧಿ, ಉದ್ಯಮಶೀಲತೆ, ಜೀವನೋಪಾಯ ಖಾತೆಯ ಸಚಿವರಾದ ಪಿ.ಟಿ. ಪರಮೇಶ್ವರನಾಯ್ಕ ಅವರು ಜನವರಿ 5ರಂದು ಜಿಲ್ಲಾ ಪ್ರವಾಸ ಕೈಗೊಂಡಿದ್ದಾರೆ.
ಬೆಳಿಗ್ಗೆ 9.30 ಗಂಟೆಗೆ ಹನೂರು ತಾಲೂಕಿನ ಸುಳ್ವಾಡಿಯ ಕಿಚ್ಚುಗುತ್ತಿ ಮಾರಮ್ಮ ದೇವಾಲಯಕ್ಕೆ ಭೇಟಿ ಕೊಡುವರು. ಸ್ಥಳೀಯ ಶಾಸಕರು, ಅಧಿಕಾರಿಗಳು ಹಾಗೂ ಗ್ರಾಮಸ್ಥರೊಂದಿಗೆ ಚರ್ಚೆ ನಡೆಸುವರು. ಸಂತ್ರಸ್ತರ ಮನೆಗೆ ಭೇಟಿ ಕೊಡುವರು. ಬಳಿಕ ಮಧ್ಯಾಹ್ನ 2.30 ಗಂಟೆಗೆ ಗುಂಡ್ಲುಪೇಟೆ ತಾಲೂಕಿನ ಹಿಮವದ್ ಗೋಪಾಲಸ್ವಾಮಿ ದೇವಾಲಯಕ್ಕೆ ಭೇಟಿ ನೀಡುವರು. ಅಧಿಕಾರಿಗಳೊಂದಿಗೆ ಚರ್ಚೆ ನಡೆಸುವರು. ಮಧ್ಯಾಹ್ನ 3.30 ಗಂಟೆಗೆ ಮೈಸೂರಿಗೆ ತೆರಳುವರು.
   

ಮದುಕರ್ ಶೆಟ್ಟಿ ಅವರ ಚಾಮರಾಜನಗರ ಆಳ್ವಿಕೆ ಹೇಗಿತ್ತು!? ಅವರ ವರ್ಗಾವಣೆಯಾದಾಗ ಜಿಲ್ಲೆಯ ಜನತ ಬಂದ್ ಹೇಗಿತ್ತು.? *ಮದುಕರ್ ಶೆಟ್ಟಿ ಸಾಮಾನ್ಯರಲ್ಲಿ ಜನಸಾಮಾನ್ಯರಾಗಿದ್ದೇಗೆ!?* ವರದಿ: ರಾಮಸಮುದ್ರ ಎಸ್. ವೀರಭದ್ರಸ್ವಾಮಿ.

 *ಮದುಕರ್ ಶೆಟ್ಟಿ ಸಾಮಾನ್ಯರಲ್ಲಿ ಜನಸಾಮಾನ್ಯ*  ವರದಿ: ರಾಮಸಮುದ್ರ ಎಸ್. ವೀರಭದ್ರಸ್ವಾಮಿ. ಚಾಮರಾಜನಗರ: ಜಿಲ್ಲೆಯಲ್ಲಿ ಹಿಂದೆ  ಎಸ್ಪಿಯಾಗಿ ಕಾರ್ಯನಿರ್ವಹಿಸಿದ್ದ ಮದುಕರ್ ಶೆಟ್ಟಿ ಅವರು ಸಾಮಾನ್ಯರಲ್ಲಿ ಜನಸಾಮಾನ್ಯ ಆಗಿದ್ದವರಲ್ಲಿ ಒಬ್ಬರು ಎಂದರೆ ತಪ್ಪಾಗಲಾರದು. 

ಲೇಖನದ ರೂವಾರಿ. ರಾಮಸಮುದ್ರ ಎಸ್.ವೀರಭದ್ರಸ್ವಾಮಿ

*ಚಾಮರಾಜನಗರ ದಲ್ಲಿ ಎಸ್ಪಿಯಾಗಿ 29-10-2003 ರಿಂದ 11-08-2004 ರವರೆಗೆ ಮದುಕರ್ ಶೆಟ್ಟಿ ಅವರು (ಚಾಮರಾಜನಗರ ಜಿಲ್ಲೆಯ ಪೊಲೀಸ್ ಅದೀಕ್ಷಕರಾಗಿ) ಸೇವೆ ಸಲ್ಲಿಸಿದ್ದರು ಕಾರ್ಯನಿರ್ವಹಿಸಿದ ಇವರು ಡಿಸಿ ಅಗಿದ್ದ ಶ್ರೀ ಹರ್ಷಗುಪ್ತ  ಅವರ ಜೊತೆ ಸೇರಿ ನಡೆಸಿದ ಆಡಳಿತ ನಿಜಕ್ಕೂ ವಿಜಯನಗರ ಸಾಮ್ರಾಜ್ಯದಂತೆ‌ ಇತ್ತು.

* ಚಾಮರಾಜನಗರ ಸುತ್ತಮುತ್ತ ಪಾರ್ಸೆಲ್ ನೀಡದೇ ಲೂಸ್ ನಲ್ಲಿ ಮಾರಾಟ ಮಾಡುತ್ತಿದ್ದ ಹಾಗೂ ಅನದಿಕೃತ ವೈನ್ ಷಾಪ್ ಸೀಜ್ ಮಾಡಿಸುತ್ತಿದ್ದರು. ಬಿಳಿ ಸೀಮೆಎಣ್ಣೆ, ನೀಲಿ ಸೀಮೆಎಣ್ಣೆ, ಅದಕ್ಕೆ ಸ್ವಲ್ಪ ಪೌಡರ್ ಹಾಕಿದರೆ ತಯಾರಾಗೋ ಕೆಂಪು ಪೆಟ್ರೋಲ್, ಅಕ್ರಮ ಪಡಿತರದ ಅಕ್ಕಿ ಸಾಗಾಣಿಕೆ, ಅಕ್ರಮ  ಕರಿಕಲ್ಲು ಸಾಗಾಣಿಕೆ ಇನ್ನು ಯಾವುದಿದೆ ಆ ಎಲ್ಲಾ ಅಕ್ರಮ ಚಟುವಟಿಕೆಗಳಿಗೆ ಕಡಿವಾಣ ಹಾಕಿದ ಧೀರ ಎನ್ನಬಹುದು
* ಊರಿನಿಂದ ಅವರ ಪತ್ನಿ ಚಾಮರಾಜನಗರಕ್ಕೆ ಬಂದರೆ  ಆಟೋದಲ್ಲಿ ಮನೆಗೆ ಬಾ ಎಂದು ಹೇಳುತ್ತಿದ್ದ ಅದಿಕಾರಿ ಅಂದರೆ ಅದು ಎಸ್ಪಿ ಮದುಕರ್ ಶೆಟ್ಟಿ . ತಮ್ಮ ಪತ್ನಿಗಾಗಿ ಎಂದೂ ಸರ್ಕಾರಿ ವಾಹನವನ್ನ ದುರ್ಬಳಕೆ ಮಾಡಿಕೊಂಡವರಲ್ಲ. ಜನಸಾಮಾನ್ಯರಂತೆ ಅವರ ಪತ್ನಿಯೂ ಆಟೋದಲ್ಲಿ ಓಡಾಡುತ್ತಿದ್ದರು.  ಆಟೋ ಚಾಲಕನಿಗೆ ತಮ್ಮ ಜೇಬಿನಿಂದ ಹಣ ತೆಗೆದುಕೊಡುತ್ತಿದ್ದರು.‌ಕೆಲವೊಮ್ಮೆ ಚಾಲಕನ ಕುಶಲೋಪಚಾರ ವಿಚಾರಿಸಿ ಟೀ-ಕಾಫಿ ಕೊಟ್ಟಿದ್ದು ಕೂಡ ಉಂಟು ಈ ಅವಿನಾಭಾವ ಸಂಬಂದ ಬೆಳೆಸಿಕೊಂಡು ಬಂದವರು ಇವರು.ಕೆಲವೊಮ್ಮೆ ಸಂಜೆ,ಮುಂಜಾನೆ ವೇಳೆ ಬೈಸಿಕಲ್ ಸವಾರಿ ಮಾಡಿದ್ದು ಉಂಟು...

* ಮಾರುವೇಷದಲ್ಲೆ ಕಾರ್ಯಚರಣೆ: ಇವರು ಬಹುತೇಕ ಕಡೆ ಮಾರುವೇಷದಲ್ಲಿ ಠಾಣೆಗಳಿಗೆ ಭೇಟಿ ನೀಡುವುದು.‌ಭ್ರಷ್ಟತೆ ಕಂಡುಬಂದರೆ ನೇರವಾಗಿ ತಾವೇ ಹೋಗಿ ಪರಿಶೀಲನೆ .ಜೊತೆಗೆ ಕ್ರಮ ತಕ್ಷಣದಲ್ಲಿ ಜರುಗಿಸುತ್ತಿದ್ದರು. ಇದಕ್ಕೆ ಸಾಕ್ಷಿಯಂಬಂತೆ (.............) ಚೆಕ್ ಪೋಸ್ಟ್ ಅಲ್ಲಿ ಪೇದೆಯೋರ್ವ...(........) ಲಾರಿ ಚಾಲಕನಿಂದ ಹಣ ಪಡೆಯುವುದು ಗೊತ್ತಾಗಿ ತಾವೇ ರುಮಾಲು ಸುತ್ತಿಕೊಂಡು ಚಾಲಕರಾಗಿ ಹೋಗಿ ಸ್ಥಳದಲ್ಲೆ ಆ ಪೇದೆಗೆ ಕಪಾಳ ಮೋಕ್ಷ ಮಾಡಿ ಅಮಾನತು ಮಾಡಿ ಇಡೀ ಇಲಾಖೆಯೇ ಬೆಚ್ಚಿ ಬೀಳುವಂತೆ ಮಾಡಿದ್ದರು. ತಾವೇ ಒಬ್ಬೋಬ್ಬರೆ ಓಡಾಡುವುದು ಸಾಮಾನ್ಯವಾಗಿದ್ದರೂ ಇವರು ಎಸ್ಪಿ ಅವರು ಎಂದು ಯಾರಿಗೂ ತಿಳಿಯುತ್ತಿರಲಿಲ್ಲ. ಸಣ್ಣ ದೂರಿಗೂ ಸ್ಪಂದಿಸಿ ಕ್ಷಣಾರ್ದದಲ್ಲೆ ಪರಿಹಾರ ಮಾಡುತ್ತಿದ್ದರು.
ನಿಯಮ ಉಲ್ಲಂಘಿಸಿದ ಚಾಲಕನಿಗೆ ಪುಲ್ ಕ್ಲಾಸ್; ರಾಮಸಮುದ್ರ-ನಗರಕ್ಕೆ ಬರುವ ಮಾರ್ಗಮದ್ಯೆ ಪೊಲೀಸ್ ಜೀಪ್ ನಿಯಮಗಳನ್ನು ಉಲ್ಲಂಘಿಸುವ ಬಗ್ಗೆ ನಾವು( ಪತ್ರಿಕೆ ವರದಿ‌ಮಾಡಿದ ಎಸ್ ಸ್.ವೀರಭದ್ರಸ್ವಾಮಿ & ರೋಲ್ ಕ್ಯಾಮೆರಾದಲ್ಲಿ ಚಿತ್ರ ತೆಗೆದ ಪ್ರವೀಣ್ ಪಂಚಾಕ್ಷರಿ,) ಸುದ್ದಿ ಮಾಡಿದಾಗ ಜಿ.ಪೊ.ಇ.ಆವರಣದಲ್ಲೆ ಪುಲ್ ಕ್ಲಾಸ್ ಚಾಲಕನಿಗೆ ಪ್ರಾರಂಭಿಸಿದ್ದರು.
.

ಚಾಮರಾಜನಗರ ಜಿಲ್ಲಾಕಚೇರಿಯಲ್ಲಿ ಶ್ರದ್ಧಾಂಜಲಿ ಸಭೆ

ಮಾನವೀಯತೆ ಮೆರೆದ ಜನನಾಯಕ:
ಪೊಲೀಸರೆಂದರೆ ಸಾಕು ಕಾನೂನು ಸುವ್ಯವಸ್ಥೆ ಒಂದೇ ಎನ್ನುವ ಅದೇಷ್ಟೋಅದಿಕಾರಿಗಳನ್ನ ನಾವು ನೋಡಿದ್ದೇವೆ ಆದರೆ ಇವರು ಎಲ್ಲವೂ ನಮಗೇ ಸೇರಿದ್ದು ಕಾನೂನು ಸುವ್ಯವಸ್ಥೆ ಅಲ್ಲ ಸುತ್ತಮುತ್ತಲಿನ ಸಮಾಜ ನಮ್ಮದೇ ಎಂದು ತಿಳಿದವರಾಗಿದ್ದರು.
* ಪಟ್ಟಣದಲ್ಲಿ ಹೆಚ್ಚಿದ  ಮಾನಸಿಕ ಅಸ್ವಸ್ಥರ ಬಗ್ಗೆ ತಲೆ ಕೆಡಿಸಿಕೊಂಡವರಲ್ಲಿ ಇವರೇ ಮೊದಲಿಗರು. ಸಮಾಜದಲ್ಲಿ ಅವರು ಅನಿವಾರ್ಯ ಕಾರಣದಿಂದ ಮಾನಸಿಕ ಅಸ್ವಸ್ಥತರಾಗಿರುವರೋ ಹೊರತು ಪರಿಪೂರ್ಣರಲ್ಲ ಅವರನ್ನ ಗುಣ ಮುಖ ಮಾಡಬೇಕೆಂದು ಆಶಯ ತೊಟ್ಟು ಅವರು ಪಟ್ಟಣದಲ್ಲಿರುವವನ್ನ ಹುಡುಕಿ ಅವರ ಗುಣಮುಖರಾಗಲು ಶ್ರಮಿಸಿ ಮಾನವೀಯತೆ ‌ಮೆರೆದರು.ಮಾನಸಿಕ ಅಸ್ವಸ್ಥರನ್ನ ಕೌದಳ್ಳಿ ವೃದ್ದಾಶ್ರಮಕ್ಕೆ ಸೇರಿಸಿ ಮಾಸಿಕ ವೇತನವನ್ನ ನೀಡುತ್ತಿದ್ದರು.
ಪ್ರಚಾರದ ಹಂಗು ಬಯಸದ ಅದಿಕಾರಿ: ಎಸ್ಪಿ ಮದುಕರ್ ಶೆಟ್ಟಿ ಅವರು ತಮ್ಮ ಕಾರ್ಯದ ಬಗ್ಗೆ ಎಂದೂ ಹೇಳಿಕೊಂಡವರಲ್ಲ. ಹಿಂದೊಮ್ಮೆ ಅವರ ಕೆಲಸದ ಬಗ್ಗೆ ಅಗ್ನಿ ಪತ್ರಿಕೆಯಲ್ಲಿ ಸುದ್ದಿ ಮಾಡಿದಾಗ ನಮ್ಮನ್ನ ಕರೆಯಿಸಿ ಹೇಳಿದ್ದಿಷ್ಟು...ಹೊಗಳಿ ಬರೆಯೊಕೆ ನಾನೆಷ್ಟು ಕೊಟ್ಟ ಅಂತ ಗಾಬರಿಯಾಗಿ ಇಲ್ಲ..ವಾಸ್ತವ ತಾನೆ..ಇಲ್ಲಾಂದ್ರೆ ಇಲ್ಲ ಬಿಡಿ ಸರ್ ಅಂತೇಳಿದೆ. ಅದು ನಮ್ಮ ಕೆಲಸ ಜಗಜ್ಜಾಹಿರಾಗೊದಲ್ಲ.ಲೋಪದೋಷ ಇದ್ರೆ ದಾಖಲೆ ಸಮೇತ ಹಾಕಿ ಸಮಾಜ ಎಚ್ಚರಿಸಿ..ಯು ಕೆನ್ ಗೋ ನೌ ಎಂದ ಮಾತುಗಳು ವಾಸ್ತವವಾಗಿ ನನಗೂ ಗೋಚರವಗುತ್ತಿದೆ

* ಎಸ್ಪಿ ಮದುಕರಶೆಟ್ಟಿ &ಜಿಲ್ಲಾದಿಕಾರಿ   ಹರ್ಷಗುಪ್ತ ರ ವರ್ಗಾವಣೆ ಸುದ್ದಿ ಬಂದಾಗ ಜನ ಅದರಲ್ಲೂ ಮುಸಲ್ಮಾನ ಭಾಂದವರು ಸ್ವಯಂ ಪ್ರೇರಿತವಾಗಿ ಅಂಗಡಿ ಬಾಗಿಲು ಮುಚ್ಚಿ ಬಂದ್ ಯಶಸ್ವಿಗೆ ಕಾರಣರಾದರು. ತದ ನಂತರ ಎಂದು ಕೂಡ ಬಂದ್ ಪದಕ್ಕೆ ಇದೂವರೆಗೂ ಸಚಿತ್ರ ಸಿಗಲೇ ಇಲ್ಲ... ಇದು ನಮ್ಮ ನಗರದ ಎಲ್ಲಾ ಜನರು ಕೊಟ್ಟ ಒಮ್ಮತ ದ ಕೊಡುಗೆ ಎಂದರೆ ತಪ್ಪಾಗಲಾರದು.

* ಆಡಳಿತದಲ್ಲಿ ಹಲವಾರು ಸುಧಾರಣೆ ಗಳನ್ನ ಮಾಡುವ ಮೂಲಕ ಅದಿಕಾರಿಗಳ ಜನ ಮನ್ನಣೆ ಗಳಿಸಿದ್ದರು.‌ಅವರ ಅವದಿಯಲ್ಲಿ ಚಾಮರಾಜನಗರ ಪೊಲೀಸ್ ಇಲಾಖೆಯಲ್ಲಿ ಸಂದರ್ಶಕರ ಪುಸ್ತಕ ತೆರೆಯುವ ಮೂಲಕ ಪ್ರತಿಯೊಂದು ಚಟುವಟಿಕೆ ಮೇಲೆ ಹದ್ದಿನ ಕಣ್ಣು ಇಡುತ್ತಿದ್ದರು.    ಇನ್ನ ಉಳಿದ ಯೋಜನೆಗಳು ಆ ಅವದಿಯಲ್ಲಿ ಕೆಲಸ ಮಾಡುವ ಸಿಬ್ಬಂದಿಗಳಿಗೆ ಗೊತ್ತಿರುತ್ತದೆ. ಈ ವ್ಯವಸ್ಥೆ ಅಂದರೆ ಸಂದರ್ಶಕರ ಪುಸ್ತಕದ ಕಥೆ ಇವರು ವರ್ಗಾವಣೆ ಆದಮೇಲೆ ಗಂಟುಮೂಟೆ ಕಟ್ಟುವ ಕೆಲಸವೂ ಆಗುತ್ತದೆ.  ತದ ನಂತರದ ದಿನ ಗಮನಹರಿಸದೇ ತುಕ್ಕು ಹಿಡಿದ ಯೋಜನೆಗೆ ನಮ್ಮ ಒತ್ತಾಯ(ವೀರಭದ್ರಸ್ವಾಮಿ ) ಮೂರು ವರ್ಷದ ಮೇರೆಗೆ ಎಸ್ಪಿ ಕುಲದೀಪ್ ಕುಮಾರ್ ಆರ್ ಜೈನ್ ಅವದಿಯಲ್ಲಿ ಚಾಲನೆಯಾಗುತ್ತದೆ. ಮದುಕರ್ ಶೆಟ್ಟಿ ಅವರು ಯಾವುದೇ ಠಾಣೆಗೆ ಹೋಗ ಟೀ ನಿಂದ ಹಿಡಿದು ವಾಟರ್ ಬಾಟಲ್,ಊಟಕ್ಕೂ ಅವರದೇ ಆದ ಹಣ ಪಾವತಿಸಿ ಬರುತ್ತಿದ್ದವರು. ಕೆಲವೊಮ್ಮೆ ಚಾಮರಾಜನಗರ ಜಿಲ್ಲಾ ಪೊಲೀಸ್ ಕವಾಯತು ಮೈದಾನದಲ್ಲೂ ದಿನಗಳನ್ನ ಕಳೆದಿದ್ದುಂಟ...!
ಮದುಕರ್ ಶೆಟ್ಟಿ ಅವರು
ಚಾಮರಾಜನಗರ ಪೊಲೀಸ್ ಇಲಾಖೆ ವಾರ್ಷಿಕಾ ಕ್ರೀಡಾ ಕೂಟಕ್ಕೆ ಕಳೆದ ವರ್ಷ ಬಂದಿದ್ದವರು ಈ ವರ್ಷ ಈ ಜಗತ್ತನ್ನೆ ಬಿಟ್ಟು ಹೋಗಿರುವುದು ಮಾತ್ರ ವಿಪರ್ಯಾಸ...

ಇನ್ನ ಕೆಲವು ಬದಲಾವಣೆ ಹಾಗೂ ಲೇ ಔಟ್ ಬದಲಾಗಬಹುದು.. ಇಷ್ಟ ಆದ್ರೆಶೇರ್ ಮಾಡಿ...ಕೆಲವು ಪದಗಳ ಬಳಕೆ ಕಠಿಣವೂ ಹೌದು. ಇಂತಿ ರಾಮಸಮುದ್ರ ಎಸ್.
ವೀರಭದ್ರಸ್ವಾಮಿ..
(ಚಾಮರಾಜನಗರ ಜಿಲ್ಲಾ ಪೊಲೀಸ್ ಇಲಾಖೆ ಮುಖಪುಸ್ತಕದಿಂದ ಎರಡು ಚಿತ್ರ ಬಳಸಿಕೊಳ್ಳಲಾಗಿದೆ.)

ರಸ್ತೆ ಅಪಘಾತ: ಶಿಕ್ಷಕಿ ಸಾವು &ಪ್ರಸಾದ ಸೇವನೆ ಪ್ರಕರಣ : ಮತ್ತೋರ್ವ ಅಸ್ವಸ್ಥ ಸಾವು - ಸಾವಿನ ಸಂಖ್ಯೆ 17ಕ್ಕೆ ಏರಿಕೆ

ಪ್ರಸಾದ ಸೇವನೆ ಪ್ರಕರಣ : ಮತ್ತೋರ್ವ ಅಸ್ವಸ್ಥ ಸಾವು - ಸಾವಿನ ಸಂಖ್ಯೆ 17ಕ್ಕೆ ಏರಿಕೆ 

ಚಾಮರಾಜನಗರ, ಡಿ. 22:- ಹನೂರು ತಾಲೂಕಿನ ಸುಳ್ವಾಡಿಯ ಕಿಚ್ಚುಗುತ್ತು ಮಾರಮ್ಮನ ದೇವಾಲಯದ ಪ್ರಸಾದ ಸೇವನೆ ಪ್ರಕರಣದಲ್ಲಿ ಅಸ್ವಸ್ಥರಾಗಿ ಚಿಕಿತ್ಸೆ ಪಡೆಯುತ್ತಿದ್ದವರ ಪೈಕಿ ಇಂದು ಓರ್ವ ವ್ಯಕ್ತಿ ಮೃತಪಟ್ಟಿದ್ದಾರೆ.
ದೊರೆಸ್ವಾಮಿ ಮೇಡು ಗ್ರಾಮದ ರಂಗನ್ (45 ವರ್ಷ) ಮೃತಪಟ್ಟವರು. ಪ್ರಸಾದ ಸೇವನೆಯಿಂದ ತೀವ್ರ ಅಸ್ವಸ್ಥಗೊಂಡಿದ್ದ ರಂಗನ್À ಅವರನ್ನು ಮೈಸೂರಿನ ಖಾಸಗಿ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. ಚಿಕಿತ್ಸೆ ಫಲಕಾರಿಯಾಗದೆ ರಂಗನ್ ಅವರು ಇಂದು ಮಧ್ಯಾಹ್ನ ನಿಧನ ಹೊಂದಿದ್ದಾರೆ ಎಂದು ಜಿಲ್ಲಾಧಿಕಾರಿ ಬಿ.ಬಿ. ಕಾವೇರಿ ಅವರು ತಿಳಿಸಿದ್ದಾರೆ.

ರಸ್ತೆ ಅಪಘಾತ: ಶಿಕ್ಷಕಿ ಸಾವು       

ಚಾಮರಾಜನಗರ:ರಸ್ತೆ ಅಪಘಾತದಲ್ಲಿ  ಶಿಕ್ಷಕಿಯೋರ್ವರು ಸಾವನ್ನಪ್ಪಿದ ಘಟನೆ ಚಾಮರಾಜನಗರ ಪಟ್ಟಣದಲ್ಲಿ   ಮುಂಜಾನೆ ನಡೆದಿದೆ. *ಚಾಮರಾಜನಗರ ಪಟ್ಟಣ ನಿವಾಸಿಯಾಗಿರುವ ಸಾಗಡೆ ಶಾಲೆಯ ಪ್ರಬಾರ ಮುಖ್ಯ ಶಿಕ್ಷಕಿಯಾಗಿರುವ ಅನಿತಾ ಎಂಬುವವರೆ ಸಾವನ್ನಪ್ಪಿದ ದುರ್ದೈವಿಯಾಗಿದ್ದಾರೆ.

*ಶನಿವಾರ ಇಂದು ಎಂದಿನಂತೆ ತಮ್ಮ ಶಾಲೆಗೆ ತೆರಳಲು ಪತಿ ರಂಗನ್ ಅವರು ಬೈಕ್ ಅಲ್ಲಿ ತೆರಳುತ್ತಿದ್ದಾಗ  ಪ್ರವಾಸಿ ಮಂದಿರ ಬಳಿ ಈ ದುರ್ಘಟನೆ ನಡೆದಿದೆ.

*ಬಹುಶಃ ಲಬ್ಯವಾದ ಮಾಹಿತಿ ಪ್ರಕಾರ ಅವರ ಮನೆಯಿಂದ ಮುಖ್ಯರಸ್ತೆಗೆ ಸಂಪರ್ಕ ಕಲ್ಪಿಸುವ ಮಾರ್ಗ ರಾಷ್ಟ್ರೀಯ ಹೆದ್ದಾರಿಯ ತಿರುವಿನಲ್ಲಿ ಯೂ  ಟರ್ನ್ ಮಾಡುವಾಗ ಈ ಘಟನೆ ನಡೆದಿದೆ  ಎನ್ನಲಾಗಿದೆ.
 *ಹಿಂಬದಿಯಲ್ಲಿ ಕುಳಿತಿದ್ದ ಶ್ರೀಮತಿ ಅನಿತಾ ಅವರ ತಲೆ  ರಸ್ತೆ ಮದ್ಯೆದ ವಿಭಜಕ್ಕೆ ಹೊಡೆದ ಹಿನ್ನಲೆಯಲ್ಲಿ ಅಲ್ಲಿಯೆ ಸಾವನ್ನಪ್ಪಿದ್ದಾರೋ ಅಥವಾ ಲಾರಿ ಬಂದು ಡಿಕ್ಕಿ ಹೊಡೆದಿದೆಯೋ ಎಂಬುದು ಪೊಲೀಸ್ ತನಿಖೆಯಿಂದ ತಿಳಿಯಬೇಕಾಗಿದೆ. . ವಾಹನ ಸವಾರರಿಗೂ ಗಾಯಗಳಾಗಿದ್ದು ಜಿಲ್ಲಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ
*ಪಟ್ಟಣ ಠಾಣಾ ಹಾಗೂ ಸಂಚಾರಿ ಪೊಲೀಸರು ದೂರು ದಾಖಲಿಸಿಕೊಂಡು ಮುಂದಿನ ಕ್ರಮ ಕೈ ಗೊಂಡಿದ್ದಾರೆ.

ಸುಳ್ವಾಡಿ ಸಂತ್ರಸ್ಥರನ್ನು ಸಂತೈಸಿ ಸೇವಾ ವೈಶಾಲ್ಯತೆ ಮೆರೆದ ಹೋಲಿಕ್ರಾಸ್ ಆಸ್ಪತ್ರೆ 

ಚಾಮರಾಜನಗರ, ಡಿ. 22 - ಹನೂರು ತಾಲೂಕಿನ ಸುಳ್ವಾಡಿಯ ಕಿಚ್ಚುಗುತ್ತು ಮಾರಮ್ಮನ ದೇವಾಲಯದ ಪ್ರಸಾದ ಸೇವನೆ ಪ್ರಕರಣದಲ್ಲಿ ಅಸ್ವಸ್ಥರಾದವರಿಗೆ ಸಕಾಲದಲ್ಲಿ ಸ್ಪಂದಿಸಿ ಚಿಕಿತ್ಸೆ ನೀಡಿದ ಕಾಮಗೆರೆಯ ಹೋಲಿಕ್ರಾಸ್ ಆಸ್ಪತ್ರೆ ಹಲವರ ಜೀವ ಉಳಿಸಿ ಹೃದಯ ವೈಶಾಲ್ಯತೆ ಮೆರೆದಿದೆ.
ಪ್ರಸಾದ ಸೇವಿಸಿ ಗಂಭೀರವಾಗಿ ಅಸ್ವಸ್ಥರಾದವರನ್ನು ತಂಡೋಪತಂಡವಾಗಿ ಕರೆತರುತ್ತಿದ್ದಂತೆ ಕಾಮಗೆರೆಯ ಹೋಲಿಕ್ರಾಸ್ ಆಸ್ಪತ್ರೆಯ ಇಡೀ ವೈದ್ಯ ಹಾಗೂ ಸಿಬ್ಬಂದಿ ತಂಡ ಕಾಳಜಿಯಿಂದ ಚಿಕಿತ್ಸೆ ನೀಡದೇ ಇದ್ದಿದ್ದರೆ ಸಾವುನೋವಿನ ಪ್ರಮಾಣ ಮತ್ತಷ್ಟು ಹೆಚ್ಚಳವಾಗುತ್ತಿತ್ತು. ಸುಳ್ವಾಡಿ ಗ್ರಾಮಕ್ಕೆ ಹತ್ತಿರವಿದ್ದ ಎಲ್ಲ ವೈದ್ಯಕೀಯ ಸೌಲಭ್ಯವುಳ್ಳ ಆಸ್ಪತ್ರೆ ಇದ್ದದ್ದು, ಕಾಮಗೆರೆಯ ಹೋಲಿಕ್ರಾಸ್ ಆಸ್ಪತ್ರೆ ಮಾತ್ರ. ಹೀಗಾಗಿ ಈ ಆಸ್ಪತ್ರೆಯನ್ನೇ ತಕ್ಷಣಕ್ಕೆ ಅವಲಂಬಿಸುವ ಅನಿವಾರ್ಯತೆ ಉಂಟಾಯಿತು.
ಆತಂಕಕ್ಕೆ ಒಳಗಾದ ಸಂತ್ರಸ್ಥರನ್ನು ಸಂತೈಸಿ ಚಿಕಿತ್ಸೆ ಆರಂಭಿಸಿದ ಹೋಲಿಕ್ರಾಸ್ ಆಸ್ಪತ್ರೆ ತಂಡ ಜನರಲ್ಲಿ ಸ್ಥೈರ್ಯ ತುಂಬುವ ಕೆಲಸ ಮಾಡಿದ್ದು ಪ್ರಶಂಸನೀಯವಾಗಿದೆ. ಡಿಸೆಂಬರ್ 14ರಂದು ಮಧ್ಯಾಹ್ನ 1.10 ವೇಳೆಗೆ ತೀವ್ರ ಗಂಭೀರತೆ ಲಕ್ಷಣ ಕಂಡುಬಂದ ಅಸ್ವಸ್ಥರನ್ನು ಕರೆತರಲಾಯಿತು. ತದನಂತರ ಮತ್ತಷ್ಟು ಅಸ್ವಸ್ಥರು ಬರಲಾರಂಭಿಸಿದರು. ಸ್ವಲ್ಪವೂ ಸಮಯ ವ್ಯರ್ಥಮಾಡದ ಹೋಲಿಕ್ರಾಸ್ ಆಸ್ಪತ್ರೆ ವೈದ್ಯರು ಆಸ್ಪತ್ರೆಯಲ್ಲಿದ್ದ ಎಲ್ಲ 7 ವೆಂಟಿಲೇಟರ್‍ಗಳನ್ನು ಬಳಸಿ ಚಿಕಿತ್ಸೆ ನೀಡಲು ತೊಡಗಿದರು.
ಮೊದಲಿಗೆ ಆಸ್ಪತ್ರೆಗೆ ದಾಖಲಾದವರಿಂದ ಯಾವ ಆಹಾರ ಸೇವನೆ ಮಾಡಿದ್ದಾರೆ, ವಾಂತಿ ಇನ್ನಿತರ ಸಮಸ್ಯೆಗಳಿಗೆ ಕಾರಣವೇನೆಂಬ ಮಾಹಿತಿ ಕೊಡಲೂ ಸಹ ಸಂತ್ರಸ್ಥರಿಗೆ ಆಗದ ಪರಿಸ್ಥಿತಿ ಇತ್ತು. ತದನಂತರ ಸಂತ್ರಸ್ಥರ ದೇಹ ಚಲನವಲನಗಳನ್ನು ಗಮನಿಸಿ ವಿಷ ಸೇವನೆ ಇರಬಹುದೆಂದು ತಿಳಿದುಕೊಂಡು ಚಿಕಿತ್ಸೆ ನೀಡಲಾರಂಭಿಸಿದೆವು. ಹೆಚ್ಚು ಪ್ರಮಾಣದ ಆಹಾರ ಸೇವಿಸಿದ್ದವರ ಆರೋಗ್ಯಸ್ಥಿತಿ ಗಂಭೀರವಾಗಿತ್ತು. ಸ್ವಲ್ಪ ಪ್ರಮಾಣದ ಆಹಾರ ಸೇವಿಸಿದವರೂ ಸಹ ಗಂಭೀರ ಸ್ಥಿತಿಯವರ ಆರೋಗ್ಯ ಏರುಪೇರುಗಳನ್ನು ಕಂಡು ತಮಗೂ ಇದೇ ರೀತಿಯಾಗಬಹುದು ಎಂಬ ಆತಂಕಕ್ಕೆ ಒಳಗಾಗಿದ್ದರು. ಈ ಹಂತದಲ್ಲಿ ಎಲ್ಲರನ್ನೂ ಸಮಾಧಾನಚಿತ್ತದಿಂದ ಸಂತೈಸಿ ಚಿಕಿತ್ಸೆ ನೀಡುವ ಸವಾಲೂ ಸಹ ನಮ್ಮ ಮುಂದಿತ್ತು. ಅದನ್ನು ಸರಿಯಾಗಿಯೇ ನಿಭಾಯಿಸಿದ್ದೇವೆ ಎಂಬ ಆತ್ಮವಿಶ್ವಾಸ ಹಾಗೂ ಸಾರ್ಥಕದ ನುಡಿಗಳನ್ನು ಹೋಲಿಕ್ರಾಸ್ ಆಸ್ಪತ್ರೆಯ ಸಹಾಯಕ ಆಡಳಿತಧಿಕಾರಿ ಸಿಸ್ಟರ್ ರಿಜಿಜಾನ್ ಹಾಗೂ ಇತರೆ ವೈದ್ಯರು ವ್ಯಕ್ತಪಡಿಸಿದರು.
ಜಿಲ್ಲಾಡಳಿತ, ಪೊಲೀಸ್ ಇಲಾಖೆ ಖುದ್ದು ನಿಂತು ಚಿಕಿತ್ಸೆಗೆ ಕಾಳಜಿ ತೋರುತ್ತಿತ್ತು. ಪ್ರಸಾದ ಸೇವನೆಯಿಂದ ಅಸ್ವಸ್ಥರಾಗಿ ದಾಖಲಾಗುತ್ತಿರುವವರ ಸಂಖ್ಯೆ ಹೆಚ್ಚಳವಾಗುತ್ತಿದ್ದಂತೆ ಆಸ್ಪತ್ರೆಯ ಎಲ್ಲಾ ಪಾಳಿಯ ವೈದ್ಯರು, ನರ್ಸ್, ಸಿಬ್ಬಂದಿಯನ್ನು ಕರೆಸಲಾಯಿತು. ನರ್ಸಿಂಗ್ ಶಾಲೆ ವಿದ್ಯಾರ್ಥಿಗಳು, ಸ್ಥಳೀಯ ಜನತೆ ಸಹ ಚಿಕಿತ್ಸೆ ನೆರವಿಗೆ ಧಾವಿಸಿದರು. ಜಿಲ್ಲಾಡಳಿತ ಕೂಡ ಸುತ್ತಮುತ್ತಲಿನ ಎಲ್ಲ ಸರ್ಕಾರಿ ಆಸ್ಪತ್ರೆಗಳ ವೈದ್ಯರನ್ನೂ ಸಹ ತುರ್ತಾಗಿ ಹೋಲಿಕ್ರಾಸ್ ಆಸ್ಪತ್ರೆಗೆ ಕರೆತಂದ ಪರಿಣಾಮ ಅಸ್ವಸ್ಥರ ಸಾವಿನ ಪ್ರಮಾಣ ತಗ್ಗಿತು.
ಒಟ್ಟು 64 ಮಂದಿ ಸಂತ್ರಸ್ಥರನ್ನು ದಾಖಲು ಮಾಡಿಕೊಂಡು ಪ್ರಥಮ ಚಿಕಿತ್ಸೆಗಳನ್ನು ಆರಂಭಿಸಲಾಯಿತು. ಬಹುತೇಕ ಅಸ್ವಸ್ಥರು ಚಿಕಿತ್ಸೆಗೆ ಸ್ಪಂದಿಸಿದರು. ಚಿಂತಾಜನಕ ಸ್ಥಿತಿಯಲ್ಲಿ ಇದ್ದವರನ್ನು ಮೈಸೂರಿನ ಆಸ್ಪತ್ರೆಗಳಿಗೆ ಕರೆದೊಯ್ಯಲು ವೆಂಟಿಲೇಟರ್ ಮೂಲಕ ಆಂಬುಲೆನ್ಸ್‍ಗಳಲ್ಲಿ ಕಳುಹಿಸಿ ಕೊಡಲಾಯಿತು.
100 ಹಾಸಿಗೆಗಳುಳ್ಳ ಎಲ್ಲ ಬಗÉಯ ಚಿಕಿತ್ಸೆಯನ್ನು ನೀಡುವ ಸಾಮಥ್ರ್ಯವುಳ್ಳ ಸುಸಜ್ಜಿತ ಹೋಲಿಕ್ರಾಸ್ ಆಸ್ಪತ್ರೆಯು  ಜಿಲ್ಲೆಯಲ್ಲೇ ಅತ್ಯಂತ ದೊಡ್ಡ ದುರಂತವೆಂದೇ ಹೇಳಬಹುದಾದ ಸುಳ್ವಾಡಿ ಪ್ರಕರಣ ಸಂತ್ರಸ್ಥರಿಗೆ ಅಭೂತಪೂರ್ವವಾಗಿ ಸ್ಪಂದಿಸಿ ಚಿಕಿತ್ಸೆ ನೀಡುವ ಮೂಲಕ ಮಾನವೀಯತೆ ತೋರಿದೆ. ಜಿಲ್ಲೆಯ ಕುಗ್ರಾಮಗಳು ಹಾಗೂ ಎಲ್ಲ ತಳವರ್ಗದ ಜನರಿಗೂ ಆರೋಗ್ಯ ಸೇವೆಯನ್ನು ನೀಡಬೇಕೆಂಬ ಆಶಯದೊಂದಿಗೆ 1970ರಲ್ಲಿ ಸಣ್ಣ ಚಿಕಿತ್ಸಾಲಯದೊಂದಿಗೆ ಆರಂಭವಾದ ಹೋಲಿಕ್ರಾಸ್ ಆಸ್ಪತ್ರೆ ಇಂದು ದೊಡ್ಡ ಪ್ರಮಾಣದಲ್ಲಿ ಆರೋಗ್ಯ ಸೇವೆ ನೀಡುವ ಎಲ್ಲ ಸೌಲಭ್ಯಗಳನ್ನು ಹೊಂದಿದೆ. ಈ ಭಾಗದ ಪ್ರಮುಖ ಆಸ್ಪತ್ರೆಯೆಂದೇ ಹೆಗ್ಗಳಿಕೆ ಪಡೆದಿರುವ ಹೋಲಿಕ್ರಾಸ್ ಆಸ್ಪತ್ರೆ ಸುಳ್ವಾಡಿ ಪ್ರಕರಣದಲ್ಲಿ ಗ್ರಾಮೀಣರ ನೋವು ಆಲಿಸಿ ಇಡೀ ವೈದ್ಯ ತಂಡವೇ ನಿಂತು ಜನರ ಪ್ರಾಣ ಕಾಪಾಡುವ ಮಹತ್ಕಾರ್ಯ ಮಾಡಿದೆ.
ರಾಜ್ಯವನ್ನೇ ಬೆಚ್ಚಿ ಬೀಳಿಸಿದ ಸುಳ್ವಾಡಿ ಪ್ರಸಾದ ಸೇವನೆ ಪ್ರಕರಣದಲ್ಲಿ ಹೋಲಿಕ್ರಾಸ್ ಆಸ್ಪತ್ರೆ ಇಡೀ ವೈದ್ಯ ಹಾಗೂ ಇತರೆ ಸಿಬ್ಬಂದಿ ಸಕಾಲದಲ್ಲಿ ಚಿಕಿತ್ಸೆ ನೀಡದೇ ಹೋಗಿದ್ದರೆ ಸಾವುನೋವಿನ ಪ್ರಮಾಣ ಏರಿಕೆಯಾಗುತ್ತಿತ್ತು. ಜಿಲ್ಲಾಡಳಿತದೊಂದಿಗೆ ಸ್ಪಂದನೆ ನೀಡಿ ಸಕಾರಾತ್ಮಕವಾಗಿ ಪ್ರಕರಣವನ್ನು ನಿಭಾಯಿಸಿದ ಹೋಲಿಕ್ರಾಸ್ ಆಸ್ಪತ್ರೆಯ ಇಡೀ ತಂಡ ಮಾನವೀಯತೆ ಮೆರೆದಿದೆ. ಸೇವೆಯ ಸಾರ್ಥಕತೆಯನ್ನು ಸಾಬೀತುಪಡಿಸಿದೆ. ಸಂಕಷ್ಟದಲ್ಲಿ ನೆರವಿಗೆ ನಿಂತ ಆಸ್ಪತ್ರೆಯ ಸೇವಾ ಮನೋಭಾವನೆಗೆ ಜಿಲ್ಲಾಡಳಿತದ ಪರವಾಗಿ ತುಂಬು ಹೃದಯದಿಂದ ಕೃತಜ್ಞತೆ ಸಲ್ಲಿಸುವುದಾಗಿ ಜಿಲ್ಲಾಧಿಕಾರಿ ಬಿ.ಬಿ. ಕಾವೇರಿ ಅವರು ನುಡಿದಿದ್ದಾರೆ.

ಸಾಧಕರ ಸಂವಾದ ಕಾರ್ಯಕ್ರಮಗಳು ಇಂದಿನ ಪೀಳಿಗೆಗೆ ದಾರಿದೀವಿಗೆಯಾಗಬೇಕು: ಮಲೆಯೂರು ಗುರುಸ್ವಾಮಿ .

                         VSS-9480030980

ಚಾಮರಾಜನಗರ, ಡಿ. 22:- ಸಾಹಿತ್ಯಕ್ಕೂ ಸಂವಾದಕ್ಕೂ ಅಪಾರವಾದ ಸಾಮ್ಯತೆಯಿದ್ದು, ಸಂವಾದ ಕಾರ್ಯಕ್ರಮಗಳು ಇಂದಿನ ಪೀಳಿಗೆಗೆ ದಾರಿದೀವಿಗೆಯಾಗಬೇಕು. ಇದರಿಂದ ವಿದ್ಯಾರ್ಥಿಗಳು ಹಾಗೂ ಯುವಜನರಲ್ಲಿ ಸಾಹಿತ್ಯದ ಅರಿವು ಹೆಚ್ಚಾಗಲಿದೆ ಎಂದು ಹಿರಿಯ ಸಾಹಿತಿ ಪ್ರೊ. ಮಲೆಯೂರು ಗುರುಸ್ವಾಮಿ ಅವರು ಅಭಿಪ್ರಾಯ ಪಟ್ಟರು.
ನಗರದ ಜೆ.ಎಸ್.ಎಸ್. ಮಹಿಳಾ ಕಾಲೇಜು ಸಭಾಂಗಣದಲ್ಲಿ ಕನ್ನಡ ಮತ್ತು ಸಂಸ್ಕøತಿ ಇಲಾಖೆ, ಕನ್ನಡ ಸಾಹಿತ್ಯ ಪರಿಷತ್ತು ಹಾಗೂ ಜೆ.ಎಸ್.ಎಸ್. ಮಹಿಳಾ ಕಾಲೇಜು ಇವರ ಸಂಯುಕ್ತಾಶ್ರಯದಲ್ಲಿ ಇಂದು ಜಿಲ್ಲೆಯ ಖ್ಯಾತ ಸಾಹಿತಿ ಹಾಗೂ ಚಿಂತಕರಾದ ಡಾ. ಮೂಡ್ನಾಕೂಡು ಚಿನ್ನಸ್ವಾಮಿ ಅವರ ಸಾಧನೆ ಕುರಿತು ಹಮ್ಮಿಕೊಳ್ಳಲಾಗಿದ್ದ ಸಾಧಕರೊಂದಿಗೆ ಸಂವಾದ ಕಾರ್ಯಕ್ರಮ ಉದ್ಘಾಟಿಸಿ ಅವರು ಮಾತನಾಡಿದರು.
ಯಾವುದೇ ಸಾಹಿತ್ಯ ಕೃತಿಗಳಿಗೆ ಮುನ್ನುಡಿಯಾಗಿ ವಿಮರ್ಶೆ ಅಗತ್ಯ. ಅದೇ ರೀತಿಯಲ್ಲಿ ವಾದ, ಸಂವಾದಗಳು ನಡೆಯುತ್ತವೆ. ವಾದದಿಂದ ಭಿನ್ನಾಭಿಪ್ರಾಯಗಳು ಹೆಚ್ಚಾಗುತ್ತವೆ. ಆದರೆ ಸಂವಾದದಿಂದ ಮಾತ್ರ ಸೃಜನಶೀಲ ಸಾಹಿತ್ಯ ಹುಟ್ಟುತ್ತದೆ. ಇಂತಹ ಸೃಜನಶೀಲ ಸಾಹಿತ್ಯ, ಸಂವಾದ ಇತರರಿಗೆ ದಾರಿದೀಪವಾಗಬೇಕು ಎಂದರು.
ಸಾಹಿತ್ಯ ಬರಹದ ಜವಾಬ್ದಾರಿ ಹೆಚ್ಚಿನದು. ಕೊರಳ ಸಾಹಿತ್ಯಕ್ಕಿಂತ ಕರುಳು ಸಾಹಿತ್ಯ ಶ್ರೇಷ್ಠವಾದದ್ದು. ಕರುಳು ಸಾಹಿತ್ಯದಲ್ಲಿ ನಮ್ಮ ಜಗತ್ತಿನ, ದೇಶದ ಹಾಗೂ ನಾಡಿನ ಪರಂಪರೆಯ ಪ್ರಜ್ಞೆ ಇರುತ್ತದೆ. ಅಂತಹ ಪರಂಪರೆಯ ಪ್ರಜ್ಞೆ, ಆತ್ಮವಿಶ್ವಾಸ ಮತ್ತು ಸಮಚಿತ್ತದ ಸಾಹಿತಿಗಳಲ್ಲಿ ಮೂಡ್ನಾಕೂಡು ಚಿನ್ನಸ್ವಾಮಿ ಮುಂಚೂಣಿಯಲ್ಲಿದ್ದಾರೆ. ಅವರು ದಲಿತ ಶ್ರೇಷ್ಠ ಚಿಂತಕರು ಕೂಡ ಹೌದು  ಎಂದು ಮಲೆಯೂರು ಗುರುಸ್ವಾಮಿ ತಿಳಿಸಿದರು.
ಕನ್ನಡ ಮತ್ತು ಸಂಸ್ಕøತಿ ಇಲಾಖೆಯ ಸಹಾಯಜ ನಿರ್ದೇಶಕರಾದ ಎಚ್. ಚನ್ನಪ್ಪ ಅವರು ಪ್ರಾಸ್ತಾವಿಕವಾಗಿ ಮಾತನಾಡಿ ಕಲೆ, ಸಂಸ್ಕøತಿ ಹಾಗೂ ಸಾಹಿತ್ಯ ಕ್ಷೇತ್ರದಲ್ಲಿ ಸಾಧನೆಗೈದವರನ್ನು ಪ್ರತಿವರ್ಷ ಇಲಾಖೆ ವತಿಯಿಂದ ಗುರುತಿಸಿ, ಆಹ್ವಾನಿಸಿ ಗೌರವಿಸಲಾಗುತ್ತಿದೆ. ಸಾಹಿತ್ಯ, ಸಂಸ್ಕøತಿಯ ಕುರಿತು ಇಂದಿನ ಪೀಳಿಗೆಗೆ ಸಾಧಕರ ಜೀವನ, ಸಾಧನೆಗಳನ್ನು ತಲುಪಿಸುವುದೇ ಈ ಕಾರ್ಯಕ್ರಮದ ಉದ್ದೇಶ. ಸಾಹಿತ್ಯ ವಲಯದಲ್ಲಿ ಚಿರಪರಿಚಿತರಾಗಿರುವ ಡಾ.ಮೂಡ್ನಾಕೂಡು ಚಿನ್ನಸ್ವಾಮಿ ಅವರು ಈ ಜಿಲ್ಲೆಯವರೇ ಆಗಿರುವುದು ನಮ್ಮ ಹೆಮ್ಮೆ ಎಂದರು.
ಇದೇ ಸಂದರ್ಭದಲ್ಲಿ ಡಾ.ಮೂಡ್ನಾಕೂಡು ಚಿನ್ನಸ್ವಾಮಿ ಅವರನ್ನು ಇಲಾಖೆವತಿಯಿಂದ ನಗದು, ಸ್ಮರಣಿಕೆ, ಫಲತಾಂಬೂಲ ನೀಡಿ ಆತ್ಮೀಯವಾಗಿ ಸನ್ಮಾನಿಸಲಾಯಿತು.
ಸಾಹಿತಿಗಳಾದ ಕೆ. ವೆಂಕಟರಾಜು, ಮಂಜು ಕೋಡಿಉಗನೆ, ಸೋಮಶೇಖರ ಬಿಸಲ್ವಾಡಿ, ಎ.ಎಂ. ನಾಮಲ್ಲಪ್ಪ, ಸಿ.ಎಂ. ನರಸಿಂಹಮೂರ್ತಿ, ಸಿ. ಲಿಂಗಯ್ಯ, ಚಂದ್ರಶೇಖರ್ ತುಬಾರ್, ಅವರು ಸಾಧಕರೊಂದಿಗೆ ಸಂವಾದ ನಡೆಸಿದರು. ಕಾರ್ಯಕ್ರಮದಲ್ಲಿ ಡಾ. ಮೂಡ್ನಾಕೂಡು ಚಿನ್ನಸ್ವಾಮಿಯವರ ವಿರಚಿತ ಕವಿತೆಗಳನ್ನು ಸಿ.ಎಂ. ನರಸಿಂಹಮೂರ್ತಿ ಸುಶ್ರಾವ್ಯವಾಗಿ ಹಾಡಿದರು.
ಕನ್ನಡ ಸಾಹಿತ್ಯ ಪರಿಷತ್ತಿನ ಜಿಲ್ಲಾ ಅಧ್ಯಕ್ಷರಾದ ಬಿ.ಎಸ್. ವಿನಯ್, ಹಿರಿಯ ಸಾಹಿತಿ ಶಂಕನಪುರ ಮಹದೇವ, ಜೆ.ಎಸ್.ಎಸ್. ಕಾಲೇಜಿನ ಪ್ರಭಾರ ಪ್ರಾಂಶುಪಾಲರಾದ ಮಹಾಲಿಂಗಪ್ಪ, ಸಾಹಿತಿ ಮಂಜುನಾಥ ಲತಾ, ಇನ್ನಿತರರು ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.
ಮಧ್ಯಾಹ್ನ ಯುವ ಕವಿಗೋಷ್ಠಿ ಆಯೋಜಿಸಲಾಗಿತ್ತು. ಆಹ್ವಾನಿತ ಕವಿಗಳು ತಮ್ಮ ತಮ್ಮ ಕವನಗಳನ್ನು ವಾಚಿಸಿದರು.


ವಿವಿಧ ಆಸ್ಪತ್ರೆಗಳಿಗೆ ಜಿಲ್ಲಾ ಉಸ್ತುವಾರಿ ಸಚಿವರು, ಸಂಸದರ ಭೇಟಿ: ಸುಳ್ವಾಡಿ ಸಂತ್ರಸ್ತರ ಆರೋಗ್ಯ ವಿಚಾರಣೆ
ಚಾಮರಾಜನಗರ, ಡಿ. 22 - ಹಿಂದುಳಿದ ವರ್ಗಗಳ ಕಲ್ಯಾಣ ಸಚಿವರು ಹಾಗೂ ಜಿಲ್ಲಾ ಉಸ್ತುವಾರಿ ಸಚಿವರಾದ ಸಿ. ಪುಟ್ಟರಂಗಶೆಟ್ಟಿ ಹಾಗೂ ಲೋಕಸಭಾ ಸದಸ್ಯರಾದ ಆರ್. ಧ್ರುವನಾರಾಯಣ ಅವರು ಇಂದು ಮೈಸೂರಿನ ವಿವಿಧ ಆಸ್ಪತ್ರೆಗಳಿಗೆ ಭೇಟಿ ನೀಡಿ ಸುಳ್ವಾಡಿ ಪ್ರಸಾದ ಸೇವನೆ ಪ್ರಕರಣದಲ್ಲಿ ಅಸ್ವಸ್ಥಗೊಂಡು ಚಿಕಿತ್ಸೆ ಪಡೆಯುತ್ತಿರುವವರ ಆರೋಗ್ಯ, ಯೋಗಕ್ಷೇಮವನ್ನು ವಿಚಾರಿಸಿದರು.
ಕಿಚ್ಚುಗುತ್ತಿ ಮಾರಮ್ಮನ ದೇವಾಲಯ ಪ್ರಸಾದ ಸೇವಿಸಿ ಅಸ್ವಸ್ಥಗೊಂಡು ಮೈಸೂರಿನ ಕೆ.ಆರ್. ಆಸ್ಪತ್ರೆ, ಅಪೋಲೋ, ಕಾವೇರಿ, ಕೊಲಂಬಿಯಾ ಏಷಿಯಾ, ಸುಯೋಗ್, ಜೆ.ಎಸ್.ಎಸ್. ಆಸ್ಪತ್ರೆ ಸೇರಿದಂತೆ ಇತರೆ ಆಸ್ಪತ್ರೆಗಳಲ್ಲಿ ಚಿಕಿತ್ಸೆಗೆ ದಾಖಲಾಗಿರುವ ಅಸ್ವಸ್ಥರನ್ನು ಭೇಟಿ ಮಾಡಿ ಅವರ ಆರೋಗ್ಯ ಸ್ಥಿತಿಯನ್ನು ಗಮನಿಸಿದರು.
ವ್ಯಾಪಕವಾಗಿ ಆಸ್ಪತ್ರೆಗಳಿಗೆ ಭೇಟಿ ನೀಡಿದ ಸಚಿವರು, ಸಂಸದರು ಜಿಲ್ಲೆಯ ಸಂತ್ರಸ್ತರನ್ನು ಕಂಡು ಅವರಿಗೆ ನೀಡಲಾಗುತ್ತಿರುವ ಚಿಕಿತ್ಸೆ, ಔಷಧೋಪಚಾರ ಕುರಿತು ಮಾಹಿತಿ ಪಡೆದರು. ಇದೇ ವೇಳೆ ಅಸ್ವಸ್ಥರ ಸಂಬಂಧಿಕರೊಂದಿಗೂ ಸಮಾಲೋಚಿಸಿ ಧೈರ್ಯ ತುಂಬಿದರು.
ಚಿಕಿತ್ಸೆಗೆ ದಾಖಲಾಗಿರುವ ಪ್ರತಿಯೊಬ್ಬರ ಬಗ್ಗೆಯೂ ಮಾಹಿತಿ ಪಡೆದ ಸಚಿವರು, ಸಂಸದರು ನೀಡಲಾಗುತ್ತಿರುವ ಚಿಕಿತ್ಸಾ ವಿಧಾನಗಳು, ಗುಣಮುಖರಾಗುತ್ತಿರುವವರ ವಿವರ, ಕಲ್ಪಿಸಲಾಗುತ್ತಿರುವ ವೈದ್ಯಕೀಯ ಸೌಲಭ್ಯಗಳು, ಸೇವೆ ಕುರಿತು ವೈದ್ಯರೊಂದಿಗೆ ಸಮಾಲೋಚನೆ ನಡೆಸಿದರು.
ಚಾಮರಾಜನಗರ ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ. ಕೆ.ಎಚ್. ಪ್ರಸಾದ್ ಅವರೊಂದಿಗೆ ಅಸ್ವಸ್ಥರ ಆರೋಗ್ಯ ಸ್ಥಿತಿ ಕುರಿತು ವಿವರ ಪಡೆದ ಸಚಿವರು, ಸಂಸದರು ಆಸ್ಪತ್ರೆಗೆ ದಾಖಲಾಗಿರುವ ಪ್ರತಿಯೊಬ್ಬರ ಆರೋಗ್ಯ ರಕ್ಷಣೆ ವಿಶೇಷ ಗಮನ ನೀಡಬೇಕೆಂದು ತಿಳಿಸಿದರು.
ಪ್ರತಿ ಆಸ್ಪತ್ರೆಗೂ ನೇಮಕವಾಗಿರುವ ಜಿಲ್ಲಾ ನೋಡೆಲ್ ಅಧಿಕಾರಿಗಳೊಂದಿಗೂ ಚರ್ಚಿಸಿ ಸಂತ್ರಸ್ತರು ಗುಣಮುಖರಾಗುವ ನಿಟ್ಟಿನಲ್ಲಿ ಅವರೊಂದಿಗೆ ನೆರವಾಗಬೇಕೆಂದರು.
ಇದೇ ವೇಳೆ ಮಾತನಾಡಿದ ಜಿಲ್ಲಾ ಉಸ್ತುವಾರಿ ಸಚಿವರಾದ ಸಿ. ಪುಟ್ಟರಂಗಶೆಟ್ಟಿ ಹಾಗೂ ಸಂಸದರಾದ ಆರ್. ಧ್ರುವನಾರಾಯಣ ಅವರು ಅಸ್ಪತ್ರೆಗಳಲ್ಲಿ ಸಂತ್ರಸ್ತರು ಚಿಕಿತ್ಸೆ ಪಡೆಯುತ್ತಿದ್ದು, ಗುಣಮುಖರಾದವರನ್ನು ಆಸ್ಪತ್ರೆಯಿಂದ ಬಿಡುಗಡೆ ಮಾಡಲಾಗುತ್ತಿದೆ. ಜನರ ಜೀವ ಉಳಿಸುವ ಕೆಲಸ ಪ್ರಮುಖವಾಗಿದೆ. ಈ ನಿಟ್ಟಿನಲ್ಲಿ ಜಿಲ್ಲಾಡಳಿತ ಅಗತ್ಯ ವೈದ್ಯಕೀಯ ವ್ಯವಸ್ಥೆಗೆ ಕ್ರಮ ತೆಗೆದುಕೊಂಡಿದೆ ಎಂದರು.     

ಪ್ರಸಾದ ಸೇವನೆ ಪ್ರಕರಣ : ಮತ್ತೋರ್ವ ಸಾವು - ಸಾವಿನ ಸಂಖ್ಯೆ 14ಕ್ಕೆ ಏರಿಕೆ, & ಬೆಳೆ ಸಾಲ ಮನ್ನಾ: ರೈತರು ನೊಂದಾಯಿಸಿಕೊಳ್ಳಲು ಜಿಲ್ಲಾಧಿಕಾರಿ ಬಿ.ಬಿ. ಕಾವೇರಿ ಮನವಿ (17-12-2018)

ಪ್ರಸಾದ ಸೇವನೆ ಪ್ರಕರಣ : ಮತ್ತೋರ್ವ ಸಾವು - ಸಾವಿನ ಸಂಖ್ಯೆ 14ಕ್ಕೆ ಏರಿಕೆ

         S.Veeerabhadra Swamy-chamarajanagar 9480030980

ಚಾಮರಾಜನಗರ, ಡಿ. 17:- ಹನೂರು ತಾಲೂಕಿನ ಸುಳ್ವಾಡಿಯ ಕಿಚ್ಚುಗುತ್ತು ಮಾರಮ್ಮನ ದೇವಾಲಯದ ಪ್ರಸಾದ ಸೇವನೆ ಪ್ರಕರಣದಲ್ಲಿ ಅಸ್ವಸ್ಥರಾಗಿ ಚಿಕಿತ್ಸೆ ಪಡೆಯುತ್ತಿದ್ದವರ ಪೈಕಿ ಇಂದು ಓರ್ವ ಮಹಿಳೆ ಮೃತಪಟ್ಟಿದ್ದಾರೆ.
ಮಾರ್ಟಳ್ಳಿಯ ಕೋಟೆಪೊದೆಯ ಕೃಷ್ಣನಾಯಕ್ ಎಂಬುವರ ಪತ್ನಿ ಮೈಲಿಬಾಯಿ (35 ವರ್ಷ) ಮೃತಪಟ್ಟವರು. ಪ್ರಸಾದ ಸೇವನೆಯಿಂದ ತೀವ್ರ ಅಸ್ವಸ್ಥಗೊಂಡಿದ್ದ ಮೈಲಿಬಾಯಿಯವರನ್ನು ಮೈಸೂರಿನ ಖಾಸಗಿ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. ಚಿಕಿತ್ಸೆ ಫಲಕಾರಿಯಾಗದೆ ಮೈಲಿಬಾಯಿಯವರು ಇಂದು ನಿಧನ ಹೊಂದಿದ್ದಾರೆ.
ಪ್ರಸಾದ ಸೇವನೆ ಪ್ರಕರಣದಲ್ಲಿ ಅಸ್ವಸ್ಥಗೊಂಡಿರುವ 109 ಮಂದಿ ಮೈಸೂರಿನ ಕೆ. ಆರ್. ಆಸ್ಪತ್ರೆ ಸೇರಿದಂತೆ ಇತರೆ ಖಾಸಗಿ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಜಿಲ್ಲಾಧಿಕಾರಿಯವರಾದ ಬಿ.ಬಿ. ಕಾವೇರಿ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಸುಳ್ವಾಡಿ ಪ್ರಸಾದ ಸೇವನೆ ಪ್ರಕರಣ: ಪ್ರತಿ ಆಸ್ಪತ್ರೆಗೆ ನೋಡಲ್ ಅಧಿಕಾರಿ,ಸಿಬ್ಬಂದಿ ನೇಮಿಸಿ ಜಿಲ್ಲಾಧಿಕಾರಿ ಬಿ.ಬಿ. ಕಾವೇರಿ ಆದೇಶ 

ಚಾಮರಾಜನಗರ, ಡಿ. 17:-  ಸುಳ್ವಾಡಿ ಕಿಚ್ಚುಗುತ್ತು ಮಾರಮ್ಮನ ದೇವಾಲಯದ ಪ್ರಸಾದ ಸೇವನೆ ಪ್ರಕರಣದಲ್ಲಿ ಅಸ್ವಸ್ಥರಾಗಿ ಮೈಸೂರಿನ ವಿವಿಧ ಆಸ್ಪತ್ರೆಗಳಲ್ಲಿ  ಚಿಕಿತ್ಸೆಗೆ ದಾಖಲಾಗಿರುವವರ ಆರೋಗ್ಯ ಸ್ಥಿತಿ ನಿರ್ವಹಣೆ, ನೆರವು ಸಂಬಂಧ ನೋಡಿಕೊಂಡು ವರದಿ ಸಲ್ಲಿಸಲು  ಪ್ರತಿ ಆಸ್ಪತೆಗೂ ಜಿಲ್ಲಾ ಮಟ್ಟದ ಅಧಿಕಾರಿಗಳನ್ನು ನೊಡಲ್ ಅಧಿಕಾರಿಗಳನ್ನಾಗಿ ನಿಯೋಜಿಸಿ ಜಿಲ್ಲಾಧಿಕಾರಿ ಬಿ.ಬಿ. ಕಾವೇರಿಯವರು ಆದೇಶ ಹೊರಡಿಸಿದ್ದಾರೆ.
ಅಧಿಕಾರಿಗಳೊಂದಿಗೆ ಜಿಲ್ಲೆಯ ಇತರೆ ಸಿಬ್ಬಂದಿಯ ತಂಡವನ್ನು ನಿಯೋಜಿಸಿದ್ದು, ಅಧಿಕಾರಿಗಳು ಸಿಬ್ಬಂದಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಆಸ್ಪತ್ರೆ, ಅಧಿಕಾರಿಗಳು, ಸಿಬ್ಬಂದಿ ಹಾಗೂ ವೈದ್ಯರ ವಿವರಗಳು ಇಂತಿದೆ.
ಜೆ.ಎಸ್.ಎಸ್. ಆಸ್ಪತ್ರೆ, ಮೈಸೂರು, ತಿರುಮಲೇಶ್, ಜಂಟಿ ಕೃಷಿ ನಿರ್ದೇಶಕರು, ಕೃಷಿ ಇಲಾಖೆ, ಚಾಮರಾಜನಗರ. ಮೊ. 8277930760 , ಡಾ|| ಮಹೇಶ್,ಮೊ : 9845114166, ರೇಚಣ್ಣಸ್ವಾಮಿ, ರಾಜಸ್ವ ನಿರೀಕ್ಷಕರು ಚಂದಕವಾಡಿ ಹೋಬಳಿ. ಚಾಮರಾಜನಗರ ತಾ||ಮೊ: 9980745781 ಅಬ್ದುಲ್ ಮುಜಾಹಿದ್, ದ್ವಿ.ದ.ಸ ತಾಲ್ಲೂಕು ಕಚೇರಿ ಚಾಮರಾಜನಗರಮೊ: 9901352329, ಸುಧೀರ್ ಗ್ರಾ.ಲೆ, ಕಾಗಲವಾಡಿ ವೃತ್ತ,ಗುಂಡ್ಲುಪೇಟೆ ತಾ||ಮೊ: 9686676932
ಸೆಂಟ್ ಜೋಸೆಫ್ ಆಸ್ಪತೆ ಮೈಸೂರು  ಸೋಮಶೇಖರ್, ಜಿಲ್ಲಾ ಅಧಿಕಾರಿ ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆ,ಚಾಮರಾಜನಗರ.ಮೊ.9620583072 ಡಾ|| ರಾಮಕೃಷ್ಣ,ಮೊ: 9980006401 9448043242 ಡಾ|| ನಿರ್ಮಲ ಮೊ: 9845056714ನಾಗರಾಜು, ರಾಜಸ್ವ ನಿರೀಕ್ಷಕರು ಹರದನಹಳ್ಳಿ ರೇವಣ್ಣ.ಗಾಮ ಲೆಕ್ಕಿಗರು ಶಿವಪುರ ವೃತ್ತ,ಚಾಮರಾಜನಗರ ತಾ||,ಮೊ: 9620759484 ಹೋಬಳಿ,ಚಾಮರಾಜನಗರ ತಾ|| ಮೊ: 9141598212ಮಹದೇವಶೆಟ್ಟಿ,ಪ್ರ.ದ.ಸ. ತಾಲ್ಲೂಕು ಕಚೇರಿ ಚಾಮರಾಜನಗರಮೊ: 9844371655

ಕೊಲಂಬಿಯ ಏಷಿಯಾ ಆಸ್ಪತ್ರೆ, ಮೈಸೂರು  ರಾಚಪ್ಪ, ಉಪ ನಿರ್ದೇಶಕರು, ಆಹಾರ ಮತ್ತು ನಾಗರಿಕ ಸರಬರಾಜು ಇಲಾಖೆ, ಚಾಮರಾಜನಗರ ಮೊ:. 9448424665  9739875870 ಡಾ|| ಮಂಜುನಾಥ್ ಮೊ: 9738251350 ಪರಮೇಶ್ ರಾಜಸ್ವ ನಿರೀಕ್ಷಕರು ಸಂತೇಮರÀಹಳ್ಳಿ ಹೋಬಳಿ ಚಾಮರಾಜನಗರ ತಾ|| ಮೊ: 8971901894 ರವಿ ಎನ್ ಗಾಮ ಲೆಕ್ಕಿಗರು ಸುತ್ತೂರು ವೃತ್ತ ಚಾಮರಾಜನಗರ ತಾ|| ಮೊ: 9342891798 ಸುಮಂತ್‍ಕುಮಾರ್‍ಗ್ರಾ.ಲೆ, ಚಾಮರಾಜನಗರ ತಾಲ್ಲೂಕು ಮೊ: 9036578896

ಕೆ.ಆರ್. ಆಸ್ಪತ್ರೆ, ಮೈಸೂರು ಕೃಷ್ಣಪ್ಪ ಪರಿಶಿಷ್ಠ ವರ್ಗಗಳ ಕಲ್ಯಾಣಾಧಿಕಾರಿ, ಜಿಲ್ಲಾ ಪರಿಶಿಷ್ಟ ವರ್ಗಗಳ ಕಲ್ಯಾಣ ಇಲಾಖೆ, ಚಾಮರಾಜನಗರ. ಮೊ. 9739567241 ಡಾ|| ರಾಜು ಮೊ; 9448267187 ಲಿಂಗರಾಜಮೂರ್ತಿ ರಾಜಸ್ವ ನಿರೀಕ್ಷಕರು ಹರವೆ ಹೋಬಳಿ ಚಾಮರಾಜನಗರ ತಾ|| ಮೊ: 9886785333 ಶ್ರೀನಿವಾಸಮೂರ್ತಿ ಗ್ರಾ.ಲೆ, ಉಡಿಗಾಲ ವೃತ್ತ ಚಾಮರಾಜನಗರ ತಾ|| ಮೊ: 9986102162 ಬಾಲರಾಜು, ದ್ವಿ.ದ.ಸ ತಾಲ್ಲೂಕು ಕಚೇರಿ ಚಾಮರಾಜನಗರ ಮೊ: 8150815550


ಗೋಪಾಲಗೌಡ ಆಸ್ಪತ್ರೆ, ಮೈಸೂರು ರಾಜೇಂದ್ರ ಪ್ರಸಾದ್,  ಉಪ ನಿರ್ದೇಶಕರು, ಖಾದಿ ಮತ್ತು ಗ್ರಾಮೋದ್ಯೋಗ ಇಲಾಖೆ, ಚಾಮರಾಜನಗರ. ಮೊ. 7019517306 ಡಾ|| ವೈದ್ಯನಾಥನ್ ಮತ್ತು ಡಾ|| ಆದರ್ಶ್(ಕಾವೇರಿ ಆಸ್ಪತ್ರೆ) ಡಾ|| ರಘುನಾಥ್ ಮತ್ತು ಡಾ|| ಲಕ್ಷ್ಮೀಕಾಂತ್‍ನದೀಂ ಹುಸೇನ್ ರಾಜಸ್ವ ನಿರೀಕ್ಷಕರು ಹಂಗಳ ಹೋಬಳಿ ಗುಂಡ್ಲುಪೇಟೆ ತಾ|| ಮೊ: 9482378786, ವಿನಯ್‍ಕುಮಾರ್ ವೈ.ಸಿ.ಗಾಮ ಲೆಕ್ಕಿಗರು ಕಣ್ಣೇಗಾಲ ವೃತ್ತಗುಂಡ್ಲುಪೇಟೆ ತಾ||ಮೊ: 7760632756 ಅರುಣ್ ಎಂ.ವೈ ಗಾಮ ಲೆಕ್ಕಿಗರು ಕಲೀಗೌಡನಹಳ್ಳಿ ವೃತ್ತ ಗುಂಡ್ಲುಪೇಟೆ ತಾಲ್ಲೂಕು ಮೊ: 9734098395


ಸುಯೋಗ್ ಆಸ್ಪತ್ರೆ, ಮೈಸೂರು  ಸೋಮಶೇಖರ್, ಉಪ ನಿರ್ದೇಶಕರು, ಗಣಿ ಮತ್ತು ಭೂ ವಿಜ್ಞಾನ ಇಲಾಖೆ, ಚಾಮರಾಜನಗರ. ಮೊ. 9945229477 ಡಾ| ಯೋಗಣ್ಣ ಮೊ: 9663113722 ನಂಜೇಗೌಡ ರಾಜಸ್ವ ನಿರೀಕ್ಷಕರು ತೆರಕಣಾಂಬಿ ಹೋಬಳಿ ಗುಂಡ್ಲುಪೇಟೆ ತಾ|| ಮೊ: 9448536861 ಕೃಷ್ಣಮೂರ್ತಿ ಗಾಮ ಲೆಕ್ಕಿಗರು ಪುಟ್ಟನಪುರ ವೃತ್ತ ಗುಂಡ್ಲುಪೇಟೆ ತಾ|| ಮೊ: 9342825630 ರಮೇಶ್ ಗಾಮ ಲೆಕ್ಕಿಗರು ಹಂಗಳ ವೃತ್ತ ಗುಂಡ್ಲುಪೇಟೆ ತಾ|| ಮೊ: 9483306166

ಅಪೋಲೋ ಆಸ್ಪತ್ರೆ, ಮೈಸೂರು  ಸುರೇಶ್, ಯೋಜನಾ ನಿರ್ದೇಶಕರು,  ಜಿಲ್ಲಾ ನಗರಾಭಿವೃದ್ಧಿ ಕೋಶ, ಚಾಮರಾಜನಗರ .ಮೊ. 7406127698 ಡಾ|| ಹೆಚ್.ಜಿ. ಭರತೇಶ್ ರೆಡ್ಡಿ. ಮೊ: 9741667788 ಭೈರಯ್ಯ ರಾಜಸ್ವ ನಿರೀಕ್ಷಕರು ಬೇಗೂರು ಹೋಬಳಿ,ಗುಂಡ್ಲುಪೇಟೆ ತಾ|| ಮೊ: 8277858907 ಸುಹಾಸ್ ಗ್ರಾ.ಲೆ, ಉಗನೀಯ ವೃತ್ತ ಹನೂರು ತಾ|| ಮೊ: 9535118280  ರವಿ ಗ್ರಾ.ಲೆ, ಶೀಗವಾಡಿ ವೃತ್ತ, ಗುಂಡ್ಲುಪೇಟೆ ತಾ|| ಮೊ: 9980349517


ಡಿ.ಆರ್.ಎಂ. (ವಿಕ್ರಂ) ಆಸ್ಪತ್ರೆ, (ಡಾ|| ಮಂಜುನಾಥ ಆಸ್ಪತ್ರೆ, ) ಒಂಟಿಕೊಪ್ಪಲು ಮೈಸೂರು.  ಆನಂದ, ಉಪ ನಿರ್ದೇಶಕರು, ಪಶುಪಾಲನೆ ಮತ್ತು ಪಶು ಸಂಗೋಪನೆ ಇಲಾಖೆ, ಚಾಮರಾಜನಗರ.  ಮೊ. 7899686738 ಡಾ|| ಮಂಜುನಾಥ ಮೊ: 9738251350 ಶಿವಣ್ಣ ರಾಜಸ್ವ ನಿರೀಕ್ಷಕರು ಕಸಬಾ ಹೋಬಳಿ  ಗುಂಡ್ಲುಪೇಟೆ ತಾ|| ಮೊ: 9663457597 ರಾಜು ಗ್ರಾ.ಲೆ, ಕೂತನೂರು ವೃತ್ತ ಗುಂಡ್ಲುಪೇಟೆ ತಾ|| ಮೊ: 9739302662 ಯದುಗಿರಿ ಗ್ರಾ.ಲೆ, ಭೀಮನಬೀಡು ವೃತ್ತ ಗುಂಡ್ಲುಪೇಟೆ ತಾ|| ಮೊ: 7019194050


ಭಾನವಿ ಆಸ್ಪತ್ರೆ, ಮೈಸೂರು ಬಸವರಾಜು, ಉಪ ನಿರ್ದೇಶಕರು, ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ, ಚಾಮರಾಜನಗರ. ಮೊ.9972505030 ಸಿದ್ದಲಿಂಗಸ್ವಾಮಿ ರಾಜಸ್ವ ನಿರೀಕ್ಷಕರು ಅಗರ ಹೋಬಳಿ ಯಳಂದೂರು ತಾ|| ಮೊ: 8277858836 ಮುಜಾಹಿದ್  ದ್ವಿ.ದ.ಸ. ತಾಲ್ಲೂಕು ಕಚೇರಿ ಚಾಮರಾಜನಗರ  ಮೊ: 9901358329 ದೇವೇಂದ್ರನಾಯ್ಕ ಗ್ರಾ.ಲೆ, ಹೊನ್ನೂರು ವೃತ್ತ ಯಳಂದೂರು ತಾ|| ಮೊ:  8618541013

ಬೃಂದಾವನ ಆಸ್ಪತ್ರೆ , ಮೈಸೂರು ಸುಂದರೇಶ್‍ಮೂರ್ತಿ. ಕಾರ್ಯಪಾಲಕ ಅಭಿಯಂತರರು  ಕೆ.ಆರ್.ಐ.ಡಿ.ಎಲ್.  ಚಾಮರಾಜನಗರ ಮೊ: 9449863071, ನಂಜಯ್ಯ, ರಾಜಸ್ವ ನಿರೀಕ್ಷಕರು ಪಾಳ್ಯ ಹೋಬಳಿ, ಕೊಳ್ಳೇಗಾಲ ತಾ||,  ಮೊ: 9632891116 ದಿನಕರ್ ,ಗ್ರಾ.ಲೆ, ದಿನ್ನಳ್ಳಿ ವೃತ್ತ, ಹನೂರು ತಾ|| ,ಮೊ: 8277858916 ತಾರೇಶ್,  ಗ್ರಾ.ಲೆ, ತಾಲ್ಲೂಕು ಕಚೇರಿ ಚಾಮರಾಜನಗರ ಮೊ: 9845568909


ಕಾವೇರಿ ಆಸ್ಪತ್ರೆ, ಮೈಸೂರು ಸೈಯದ್ ನಯೀಮ್ ಅಹಮ್ಮದ್, ಉಪ ನಿರ್ದೇಶಕರು, ಕೈಮಗ್ಗ ಮತ್ತು ಜವಳಿ ಇಲಾಖೆ, ಚಾಮರಾಜನಗರ, ಮೊ.9945164259 ಸತೀಶ್ ಜಿ.ಪಿ ಗ್ರಾ.ಲೆ, ಗೌಡಹಳ್ಳಿ ವೃತ್ತ, ಯಳಂದೂರು ತಾ||, ಮೊ. 9900510515 ನಂದಕುಮಾರ್‍ಗ್ರಾ.ಲೆ, ಯಳಂದೂರ ತಾ|| ಮೊ. 8183024048 ಶರತ್ ಗ್ರಾ.ಲೆ, ಯಳಂದೂರು ತಾ|| ಮೊ.7829596655

ನಾರಾಯಣ ಹೃದಯಾಲಯ,ಮೈಸೂರು ನಾಗೇಶ್ ಅಬಕಾರಿ ಉಪ ಆಯುಕ್ತರು ಚಾಮರಾಜನಗರ ಜಿಲ್ಲೆ,ಮೊ. 9448838004 ಜಯಪ್ಪ ಗ್ರಾ.ಲೆ ಚಾಮರಾಜನಗರ ತಾ||, ಮೊ.9449490017 ಮಹೇಶ್ ಕುಮಾರ್ ಗ್ರಾ.ಲೆ ಕಾಳನಹುಂಡಿ ವೃತ್ತ ಚಾಮರಾಜನಗರ ತಾ|| ಮೊ.9901262081 ಮಂಜುನಾಥ ಹಂಚಿನಮನೆ, ಗ್ರಾ.¯,É ಚಾಮರಾಜನಗರ ತಾ||ಮೊ.8884614054 / 8660726968

ಬೆಳೆ ಸಾಲ ಮನ್ನಾ: ರೈತರು ನೊಂದಾಯಿಸಿಕೊಳ್ಳಲು ಜಿಲ್ಲಾಧಿಕಾರಿ ಬಿ.ಬಿ. ಕಾವೇರಿ ಮನವಿ

ಚಾಮರಾಜನಗರ, ಡಿ. 17 - ರಾಜ್ಯ ಸರ್ಕಾರವು ವಾಣಿಜ್ಯ ಬ್ಯಾಂಕ್‍ಗಳಲ್ಲಿ ಬೆಳೆ ಸಾಲ ಮಾಡಿರುವ ರೈತರಿಗೆ ಸಾಲ ಮನ್ನಾ ಮಾಡುವ ಸಲುವಾಗಿ ತಂತ್ರಾಂಶವೊಂದÀನ್ನು ಜಾರಿಗೆ ತಂದಿದ್ದು ಬೆಳೆ ಸಾಲ ಪಡೆದ ಪ್ರತಿಯೊಬ್ಬ ರೈತರು ಸಾಲ ಪಡೆದ ವಾಣಿಜ್ಯ ಬ್ಯಾಂಕ್‍ಗಳಲ್ಲಿ ತಮ್ಮ ಹೆಸರು ನೋಂದಾಯಿಸಿಕೊಳ್ಳುವಂತೆ ಜಿಲ್ಲಾಧಿಕಾರಿ ಬಿ.ಬಿ. ಕಾವೇರಿ ಅವರು ಮನವಿ ಮಾಡಿದ್ದಾರೆ.
  2009ರ ಏಪ್ರಿಲ್ 1 ರಿಂದ 2017ರ ಡಿಸೆಂಬರ್ 31ರವರೆಗೆ ಬಾಕಿ ಇರುವ ಬೆಳೆ ಸಾಲ(sಸುಸ್ತಿಸಾಲ, ಪುನರಾವಸ್ತಿ ಸಾಲ, ಎನ್.ಪಿ.ಎ. (ನಾನ್ ಪರ್ಫಾಮಿಂಗ್ ಅಸೆಟ್ ಸಾಲಗಳು)  ಪಡೆದಿರುವ ರೈತರು ಸಾಲ ಮನ್ನಾ ಯೋಜನೆಗೆ ಅರ್ಹರಾಗಿದ್ದಾರೆ. ಯೋಜನೆಯಡಿ ಒಂದು ರೈತ ಕುಟುಂಬವು (ಗಂಡ+ಹೆಂಡತಿ+ಅವಲಂಬಿತ ಮಕ್ಕಳು)  ಗರಿಷ್ಠ  2 ಲಕ್ಷ ರೂ.ವರೆಗೆ ಮಾತ್ರ ಬೆಳೆ ಸಾಲ ಮನ್ನಾ ಸೌಲಭ್ಯ ಪಡೆಯಲು ಅವಕಾಶವಿದೆ.
ಜಿಲ್ಲೆಯ ವಾಣಿಜ್ಯ ಬ್ಯಾಂಕ್‍ಗಳಲ್ಲಿ ಬೆಳೆ ಸಾಲ ಪಡೆದ ರೈತರ ಸಂಖ್ಯೆ 22978 ಆಗಿದ್ದು ಈ ಪೈಕಿ 19325 ರೈತರ ಬೆಳೆ ಸಾಲ ಮನ್ನಾ ಕುರಿತು ಪರಿಶೀಲಿಸಲಾಗಿದೆ. ಜಿಲ್ಲಾ ವ್ಯಾಪ್ತಿಯ ವಾಣಿಜ್ಯ ಬ್ಯಾಂಕಿನ ಶಾಖೆಗಳಲ್ಲಿ ಪ್ರತಿದಿನ ಕನಿಷ್ಟ 40 ರೈತರು ಹೆಸರÀು ನೊಂದಾಯಿಸಿಕೊಳ್ಳಲು ಅವಕಾಶ ಕಲ್ಪಿಸಲಾಗಿದೆ. ಪ್ರತಿ ರೈತರಿಗೆ ಕ್ರಮಬದ್ದವಾಗಿ ಕ್ರಮ ಸಂಖ್ಯೆ ಮತ್ತು ದಿನಾಂಕ ನಮೂದಿಸಿದ ಟೋಕನ್‍ಗಳನ್ನು ನೀಡಲಾಗುವುದು. ನಿಗದಿಪಡಿಸಿದ ದಿನಾಂಕಗಳಂದು ರೈತರು ಬ್ಯಾಂಕ್ ಶಾಖೆಗೆ ತೆರಳಿ ಸ್ವಯಂ ದೃಢೀಕರಣ ಪತ್ರದೊಂದಿಗೆ ,ಆಧಾರ್ ಕಾರ್ಡ್, ಪಡಿತರ ಚೀಟಿ (ದಿನಾಂಕ 5.7.2018ಕ್ಕಿಂತ ಮುಂಚಿತವಾಗಿ ಪಡೆದ ಪಡಿತರ ಚೀಟಿ) ನಕಲು, ಪಹಣಿ ಪತ್ರದೊಂದಿಗೆ ಬೆಳೆ ಸಾಲ ಮನ್ನಾ ತಂತ್ರಾಂಶದಲ್ಲಿ ನೊಂದಾಯಿಸಿಕೊಳ್ಳಬೇಕು.
    ಯಾವ ರೈತರು ವಾರ್ಷಿಕ ಆದಾಯ ತೆರಿಗೆ ಪಾವತಿದಾರರರೋ ಮತ್ತು ರಾಜ್ಯ, ಕೇಂದ್ರ ಸರ್ಕಾರಿ, ಅರೆ ಸರ್ಕಾರಿ, ಸರ್ಕಾರದಿಂದ ಅನುದಾನ ಪಡೆಯುವ ಸಂಸ್ಥೆಗಳಲ್ಲಿ, ಸಾರ್ವಜನಿಕ ಸ್ವಾಮ್ಯದಲ್ಲಿ ಕಾರ್ಯನಿರ್ವಹಿಸುತ್ತಿರುವ ನೌಕರರು, ಕೇಂದ್ರ ಮತ್ತು ರಾಜ್ಯ ಸರ್ಕಾರದಿಂದ ಪ್ರತಿ ತಿಂಗಳು  15 ಸಾವಿರ ರೂ.ಗಳಿಗಿಂತ ಹೆಚ್ಚು ಪಿಂಚಣಿ ಪಡೆಯುವ ನಿವೃತ್ತ ನೌಕರರು ಹಾಗೂ ಸಹಕಾರಿ ಬ್ಯಾಂಕ್‍ಗಳಲ್ಲಿನ ಬೆಳೆ ಸಾಲ ಮನ್ನಾ ಫಲಾನುಭವಿಗಳು ವಾಣಿಜ್ಯ ಬ್ಯಾಂಕ್‍ನ ಬೆಳೆಸಾಲ ಮನ್ನಾ ಯೋಜನೆಗೆ ಅರ್ಹರಿರುವುದಿಲ್ಲ.
ಅರ್ಹ ರೈತರು ಬೆಳೆ ಸಾಲ ಮನ್ನಾ ಯೋಜನೆಯಡಿ ತಮ್ಮ ಬ್ಯಾಂಕ್ ಶಾಖೆಗಳಲ್ಲಿ ಹೆಸರು ನೊಂದಾಯಿಸಿಕೊಳ್ಳಲು 2019ರ ಜನವರಿ 10ರವರೆಗೆ ಕಾಲಾವಕಾಶ ನೀಡಲಾಗಿದೆ. ರೈತರು ಯಾವುದೇ ಗೊಂದಲಗಳಿಗೆ ಒಳಗಾಗದೇ ಶಾಂತ ರೀತಿಯಿಂದ ಬ್ಯಾಂಕ್ ಅಧಿಕಾರಿಗಳೊಂದಿಗೆ ಸಹಕರಿಸಿ ಬೆಳೆ ಸಾಲ ಮನ್ನಾ ಯೋಜನೆಯ ಲಾಭ ಪಡೆದುಕೊಳ್ಳಬೇಕು.

ಬೆಳೆ ಸಾಲ ಮನ್ನಾ ಯೋಜನೆಗೆ ಸಂಬಂಧಿಸಿದಂತೆ ಜಿಲ್ಲಾ ಮಾಹಿತಿ ಕೇಂದ್ರವನ್ನು ನಗರದ ಜಿಲ್ಲಾಡಳಿತ ಭವನದ ಮೊದಲನೇ ಮಹಡಿಯ ಕೊಠಡಿ ಸಂಖ್ಯೆ 104ರಲ್ಲಿ ತೆರೆಯಲಾಗಿದೆ. ಸಹಾಯವಾಣಿ ಸಂಖ್ಯೆ 08226-223160 ಸಂಪರ್ಕಿಸಿಯೂ ಸಹ ವಿವರ ಪಡೆಯಬಹುದಾಗಿದೆ. ಬೆಳೆ ಸಾಲ ಮನ್ನಾ ಯೋಜನೆಗೆ ಸಂಬಂಧಿಸಿದಂತೆ ಯಾವುದೇ ಗೊಂದಲ ಸಂದೇಹಗಳಿದಲ್ಲಿ ಪರಿಹಾರಕ್ಕಾಗಿ ಹಾಗೂ ಸಲಹೆಗಳನ್ನು ಪಡೆಯಲು ಆಯಾ ತಾಲೂಕಿಗೆÀ ಅಧಿಕಾರಿ, ಸಿಬ್ಬಂದಿಯನ್ನು ನಿಯೋಜಿಸಲಾಗಿದೆ. ದಿಲೀಪ್, ಚಾಮರಾಜನಗರÀ – ಮೊಬೈಲ್ 9535803412, ರಾಜೇಂದ್ರ, ಕೊಳ್ಳೇಗಾಲ - ಮೊ. 9901885361, ಕಾರ್ತಿಕ್, ಹನೂರು – ಮೊ. 9743299941, ವಾಸುದೇವ, ಗುಂಡ್ಲುಪೇಟೆ – ಮೊ. 9742593734, ಶರತ್, ಯಳಂದೂರು – ಮೊ. 7829596655 ಇವರನ್ನು ಸಂಪರ್ಕಿಸಿ ಬೆಳೆ ಸಾಲ ಮನ್ನಾ ಮಾಹಿತಿ, ಸಲಹೆ ಹಾಗೂ ಪರಿಹಾರ ಪಡೆದುಕೊಳ್ಳುವಂತೆ ಜಿಲ್ಲಾಧಿಕಾರಿ ಬಿ.ಬಿ. ಕಾವೇರಿ ಅವರು ಪ್ರಕಟಣೆಯಲ್ಲಿ ಕೋರಿದ್ದಾರೆ.




 ಗ್ರಾ.ಪಂ. ಉಪಚುನಾವಣೆ : ಜಿಲ್ಲಾಧಿಕಾರಿಯವರಿಂದ ಅಧಿಸೂಚನೆ

ಚಾಮರಾಜನಗರ, ಡಿ. 17 - ವಿವಿಧ ಕಾರಣಗಳಿಂದ ತೆರವಾಗಿರುವ ಜಿಲ್ಲೆಯ ಒಟ್ಟು 5 ಗ್ರಾಮ ಪಂಚಾಯಿತಿ ಸದಸ್ಯ ಸ್ಥಾನಗಳಿಗೆ ಚುನಾವಣೆ ನಡೆಸುವ ಸಂಬಂಧ ಜಿಲ್ಲಾಧಿಕಾರಿಯವರಾದ ಬಿ.ಬಿ. ಕಾವೇರಿ ಅವರು ಇಂದು ಅಧಿಸೂಚನೆ ಹೊರಡಿಸಿದ್ದಾರೆ.
ಜಿಲ್ಲೆಯ ಚಾಮರಾಜನಗರ ತಾಲೂಕಿನ ವೆಂಕಟಯ್ಯನಛತ್ರ ಗ್ರಾಮ ಪಂಚಾಯಿತಿಯ ಬಸವಾಪುರ ಕ್ಷೇತ್ರ (ಅನುಸೂಚಿತ ಜಾತಿ), ಅರಕಲವಾಡಿ ಗ್ರಾಮ ಪಂಚಾಯಿತಿಯ ಮೂಡ್ಲ ಹೊಸಹಳ್ಳಿ ಕ್ಷೇತ್ರ (ಸಾಮಾನ್ಯ), ದೇಮಹಳ್ಳಿ ಗ್ರಾಮ ಪಂಚಾಯಿತಿಯ ದೇಮಹಳ್ಳಿ ಕ್ಷೇತ್ರ (ಸಾಮಾನ್ಯ), ಕೊಳ್ಳೇಗಾಲ ತಾಲೂಕಿನ ಪಿ.ಜಿ. ಪಾಳ್ಯ ಗ್ರಾಮ ಪಂಚಾಯಿತಿಯ ಪಿ.ಜಿ ಪಾಳ್ಯ ಕ್ಷೇತ್ರ (ಸಾಮಾನ್ಯ), ಯಳಂದೂರು ತಾಲೂಕಿನ ಹೊನ್ನೂರು ಗ್ರಾಮ ಪಂಚಾಯಿತಿಯ ಹೊನ್ನೂರು ಕ್ಷೇತ್ರ (ಸಾಮಾನ್ಯ)ಕ್ಕೆ ಚುನಾವಣೆ ನಿಗದಿಯಾಗಿದೆ. ಒಟ್ಟು 5 ಸದಸ್ಯ ಸ್ಥಾನಗಳಿಗೆ ಚುನಾವಣೆ ನಿಗದಿಯಾಗಿದೆ.
ನಾಮಪತ್ರಗಳನ್ನು ಸಲ್ಲಿಸಲು ಡಿಸೆಂಬರ್ 20 ಕಡೆಯ ದಿನವಾಗಿದೆ. ನಾಮಪತ್ರಗಳ ಪರಿಶೀಲನೆ ಕಾರ್ಯವು ಡಿಸೆಂಬರ್ 21ರಂದು ನಡೆಯಲಿದೆ. ಉಮೇದುವಾರಿಕೆ ಹಿಂತೆಗೆದುಕೊಳ್ಳಲು ಡಿಸೆಂಬರ್ 24 ಕಡೆಯ ದಿನವಾಗಿದೆ. ಮತದಾನ ಅವಶ್ಯವಿದ್ದರೆ 2019ರ ಜನವರಿ 2ರಂದು ಬೆಳಿಗ್ಗೆ 7 ರಿಂದ ಸಂಜೆ 5 ಗಂಟೆಯವರೆಗೆ ನಡೆಸಲಾಗುತ್ತದೆ. ಮರು ಮತದಾನ ಅವಶ್ಯವಿದ್ದಲ್ಲಿ ಜನವರಿ 3ರಂದು ನಡೆಸಲಾಗುತ್ತದೆ. ಮತಗಳ ಎಣಿಕೆ ಕಾರ್ಯವು 2019ರ ಜನವರಿ 4ರಂದು ಬೆಳಿಗ್ಗೆ 8 ಗಂಟೆಯಿಂದ ಆಯಾ ತಾಲೂಕು ಕೇಂದ್ರಗಳಲ್ಲಿ ನಡೆಸಲಾಗುತ್ತದೆ. ಜನವರಿ 4ರಂದೇ ಚುನಾವಣೆ ಪ್ರಕ್ರಿಯೆ ಮುಕ್ತಾಯವಾಗಲಿದೆ ಎಂದು ಜಿಲ್ಲಾಧಿಕಾರಿಯವರಾದ ಬಿ.ಬಿ. ಕಾವೇರಿ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.





ದ್ವಿತೀಯ ಪಿಯು ಪರೀಕ್ಷೆ : ನೊಂದಾಯಿತ ಪುನರಾವರ್ತಿತ, ಖಾಸಗಿ ಅಭ್ಯರ್ಥಿಗಳು
ಭಾವಚಿತ್ರ ಸಲ್ಲಿಸಲು ಸೂಚನೆ

ಚಾಮರಾಜನಗರ, ಡಿ. 17 - ಪದವಿಪೂರ್ವ ಶಿಕ್ಷಣ ಇಲಾಖೆಯು ಮಾರ್ಚ್ 2019ರಲ್ಲಿ ನಡೆಯಲಿರುವ ದ್ವಿತೀಯ ಪಿಯುಸಿ ವಾರ್ಷಿಕ ಪರೀಕ್ಷೆಗೆ ಹಾಜರಾಗಲು ನೊಂದಾಯಿಸಿಕೊಂಡಿರುವ ಪುನರಾವರ್ತಿತ ಹಾಗೂ ಖಾಸಗಿ ಅಭ್ಯರ್ಥಿಗಳು ನೊಂದಾಯಿಸಿಕೊಂಡಿರುವ ಕಾಲೇಜಿಗೆ ತಮ್ಮ ಇತ್ತೀಚಿನ ಭಾವಚಿತ್ರವನ್ನು ಡಿಸೆಂಬರ್ 20ರೊಳಗೆ ತುರ್ತಾಗಿ ಸಲ್ಲಿಸುವಂತೆ ಹಾಗೂ ಖುದ್ದಾಗಿ ಪ್ರಾಂಶುಪಾಲರನ್ನು ಭೇಟಿಯಾಗುವಂತೆ ಪದವಿಪೂರ್ವ ಶಿಕ್ಷಣ ಇಲಾಖೆ ಉಪನಿರ್ದೇಶಕರಾದ ವಿ.ಆರ್. ಶ್ಯಾಮಲ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.



ಡಿ. 21ರಂದು ಚಾ.ನಗರ ತಾ.ಪಂ. ಸಾಮಾನ್ಯ ಸಭೆ

ಚಾಮರಾಜನಗರ, ಡಿ. 17  ಚಾಮರಾಜನಗರ ತಾಲೂಕು ಪಂಚಾಯಿತಿ ಅಧ್ಯಕ್ಷರಾದ ದೊಡ್ಡಮ್ಮ ಅವರ ಅಧ್ಯಕ್ಷತೆಯಲ್ಲಿ ಡಿಸೆಂಬರ್ 21ರಂದು ಬೆಳಿಗ್ಗೆ 11 ಗಂಟೆಗೆ ತಾಲೂಕು ಪಂಚಾಯಿತಿ ಸಭಾಂಗಣದಲ್ಲಿ ತಾಲೂಕು ಪಂಚಾಯಿತಿ ಸಾಮಾನ್ಯ ಸಭೆಯನ್ನು ಏರ್ಪಡಿಸಲಾಗಿದೆ ಎಂದು ತಾಲೂಕು ಪಂಚಾಯತ್ ಕಾರ್ಯನಿರ್ವಾಹಕ ಅಧಿಕಾರಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಡಿ. 29ರಂದು ಜಿಲ್ಲಾ ಉಸ್ತುವಾರಿ ಸಚಿವರ ಅಧ್ಯಕ್ಷತೆಯಲ್ಲಿ ಕೆಡಿಪಿ ಸಭೆ

ಚಾಮರಾಜನಗರ, ಡಿ. 17:- ಹಿಂದುಳಿದ ವರ್ಗಗಳ ಕಲ್ಯಾಣ ಸಚಿವರು ಹಾಗೂ ಜಿಲ್ಲಾ ಉಸ್ತುವಾರಿ ಸಚಿವರಾದ ಸಿ. ಪುಟ್ಟರಂಗಶೆಟ್ಟಿ ಅವರ ಅಧ್ಯಕ್ಷತೆಯಲ್ಲಿ ಕರ್ನಾಟಕ ಅಭಿವೃದ್ಧಿ ಕಾರ್ಯಕ್ರಮಗಳ ತ್ರೈಮಾಸಿಕ ಕೆಡಿಪಿ ಪ್ರಗತಿ ಪರಿಶೀಲನಾ ಸಭೆಯು ಡಿಸೆಂಬರ್ 29ರಂದು ಬೆಳಿಗ್ಗೆ 11 ಗಂಟೆಗೆ ನಗರದ ಜಿಲ್ಲಾ ಪಂಚಾಯಿತಿ ಸಭಾಂಗಣದಲ್ಲಿ ನಡÉಯಲಿದೆ ಎಂದು ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಡಾ. ಕೆ. ಹರೀಶ್ ಕುಮಾರ್ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಕಸಾಪ ಪರೀಕ್ಷೆ : ಪ್ರವೇಶ ಪತ್ರ ರವಾನೆ

ಚಾಮರಾಜನಗರ, ಡಿ. 17  ಕನ್ನಡ ಸಾಹಿತ್ಯ ಪರಿಷತ್ತಿನ 2018-19ನೇ ಸಾಲಿನ ಪ್ರವೇಶ, ಕಾವ, ಜಾಣ ಮತ್ತು ರತ್ನ ಪರೀಕ್ಷೆಗಳು 2019ರ ಜನವರಿ 11, 12 ಮತ್ತು 13ರಂದು ಒಟ್ಟು 3 ದಿನಗಳ ಕಾಲ ರಾಜ್ಯದ 19 ಕೇಂದ್ರಗಳಲ್ಲಿ ಪರೀಕ್ಷೆಗಳು ನಡೆಯಲಿದೆ.
ಪರೀಕ್ಷಾರ್ಥಿಗಳಿಗೆ ಪರೀಕ್ಷಾ ಪ್ರವೇಶ ಪತ್ರಗಳನ್ನು ಅಂಚೆ ಮೂಲಕ ಕಳುಹಿಸಲಾಗಿದೆ. ಡಿಸೆಂಬರ್ 29ರ ನಂತರವೂ ಪ್ರವೇಶ ಪತ್ರ ತಲುಪದಿದ್ದಲ್ಲಿ ವಿದ್ಯಾರ್ಥಿಗಳು ಗೌರವ ಕಾರ್ಯದರ್ಶಿಗಳು, ಕನ್ನಡ ಸಾಹಿತ್ಯ ಪರಿಷತ್ತು, ಚಾಮರಾಜಪೇಟೆ, ಬೆಂಗಳೂರು-18 ಇವರಲ್ಲಿ ವಿಚಾರಿಸಬಹುದು.
ಬೇರೆ ಜಿಲ್ಲೆಯವರಿಗೆ ಪ್ರವೇಶ ಪತ್ರ ತಲುಪದಿದ್ದಲ್ಲಿ ಪರೀಕ್ಷಾ ಕೇಂದ್ರಕ್ಕೆ ನೇರವಾಗಿ ಹಾಜರಾಗಬಹುದು. ಪರೀಕ್ಷಾ ಕೇದ್ರದ ವಿವರವನ್ನು ದೂರವಾಣಿ ಸಂಖ್ಯೆ 080-26623584ಗೆ ಕರೆ ಮಾಡಿ ಪಡೆಯಬಹುದು. ಪ್ರವೇಶ ಪತ್ರ ಮತ್ತು ಪರೀಕ್ಷಾ ಕೇಂದ್ರಗಳ ವಿಳಾಸವನ್ನು ಅಂತರ್ಜಾಲ ತಾಣ ತಿತಿತಿ.ಞಚಿsಚಿಠಿಚಿ.iಟಿ ಮೂಲಕವೂ ಪಡೆದುಕೊಳ್ಳಬಹುದು ಎಂದು ಕನ್ನಡ ಸಾಹಿತ್ಯ ಪರಿಷತ್ತಿನ ಗೌರವ ಕಾರ್ಯದರ್ಶಿ ಡಾ. ರಾಜಶೇಖರ ಹತಗುಂದಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.



ನೆರಳು ಪರದೆ (ಶೇಡ್ ನೆಟ್) ನಿರ್ಮಾಣ ಸಹಾಯಧನಕ್ಕೆ ಅರ್ಜಿ ಆಹ್ವಾನ

ಚಾಮರಾಜನಗರ, ಡಿ. 17 ತೋಟಗಾರಿಕೆ ಇಲಾಖೆಯು 2018-19ನೇ ಸಾಲಿನ ಕೃಷಿ ಭಾಗ್ಯ ಯೋಜನೆಯಡಿ ಚಾಮರಾಜನಗರ, ಕೊಳ್ಳೇಗಾಲ ಹಾಗೂ ಯಳಂದೂರು ತಾಲೂಕುಗಳಲ್ಲಿ ನೆರಳು ಪರದೆ (ಶೇಡ್ ನೆಟ್) ನಿರ್ಮಾಣಕ್ಕೆ ಸಹಾಯಧನ ಒದಗಿಸಲಿದ್ದು ರೈತರಿಂದ ಅರ್ಜಿ ಆಹ್ವಾನಿಸಿದೆ.
ನೆರಳು ಪರದೆ ನಿರ್ಮಾಣಕ್ಕೆ ಸಾಮಾನ್ಯ ವರ್ಗದಡಿ ಅನುದಾನ ಲಭ್ಯವಿದೆ. ನೆರಳು ಪರದೆ ಮನೆಯ ಜಿಐ ಪೈಪ್‍ಗಳಿಂದ ವೈಜ್ಞಾನಿಕವಾಗಿ ವಿನ್ಯಾಸ ಮಾಡಿ ನಿರ್ಮಿಸಲ್ಪಟ್ಟ ಆಕೃತಿಗಳನ್ನು ತೋಟಗಾರಿಕೆ ಬೆಳೆಗಳ ಅವಶ್ಯಕತೆಗೆ ತಕ್ಕಂತೆ ನಿಗಧಿತ ಪ್ರಮಾಣದಲ್ಲಿ ನೆರಳನ್ನು ಒದಗಿಸುವ ಪ್ಲಾಸ್ಟಿಕ್ ಪರದೆಗಳಿಂದ ಕೂಡಿದೆ. ಬೇಸಿಗೆ ಅಥವಾ ಹೆಚ್ಚು ಮಳೆಗಾಲದಲ್ಲಿಯೂ ಸಹ ಉತ್ತಮ ಗುಣಮಟ್ಟದ ತರಕಾರಿಗಳನ್ನು ಬೆಳೆಯಲು, ತರಕಾರಿ, ಹಣ್ಣಿನ ಸಸ್ಯಾಭಿವೃದ್ಧಿ (ನರ್ಸರಿ ಚಟುವಟಿಕೆ), ನೆರಳು ಪರದೆಯ ಬೆಳೆಗಳನ್ನು ನೇರಳಾತೀತ ಕಿರಣಗಳನ್ನು ಸ್ಥಳೀಕರಣಗೊಳಿಸಿ ತೀವ್ರವಾದ ಉಷ್ಣಾಂಶವನ್ನು ನಿಯಂತ್ರಿಸುವುದರಿಂದ ತೋಟಗಾರಿಕೆ ಉತ್ಪನ್ನಗಳ ಕೊಯ್ಲೋತ್ತರ ಗುಣಮಟ್ಟವನ್ನು ಕಾಪಾಡುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಈ ಘಟಕದಲ್ಲಿ ಮುಖ್ಯವಾಗಿ ದೊಣ್ಣೆ ಮೆಣಸಿನಕಾಯಿ, ಬಜ್ಜಿ ಮೆಣಸಿನಕಾಯಿ, ಪೋಲ್ ಬೀನ್ಸ್, ಸೌತೆಕಾಯಿ, ಟಮೋಟೋ ಬೆಳೆ ಬೆಳೆಯಲು ಸೂಕ್ತವಾಗಿದೆ.
ಆಸಕ್ತ ರೈತರು ಅರ್ಜಿಯೊಂದಿಗೆ ಭಾವಚಿತ್ರ, ಪ್ರಸಕ್ತ ಸಾಲಿನ ಪಹಣಿ, ಚೆಕ್‍ಬಂದಿ, ನೀರಾವರಿ ಮೂಲದ ದೃಢೀಕರಣ, ಮತದಾರರ ಗುರುತಿನ ಚೀಟಿ, ಆಧಾರ್, ಪಡಿತರ ಚೀಟಿಗಳ ಜೆರಾಕ್ಸ್, ಯೋಜನೆ ಕುರಿತು ಪ್ರಸ್ತಾವನೆ (ಡಿಪಿಆರ್ – ಡೀಟೈಲ್ಡ್ ಪ್ರಾಜೆಕ್ಟ್ ರಿಪೋರ್ಟ್) ಇತ್ಯಾದಿ ದಾಖಲೆಗಳನ್ನು ಲಗತ್ತಿಸಿ ಆಯಾ ತಾಲೂಕಿನ (ಗುಂಡ್ಲುಪೇಟೆ ಹೊರತುಪಡಿಸಿ) ತೋಟಗಾರಿಕೆ ಇಲಾಖೆ ಕಚೇರಿಗೆ ಡಿಸೆಂಬರ್ 26ರೊಳಗೆ ಸಲ್ಲಿಸುವಂತೆ ತೋಟಗಾರಿಕೆ ಉಪನಿರ್ದೇಶಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.