ಮದುಕರ್ ಶೆಟ್ಟಿ ಅವರ ಚಾಮರಾಜನಗರ ಆಳ್ವಿಕೆ ಹೇಗಿತ್ತು!? ಅವರ ವರ್ಗಾವಣೆಯಾದಾಗ ಜಿಲ್ಲೆಯ ಜನತ ಬಂದ್ ಹೇಗಿತ್ತು.? *ಮದುಕರ್ ಶೆಟ್ಟಿ ಸಾಮಾನ್ಯರಲ್ಲಿ ಜನಸಾಮಾನ್ಯರಾಗಿದ್ದೇಗೆ!?* ವರದಿ: ರಾಮಸಮುದ್ರ ಎಸ್. ವೀರಭದ್ರಸ್ವಾಮಿ.

 *ಮದುಕರ್ ಶೆಟ್ಟಿ ಸಾಮಾನ್ಯರಲ್ಲಿ ಜನಸಾಮಾನ್ಯ*  ವರದಿ: ರಾಮಸಮುದ್ರ ಎಸ್. ವೀರಭದ್ರಸ್ವಾಮಿ. ಚಾಮರಾಜನಗರ: ಜಿಲ್ಲೆಯಲ್ಲಿ ಹಿಂದೆ  ಎಸ್ಪಿಯಾಗಿ ಕಾರ್ಯನಿರ್ವಹಿಸಿದ್ದ ಮದುಕರ್ ಶೆಟ್ಟಿ ಅವರು ಸಾಮಾನ್ಯರಲ್ಲಿ ಜನಸಾಮಾನ್ಯ ಆಗಿದ್ದವರಲ್ಲಿ ಒಬ್ಬರು ಎಂದರೆ ತಪ್ಪಾಗಲಾರದು. 

ಲೇಖನದ ರೂವಾರಿ. ರಾಮಸಮುದ್ರ ಎಸ್.ವೀರಭದ್ರಸ್ವಾಮಿ

*ಚಾಮರಾಜನಗರ ದಲ್ಲಿ ಎಸ್ಪಿಯಾಗಿ 29-10-2003 ರಿಂದ 11-08-2004 ರವರೆಗೆ ಮದುಕರ್ ಶೆಟ್ಟಿ ಅವರು (ಚಾಮರಾಜನಗರ ಜಿಲ್ಲೆಯ ಪೊಲೀಸ್ ಅದೀಕ್ಷಕರಾಗಿ) ಸೇವೆ ಸಲ್ಲಿಸಿದ್ದರು ಕಾರ್ಯನಿರ್ವಹಿಸಿದ ಇವರು ಡಿಸಿ ಅಗಿದ್ದ ಶ್ರೀ ಹರ್ಷಗುಪ್ತ  ಅವರ ಜೊತೆ ಸೇರಿ ನಡೆಸಿದ ಆಡಳಿತ ನಿಜಕ್ಕೂ ವಿಜಯನಗರ ಸಾಮ್ರಾಜ್ಯದಂತೆ‌ ಇತ್ತು.

* ಚಾಮರಾಜನಗರ ಸುತ್ತಮುತ್ತ ಪಾರ್ಸೆಲ್ ನೀಡದೇ ಲೂಸ್ ನಲ್ಲಿ ಮಾರಾಟ ಮಾಡುತ್ತಿದ್ದ ಹಾಗೂ ಅನದಿಕೃತ ವೈನ್ ಷಾಪ್ ಸೀಜ್ ಮಾಡಿಸುತ್ತಿದ್ದರು. ಬಿಳಿ ಸೀಮೆಎಣ್ಣೆ, ನೀಲಿ ಸೀಮೆಎಣ್ಣೆ, ಅದಕ್ಕೆ ಸ್ವಲ್ಪ ಪೌಡರ್ ಹಾಕಿದರೆ ತಯಾರಾಗೋ ಕೆಂಪು ಪೆಟ್ರೋಲ್, ಅಕ್ರಮ ಪಡಿತರದ ಅಕ್ಕಿ ಸಾಗಾಣಿಕೆ, ಅಕ್ರಮ  ಕರಿಕಲ್ಲು ಸಾಗಾಣಿಕೆ ಇನ್ನು ಯಾವುದಿದೆ ಆ ಎಲ್ಲಾ ಅಕ್ರಮ ಚಟುವಟಿಕೆಗಳಿಗೆ ಕಡಿವಾಣ ಹಾಕಿದ ಧೀರ ಎನ್ನಬಹುದು
* ಊರಿನಿಂದ ಅವರ ಪತ್ನಿ ಚಾಮರಾಜನಗರಕ್ಕೆ ಬಂದರೆ  ಆಟೋದಲ್ಲಿ ಮನೆಗೆ ಬಾ ಎಂದು ಹೇಳುತ್ತಿದ್ದ ಅದಿಕಾರಿ ಅಂದರೆ ಅದು ಎಸ್ಪಿ ಮದುಕರ್ ಶೆಟ್ಟಿ . ತಮ್ಮ ಪತ್ನಿಗಾಗಿ ಎಂದೂ ಸರ್ಕಾರಿ ವಾಹನವನ್ನ ದುರ್ಬಳಕೆ ಮಾಡಿಕೊಂಡವರಲ್ಲ. ಜನಸಾಮಾನ್ಯರಂತೆ ಅವರ ಪತ್ನಿಯೂ ಆಟೋದಲ್ಲಿ ಓಡಾಡುತ್ತಿದ್ದರು.  ಆಟೋ ಚಾಲಕನಿಗೆ ತಮ್ಮ ಜೇಬಿನಿಂದ ಹಣ ತೆಗೆದುಕೊಡುತ್ತಿದ್ದರು.‌ಕೆಲವೊಮ್ಮೆ ಚಾಲಕನ ಕುಶಲೋಪಚಾರ ವಿಚಾರಿಸಿ ಟೀ-ಕಾಫಿ ಕೊಟ್ಟಿದ್ದು ಕೂಡ ಉಂಟು ಈ ಅವಿನಾಭಾವ ಸಂಬಂದ ಬೆಳೆಸಿಕೊಂಡು ಬಂದವರು ಇವರು.ಕೆಲವೊಮ್ಮೆ ಸಂಜೆ,ಮುಂಜಾನೆ ವೇಳೆ ಬೈಸಿಕಲ್ ಸವಾರಿ ಮಾಡಿದ್ದು ಉಂಟು...

* ಮಾರುವೇಷದಲ್ಲೆ ಕಾರ್ಯಚರಣೆ: ಇವರು ಬಹುತೇಕ ಕಡೆ ಮಾರುವೇಷದಲ್ಲಿ ಠಾಣೆಗಳಿಗೆ ಭೇಟಿ ನೀಡುವುದು.‌ಭ್ರಷ್ಟತೆ ಕಂಡುಬಂದರೆ ನೇರವಾಗಿ ತಾವೇ ಹೋಗಿ ಪರಿಶೀಲನೆ .ಜೊತೆಗೆ ಕ್ರಮ ತಕ್ಷಣದಲ್ಲಿ ಜರುಗಿಸುತ್ತಿದ್ದರು. ಇದಕ್ಕೆ ಸಾಕ್ಷಿಯಂಬಂತೆ (.............) ಚೆಕ್ ಪೋಸ್ಟ್ ಅಲ್ಲಿ ಪೇದೆಯೋರ್ವ...(........) ಲಾರಿ ಚಾಲಕನಿಂದ ಹಣ ಪಡೆಯುವುದು ಗೊತ್ತಾಗಿ ತಾವೇ ರುಮಾಲು ಸುತ್ತಿಕೊಂಡು ಚಾಲಕರಾಗಿ ಹೋಗಿ ಸ್ಥಳದಲ್ಲೆ ಆ ಪೇದೆಗೆ ಕಪಾಳ ಮೋಕ್ಷ ಮಾಡಿ ಅಮಾನತು ಮಾಡಿ ಇಡೀ ಇಲಾಖೆಯೇ ಬೆಚ್ಚಿ ಬೀಳುವಂತೆ ಮಾಡಿದ್ದರು. ತಾವೇ ಒಬ್ಬೋಬ್ಬರೆ ಓಡಾಡುವುದು ಸಾಮಾನ್ಯವಾಗಿದ್ದರೂ ಇವರು ಎಸ್ಪಿ ಅವರು ಎಂದು ಯಾರಿಗೂ ತಿಳಿಯುತ್ತಿರಲಿಲ್ಲ. ಸಣ್ಣ ದೂರಿಗೂ ಸ್ಪಂದಿಸಿ ಕ್ಷಣಾರ್ದದಲ್ಲೆ ಪರಿಹಾರ ಮಾಡುತ್ತಿದ್ದರು.
ನಿಯಮ ಉಲ್ಲಂಘಿಸಿದ ಚಾಲಕನಿಗೆ ಪುಲ್ ಕ್ಲಾಸ್; ರಾಮಸಮುದ್ರ-ನಗರಕ್ಕೆ ಬರುವ ಮಾರ್ಗಮದ್ಯೆ ಪೊಲೀಸ್ ಜೀಪ್ ನಿಯಮಗಳನ್ನು ಉಲ್ಲಂಘಿಸುವ ಬಗ್ಗೆ ನಾವು( ಪತ್ರಿಕೆ ವರದಿ‌ಮಾಡಿದ ಎಸ್ ಸ್.ವೀರಭದ್ರಸ್ವಾಮಿ & ರೋಲ್ ಕ್ಯಾಮೆರಾದಲ್ಲಿ ಚಿತ್ರ ತೆಗೆದ ಪ್ರವೀಣ್ ಪಂಚಾಕ್ಷರಿ,) ಸುದ್ದಿ ಮಾಡಿದಾಗ ಜಿ.ಪೊ.ಇ.ಆವರಣದಲ್ಲೆ ಪುಲ್ ಕ್ಲಾಸ್ ಚಾಲಕನಿಗೆ ಪ್ರಾರಂಭಿಸಿದ್ದರು.
.

ಚಾಮರಾಜನಗರ ಜಿಲ್ಲಾಕಚೇರಿಯಲ್ಲಿ ಶ್ರದ್ಧಾಂಜಲಿ ಸಭೆ

ಮಾನವೀಯತೆ ಮೆರೆದ ಜನನಾಯಕ:
ಪೊಲೀಸರೆಂದರೆ ಸಾಕು ಕಾನೂನು ಸುವ್ಯವಸ್ಥೆ ಒಂದೇ ಎನ್ನುವ ಅದೇಷ್ಟೋಅದಿಕಾರಿಗಳನ್ನ ನಾವು ನೋಡಿದ್ದೇವೆ ಆದರೆ ಇವರು ಎಲ್ಲವೂ ನಮಗೇ ಸೇರಿದ್ದು ಕಾನೂನು ಸುವ್ಯವಸ್ಥೆ ಅಲ್ಲ ಸುತ್ತಮುತ್ತಲಿನ ಸಮಾಜ ನಮ್ಮದೇ ಎಂದು ತಿಳಿದವರಾಗಿದ್ದರು.
* ಪಟ್ಟಣದಲ್ಲಿ ಹೆಚ್ಚಿದ  ಮಾನಸಿಕ ಅಸ್ವಸ್ಥರ ಬಗ್ಗೆ ತಲೆ ಕೆಡಿಸಿಕೊಂಡವರಲ್ಲಿ ಇವರೇ ಮೊದಲಿಗರು. ಸಮಾಜದಲ್ಲಿ ಅವರು ಅನಿವಾರ್ಯ ಕಾರಣದಿಂದ ಮಾನಸಿಕ ಅಸ್ವಸ್ಥತರಾಗಿರುವರೋ ಹೊರತು ಪರಿಪೂರ್ಣರಲ್ಲ ಅವರನ್ನ ಗುಣ ಮುಖ ಮಾಡಬೇಕೆಂದು ಆಶಯ ತೊಟ್ಟು ಅವರು ಪಟ್ಟಣದಲ್ಲಿರುವವನ್ನ ಹುಡುಕಿ ಅವರ ಗುಣಮುಖರಾಗಲು ಶ್ರಮಿಸಿ ಮಾನವೀಯತೆ ‌ಮೆರೆದರು.ಮಾನಸಿಕ ಅಸ್ವಸ್ಥರನ್ನ ಕೌದಳ್ಳಿ ವೃದ್ದಾಶ್ರಮಕ್ಕೆ ಸೇರಿಸಿ ಮಾಸಿಕ ವೇತನವನ್ನ ನೀಡುತ್ತಿದ್ದರು.
ಪ್ರಚಾರದ ಹಂಗು ಬಯಸದ ಅದಿಕಾರಿ: ಎಸ್ಪಿ ಮದುಕರ್ ಶೆಟ್ಟಿ ಅವರು ತಮ್ಮ ಕಾರ್ಯದ ಬಗ್ಗೆ ಎಂದೂ ಹೇಳಿಕೊಂಡವರಲ್ಲ. ಹಿಂದೊಮ್ಮೆ ಅವರ ಕೆಲಸದ ಬಗ್ಗೆ ಅಗ್ನಿ ಪತ್ರಿಕೆಯಲ್ಲಿ ಸುದ್ದಿ ಮಾಡಿದಾಗ ನಮ್ಮನ್ನ ಕರೆಯಿಸಿ ಹೇಳಿದ್ದಿಷ್ಟು...ಹೊಗಳಿ ಬರೆಯೊಕೆ ನಾನೆಷ್ಟು ಕೊಟ್ಟ ಅಂತ ಗಾಬರಿಯಾಗಿ ಇಲ್ಲ..ವಾಸ್ತವ ತಾನೆ..ಇಲ್ಲಾಂದ್ರೆ ಇಲ್ಲ ಬಿಡಿ ಸರ್ ಅಂತೇಳಿದೆ. ಅದು ನಮ್ಮ ಕೆಲಸ ಜಗಜ್ಜಾಹಿರಾಗೊದಲ್ಲ.ಲೋಪದೋಷ ಇದ್ರೆ ದಾಖಲೆ ಸಮೇತ ಹಾಕಿ ಸಮಾಜ ಎಚ್ಚರಿಸಿ..ಯು ಕೆನ್ ಗೋ ನೌ ಎಂದ ಮಾತುಗಳು ವಾಸ್ತವವಾಗಿ ನನಗೂ ಗೋಚರವಗುತ್ತಿದೆ

* ಎಸ್ಪಿ ಮದುಕರಶೆಟ್ಟಿ &ಜಿಲ್ಲಾದಿಕಾರಿ   ಹರ್ಷಗುಪ್ತ ರ ವರ್ಗಾವಣೆ ಸುದ್ದಿ ಬಂದಾಗ ಜನ ಅದರಲ್ಲೂ ಮುಸಲ್ಮಾನ ಭಾಂದವರು ಸ್ವಯಂ ಪ್ರೇರಿತವಾಗಿ ಅಂಗಡಿ ಬಾಗಿಲು ಮುಚ್ಚಿ ಬಂದ್ ಯಶಸ್ವಿಗೆ ಕಾರಣರಾದರು. ತದ ನಂತರ ಎಂದು ಕೂಡ ಬಂದ್ ಪದಕ್ಕೆ ಇದೂವರೆಗೂ ಸಚಿತ್ರ ಸಿಗಲೇ ಇಲ್ಲ... ಇದು ನಮ್ಮ ನಗರದ ಎಲ್ಲಾ ಜನರು ಕೊಟ್ಟ ಒಮ್ಮತ ದ ಕೊಡುಗೆ ಎಂದರೆ ತಪ್ಪಾಗಲಾರದು.

* ಆಡಳಿತದಲ್ಲಿ ಹಲವಾರು ಸುಧಾರಣೆ ಗಳನ್ನ ಮಾಡುವ ಮೂಲಕ ಅದಿಕಾರಿಗಳ ಜನ ಮನ್ನಣೆ ಗಳಿಸಿದ್ದರು.‌ಅವರ ಅವದಿಯಲ್ಲಿ ಚಾಮರಾಜನಗರ ಪೊಲೀಸ್ ಇಲಾಖೆಯಲ್ಲಿ ಸಂದರ್ಶಕರ ಪುಸ್ತಕ ತೆರೆಯುವ ಮೂಲಕ ಪ್ರತಿಯೊಂದು ಚಟುವಟಿಕೆ ಮೇಲೆ ಹದ್ದಿನ ಕಣ್ಣು ಇಡುತ್ತಿದ್ದರು.    ಇನ್ನ ಉಳಿದ ಯೋಜನೆಗಳು ಆ ಅವದಿಯಲ್ಲಿ ಕೆಲಸ ಮಾಡುವ ಸಿಬ್ಬಂದಿಗಳಿಗೆ ಗೊತ್ತಿರುತ್ತದೆ. ಈ ವ್ಯವಸ್ಥೆ ಅಂದರೆ ಸಂದರ್ಶಕರ ಪುಸ್ತಕದ ಕಥೆ ಇವರು ವರ್ಗಾವಣೆ ಆದಮೇಲೆ ಗಂಟುಮೂಟೆ ಕಟ್ಟುವ ಕೆಲಸವೂ ಆಗುತ್ತದೆ.  ತದ ನಂತರದ ದಿನ ಗಮನಹರಿಸದೇ ತುಕ್ಕು ಹಿಡಿದ ಯೋಜನೆಗೆ ನಮ್ಮ ಒತ್ತಾಯ(ವೀರಭದ್ರಸ್ವಾಮಿ ) ಮೂರು ವರ್ಷದ ಮೇರೆಗೆ ಎಸ್ಪಿ ಕುಲದೀಪ್ ಕುಮಾರ್ ಆರ್ ಜೈನ್ ಅವದಿಯಲ್ಲಿ ಚಾಲನೆಯಾಗುತ್ತದೆ. ಮದುಕರ್ ಶೆಟ್ಟಿ ಅವರು ಯಾವುದೇ ಠಾಣೆಗೆ ಹೋಗ ಟೀ ನಿಂದ ಹಿಡಿದು ವಾಟರ್ ಬಾಟಲ್,ಊಟಕ್ಕೂ ಅವರದೇ ಆದ ಹಣ ಪಾವತಿಸಿ ಬರುತ್ತಿದ್ದವರು. ಕೆಲವೊಮ್ಮೆ ಚಾಮರಾಜನಗರ ಜಿಲ್ಲಾ ಪೊಲೀಸ್ ಕವಾಯತು ಮೈದಾನದಲ್ಲೂ ದಿನಗಳನ್ನ ಕಳೆದಿದ್ದುಂಟ...!
ಮದುಕರ್ ಶೆಟ್ಟಿ ಅವರು
ಚಾಮರಾಜನಗರ ಪೊಲೀಸ್ ಇಲಾಖೆ ವಾರ್ಷಿಕಾ ಕ್ರೀಡಾ ಕೂಟಕ್ಕೆ ಕಳೆದ ವರ್ಷ ಬಂದಿದ್ದವರು ಈ ವರ್ಷ ಈ ಜಗತ್ತನ್ನೆ ಬಿಟ್ಟು ಹೋಗಿರುವುದು ಮಾತ್ರ ವಿಪರ್ಯಾಸ...

ಇನ್ನ ಕೆಲವು ಬದಲಾವಣೆ ಹಾಗೂ ಲೇ ಔಟ್ ಬದಲಾಗಬಹುದು.. ಇಷ್ಟ ಆದ್ರೆಶೇರ್ ಮಾಡಿ...ಕೆಲವು ಪದಗಳ ಬಳಕೆ ಕಠಿಣವೂ ಹೌದು. ಇಂತಿ ರಾಮಸಮುದ್ರ ಎಸ್.
ವೀರಭದ್ರಸ್ವಾಮಿ..
(ಚಾಮರಾಜನಗರ ಜಿಲ್ಲಾ ಪೊಲೀಸ್ ಇಲಾಖೆ ಮುಖಪುಸ್ತಕದಿಂದ ಎರಡು ಚಿತ್ರ ಬಳಸಿಕೊಳ್ಳಲಾಗಿದೆ.)

ರಸ್ತೆ ಅಪಘಾತ: ಶಿಕ್ಷಕಿ ಸಾವು &ಪ್ರಸಾದ ಸೇವನೆ ಪ್ರಕರಣ : ಮತ್ತೋರ್ವ ಅಸ್ವಸ್ಥ ಸಾವು - ಸಾವಿನ ಸಂಖ್ಯೆ 17ಕ್ಕೆ ಏರಿಕೆ

ಪ್ರಸಾದ ಸೇವನೆ ಪ್ರಕರಣ : ಮತ್ತೋರ್ವ ಅಸ್ವಸ್ಥ ಸಾವು - ಸಾವಿನ ಸಂಖ್ಯೆ 17ಕ್ಕೆ ಏರಿಕೆ 

ಚಾಮರಾಜನಗರ, ಡಿ. 22:- ಹನೂರು ತಾಲೂಕಿನ ಸುಳ್ವಾಡಿಯ ಕಿಚ್ಚುಗುತ್ತು ಮಾರಮ್ಮನ ದೇವಾಲಯದ ಪ್ರಸಾದ ಸೇವನೆ ಪ್ರಕರಣದಲ್ಲಿ ಅಸ್ವಸ್ಥರಾಗಿ ಚಿಕಿತ್ಸೆ ಪಡೆಯುತ್ತಿದ್ದವರ ಪೈಕಿ ಇಂದು ಓರ್ವ ವ್ಯಕ್ತಿ ಮೃತಪಟ್ಟಿದ್ದಾರೆ.
ದೊರೆಸ್ವಾಮಿ ಮೇಡು ಗ್ರಾಮದ ರಂಗನ್ (45 ವರ್ಷ) ಮೃತಪಟ್ಟವರು. ಪ್ರಸಾದ ಸೇವನೆಯಿಂದ ತೀವ್ರ ಅಸ್ವಸ್ಥಗೊಂಡಿದ್ದ ರಂಗನ್À ಅವರನ್ನು ಮೈಸೂರಿನ ಖಾಸಗಿ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. ಚಿಕಿತ್ಸೆ ಫಲಕಾರಿಯಾಗದೆ ರಂಗನ್ ಅವರು ಇಂದು ಮಧ್ಯಾಹ್ನ ನಿಧನ ಹೊಂದಿದ್ದಾರೆ ಎಂದು ಜಿಲ್ಲಾಧಿಕಾರಿ ಬಿ.ಬಿ. ಕಾವೇರಿ ಅವರು ತಿಳಿಸಿದ್ದಾರೆ.

ರಸ್ತೆ ಅಪಘಾತ: ಶಿಕ್ಷಕಿ ಸಾವು       

ಚಾಮರಾಜನಗರ:ರಸ್ತೆ ಅಪಘಾತದಲ್ಲಿ  ಶಿಕ್ಷಕಿಯೋರ್ವರು ಸಾವನ್ನಪ್ಪಿದ ಘಟನೆ ಚಾಮರಾಜನಗರ ಪಟ್ಟಣದಲ್ಲಿ   ಮುಂಜಾನೆ ನಡೆದಿದೆ. *ಚಾಮರಾಜನಗರ ಪಟ್ಟಣ ನಿವಾಸಿಯಾಗಿರುವ ಸಾಗಡೆ ಶಾಲೆಯ ಪ್ರಬಾರ ಮುಖ್ಯ ಶಿಕ್ಷಕಿಯಾಗಿರುವ ಅನಿತಾ ಎಂಬುವವರೆ ಸಾವನ್ನಪ್ಪಿದ ದುರ್ದೈವಿಯಾಗಿದ್ದಾರೆ.

*ಶನಿವಾರ ಇಂದು ಎಂದಿನಂತೆ ತಮ್ಮ ಶಾಲೆಗೆ ತೆರಳಲು ಪತಿ ರಂಗನ್ ಅವರು ಬೈಕ್ ಅಲ್ಲಿ ತೆರಳುತ್ತಿದ್ದಾಗ  ಪ್ರವಾಸಿ ಮಂದಿರ ಬಳಿ ಈ ದುರ್ಘಟನೆ ನಡೆದಿದೆ.

*ಬಹುಶಃ ಲಬ್ಯವಾದ ಮಾಹಿತಿ ಪ್ರಕಾರ ಅವರ ಮನೆಯಿಂದ ಮುಖ್ಯರಸ್ತೆಗೆ ಸಂಪರ್ಕ ಕಲ್ಪಿಸುವ ಮಾರ್ಗ ರಾಷ್ಟ್ರೀಯ ಹೆದ್ದಾರಿಯ ತಿರುವಿನಲ್ಲಿ ಯೂ  ಟರ್ನ್ ಮಾಡುವಾಗ ಈ ಘಟನೆ ನಡೆದಿದೆ  ಎನ್ನಲಾಗಿದೆ.
 *ಹಿಂಬದಿಯಲ್ಲಿ ಕುಳಿತಿದ್ದ ಶ್ರೀಮತಿ ಅನಿತಾ ಅವರ ತಲೆ  ರಸ್ತೆ ಮದ್ಯೆದ ವಿಭಜಕ್ಕೆ ಹೊಡೆದ ಹಿನ್ನಲೆಯಲ್ಲಿ ಅಲ್ಲಿಯೆ ಸಾವನ್ನಪ್ಪಿದ್ದಾರೋ ಅಥವಾ ಲಾರಿ ಬಂದು ಡಿಕ್ಕಿ ಹೊಡೆದಿದೆಯೋ ಎಂಬುದು ಪೊಲೀಸ್ ತನಿಖೆಯಿಂದ ತಿಳಿಯಬೇಕಾಗಿದೆ. . ವಾಹನ ಸವಾರರಿಗೂ ಗಾಯಗಳಾಗಿದ್ದು ಜಿಲ್ಲಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ
*ಪಟ್ಟಣ ಠಾಣಾ ಹಾಗೂ ಸಂಚಾರಿ ಪೊಲೀಸರು ದೂರು ದಾಖಲಿಸಿಕೊಂಡು ಮುಂದಿನ ಕ್ರಮ ಕೈ ಗೊಂಡಿದ್ದಾರೆ.

ಸುಳ್ವಾಡಿ ಸಂತ್ರಸ್ಥರನ್ನು ಸಂತೈಸಿ ಸೇವಾ ವೈಶಾಲ್ಯತೆ ಮೆರೆದ ಹೋಲಿಕ್ರಾಸ್ ಆಸ್ಪತ್ರೆ 

ಚಾಮರಾಜನಗರ, ಡಿ. 22 - ಹನೂರು ತಾಲೂಕಿನ ಸುಳ್ವಾಡಿಯ ಕಿಚ್ಚುಗುತ್ತು ಮಾರಮ್ಮನ ದೇವಾಲಯದ ಪ್ರಸಾದ ಸೇವನೆ ಪ್ರಕರಣದಲ್ಲಿ ಅಸ್ವಸ್ಥರಾದವರಿಗೆ ಸಕಾಲದಲ್ಲಿ ಸ್ಪಂದಿಸಿ ಚಿಕಿತ್ಸೆ ನೀಡಿದ ಕಾಮಗೆರೆಯ ಹೋಲಿಕ್ರಾಸ್ ಆಸ್ಪತ್ರೆ ಹಲವರ ಜೀವ ಉಳಿಸಿ ಹೃದಯ ವೈಶಾಲ್ಯತೆ ಮೆರೆದಿದೆ.
ಪ್ರಸಾದ ಸೇವಿಸಿ ಗಂಭೀರವಾಗಿ ಅಸ್ವಸ್ಥರಾದವರನ್ನು ತಂಡೋಪತಂಡವಾಗಿ ಕರೆತರುತ್ತಿದ್ದಂತೆ ಕಾಮಗೆರೆಯ ಹೋಲಿಕ್ರಾಸ್ ಆಸ್ಪತ್ರೆಯ ಇಡೀ ವೈದ್ಯ ಹಾಗೂ ಸಿಬ್ಬಂದಿ ತಂಡ ಕಾಳಜಿಯಿಂದ ಚಿಕಿತ್ಸೆ ನೀಡದೇ ಇದ್ದಿದ್ದರೆ ಸಾವುನೋವಿನ ಪ್ರಮಾಣ ಮತ್ತಷ್ಟು ಹೆಚ್ಚಳವಾಗುತ್ತಿತ್ತು. ಸುಳ್ವಾಡಿ ಗ್ರಾಮಕ್ಕೆ ಹತ್ತಿರವಿದ್ದ ಎಲ್ಲ ವೈದ್ಯಕೀಯ ಸೌಲಭ್ಯವುಳ್ಳ ಆಸ್ಪತ್ರೆ ಇದ್ದದ್ದು, ಕಾಮಗೆರೆಯ ಹೋಲಿಕ್ರಾಸ್ ಆಸ್ಪತ್ರೆ ಮಾತ್ರ. ಹೀಗಾಗಿ ಈ ಆಸ್ಪತ್ರೆಯನ್ನೇ ತಕ್ಷಣಕ್ಕೆ ಅವಲಂಬಿಸುವ ಅನಿವಾರ್ಯತೆ ಉಂಟಾಯಿತು.
ಆತಂಕಕ್ಕೆ ಒಳಗಾದ ಸಂತ್ರಸ್ಥರನ್ನು ಸಂತೈಸಿ ಚಿಕಿತ್ಸೆ ಆರಂಭಿಸಿದ ಹೋಲಿಕ್ರಾಸ್ ಆಸ್ಪತ್ರೆ ತಂಡ ಜನರಲ್ಲಿ ಸ್ಥೈರ್ಯ ತುಂಬುವ ಕೆಲಸ ಮಾಡಿದ್ದು ಪ್ರಶಂಸನೀಯವಾಗಿದೆ. ಡಿಸೆಂಬರ್ 14ರಂದು ಮಧ್ಯಾಹ್ನ 1.10 ವೇಳೆಗೆ ತೀವ್ರ ಗಂಭೀರತೆ ಲಕ್ಷಣ ಕಂಡುಬಂದ ಅಸ್ವಸ್ಥರನ್ನು ಕರೆತರಲಾಯಿತು. ತದನಂತರ ಮತ್ತಷ್ಟು ಅಸ್ವಸ್ಥರು ಬರಲಾರಂಭಿಸಿದರು. ಸ್ವಲ್ಪವೂ ಸಮಯ ವ್ಯರ್ಥಮಾಡದ ಹೋಲಿಕ್ರಾಸ್ ಆಸ್ಪತ್ರೆ ವೈದ್ಯರು ಆಸ್ಪತ್ರೆಯಲ್ಲಿದ್ದ ಎಲ್ಲ 7 ವೆಂಟಿಲೇಟರ್‍ಗಳನ್ನು ಬಳಸಿ ಚಿಕಿತ್ಸೆ ನೀಡಲು ತೊಡಗಿದರು.
ಮೊದಲಿಗೆ ಆಸ್ಪತ್ರೆಗೆ ದಾಖಲಾದವರಿಂದ ಯಾವ ಆಹಾರ ಸೇವನೆ ಮಾಡಿದ್ದಾರೆ, ವಾಂತಿ ಇನ್ನಿತರ ಸಮಸ್ಯೆಗಳಿಗೆ ಕಾರಣವೇನೆಂಬ ಮಾಹಿತಿ ಕೊಡಲೂ ಸಹ ಸಂತ್ರಸ್ಥರಿಗೆ ಆಗದ ಪರಿಸ್ಥಿತಿ ಇತ್ತು. ತದನಂತರ ಸಂತ್ರಸ್ಥರ ದೇಹ ಚಲನವಲನಗಳನ್ನು ಗಮನಿಸಿ ವಿಷ ಸೇವನೆ ಇರಬಹುದೆಂದು ತಿಳಿದುಕೊಂಡು ಚಿಕಿತ್ಸೆ ನೀಡಲಾರಂಭಿಸಿದೆವು. ಹೆಚ್ಚು ಪ್ರಮಾಣದ ಆಹಾರ ಸೇವಿಸಿದ್ದವರ ಆರೋಗ್ಯಸ್ಥಿತಿ ಗಂಭೀರವಾಗಿತ್ತು. ಸ್ವಲ್ಪ ಪ್ರಮಾಣದ ಆಹಾರ ಸೇವಿಸಿದವರೂ ಸಹ ಗಂಭೀರ ಸ್ಥಿತಿಯವರ ಆರೋಗ್ಯ ಏರುಪೇರುಗಳನ್ನು ಕಂಡು ತಮಗೂ ಇದೇ ರೀತಿಯಾಗಬಹುದು ಎಂಬ ಆತಂಕಕ್ಕೆ ಒಳಗಾಗಿದ್ದರು. ಈ ಹಂತದಲ್ಲಿ ಎಲ್ಲರನ್ನೂ ಸಮಾಧಾನಚಿತ್ತದಿಂದ ಸಂತೈಸಿ ಚಿಕಿತ್ಸೆ ನೀಡುವ ಸವಾಲೂ ಸಹ ನಮ್ಮ ಮುಂದಿತ್ತು. ಅದನ್ನು ಸರಿಯಾಗಿಯೇ ನಿಭಾಯಿಸಿದ್ದೇವೆ ಎಂಬ ಆತ್ಮವಿಶ್ವಾಸ ಹಾಗೂ ಸಾರ್ಥಕದ ನುಡಿಗಳನ್ನು ಹೋಲಿಕ್ರಾಸ್ ಆಸ್ಪತ್ರೆಯ ಸಹಾಯಕ ಆಡಳಿತಧಿಕಾರಿ ಸಿಸ್ಟರ್ ರಿಜಿಜಾನ್ ಹಾಗೂ ಇತರೆ ವೈದ್ಯರು ವ್ಯಕ್ತಪಡಿಸಿದರು.
ಜಿಲ್ಲಾಡಳಿತ, ಪೊಲೀಸ್ ಇಲಾಖೆ ಖುದ್ದು ನಿಂತು ಚಿಕಿತ್ಸೆಗೆ ಕಾಳಜಿ ತೋರುತ್ತಿತ್ತು. ಪ್ರಸಾದ ಸೇವನೆಯಿಂದ ಅಸ್ವಸ್ಥರಾಗಿ ದಾಖಲಾಗುತ್ತಿರುವವರ ಸಂಖ್ಯೆ ಹೆಚ್ಚಳವಾಗುತ್ತಿದ್ದಂತೆ ಆಸ್ಪತ್ರೆಯ ಎಲ್ಲಾ ಪಾಳಿಯ ವೈದ್ಯರು, ನರ್ಸ್, ಸಿಬ್ಬಂದಿಯನ್ನು ಕರೆಸಲಾಯಿತು. ನರ್ಸಿಂಗ್ ಶಾಲೆ ವಿದ್ಯಾರ್ಥಿಗಳು, ಸ್ಥಳೀಯ ಜನತೆ ಸಹ ಚಿಕಿತ್ಸೆ ನೆರವಿಗೆ ಧಾವಿಸಿದರು. ಜಿಲ್ಲಾಡಳಿತ ಕೂಡ ಸುತ್ತಮುತ್ತಲಿನ ಎಲ್ಲ ಸರ್ಕಾರಿ ಆಸ್ಪತ್ರೆಗಳ ವೈದ್ಯರನ್ನೂ ಸಹ ತುರ್ತಾಗಿ ಹೋಲಿಕ್ರಾಸ್ ಆಸ್ಪತ್ರೆಗೆ ಕರೆತಂದ ಪರಿಣಾಮ ಅಸ್ವಸ್ಥರ ಸಾವಿನ ಪ್ರಮಾಣ ತಗ್ಗಿತು.
ಒಟ್ಟು 64 ಮಂದಿ ಸಂತ್ರಸ್ಥರನ್ನು ದಾಖಲು ಮಾಡಿಕೊಂಡು ಪ್ರಥಮ ಚಿಕಿತ್ಸೆಗಳನ್ನು ಆರಂಭಿಸಲಾಯಿತು. ಬಹುತೇಕ ಅಸ್ವಸ್ಥರು ಚಿಕಿತ್ಸೆಗೆ ಸ್ಪಂದಿಸಿದರು. ಚಿಂತಾಜನಕ ಸ್ಥಿತಿಯಲ್ಲಿ ಇದ್ದವರನ್ನು ಮೈಸೂರಿನ ಆಸ್ಪತ್ರೆಗಳಿಗೆ ಕರೆದೊಯ್ಯಲು ವೆಂಟಿಲೇಟರ್ ಮೂಲಕ ಆಂಬುಲೆನ್ಸ್‍ಗಳಲ್ಲಿ ಕಳುಹಿಸಿ ಕೊಡಲಾಯಿತು.
100 ಹಾಸಿಗೆಗಳುಳ್ಳ ಎಲ್ಲ ಬಗÉಯ ಚಿಕಿತ್ಸೆಯನ್ನು ನೀಡುವ ಸಾಮಥ್ರ್ಯವುಳ್ಳ ಸುಸಜ್ಜಿತ ಹೋಲಿಕ್ರಾಸ್ ಆಸ್ಪತ್ರೆಯು  ಜಿಲ್ಲೆಯಲ್ಲೇ ಅತ್ಯಂತ ದೊಡ್ಡ ದುರಂತವೆಂದೇ ಹೇಳಬಹುದಾದ ಸುಳ್ವಾಡಿ ಪ್ರಕರಣ ಸಂತ್ರಸ್ಥರಿಗೆ ಅಭೂತಪೂರ್ವವಾಗಿ ಸ್ಪಂದಿಸಿ ಚಿಕಿತ್ಸೆ ನೀಡುವ ಮೂಲಕ ಮಾನವೀಯತೆ ತೋರಿದೆ. ಜಿಲ್ಲೆಯ ಕುಗ್ರಾಮಗಳು ಹಾಗೂ ಎಲ್ಲ ತಳವರ್ಗದ ಜನರಿಗೂ ಆರೋಗ್ಯ ಸೇವೆಯನ್ನು ನೀಡಬೇಕೆಂಬ ಆಶಯದೊಂದಿಗೆ 1970ರಲ್ಲಿ ಸಣ್ಣ ಚಿಕಿತ್ಸಾಲಯದೊಂದಿಗೆ ಆರಂಭವಾದ ಹೋಲಿಕ್ರಾಸ್ ಆಸ್ಪತ್ರೆ ಇಂದು ದೊಡ್ಡ ಪ್ರಮಾಣದಲ್ಲಿ ಆರೋಗ್ಯ ಸೇವೆ ನೀಡುವ ಎಲ್ಲ ಸೌಲಭ್ಯಗಳನ್ನು ಹೊಂದಿದೆ. ಈ ಭಾಗದ ಪ್ರಮುಖ ಆಸ್ಪತ್ರೆಯೆಂದೇ ಹೆಗ್ಗಳಿಕೆ ಪಡೆದಿರುವ ಹೋಲಿಕ್ರಾಸ್ ಆಸ್ಪತ್ರೆ ಸುಳ್ವಾಡಿ ಪ್ರಕರಣದಲ್ಲಿ ಗ್ರಾಮೀಣರ ನೋವು ಆಲಿಸಿ ಇಡೀ ವೈದ್ಯ ತಂಡವೇ ನಿಂತು ಜನರ ಪ್ರಾಣ ಕಾಪಾಡುವ ಮಹತ್ಕಾರ್ಯ ಮಾಡಿದೆ.
ರಾಜ್ಯವನ್ನೇ ಬೆಚ್ಚಿ ಬೀಳಿಸಿದ ಸುಳ್ವಾಡಿ ಪ್ರಸಾದ ಸೇವನೆ ಪ್ರಕರಣದಲ್ಲಿ ಹೋಲಿಕ್ರಾಸ್ ಆಸ್ಪತ್ರೆ ಇಡೀ ವೈದ್ಯ ಹಾಗೂ ಇತರೆ ಸಿಬ್ಬಂದಿ ಸಕಾಲದಲ್ಲಿ ಚಿಕಿತ್ಸೆ ನೀಡದೇ ಹೋಗಿದ್ದರೆ ಸಾವುನೋವಿನ ಪ್ರಮಾಣ ಏರಿಕೆಯಾಗುತ್ತಿತ್ತು. ಜಿಲ್ಲಾಡಳಿತದೊಂದಿಗೆ ಸ್ಪಂದನೆ ನೀಡಿ ಸಕಾರಾತ್ಮಕವಾಗಿ ಪ್ರಕರಣವನ್ನು ನಿಭಾಯಿಸಿದ ಹೋಲಿಕ್ರಾಸ್ ಆಸ್ಪತ್ರೆಯ ಇಡೀ ತಂಡ ಮಾನವೀಯತೆ ಮೆರೆದಿದೆ. ಸೇವೆಯ ಸಾರ್ಥಕತೆಯನ್ನು ಸಾಬೀತುಪಡಿಸಿದೆ. ಸಂಕಷ್ಟದಲ್ಲಿ ನೆರವಿಗೆ ನಿಂತ ಆಸ್ಪತ್ರೆಯ ಸೇವಾ ಮನೋಭಾವನೆಗೆ ಜಿಲ್ಲಾಡಳಿತದ ಪರವಾಗಿ ತುಂಬು ಹೃದಯದಿಂದ ಕೃತಜ್ಞತೆ ಸಲ್ಲಿಸುವುದಾಗಿ ಜಿಲ್ಲಾಧಿಕಾರಿ ಬಿ.ಬಿ. ಕಾವೇರಿ ಅವರು ನುಡಿದಿದ್ದಾರೆ.

ಸಾಧಕರ ಸಂವಾದ ಕಾರ್ಯಕ್ರಮಗಳು ಇಂದಿನ ಪೀಳಿಗೆಗೆ ದಾರಿದೀವಿಗೆಯಾಗಬೇಕು: ಮಲೆಯೂರು ಗುರುಸ್ವಾಮಿ .

                         VSS-9480030980

ಚಾಮರಾಜನಗರ, ಡಿ. 22:- ಸಾಹಿತ್ಯಕ್ಕೂ ಸಂವಾದಕ್ಕೂ ಅಪಾರವಾದ ಸಾಮ್ಯತೆಯಿದ್ದು, ಸಂವಾದ ಕಾರ್ಯಕ್ರಮಗಳು ಇಂದಿನ ಪೀಳಿಗೆಗೆ ದಾರಿದೀವಿಗೆಯಾಗಬೇಕು. ಇದರಿಂದ ವಿದ್ಯಾರ್ಥಿಗಳು ಹಾಗೂ ಯುವಜನರಲ್ಲಿ ಸಾಹಿತ್ಯದ ಅರಿವು ಹೆಚ್ಚಾಗಲಿದೆ ಎಂದು ಹಿರಿಯ ಸಾಹಿತಿ ಪ್ರೊ. ಮಲೆಯೂರು ಗುರುಸ್ವಾಮಿ ಅವರು ಅಭಿಪ್ರಾಯ ಪಟ್ಟರು.
ನಗರದ ಜೆ.ಎಸ್.ಎಸ್. ಮಹಿಳಾ ಕಾಲೇಜು ಸಭಾಂಗಣದಲ್ಲಿ ಕನ್ನಡ ಮತ್ತು ಸಂಸ್ಕøತಿ ಇಲಾಖೆ, ಕನ್ನಡ ಸಾಹಿತ್ಯ ಪರಿಷತ್ತು ಹಾಗೂ ಜೆ.ಎಸ್.ಎಸ್. ಮಹಿಳಾ ಕಾಲೇಜು ಇವರ ಸಂಯುಕ್ತಾಶ್ರಯದಲ್ಲಿ ಇಂದು ಜಿಲ್ಲೆಯ ಖ್ಯಾತ ಸಾಹಿತಿ ಹಾಗೂ ಚಿಂತಕರಾದ ಡಾ. ಮೂಡ್ನಾಕೂಡು ಚಿನ್ನಸ್ವಾಮಿ ಅವರ ಸಾಧನೆ ಕುರಿತು ಹಮ್ಮಿಕೊಳ್ಳಲಾಗಿದ್ದ ಸಾಧಕರೊಂದಿಗೆ ಸಂವಾದ ಕಾರ್ಯಕ್ರಮ ಉದ್ಘಾಟಿಸಿ ಅವರು ಮಾತನಾಡಿದರು.
ಯಾವುದೇ ಸಾಹಿತ್ಯ ಕೃತಿಗಳಿಗೆ ಮುನ್ನುಡಿಯಾಗಿ ವಿಮರ್ಶೆ ಅಗತ್ಯ. ಅದೇ ರೀತಿಯಲ್ಲಿ ವಾದ, ಸಂವಾದಗಳು ನಡೆಯುತ್ತವೆ. ವಾದದಿಂದ ಭಿನ್ನಾಭಿಪ್ರಾಯಗಳು ಹೆಚ್ಚಾಗುತ್ತವೆ. ಆದರೆ ಸಂವಾದದಿಂದ ಮಾತ್ರ ಸೃಜನಶೀಲ ಸಾಹಿತ್ಯ ಹುಟ್ಟುತ್ತದೆ. ಇಂತಹ ಸೃಜನಶೀಲ ಸಾಹಿತ್ಯ, ಸಂವಾದ ಇತರರಿಗೆ ದಾರಿದೀಪವಾಗಬೇಕು ಎಂದರು.
ಸಾಹಿತ್ಯ ಬರಹದ ಜವಾಬ್ದಾರಿ ಹೆಚ್ಚಿನದು. ಕೊರಳ ಸಾಹಿತ್ಯಕ್ಕಿಂತ ಕರುಳು ಸಾಹಿತ್ಯ ಶ್ರೇಷ್ಠವಾದದ್ದು. ಕರುಳು ಸಾಹಿತ್ಯದಲ್ಲಿ ನಮ್ಮ ಜಗತ್ತಿನ, ದೇಶದ ಹಾಗೂ ನಾಡಿನ ಪರಂಪರೆಯ ಪ್ರಜ್ಞೆ ಇರುತ್ತದೆ. ಅಂತಹ ಪರಂಪರೆಯ ಪ್ರಜ್ಞೆ, ಆತ್ಮವಿಶ್ವಾಸ ಮತ್ತು ಸಮಚಿತ್ತದ ಸಾಹಿತಿಗಳಲ್ಲಿ ಮೂಡ್ನಾಕೂಡು ಚಿನ್ನಸ್ವಾಮಿ ಮುಂಚೂಣಿಯಲ್ಲಿದ್ದಾರೆ. ಅವರು ದಲಿತ ಶ್ರೇಷ್ಠ ಚಿಂತಕರು ಕೂಡ ಹೌದು  ಎಂದು ಮಲೆಯೂರು ಗುರುಸ್ವಾಮಿ ತಿಳಿಸಿದರು.
ಕನ್ನಡ ಮತ್ತು ಸಂಸ್ಕøತಿ ಇಲಾಖೆಯ ಸಹಾಯಜ ನಿರ್ದೇಶಕರಾದ ಎಚ್. ಚನ್ನಪ್ಪ ಅವರು ಪ್ರಾಸ್ತಾವಿಕವಾಗಿ ಮಾತನಾಡಿ ಕಲೆ, ಸಂಸ್ಕøತಿ ಹಾಗೂ ಸಾಹಿತ್ಯ ಕ್ಷೇತ್ರದಲ್ಲಿ ಸಾಧನೆಗೈದವರನ್ನು ಪ್ರತಿವರ್ಷ ಇಲಾಖೆ ವತಿಯಿಂದ ಗುರುತಿಸಿ, ಆಹ್ವಾನಿಸಿ ಗೌರವಿಸಲಾಗುತ್ತಿದೆ. ಸಾಹಿತ್ಯ, ಸಂಸ್ಕøತಿಯ ಕುರಿತು ಇಂದಿನ ಪೀಳಿಗೆಗೆ ಸಾಧಕರ ಜೀವನ, ಸಾಧನೆಗಳನ್ನು ತಲುಪಿಸುವುದೇ ಈ ಕಾರ್ಯಕ್ರಮದ ಉದ್ದೇಶ. ಸಾಹಿತ್ಯ ವಲಯದಲ್ಲಿ ಚಿರಪರಿಚಿತರಾಗಿರುವ ಡಾ.ಮೂಡ್ನಾಕೂಡು ಚಿನ್ನಸ್ವಾಮಿ ಅವರು ಈ ಜಿಲ್ಲೆಯವರೇ ಆಗಿರುವುದು ನಮ್ಮ ಹೆಮ್ಮೆ ಎಂದರು.
ಇದೇ ಸಂದರ್ಭದಲ್ಲಿ ಡಾ.ಮೂಡ್ನಾಕೂಡು ಚಿನ್ನಸ್ವಾಮಿ ಅವರನ್ನು ಇಲಾಖೆವತಿಯಿಂದ ನಗದು, ಸ್ಮರಣಿಕೆ, ಫಲತಾಂಬೂಲ ನೀಡಿ ಆತ್ಮೀಯವಾಗಿ ಸನ್ಮಾನಿಸಲಾಯಿತು.
ಸಾಹಿತಿಗಳಾದ ಕೆ. ವೆಂಕಟರಾಜು, ಮಂಜು ಕೋಡಿಉಗನೆ, ಸೋಮಶೇಖರ ಬಿಸಲ್ವಾಡಿ, ಎ.ಎಂ. ನಾಮಲ್ಲಪ್ಪ, ಸಿ.ಎಂ. ನರಸಿಂಹಮೂರ್ತಿ, ಸಿ. ಲಿಂಗಯ್ಯ, ಚಂದ್ರಶೇಖರ್ ತುಬಾರ್, ಅವರು ಸಾಧಕರೊಂದಿಗೆ ಸಂವಾದ ನಡೆಸಿದರು. ಕಾರ್ಯಕ್ರಮದಲ್ಲಿ ಡಾ. ಮೂಡ್ನಾಕೂಡು ಚಿನ್ನಸ್ವಾಮಿಯವರ ವಿರಚಿತ ಕವಿತೆಗಳನ್ನು ಸಿ.ಎಂ. ನರಸಿಂಹಮೂರ್ತಿ ಸುಶ್ರಾವ್ಯವಾಗಿ ಹಾಡಿದರು.
ಕನ್ನಡ ಸಾಹಿತ್ಯ ಪರಿಷತ್ತಿನ ಜಿಲ್ಲಾ ಅಧ್ಯಕ್ಷರಾದ ಬಿ.ಎಸ್. ವಿನಯ್, ಹಿರಿಯ ಸಾಹಿತಿ ಶಂಕನಪುರ ಮಹದೇವ, ಜೆ.ಎಸ್.ಎಸ್. ಕಾಲೇಜಿನ ಪ್ರಭಾರ ಪ್ರಾಂಶುಪಾಲರಾದ ಮಹಾಲಿಂಗಪ್ಪ, ಸಾಹಿತಿ ಮಂಜುನಾಥ ಲತಾ, ಇನ್ನಿತರರು ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.
ಮಧ್ಯಾಹ್ನ ಯುವ ಕವಿಗೋಷ್ಠಿ ಆಯೋಜಿಸಲಾಗಿತ್ತು. ಆಹ್ವಾನಿತ ಕವಿಗಳು ತಮ್ಮ ತಮ್ಮ ಕವನಗಳನ್ನು ವಾಚಿಸಿದರು.


ವಿವಿಧ ಆಸ್ಪತ್ರೆಗಳಿಗೆ ಜಿಲ್ಲಾ ಉಸ್ತುವಾರಿ ಸಚಿವರು, ಸಂಸದರ ಭೇಟಿ: ಸುಳ್ವಾಡಿ ಸಂತ್ರಸ್ತರ ಆರೋಗ್ಯ ವಿಚಾರಣೆ
ಚಾಮರಾಜನಗರ, ಡಿ. 22 - ಹಿಂದುಳಿದ ವರ್ಗಗಳ ಕಲ್ಯಾಣ ಸಚಿವರು ಹಾಗೂ ಜಿಲ್ಲಾ ಉಸ್ತುವಾರಿ ಸಚಿವರಾದ ಸಿ. ಪುಟ್ಟರಂಗಶೆಟ್ಟಿ ಹಾಗೂ ಲೋಕಸಭಾ ಸದಸ್ಯರಾದ ಆರ್. ಧ್ರುವನಾರಾಯಣ ಅವರು ಇಂದು ಮೈಸೂರಿನ ವಿವಿಧ ಆಸ್ಪತ್ರೆಗಳಿಗೆ ಭೇಟಿ ನೀಡಿ ಸುಳ್ವಾಡಿ ಪ್ರಸಾದ ಸೇವನೆ ಪ್ರಕರಣದಲ್ಲಿ ಅಸ್ವಸ್ಥಗೊಂಡು ಚಿಕಿತ್ಸೆ ಪಡೆಯುತ್ತಿರುವವರ ಆರೋಗ್ಯ, ಯೋಗಕ್ಷೇಮವನ್ನು ವಿಚಾರಿಸಿದರು.
ಕಿಚ್ಚುಗುತ್ತಿ ಮಾರಮ್ಮನ ದೇವಾಲಯ ಪ್ರಸಾದ ಸೇವಿಸಿ ಅಸ್ವಸ್ಥಗೊಂಡು ಮೈಸೂರಿನ ಕೆ.ಆರ್. ಆಸ್ಪತ್ರೆ, ಅಪೋಲೋ, ಕಾವೇರಿ, ಕೊಲಂಬಿಯಾ ಏಷಿಯಾ, ಸುಯೋಗ್, ಜೆ.ಎಸ್.ಎಸ್. ಆಸ್ಪತ್ರೆ ಸೇರಿದಂತೆ ಇತರೆ ಆಸ್ಪತ್ರೆಗಳಲ್ಲಿ ಚಿಕಿತ್ಸೆಗೆ ದಾಖಲಾಗಿರುವ ಅಸ್ವಸ್ಥರನ್ನು ಭೇಟಿ ಮಾಡಿ ಅವರ ಆರೋಗ್ಯ ಸ್ಥಿತಿಯನ್ನು ಗಮನಿಸಿದರು.
ವ್ಯಾಪಕವಾಗಿ ಆಸ್ಪತ್ರೆಗಳಿಗೆ ಭೇಟಿ ನೀಡಿದ ಸಚಿವರು, ಸಂಸದರು ಜಿಲ್ಲೆಯ ಸಂತ್ರಸ್ತರನ್ನು ಕಂಡು ಅವರಿಗೆ ನೀಡಲಾಗುತ್ತಿರುವ ಚಿಕಿತ್ಸೆ, ಔಷಧೋಪಚಾರ ಕುರಿತು ಮಾಹಿತಿ ಪಡೆದರು. ಇದೇ ವೇಳೆ ಅಸ್ವಸ್ಥರ ಸಂಬಂಧಿಕರೊಂದಿಗೂ ಸಮಾಲೋಚಿಸಿ ಧೈರ್ಯ ತುಂಬಿದರು.
ಚಿಕಿತ್ಸೆಗೆ ದಾಖಲಾಗಿರುವ ಪ್ರತಿಯೊಬ್ಬರ ಬಗ್ಗೆಯೂ ಮಾಹಿತಿ ಪಡೆದ ಸಚಿವರು, ಸಂಸದರು ನೀಡಲಾಗುತ್ತಿರುವ ಚಿಕಿತ್ಸಾ ವಿಧಾನಗಳು, ಗುಣಮುಖರಾಗುತ್ತಿರುವವರ ವಿವರ, ಕಲ್ಪಿಸಲಾಗುತ್ತಿರುವ ವೈದ್ಯಕೀಯ ಸೌಲಭ್ಯಗಳು, ಸೇವೆ ಕುರಿತು ವೈದ್ಯರೊಂದಿಗೆ ಸಮಾಲೋಚನೆ ನಡೆಸಿದರು.
ಚಾಮರಾಜನಗರ ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ. ಕೆ.ಎಚ್. ಪ್ರಸಾದ್ ಅವರೊಂದಿಗೆ ಅಸ್ವಸ್ಥರ ಆರೋಗ್ಯ ಸ್ಥಿತಿ ಕುರಿತು ವಿವರ ಪಡೆದ ಸಚಿವರು, ಸಂಸದರು ಆಸ್ಪತ್ರೆಗೆ ದಾಖಲಾಗಿರುವ ಪ್ರತಿಯೊಬ್ಬರ ಆರೋಗ್ಯ ರಕ್ಷಣೆ ವಿಶೇಷ ಗಮನ ನೀಡಬೇಕೆಂದು ತಿಳಿಸಿದರು.
ಪ್ರತಿ ಆಸ್ಪತ್ರೆಗೂ ನೇಮಕವಾಗಿರುವ ಜಿಲ್ಲಾ ನೋಡೆಲ್ ಅಧಿಕಾರಿಗಳೊಂದಿಗೂ ಚರ್ಚಿಸಿ ಸಂತ್ರಸ್ತರು ಗುಣಮುಖರಾಗುವ ನಿಟ್ಟಿನಲ್ಲಿ ಅವರೊಂದಿಗೆ ನೆರವಾಗಬೇಕೆಂದರು.
ಇದೇ ವೇಳೆ ಮಾತನಾಡಿದ ಜಿಲ್ಲಾ ಉಸ್ತುವಾರಿ ಸಚಿವರಾದ ಸಿ. ಪುಟ್ಟರಂಗಶೆಟ್ಟಿ ಹಾಗೂ ಸಂಸದರಾದ ಆರ್. ಧ್ರುವನಾರಾಯಣ ಅವರು ಅಸ್ಪತ್ರೆಗಳಲ್ಲಿ ಸಂತ್ರಸ್ತರು ಚಿಕಿತ್ಸೆ ಪಡೆಯುತ್ತಿದ್ದು, ಗುಣಮುಖರಾದವರನ್ನು ಆಸ್ಪತ್ರೆಯಿಂದ ಬಿಡುಗಡೆ ಮಾಡಲಾಗುತ್ತಿದೆ. ಜನರ ಜೀವ ಉಳಿಸುವ ಕೆಲಸ ಪ್ರಮುಖವಾಗಿದೆ. ಈ ನಿಟ್ಟಿನಲ್ಲಿ ಜಿಲ್ಲಾಡಳಿತ ಅಗತ್ಯ ವೈದ್ಯಕೀಯ ವ್ಯವಸ್ಥೆಗೆ ಕ್ರಮ ತೆಗೆದುಕೊಂಡಿದೆ ಎಂದರು.     

ಪ್ರಸಾದ ಸೇವನೆ ಪ್ರಕರಣ : ಮತ್ತೋರ್ವ ಸಾವು - ಸಾವಿನ ಸಂಖ್ಯೆ 14ಕ್ಕೆ ಏರಿಕೆ, & ಬೆಳೆ ಸಾಲ ಮನ್ನಾ: ರೈತರು ನೊಂದಾಯಿಸಿಕೊಳ್ಳಲು ಜಿಲ್ಲಾಧಿಕಾರಿ ಬಿ.ಬಿ. ಕಾವೇರಿ ಮನವಿ (17-12-2018)

ಪ್ರಸಾದ ಸೇವನೆ ಪ್ರಕರಣ : ಮತ್ತೋರ್ವ ಸಾವು - ಸಾವಿನ ಸಂಖ್ಯೆ 14ಕ್ಕೆ ಏರಿಕೆ

         S.Veeerabhadra Swamy-chamarajanagar 9480030980

ಚಾಮರಾಜನಗರ, ಡಿ. 17:- ಹನೂರು ತಾಲೂಕಿನ ಸುಳ್ವಾಡಿಯ ಕಿಚ್ಚುಗುತ್ತು ಮಾರಮ್ಮನ ದೇವಾಲಯದ ಪ್ರಸಾದ ಸೇವನೆ ಪ್ರಕರಣದಲ್ಲಿ ಅಸ್ವಸ್ಥರಾಗಿ ಚಿಕಿತ್ಸೆ ಪಡೆಯುತ್ತಿದ್ದವರ ಪೈಕಿ ಇಂದು ಓರ್ವ ಮಹಿಳೆ ಮೃತಪಟ್ಟಿದ್ದಾರೆ.
ಮಾರ್ಟಳ್ಳಿಯ ಕೋಟೆಪೊದೆಯ ಕೃಷ್ಣನಾಯಕ್ ಎಂಬುವರ ಪತ್ನಿ ಮೈಲಿಬಾಯಿ (35 ವರ್ಷ) ಮೃತಪಟ್ಟವರು. ಪ್ರಸಾದ ಸೇವನೆಯಿಂದ ತೀವ್ರ ಅಸ್ವಸ್ಥಗೊಂಡಿದ್ದ ಮೈಲಿಬಾಯಿಯವರನ್ನು ಮೈಸೂರಿನ ಖಾಸಗಿ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. ಚಿಕಿತ್ಸೆ ಫಲಕಾರಿಯಾಗದೆ ಮೈಲಿಬಾಯಿಯವರು ಇಂದು ನಿಧನ ಹೊಂದಿದ್ದಾರೆ.
ಪ್ರಸಾದ ಸೇವನೆ ಪ್ರಕರಣದಲ್ಲಿ ಅಸ್ವಸ್ಥಗೊಂಡಿರುವ 109 ಮಂದಿ ಮೈಸೂರಿನ ಕೆ. ಆರ್. ಆಸ್ಪತ್ರೆ ಸೇರಿದಂತೆ ಇತರೆ ಖಾಸಗಿ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಜಿಲ್ಲಾಧಿಕಾರಿಯವರಾದ ಬಿ.ಬಿ. ಕಾವೇರಿ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಸುಳ್ವಾಡಿ ಪ್ರಸಾದ ಸೇವನೆ ಪ್ರಕರಣ: ಪ್ರತಿ ಆಸ್ಪತ್ರೆಗೆ ನೋಡಲ್ ಅಧಿಕಾರಿ,ಸಿಬ್ಬಂದಿ ನೇಮಿಸಿ ಜಿಲ್ಲಾಧಿಕಾರಿ ಬಿ.ಬಿ. ಕಾವೇರಿ ಆದೇಶ 

ಚಾಮರಾಜನಗರ, ಡಿ. 17:-  ಸುಳ್ವಾಡಿ ಕಿಚ್ಚುಗುತ್ತು ಮಾರಮ್ಮನ ದೇವಾಲಯದ ಪ್ರಸಾದ ಸೇವನೆ ಪ್ರಕರಣದಲ್ಲಿ ಅಸ್ವಸ್ಥರಾಗಿ ಮೈಸೂರಿನ ವಿವಿಧ ಆಸ್ಪತ್ರೆಗಳಲ್ಲಿ  ಚಿಕಿತ್ಸೆಗೆ ದಾಖಲಾಗಿರುವವರ ಆರೋಗ್ಯ ಸ್ಥಿತಿ ನಿರ್ವಹಣೆ, ನೆರವು ಸಂಬಂಧ ನೋಡಿಕೊಂಡು ವರದಿ ಸಲ್ಲಿಸಲು  ಪ್ರತಿ ಆಸ್ಪತೆಗೂ ಜಿಲ್ಲಾ ಮಟ್ಟದ ಅಧಿಕಾರಿಗಳನ್ನು ನೊಡಲ್ ಅಧಿಕಾರಿಗಳನ್ನಾಗಿ ನಿಯೋಜಿಸಿ ಜಿಲ್ಲಾಧಿಕಾರಿ ಬಿ.ಬಿ. ಕಾವೇರಿಯವರು ಆದೇಶ ಹೊರಡಿಸಿದ್ದಾರೆ.
ಅಧಿಕಾರಿಗಳೊಂದಿಗೆ ಜಿಲ್ಲೆಯ ಇತರೆ ಸಿಬ್ಬಂದಿಯ ತಂಡವನ್ನು ನಿಯೋಜಿಸಿದ್ದು, ಅಧಿಕಾರಿಗಳು ಸಿಬ್ಬಂದಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಆಸ್ಪತ್ರೆ, ಅಧಿಕಾರಿಗಳು, ಸಿಬ್ಬಂದಿ ಹಾಗೂ ವೈದ್ಯರ ವಿವರಗಳು ಇಂತಿದೆ.
ಜೆ.ಎಸ್.ಎಸ್. ಆಸ್ಪತ್ರೆ, ಮೈಸೂರು, ತಿರುಮಲೇಶ್, ಜಂಟಿ ಕೃಷಿ ನಿರ್ದೇಶಕರು, ಕೃಷಿ ಇಲಾಖೆ, ಚಾಮರಾಜನಗರ. ಮೊ. 8277930760 , ಡಾ|| ಮಹೇಶ್,ಮೊ : 9845114166, ರೇಚಣ್ಣಸ್ವಾಮಿ, ರಾಜಸ್ವ ನಿರೀಕ್ಷಕರು ಚಂದಕವಾಡಿ ಹೋಬಳಿ. ಚಾಮರಾಜನಗರ ತಾ||ಮೊ: 9980745781 ಅಬ್ದುಲ್ ಮುಜಾಹಿದ್, ದ್ವಿ.ದ.ಸ ತಾಲ್ಲೂಕು ಕಚೇರಿ ಚಾಮರಾಜನಗರಮೊ: 9901352329, ಸುಧೀರ್ ಗ್ರಾ.ಲೆ, ಕಾಗಲವಾಡಿ ವೃತ್ತ,ಗುಂಡ್ಲುಪೇಟೆ ತಾ||ಮೊ: 9686676932
ಸೆಂಟ್ ಜೋಸೆಫ್ ಆಸ್ಪತೆ ಮೈಸೂರು  ಸೋಮಶೇಖರ್, ಜಿಲ್ಲಾ ಅಧಿಕಾರಿ ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆ,ಚಾಮರಾಜನಗರ.ಮೊ.9620583072 ಡಾ|| ರಾಮಕೃಷ್ಣ,ಮೊ: 9980006401 9448043242 ಡಾ|| ನಿರ್ಮಲ ಮೊ: 9845056714ನಾಗರಾಜು, ರಾಜಸ್ವ ನಿರೀಕ್ಷಕರು ಹರದನಹಳ್ಳಿ ರೇವಣ್ಣ.ಗಾಮ ಲೆಕ್ಕಿಗರು ಶಿವಪುರ ವೃತ್ತ,ಚಾಮರಾಜನಗರ ತಾ||,ಮೊ: 9620759484 ಹೋಬಳಿ,ಚಾಮರಾಜನಗರ ತಾ|| ಮೊ: 9141598212ಮಹದೇವಶೆಟ್ಟಿ,ಪ್ರ.ದ.ಸ. ತಾಲ್ಲೂಕು ಕಚೇರಿ ಚಾಮರಾಜನಗರಮೊ: 9844371655

ಕೊಲಂಬಿಯ ಏಷಿಯಾ ಆಸ್ಪತ್ರೆ, ಮೈಸೂರು  ರಾಚಪ್ಪ, ಉಪ ನಿರ್ದೇಶಕರು, ಆಹಾರ ಮತ್ತು ನಾಗರಿಕ ಸರಬರಾಜು ಇಲಾಖೆ, ಚಾಮರಾಜನಗರ ಮೊ:. 9448424665  9739875870 ಡಾ|| ಮಂಜುನಾಥ್ ಮೊ: 9738251350 ಪರಮೇಶ್ ರಾಜಸ್ವ ನಿರೀಕ್ಷಕರು ಸಂತೇಮರÀಹಳ್ಳಿ ಹೋಬಳಿ ಚಾಮರಾಜನಗರ ತಾ|| ಮೊ: 8971901894 ರವಿ ಎನ್ ಗಾಮ ಲೆಕ್ಕಿಗರು ಸುತ್ತೂರು ವೃತ್ತ ಚಾಮರಾಜನಗರ ತಾ|| ಮೊ: 9342891798 ಸುಮಂತ್‍ಕುಮಾರ್‍ಗ್ರಾ.ಲೆ, ಚಾಮರಾಜನಗರ ತಾಲ್ಲೂಕು ಮೊ: 9036578896

ಕೆ.ಆರ್. ಆಸ್ಪತ್ರೆ, ಮೈಸೂರು ಕೃಷ್ಣಪ್ಪ ಪರಿಶಿಷ್ಠ ವರ್ಗಗಳ ಕಲ್ಯಾಣಾಧಿಕಾರಿ, ಜಿಲ್ಲಾ ಪರಿಶಿಷ್ಟ ವರ್ಗಗಳ ಕಲ್ಯಾಣ ಇಲಾಖೆ, ಚಾಮರಾಜನಗರ. ಮೊ. 9739567241 ಡಾ|| ರಾಜು ಮೊ; 9448267187 ಲಿಂಗರಾಜಮೂರ್ತಿ ರಾಜಸ್ವ ನಿರೀಕ್ಷಕರು ಹರವೆ ಹೋಬಳಿ ಚಾಮರಾಜನಗರ ತಾ|| ಮೊ: 9886785333 ಶ್ರೀನಿವಾಸಮೂರ್ತಿ ಗ್ರಾ.ಲೆ, ಉಡಿಗಾಲ ವೃತ್ತ ಚಾಮರಾಜನಗರ ತಾ|| ಮೊ: 9986102162 ಬಾಲರಾಜು, ದ್ವಿ.ದ.ಸ ತಾಲ್ಲೂಕು ಕಚೇರಿ ಚಾಮರಾಜನಗರ ಮೊ: 8150815550


ಗೋಪಾಲಗೌಡ ಆಸ್ಪತ್ರೆ, ಮೈಸೂರು ರಾಜೇಂದ್ರ ಪ್ರಸಾದ್,  ಉಪ ನಿರ್ದೇಶಕರು, ಖಾದಿ ಮತ್ತು ಗ್ರಾಮೋದ್ಯೋಗ ಇಲಾಖೆ, ಚಾಮರಾಜನಗರ. ಮೊ. 7019517306 ಡಾ|| ವೈದ್ಯನಾಥನ್ ಮತ್ತು ಡಾ|| ಆದರ್ಶ್(ಕಾವೇರಿ ಆಸ್ಪತ್ರೆ) ಡಾ|| ರಘುನಾಥ್ ಮತ್ತು ಡಾ|| ಲಕ್ಷ್ಮೀಕಾಂತ್‍ನದೀಂ ಹುಸೇನ್ ರಾಜಸ್ವ ನಿರೀಕ್ಷಕರು ಹಂಗಳ ಹೋಬಳಿ ಗುಂಡ್ಲುಪೇಟೆ ತಾ|| ಮೊ: 9482378786, ವಿನಯ್‍ಕುಮಾರ್ ವೈ.ಸಿ.ಗಾಮ ಲೆಕ್ಕಿಗರು ಕಣ್ಣೇಗಾಲ ವೃತ್ತಗುಂಡ್ಲುಪೇಟೆ ತಾ||ಮೊ: 7760632756 ಅರುಣ್ ಎಂ.ವೈ ಗಾಮ ಲೆಕ್ಕಿಗರು ಕಲೀಗೌಡನಹಳ್ಳಿ ವೃತ್ತ ಗುಂಡ್ಲುಪೇಟೆ ತಾಲ್ಲೂಕು ಮೊ: 9734098395


ಸುಯೋಗ್ ಆಸ್ಪತ್ರೆ, ಮೈಸೂರು  ಸೋಮಶೇಖರ್, ಉಪ ನಿರ್ದೇಶಕರು, ಗಣಿ ಮತ್ತು ಭೂ ವಿಜ್ಞಾನ ಇಲಾಖೆ, ಚಾಮರಾಜನಗರ. ಮೊ. 9945229477 ಡಾ| ಯೋಗಣ್ಣ ಮೊ: 9663113722 ನಂಜೇಗೌಡ ರಾಜಸ್ವ ನಿರೀಕ್ಷಕರು ತೆರಕಣಾಂಬಿ ಹೋಬಳಿ ಗುಂಡ್ಲುಪೇಟೆ ತಾ|| ಮೊ: 9448536861 ಕೃಷ್ಣಮೂರ್ತಿ ಗಾಮ ಲೆಕ್ಕಿಗರು ಪುಟ್ಟನಪುರ ವೃತ್ತ ಗುಂಡ್ಲುಪೇಟೆ ತಾ|| ಮೊ: 9342825630 ರಮೇಶ್ ಗಾಮ ಲೆಕ್ಕಿಗರು ಹಂಗಳ ವೃತ್ತ ಗುಂಡ್ಲುಪೇಟೆ ತಾ|| ಮೊ: 9483306166

ಅಪೋಲೋ ಆಸ್ಪತ್ರೆ, ಮೈಸೂರು  ಸುರೇಶ್, ಯೋಜನಾ ನಿರ್ದೇಶಕರು,  ಜಿಲ್ಲಾ ನಗರಾಭಿವೃದ್ಧಿ ಕೋಶ, ಚಾಮರಾಜನಗರ .ಮೊ. 7406127698 ಡಾ|| ಹೆಚ್.ಜಿ. ಭರತೇಶ್ ರೆಡ್ಡಿ. ಮೊ: 9741667788 ಭೈರಯ್ಯ ರಾಜಸ್ವ ನಿರೀಕ್ಷಕರು ಬೇಗೂರು ಹೋಬಳಿ,ಗುಂಡ್ಲುಪೇಟೆ ತಾ|| ಮೊ: 8277858907 ಸುಹಾಸ್ ಗ್ರಾ.ಲೆ, ಉಗನೀಯ ವೃತ್ತ ಹನೂರು ತಾ|| ಮೊ: 9535118280  ರವಿ ಗ್ರಾ.ಲೆ, ಶೀಗವಾಡಿ ವೃತ್ತ, ಗುಂಡ್ಲುಪೇಟೆ ತಾ|| ಮೊ: 9980349517


ಡಿ.ಆರ್.ಎಂ. (ವಿಕ್ರಂ) ಆಸ್ಪತ್ರೆ, (ಡಾ|| ಮಂಜುನಾಥ ಆಸ್ಪತ್ರೆ, ) ಒಂಟಿಕೊಪ್ಪಲು ಮೈಸೂರು.  ಆನಂದ, ಉಪ ನಿರ್ದೇಶಕರು, ಪಶುಪಾಲನೆ ಮತ್ತು ಪಶು ಸಂಗೋಪನೆ ಇಲಾಖೆ, ಚಾಮರಾಜನಗರ.  ಮೊ. 7899686738 ಡಾ|| ಮಂಜುನಾಥ ಮೊ: 9738251350 ಶಿವಣ್ಣ ರಾಜಸ್ವ ನಿರೀಕ್ಷಕರು ಕಸಬಾ ಹೋಬಳಿ  ಗುಂಡ್ಲುಪೇಟೆ ತಾ|| ಮೊ: 9663457597 ರಾಜು ಗ್ರಾ.ಲೆ, ಕೂತನೂರು ವೃತ್ತ ಗುಂಡ್ಲುಪೇಟೆ ತಾ|| ಮೊ: 9739302662 ಯದುಗಿರಿ ಗ್ರಾ.ಲೆ, ಭೀಮನಬೀಡು ವೃತ್ತ ಗುಂಡ್ಲುಪೇಟೆ ತಾ|| ಮೊ: 7019194050


ಭಾನವಿ ಆಸ್ಪತ್ರೆ, ಮೈಸೂರು ಬಸವರಾಜು, ಉಪ ನಿರ್ದೇಶಕರು, ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ, ಚಾಮರಾಜನಗರ. ಮೊ.9972505030 ಸಿದ್ದಲಿಂಗಸ್ವಾಮಿ ರಾಜಸ್ವ ನಿರೀಕ್ಷಕರು ಅಗರ ಹೋಬಳಿ ಯಳಂದೂರು ತಾ|| ಮೊ: 8277858836 ಮುಜಾಹಿದ್  ದ್ವಿ.ದ.ಸ. ತಾಲ್ಲೂಕು ಕಚೇರಿ ಚಾಮರಾಜನಗರ  ಮೊ: 9901358329 ದೇವೇಂದ್ರನಾಯ್ಕ ಗ್ರಾ.ಲೆ, ಹೊನ್ನೂರು ವೃತ್ತ ಯಳಂದೂರು ತಾ|| ಮೊ:  8618541013

ಬೃಂದಾವನ ಆಸ್ಪತ್ರೆ , ಮೈಸೂರು ಸುಂದರೇಶ್‍ಮೂರ್ತಿ. ಕಾರ್ಯಪಾಲಕ ಅಭಿಯಂತರರು  ಕೆ.ಆರ್.ಐ.ಡಿ.ಎಲ್.  ಚಾಮರಾಜನಗರ ಮೊ: 9449863071, ನಂಜಯ್ಯ, ರಾಜಸ್ವ ನಿರೀಕ್ಷಕರು ಪಾಳ್ಯ ಹೋಬಳಿ, ಕೊಳ್ಳೇಗಾಲ ತಾ||,  ಮೊ: 9632891116 ದಿನಕರ್ ,ಗ್ರಾ.ಲೆ, ದಿನ್ನಳ್ಳಿ ವೃತ್ತ, ಹನೂರು ತಾ|| ,ಮೊ: 8277858916 ತಾರೇಶ್,  ಗ್ರಾ.ಲೆ, ತಾಲ್ಲೂಕು ಕಚೇರಿ ಚಾಮರಾಜನಗರ ಮೊ: 9845568909


ಕಾವೇರಿ ಆಸ್ಪತ್ರೆ, ಮೈಸೂರು ಸೈಯದ್ ನಯೀಮ್ ಅಹಮ್ಮದ್, ಉಪ ನಿರ್ದೇಶಕರು, ಕೈಮಗ್ಗ ಮತ್ತು ಜವಳಿ ಇಲಾಖೆ, ಚಾಮರಾಜನಗರ, ಮೊ.9945164259 ಸತೀಶ್ ಜಿ.ಪಿ ಗ್ರಾ.ಲೆ, ಗೌಡಹಳ್ಳಿ ವೃತ್ತ, ಯಳಂದೂರು ತಾ||, ಮೊ. 9900510515 ನಂದಕುಮಾರ್‍ಗ್ರಾ.ಲೆ, ಯಳಂದೂರ ತಾ|| ಮೊ. 8183024048 ಶರತ್ ಗ್ರಾ.ಲೆ, ಯಳಂದೂರು ತಾ|| ಮೊ.7829596655

ನಾರಾಯಣ ಹೃದಯಾಲಯ,ಮೈಸೂರು ನಾಗೇಶ್ ಅಬಕಾರಿ ಉಪ ಆಯುಕ್ತರು ಚಾಮರಾಜನಗರ ಜಿಲ್ಲೆ,ಮೊ. 9448838004 ಜಯಪ್ಪ ಗ್ರಾ.ಲೆ ಚಾಮರಾಜನಗರ ತಾ||, ಮೊ.9449490017 ಮಹೇಶ್ ಕುಮಾರ್ ಗ್ರಾ.ಲೆ ಕಾಳನಹುಂಡಿ ವೃತ್ತ ಚಾಮರಾಜನಗರ ತಾ|| ಮೊ.9901262081 ಮಂಜುನಾಥ ಹಂಚಿನಮನೆ, ಗ್ರಾ.¯,É ಚಾಮರಾಜನಗರ ತಾ||ಮೊ.8884614054 / 8660726968

ಬೆಳೆ ಸಾಲ ಮನ್ನಾ: ರೈತರು ನೊಂದಾಯಿಸಿಕೊಳ್ಳಲು ಜಿಲ್ಲಾಧಿಕಾರಿ ಬಿ.ಬಿ. ಕಾವೇರಿ ಮನವಿ

ಚಾಮರಾಜನಗರ, ಡಿ. 17 - ರಾಜ್ಯ ಸರ್ಕಾರವು ವಾಣಿಜ್ಯ ಬ್ಯಾಂಕ್‍ಗಳಲ್ಲಿ ಬೆಳೆ ಸಾಲ ಮಾಡಿರುವ ರೈತರಿಗೆ ಸಾಲ ಮನ್ನಾ ಮಾಡುವ ಸಲುವಾಗಿ ತಂತ್ರಾಂಶವೊಂದÀನ್ನು ಜಾರಿಗೆ ತಂದಿದ್ದು ಬೆಳೆ ಸಾಲ ಪಡೆದ ಪ್ರತಿಯೊಬ್ಬ ರೈತರು ಸಾಲ ಪಡೆದ ವಾಣಿಜ್ಯ ಬ್ಯಾಂಕ್‍ಗಳಲ್ಲಿ ತಮ್ಮ ಹೆಸರು ನೋಂದಾಯಿಸಿಕೊಳ್ಳುವಂತೆ ಜಿಲ್ಲಾಧಿಕಾರಿ ಬಿ.ಬಿ. ಕಾವೇರಿ ಅವರು ಮನವಿ ಮಾಡಿದ್ದಾರೆ.
  2009ರ ಏಪ್ರಿಲ್ 1 ರಿಂದ 2017ರ ಡಿಸೆಂಬರ್ 31ರವರೆಗೆ ಬಾಕಿ ಇರುವ ಬೆಳೆ ಸಾಲ(sಸುಸ್ತಿಸಾಲ, ಪುನರಾವಸ್ತಿ ಸಾಲ, ಎನ್.ಪಿ.ಎ. (ನಾನ್ ಪರ್ಫಾಮಿಂಗ್ ಅಸೆಟ್ ಸಾಲಗಳು)  ಪಡೆದಿರುವ ರೈತರು ಸಾಲ ಮನ್ನಾ ಯೋಜನೆಗೆ ಅರ್ಹರಾಗಿದ್ದಾರೆ. ಯೋಜನೆಯಡಿ ಒಂದು ರೈತ ಕುಟುಂಬವು (ಗಂಡ+ಹೆಂಡತಿ+ಅವಲಂಬಿತ ಮಕ್ಕಳು)  ಗರಿಷ್ಠ  2 ಲಕ್ಷ ರೂ.ವರೆಗೆ ಮಾತ್ರ ಬೆಳೆ ಸಾಲ ಮನ್ನಾ ಸೌಲಭ್ಯ ಪಡೆಯಲು ಅವಕಾಶವಿದೆ.
ಜಿಲ್ಲೆಯ ವಾಣಿಜ್ಯ ಬ್ಯಾಂಕ್‍ಗಳಲ್ಲಿ ಬೆಳೆ ಸಾಲ ಪಡೆದ ರೈತರ ಸಂಖ್ಯೆ 22978 ಆಗಿದ್ದು ಈ ಪೈಕಿ 19325 ರೈತರ ಬೆಳೆ ಸಾಲ ಮನ್ನಾ ಕುರಿತು ಪರಿಶೀಲಿಸಲಾಗಿದೆ. ಜಿಲ್ಲಾ ವ್ಯಾಪ್ತಿಯ ವಾಣಿಜ್ಯ ಬ್ಯಾಂಕಿನ ಶಾಖೆಗಳಲ್ಲಿ ಪ್ರತಿದಿನ ಕನಿಷ್ಟ 40 ರೈತರು ಹೆಸರÀು ನೊಂದಾಯಿಸಿಕೊಳ್ಳಲು ಅವಕಾಶ ಕಲ್ಪಿಸಲಾಗಿದೆ. ಪ್ರತಿ ರೈತರಿಗೆ ಕ್ರಮಬದ್ದವಾಗಿ ಕ್ರಮ ಸಂಖ್ಯೆ ಮತ್ತು ದಿನಾಂಕ ನಮೂದಿಸಿದ ಟೋಕನ್‍ಗಳನ್ನು ನೀಡಲಾಗುವುದು. ನಿಗದಿಪಡಿಸಿದ ದಿನಾಂಕಗಳಂದು ರೈತರು ಬ್ಯಾಂಕ್ ಶಾಖೆಗೆ ತೆರಳಿ ಸ್ವಯಂ ದೃಢೀಕರಣ ಪತ್ರದೊಂದಿಗೆ ,ಆಧಾರ್ ಕಾರ್ಡ್, ಪಡಿತರ ಚೀಟಿ (ದಿನಾಂಕ 5.7.2018ಕ್ಕಿಂತ ಮುಂಚಿತವಾಗಿ ಪಡೆದ ಪಡಿತರ ಚೀಟಿ) ನಕಲು, ಪಹಣಿ ಪತ್ರದೊಂದಿಗೆ ಬೆಳೆ ಸಾಲ ಮನ್ನಾ ತಂತ್ರಾಂಶದಲ್ಲಿ ನೊಂದಾಯಿಸಿಕೊಳ್ಳಬೇಕು.
    ಯಾವ ರೈತರು ವಾರ್ಷಿಕ ಆದಾಯ ತೆರಿಗೆ ಪಾವತಿದಾರರರೋ ಮತ್ತು ರಾಜ್ಯ, ಕೇಂದ್ರ ಸರ್ಕಾರಿ, ಅರೆ ಸರ್ಕಾರಿ, ಸರ್ಕಾರದಿಂದ ಅನುದಾನ ಪಡೆಯುವ ಸಂಸ್ಥೆಗಳಲ್ಲಿ, ಸಾರ್ವಜನಿಕ ಸ್ವಾಮ್ಯದಲ್ಲಿ ಕಾರ್ಯನಿರ್ವಹಿಸುತ್ತಿರುವ ನೌಕರರು, ಕೇಂದ್ರ ಮತ್ತು ರಾಜ್ಯ ಸರ್ಕಾರದಿಂದ ಪ್ರತಿ ತಿಂಗಳು  15 ಸಾವಿರ ರೂ.ಗಳಿಗಿಂತ ಹೆಚ್ಚು ಪಿಂಚಣಿ ಪಡೆಯುವ ನಿವೃತ್ತ ನೌಕರರು ಹಾಗೂ ಸಹಕಾರಿ ಬ್ಯಾಂಕ್‍ಗಳಲ್ಲಿನ ಬೆಳೆ ಸಾಲ ಮನ್ನಾ ಫಲಾನುಭವಿಗಳು ವಾಣಿಜ್ಯ ಬ್ಯಾಂಕ್‍ನ ಬೆಳೆಸಾಲ ಮನ್ನಾ ಯೋಜನೆಗೆ ಅರ್ಹರಿರುವುದಿಲ್ಲ.
ಅರ್ಹ ರೈತರು ಬೆಳೆ ಸಾಲ ಮನ್ನಾ ಯೋಜನೆಯಡಿ ತಮ್ಮ ಬ್ಯಾಂಕ್ ಶಾಖೆಗಳಲ್ಲಿ ಹೆಸರು ನೊಂದಾಯಿಸಿಕೊಳ್ಳಲು 2019ರ ಜನವರಿ 10ರವರೆಗೆ ಕಾಲಾವಕಾಶ ನೀಡಲಾಗಿದೆ. ರೈತರು ಯಾವುದೇ ಗೊಂದಲಗಳಿಗೆ ಒಳಗಾಗದೇ ಶಾಂತ ರೀತಿಯಿಂದ ಬ್ಯಾಂಕ್ ಅಧಿಕಾರಿಗಳೊಂದಿಗೆ ಸಹಕರಿಸಿ ಬೆಳೆ ಸಾಲ ಮನ್ನಾ ಯೋಜನೆಯ ಲಾಭ ಪಡೆದುಕೊಳ್ಳಬೇಕು.

ಬೆಳೆ ಸಾಲ ಮನ್ನಾ ಯೋಜನೆಗೆ ಸಂಬಂಧಿಸಿದಂತೆ ಜಿಲ್ಲಾ ಮಾಹಿತಿ ಕೇಂದ್ರವನ್ನು ನಗರದ ಜಿಲ್ಲಾಡಳಿತ ಭವನದ ಮೊದಲನೇ ಮಹಡಿಯ ಕೊಠಡಿ ಸಂಖ್ಯೆ 104ರಲ್ಲಿ ತೆರೆಯಲಾಗಿದೆ. ಸಹಾಯವಾಣಿ ಸಂಖ್ಯೆ 08226-223160 ಸಂಪರ್ಕಿಸಿಯೂ ಸಹ ವಿವರ ಪಡೆಯಬಹುದಾಗಿದೆ. ಬೆಳೆ ಸಾಲ ಮನ್ನಾ ಯೋಜನೆಗೆ ಸಂಬಂಧಿಸಿದಂತೆ ಯಾವುದೇ ಗೊಂದಲ ಸಂದೇಹಗಳಿದಲ್ಲಿ ಪರಿಹಾರಕ್ಕಾಗಿ ಹಾಗೂ ಸಲಹೆಗಳನ್ನು ಪಡೆಯಲು ಆಯಾ ತಾಲೂಕಿಗೆÀ ಅಧಿಕಾರಿ, ಸಿಬ್ಬಂದಿಯನ್ನು ನಿಯೋಜಿಸಲಾಗಿದೆ. ದಿಲೀಪ್, ಚಾಮರಾಜನಗರÀ – ಮೊಬೈಲ್ 9535803412, ರಾಜೇಂದ್ರ, ಕೊಳ್ಳೇಗಾಲ - ಮೊ. 9901885361, ಕಾರ್ತಿಕ್, ಹನೂರು – ಮೊ. 9743299941, ವಾಸುದೇವ, ಗುಂಡ್ಲುಪೇಟೆ – ಮೊ. 9742593734, ಶರತ್, ಯಳಂದೂರು – ಮೊ. 7829596655 ಇವರನ್ನು ಸಂಪರ್ಕಿಸಿ ಬೆಳೆ ಸಾಲ ಮನ್ನಾ ಮಾಹಿತಿ, ಸಲಹೆ ಹಾಗೂ ಪರಿಹಾರ ಪಡೆದುಕೊಳ್ಳುವಂತೆ ಜಿಲ್ಲಾಧಿಕಾರಿ ಬಿ.ಬಿ. ಕಾವೇರಿ ಅವರು ಪ್ರಕಟಣೆಯಲ್ಲಿ ಕೋರಿದ್ದಾರೆ.




 ಗ್ರಾ.ಪಂ. ಉಪಚುನಾವಣೆ : ಜಿಲ್ಲಾಧಿಕಾರಿಯವರಿಂದ ಅಧಿಸೂಚನೆ

ಚಾಮರಾಜನಗರ, ಡಿ. 17 - ವಿವಿಧ ಕಾರಣಗಳಿಂದ ತೆರವಾಗಿರುವ ಜಿಲ್ಲೆಯ ಒಟ್ಟು 5 ಗ್ರಾಮ ಪಂಚಾಯಿತಿ ಸದಸ್ಯ ಸ್ಥಾನಗಳಿಗೆ ಚುನಾವಣೆ ನಡೆಸುವ ಸಂಬಂಧ ಜಿಲ್ಲಾಧಿಕಾರಿಯವರಾದ ಬಿ.ಬಿ. ಕಾವೇರಿ ಅವರು ಇಂದು ಅಧಿಸೂಚನೆ ಹೊರಡಿಸಿದ್ದಾರೆ.
ಜಿಲ್ಲೆಯ ಚಾಮರಾಜನಗರ ತಾಲೂಕಿನ ವೆಂಕಟಯ್ಯನಛತ್ರ ಗ್ರಾಮ ಪಂಚಾಯಿತಿಯ ಬಸವಾಪುರ ಕ್ಷೇತ್ರ (ಅನುಸೂಚಿತ ಜಾತಿ), ಅರಕಲವಾಡಿ ಗ್ರಾಮ ಪಂಚಾಯಿತಿಯ ಮೂಡ್ಲ ಹೊಸಹಳ್ಳಿ ಕ್ಷೇತ್ರ (ಸಾಮಾನ್ಯ), ದೇಮಹಳ್ಳಿ ಗ್ರಾಮ ಪಂಚಾಯಿತಿಯ ದೇಮಹಳ್ಳಿ ಕ್ಷೇತ್ರ (ಸಾಮಾನ್ಯ), ಕೊಳ್ಳೇಗಾಲ ತಾಲೂಕಿನ ಪಿ.ಜಿ. ಪಾಳ್ಯ ಗ್ರಾಮ ಪಂಚಾಯಿತಿಯ ಪಿ.ಜಿ ಪಾಳ್ಯ ಕ್ಷೇತ್ರ (ಸಾಮಾನ್ಯ), ಯಳಂದೂರು ತಾಲೂಕಿನ ಹೊನ್ನೂರು ಗ್ರಾಮ ಪಂಚಾಯಿತಿಯ ಹೊನ್ನೂರು ಕ್ಷೇತ್ರ (ಸಾಮಾನ್ಯ)ಕ್ಕೆ ಚುನಾವಣೆ ನಿಗದಿಯಾಗಿದೆ. ಒಟ್ಟು 5 ಸದಸ್ಯ ಸ್ಥಾನಗಳಿಗೆ ಚುನಾವಣೆ ನಿಗದಿಯಾಗಿದೆ.
ನಾಮಪತ್ರಗಳನ್ನು ಸಲ್ಲಿಸಲು ಡಿಸೆಂಬರ್ 20 ಕಡೆಯ ದಿನವಾಗಿದೆ. ನಾಮಪತ್ರಗಳ ಪರಿಶೀಲನೆ ಕಾರ್ಯವು ಡಿಸೆಂಬರ್ 21ರಂದು ನಡೆಯಲಿದೆ. ಉಮೇದುವಾರಿಕೆ ಹಿಂತೆಗೆದುಕೊಳ್ಳಲು ಡಿಸೆಂಬರ್ 24 ಕಡೆಯ ದಿನವಾಗಿದೆ. ಮತದಾನ ಅವಶ್ಯವಿದ್ದರೆ 2019ರ ಜನವರಿ 2ರಂದು ಬೆಳಿಗ್ಗೆ 7 ರಿಂದ ಸಂಜೆ 5 ಗಂಟೆಯವರೆಗೆ ನಡೆಸಲಾಗುತ್ತದೆ. ಮರು ಮತದಾನ ಅವಶ್ಯವಿದ್ದಲ್ಲಿ ಜನವರಿ 3ರಂದು ನಡೆಸಲಾಗುತ್ತದೆ. ಮತಗಳ ಎಣಿಕೆ ಕಾರ್ಯವು 2019ರ ಜನವರಿ 4ರಂದು ಬೆಳಿಗ್ಗೆ 8 ಗಂಟೆಯಿಂದ ಆಯಾ ತಾಲೂಕು ಕೇಂದ್ರಗಳಲ್ಲಿ ನಡೆಸಲಾಗುತ್ತದೆ. ಜನವರಿ 4ರಂದೇ ಚುನಾವಣೆ ಪ್ರಕ್ರಿಯೆ ಮುಕ್ತಾಯವಾಗಲಿದೆ ಎಂದು ಜಿಲ್ಲಾಧಿಕಾರಿಯವರಾದ ಬಿ.ಬಿ. ಕಾವೇರಿ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.





ದ್ವಿತೀಯ ಪಿಯು ಪರೀಕ್ಷೆ : ನೊಂದಾಯಿತ ಪುನರಾವರ್ತಿತ, ಖಾಸಗಿ ಅಭ್ಯರ್ಥಿಗಳು
ಭಾವಚಿತ್ರ ಸಲ್ಲಿಸಲು ಸೂಚನೆ

ಚಾಮರಾಜನಗರ, ಡಿ. 17 - ಪದವಿಪೂರ್ವ ಶಿಕ್ಷಣ ಇಲಾಖೆಯು ಮಾರ್ಚ್ 2019ರಲ್ಲಿ ನಡೆಯಲಿರುವ ದ್ವಿತೀಯ ಪಿಯುಸಿ ವಾರ್ಷಿಕ ಪರೀಕ್ಷೆಗೆ ಹಾಜರಾಗಲು ನೊಂದಾಯಿಸಿಕೊಂಡಿರುವ ಪುನರಾವರ್ತಿತ ಹಾಗೂ ಖಾಸಗಿ ಅಭ್ಯರ್ಥಿಗಳು ನೊಂದಾಯಿಸಿಕೊಂಡಿರುವ ಕಾಲೇಜಿಗೆ ತಮ್ಮ ಇತ್ತೀಚಿನ ಭಾವಚಿತ್ರವನ್ನು ಡಿಸೆಂಬರ್ 20ರೊಳಗೆ ತುರ್ತಾಗಿ ಸಲ್ಲಿಸುವಂತೆ ಹಾಗೂ ಖುದ್ದಾಗಿ ಪ್ರಾಂಶುಪಾಲರನ್ನು ಭೇಟಿಯಾಗುವಂತೆ ಪದವಿಪೂರ್ವ ಶಿಕ್ಷಣ ಇಲಾಖೆ ಉಪನಿರ್ದೇಶಕರಾದ ವಿ.ಆರ್. ಶ್ಯಾಮಲ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.



ಡಿ. 21ರಂದು ಚಾ.ನಗರ ತಾ.ಪಂ. ಸಾಮಾನ್ಯ ಸಭೆ

ಚಾಮರಾಜನಗರ, ಡಿ. 17  ಚಾಮರಾಜನಗರ ತಾಲೂಕು ಪಂಚಾಯಿತಿ ಅಧ್ಯಕ್ಷರಾದ ದೊಡ್ಡಮ್ಮ ಅವರ ಅಧ್ಯಕ್ಷತೆಯಲ್ಲಿ ಡಿಸೆಂಬರ್ 21ರಂದು ಬೆಳಿಗ್ಗೆ 11 ಗಂಟೆಗೆ ತಾಲೂಕು ಪಂಚಾಯಿತಿ ಸಭಾಂಗಣದಲ್ಲಿ ತಾಲೂಕು ಪಂಚಾಯಿತಿ ಸಾಮಾನ್ಯ ಸಭೆಯನ್ನು ಏರ್ಪಡಿಸಲಾಗಿದೆ ಎಂದು ತಾಲೂಕು ಪಂಚಾಯತ್ ಕಾರ್ಯನಿರ್ವಾಹಕ ಅಧಿಕಾರಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಡಿ. 29ರಂದು ಜಿಲ್ಲಾ ಉಸ್ತುವಾರಿ ಸಚಿವರ ಅಧ್ಯಕ್ಷತೆಯಲ್ಲಿ ಕೆಡಿಪಿ ಸಭೆ

ಚಾಮರಾಜನಗರ, ಡಿ. 17:- ಹಿಂದುಳಿದ ವರ್ಗಗಳ ಕಲ್ಯಾಣ ಸಚಿವರು ಹಾಗೂ ಜಿಲ್ಲಾ ಉಸ್ತುವಾರಿ ಸಚಿವರಾದ ಸಿ. ಪುಟ್ಟರಂಗಶೆಟ್ಟಿ ಅವರ ಅಧ್ಯಕ್ಷತೆಯಲ್ಲಿ ಕರ್ನಾಟಕ ಅಭಿವೃದ್ಧಿ ಕಾರ್ಯಕ್ರಮಗಳ ತ್ರೈಮಾಸಿಕ ಕೆಡಿಪಿ ಪ್ರಗತಿ ಪರಿಶೀಲನಾ ಸಭೆಯು ಡಿಸೆಂಬರ್ 29ರಂದು ಬೆಳಿಗ್ಗೆ 11 ಗಂಟೆಗೆ ನಗರದ ಜಿಲ್ಲಾ ಪಂಚಾಯಿತಿ ಸಭಾಂಗಣದಲ್ಲಿ ನಡÉಯಲಿದೆ ಎಂದು ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಡಾ. ಕೆ. ಹರೀಶ್ ಕುಮಾರ್ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಕಸಾಪ ಪರೀಕ್ಷೆ : ಪ್ರವೇಶ ಪತ್ರ ರವಾನೆ

ಚಾಮರಾಜನಗರ, ಡಿ. 17  ಕನ್ನಡ ಸಾಹಿತ್ಯ ಪರಿಷತ್ತಿನ 2018-19ನೇ ಸಾಲಿನ ಪ್ರವೇಶ, ಕಾವ, ಜಾಣ ಮತ್ತು ರತ್ನ ಪರೀಕ್ಷೆಗಳು 2019ರ ಜನವರಿ 11, 12 ಮತ್ತು 13ರಂದು ಒಟ್ಟು 3 ದಿನಗಳ ಕಾಲ ರಾಜ್ಯದ 19 ಕೇಂದ್ರಗಳಲ್ಲಿ ಪರೀಕ್ಷೆಗಳು ನಡೆಯಲಿದೆ.
ಪರೀಕ್ಷಾರ್ಥಿಗಳಿಗೆ ಪರೀಕ್ಷಾ ಪ್ರವೇಶ ಪತ್ರಗಳನ್ನು ಅಂಚೆ ಮೂಲಕ ಕಳುಹಿಸಲಾಗಿದೆ. ಡಿಸೆಂಬರ್ 29ರ ನಂತರವೂ ಪ್ರವೇಶ ಪತ್ರ ತಲುಪದಿದ್ದಲ್ಲಿ ವಿದ್ಯಾರ್ಥಿಗಳು ಗೌರವ ಕಾರ್ಯದರ್ಶಿಗಳು, ಕನ್ನಡ ಸಾಹಿತ್ಯ ಪರಿಷತ್ತು, ಚಾಮರಾಜಪೇಟೆ, ಬೆಂಗಳೂರು-18 ಇವರಲ್ಲಿ ವಿಚಾರಿಸಬಹುದು.
ಬೇರೆ ಜಿಲ್ಲೆಯವರಿಗೆ ಪ್ರವೇಶ ಪತ್ರ ತಲುಪದಿದ್ದಲ್ಲಿ ಪರೀಕ್ಷಾ ಕೇಂದ್ರಕ್ಕೆ ನೇರವಾಗಿ ಹಾಜರಾಗಬಹುದು. ಪರೀಕ್ಷಾ ಕೇದ್ರದ ವಿವರವನ್ನು ದೂರವಾಣಿ ಸಂಖ್ಯೆ 080-26623584ಗೆ ಕರೆ ಮಾಡಿ ಪಡೆಯಬಹುದು. ಪ್ರವೇಶ ಪತ್ರ ಮತ್ತು ಪರೀಕ್ಷಾ ಕೇಂದ್ರಗಳ ವಿಳಾಸವನ್ನು ಅಂತರ್ಜಾಲ ತಾಣ ತಿತಿತಿ.ಞಚಿsಚಿಠಿಚಿ.iಟಿ ಮೂಲಕವೂ ಪಡೆದುಕೊಳ್ಳಬಹುದು ಎಂದು ಕನ್ನಡ ಸಾಹಿತ್ಯ ಪರಿಷತ್ತಿನ ಗೌರವ ಕಾರ್ಯದರ್ಶಿ ಡಾ. ರಾಜಶೇಖರ ಹತಗುಂದಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.



ನೆರಳು ಪರದೆ (ಶೇಡ್ ನೆಟ್) ನಿರ್ಮಾಣ ಸಹಾಯಧನಕ್ಕೆ ಅರ್ಜಿ ಆಹ್ವಾನ

ಚಾಮರಾಜನಗರ, ಡಿ. 17 ತೋಟಗಾರಿಕೆ ಇಲಾಖೆಯು 2018-19ನೇ ಸಾಲಿನ ಕೃಷಿ ಭಾಗ್ಯ ಯೋಜನೆಯಡಿ ಚಾಮರಾಜನಗರ, ಕೊಳ್ಳೇಗಾಲ ಹಾಗೂ ಯಳಂದೂರು ತಾಲೂಕುಗಳಲ್ಲಿ ನೆರಳು ಪರದೆ (ಶೇಡ್ ನೆಟ್) ನಿರ್ಮಾಣಕ್ಕೆ ಸಹಾಯಧನ ಒದಗಿಸಲಿದ್ದು ರೈತರಿಂದ ಅರ್ಜಿ ಆಹ್ವಾನಿಸಿದೆ.
ನೆರಳು ಪರದೆ ನಿರ್ಮಾಣಕ್ಕೆ ಸಾಮಾನ್ಯ ವರ್ಗದಡಿ ಅನುದಾನ ಲಭ್ಯವಿದೆ. ನೆರಳು ಪರದೆ ಮನೆಯ ಜಿಐ ಪೈಪ್‍ಗಳಿಂದ ವೈಜ್ಞಾನಿಕವಾಗಿ ವಿನ್ಯಾಸ ಮಾಡಿ ನಿರ್ಮಿಸಲ್ಪಟ್ಟ ಆಕೃತಿಗಳನ್ನು ತೋಟಗಾರಿಕೆ ಬೆಳೆಗಳ ಅವಶ್ಯಕತೆಗೆ ತಕ್ಕಂತೆ ನಿಗಧಿತ ಪ್ರಮಾಣದಲ್ಲಿ ನೆರಳನ್ನು ಒದಗಿಸುವ ಪ್ಲಾಸ್ಟಿಕ್ ಪರದೆಗಳಿಂದ ಕೂಡಿದೆ. ಬೇಸಿಗೆ ಅಥವಾ ಹೆಚ್ಚು ಮಳೆಗಾಲದಲ್ಲಿಯೂ ಸಹ ಉತ್ತಮ ಗುಣಮಟ್ಟದ ತರಕಾರಿಗಳನ್ನು ಬೆಳೆಯಲು, ತರಕಾರಿ, ಹಣ್ಣಿನ ಸಸ್ಯಾಭಿವೃದ್ಧಿ (ನರ್ಸರಿ ಚಟುವಟಿಕೆ), ನೆರಳು ಪರದೆಯ ಬೆಳೆಗಳನ್ನು ನೇರಳಾತೀತ ಕಿರಣಗಳನ್ನು ಸ್ಥಳೀಕರಣಗೊಳಿಸಿ ತೀವ್ರವಾದ ಉಷ್ಣಾಂಶವನ್ನು ನಿಯಂತ್ರಿಸುವುದರಿಂದ ತೋಟಗಾರಿಕೆ ಉತ್ಪನ್ನಗಳ ಕೊಯ್ಲೋತ್ತರ ಗುಣಮಟ್ಟವನ್ನು ಕಾಪಾಡುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಈ ಘಟಕದಲ್ಲಿ ಮುಖ್ಯವಾಗಿ ದೊಣ್ಣೆ ಮೆಣಸಿನಕಾಯಿ, ಬಜ್ಜಿ ಮೆಣಸಿನಕಾಯಿ, ಪೋಲ್ ಬೀನ್ಸ್, ಸೌತೆಕಾಯಿ, ಟಮೋಟೋ ಬೆಳೆ ಬೆಳೆಯಲು ಸೂಕ್ತವಾಗಿದೆ.
ಆಸಕ್ತ ರೈತರು ಅರ್ಜಿಯೊಂದಿಗೆ ಭಾವಚಿತ್ರ, ಪ್ರಸಕ್ತ ಸಾಲಿನ ಪಹಣಿ, ಚೆಕ್‍ಬಂದಿ, ನೀರಾವರಿ ಮೂಲದ ದೃಢೀಕರಣ, ಮತದಾರರ ಗುರುತಿನ ಚೀಟಿ, ಆಧಾರ್, ಪಡಿತರ ಚೀಟಿಗಳ ಜೆರಾಕ್ಸ್, ಯೋಜನೆ ಕುರಿತು ಪ್ರಸ್ತಾವನೆ (ಡಿಪಿಆರ್ – ಡೀಟೈಲ್ಡ್ ಪ್ರಾಜೆಕ್ಟ್ ರಿಪೋರ್ಟ್) ಇತ್ಯಾದಿ ದಾಖಲೆಗಳನ್ನು ಲಗತ್ತಿಸಿ ಆಯಾ ತಾಲೂಕಿನ (ಗುಂಡ್ಲುಪೇಟೆ ಹೊರತುಪಡಿಸಿ) ತೋಟಗಾರಿಕೆ ಇಲಾಖೆ ಕಚೇರಿಗೆ ಡಿಸೆಂಬರ್ 26ರೊಳಗೆ ಸಲ್ಲಿಸುವಂತೆ ತೋಟಗಾರಿಕೆ ಉಪನಿರ್ದೇಶಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಚಾಮರಾಜನಗರದಲ್ಲಿ ಯಶಸ್ವಿಯಾಗಿ ನಡೆದ ಜೆಎಸ್‍ಎಸ್ ರಂಗೋತ್ಸವ, ( ವರದಿ: ರಾಮಸಮುದ್ರ ಎಸ್.ವೀರಭದ್ರಸ್ವಾಮಿ )

ಚಾಮರಾಜನಗರದಲ್ಲಿ ಯಶಸ್ವಿಯಾಗಿ ನಡೆದ ಜೆಎಸ್‍ಎಸ್ ರಂಗೋತ್ಸವ 

ವರದಿ: ರಾಮಸಮುದ್ರ ಎಸ್.ವೀರಭದ್ರಸ್ವಾಮಿ 

 ಚಾಮರಾಜನಗರ:  ಮಕ್ಕಳ ರಂಗಭೂಮಿಗೆ ಹೆಚ್ಚು ಪೆÇ್ರೀತ್ಸಾಹ ಕೊಡಬೇಕೆಂಬ ನಿಟ್ಟಿನಲ್ಲಿ ಆರಂಭವಾದ ಜೆಎಸ್‍ಎಸ್ ರಂಗೋತ್ಸವವು ಈಗ 6ನೆಯ ವರ್ಷಕ್ಕೆ ಕಾಲಿಟ್ಟಿದ್ದು ಇಂತಹ ಸುಸಂದರ್ಭದಲ್ಲಿ ವಿವಿದ ನಾಟಕಗಳನ್ನು ನೀಢಿರುವ ಕಲಾವಿದರು ಇತ್ತೀಚೆಗೆ ( ಡಿಸೆಂಬರ್ 7,8 ಮತ್ತು 9 ರಂದು) ವಿವಿದ ನಾಟಕಗಳನ್ನ ಚಾಮರಾಜನಗರ ಜನತೆಗೆ ಉಚಿತವಾಗಿ ಪ್ರದರ್ಶನಗಳನ್ನು ನೀಡುವ ಮೂಲಕ ಮನರಂಜನೆ ನೀಡಿದರು. 

2011-18 ರವರೆಗೆ ಪುಷ್ಪರಾಣಿ, ನಾಯಿಮರಿ, ಅಳಿಲು ರಾಮಾಯಣ, ಆಮನಿ, ನಾಣಿ ಭಟ್ಟನ ಸ್ವರ್ಗದ ಕನಸು, ರೆಕ್ಕೆ ಕಟ್ಟುವಿರಾ, ಝುಂ ಝಾಂ ಆನೆ ಮತ್ತು ಪುಟ್ಟ, ಸರೀಸೃಪಗಳ ಸಭೆ, ಪಂಜರ ಶಾಲೆ, ಮಾನವಪುರದ ರಾಜಕುಮಾರಿ, ಗುಮ್ಮ, ಮೃಚ್ಛಕಟಿಕ, ಸಾಹೇಬರು ಬರುತ್ತಾರೆ, ನ್ಯಾಯಕ್ಕೆ ಜಯ, ಬೆಪ್ಪತಕ್ಕಡಿ ಬೋಳೆ ಶಂಕರ, ಜನಪದ ಜೋಗಿ, ಗೊಂಬೆ ರಾವಣ, ಸತ್ರು ಅಂದ್ರೆ ಸಾಯ್ತಾರಾ, ಮೈನಾ ಹಕ್ಕಿ, ದ್ರೋಣ ಪ್ರತಿಜ್ಞೆ, ಕಂಸಾಯಣ, ರಾಮಧಾನ್ಯ ಪ್ರಕರಣ ನಾಟಕಗಳನ್ನು ಪ್ರದರ್ಶಿಸಲಾದ ಕಲಾವಿದರುಗಳು ಪ್ರಸಕ್ತ ವರ್ಷ ಇಲಿ ಮಡಕೆ, ತಲೆಬಾಗದ ಜನ, ನಾಯಿತಿಪ್ಪ ಈ ನಾಟಕಗಳು ಬೆಂಗಳೂರು, ಮೈಸೂರು ಮತ್ತು ಚಾಮರಾಜನಗರದಲ್ಲಿ ನವೆಂಬರ್, ಡಿಸೆಂಬರ್ ತಿಂಗಳಲ್ಲಿ ಮೂರು ರಂಗೋತ್ಸವಗಳಲ್ಲಿಯೂ ಪ್ರದರ್ಶನಗೊಂಢಿದ್ದು ಸುತ್ತೂರು ಜಾತ್ರೆಯಲ್ಲಿಯೂ  ಪ್ರದರ್ಶನಗೊಳ್ಳಲಿವೆ.

2009-10 ನೇ ಸಾಲಿನಲ್ಲಿ ದೆಹಲಿಯಲ್ಲಿ ನಡೆದ ಜಶ್ನ್ ಎ ಬಚಪನ್ ನಾಟಕೋತ್ಸವದಲಿ ್ಲಶ್ರೀ ಹೆಚ್. ಜನಾರ್ಧನ್ (ಜನ್ನಿ) ನಿರ್ದೇಶನದದಲ್ಲಿ ಕುವೆಂಪು ವಿರಚಿತ ‘ಕಿಂದರಿ ಜೋಗಿ' ನಾಟಕ ಪ್ರದರ್ಶನಗೊಂಡಿದೆ. ನೇಪಾಳದಲ್ಲಿ ನಡೆದ ಅಂತಾರಾಷ್ಟ್ರೀಯ ನಾಟಕೋತ್ಸವದಲ್ಲಿ ಶ್ರೀಮತಿ ಸುಮತಿ ಕೆ.ಆರ್.ರವರ ನಿರ್ದೇಶನದಲ್ಲಿ ಡಾ. ಎಚ್.ಎಸ್. ವೆಂಕಟೇಶ್‍ಮೂರ್ತಿ ರಚಿಸಿದ ‘ಚಿತ್ರಪಟ' ನಾಟಕವನ್ನು ಪ್ರದರ್ಶಿಸಲಾಯಿತು. ಜಗದ್ಗುರು ಶ್ರೀ ಶಿವರಾತ್ರಿ ರಾಜೇಂದ್ರ ಮಹಾಸ್ವಾಮಿಗಳ ಶತಮಾನೋತ್ಸವದ ಅಂಗವಾಗಿ ರೂಪುಗೊಂಡ ‘ದಿವೃಚೇತನ' ನಾಟಕವು ಶಾಲಾಕಾಲೇಜುಗಳ ಪ್ರದರ್ಶನಗಳು ಸೇರಿದಂತೆ 70 ಪ್ರದರ್ಶನಗಳನ್ನು ಕಂಡಿದ್ದಲ್ಲದೇ ರಾಜ್ಯದ ನಾನಾ ಭಾಗಗಳಲ್ಲಿ ಒಟ್ಟು 100ಕ್ಕೂ ಹೆಚ್ಚು ಪ್ರದರ್ಶನ ನೀಡಿ ಜನಮೆಚ್ಚುಗೆಗೆ ಪಾತ್ರವಾಗಿದೆ.
ಚಾಮರಾಜಗರ ಜೆ,ಎಸ್.ಎಸ್ ಕಾಲೇಜಿನಲ್ಲಿ ನಡೆದ ನಾಟಕ ಪ್ರದರ್ಶನ ಪೈಕಿ ಚಾಮರಾಜನಗರ ಸಮೀಪವಿರುವ ರಾಮಸಮುದ್ರದ ಕಲಾವಿದ ಹಾಗೂ ನಿರ್ದೆಶಕರಾ ಮಂಜುನಾಥ್ ಆಲಿಯಾಸ್ ಮಂಜುನಾಥ್ ಕಾಚಕ್ಕಿ ಅವರ ನಾಟಕ  ಸೇರಿದಂತೆ ಇನ್ನಿತರ ನಾಟಕಗಳು ಜನಮನ್ನಣೆ ಗಳಿಸಿದವು.

  ತಲೆಬಾಗದ ಜನ ನಾಟಕವನ್ನು ಕೆ. ವೆಂಕಟರಾಜು ರಚನೆ ಮಾಡಲಾಗಿದ್ದು,ಸಂಗೀತವನ್ನು ಚಂದ್ರಶೇಖರಾಚಾರ್ ಹೆಗ್ಗೊಠಾರ  ನೀಡಿದ್ದಾರೆ. ನಾಟಕದಲ್ಲಿ  ವಿನ್ಯಾಸ ಮತ್ತು ನಿರ್ದೇಶನ   : ಮಂಜುನಾಥ್ (ಕಾಚಕ್ಕಿ) ಅವರು ಮಾಡಿದ್ದು, ಪ್ರಶಾಂತ ಬಿ (ಮಾದರಸನಕೊಪ್ಪ) ಬೆಳಕು ನೀಡಿದ್ದಾರೆ. ನಾಟಕದ  ಸಹನಿರ್ದೇಶನವನ್ನು ಸಮತಾ ಪಿ.ಜಿ. ಅವರು ಮಾಡಿದ್ದು ನಂಜನಗೂಡು (ತಾ.) ಮಹದೇವನಗರ, ಜೆಎಸ್‍ಎಸ್ ಪ್ರೌಢಶಾಲೆ ವಿದ್ಯಾರ್ಥಿಗಳು ಅಬಿನಯಿಸಿದ್ದಾರೆ.
  
  ತಲೆಬಾಗದ ಜನ  ಎಂಬ ನಾಟಕದಲ್ಲಿನ ಸಾರಾಂಶ: 1947 ರಲ್ಲಿ ಶಿವಮೊಗ್ಗ ಜಿಲ್ಲೆಯ ಶಿಕಾರಿಪುರ ತಾಲ್ಲೂಕಿನ ಒಂದು ಪುಟ್ಟ ಗ್ರಾಮ. ಈಸೂರಿನಲ್ಲಿ ನಡೆದ ಘಟನೆ. ಬ್ರಿಟಿಷರ ದಬ್ಬಾಳಿಕೆಯನ್ನು ಪ್ರತಿಭಟಿಸಿ ತನಗೆ ತಾನೇ ಸ್ವತಂತ್ರ ಹಳ್ಳಿ ಎಂದು ಸಾರಿಕೊಂಡ ಈ ಗ್ರಾಮದ ಎಲ್ಲರೂ ಗಾಂಧಿ ಟೋಪಿಯನ್ನು ಧರಿಸಲೇಬೇಕು. ಹತ್ತು ವರ್ಷದ ಪುಟ್ಟ ಬಾಲಕನನ್ನು ಅಮಲ್ದಾರನನ್ನಾಗಿ ನೇಮಿಸಿಕೊಂಡು ಬ್ರಿಟಿಷ್ ಸರ್ಕಾರಕ್ಕೆ ಎದುರಾಗುತ್ತಾರೆ. ಸನ್ನಿವೇಷಗಳು ಕೈಮೀರಿ ಬ್ರಿಟಿಷ್ ಸರ್ಕಾರದಿಂದ ನೇಮಿತರಾಗಿದ್ದ ಅಮಲ್ದಾರ್ ಮತ್ತು ಪೆÇಲೀಸ್ ಇನ್ಸ್‍ಪೆಕ್ಟರ್ ಕೊಲೆಯಾಗುತ್ತದೆ. ಇದರಿಂದ ಕೋಪಗೊಂಡ ಪೆÇಲೀಸ್ ಪಡೆ ಈಸೂರು ಗ್ರಾಮಕ್ಕೆ ನುಗ್ಗಿ ಮನೆಗಳಿಗೆ ಬೆಂಕಿ ಹಚ್ಚಿ ಹೆಣ್ಣುಮಕ್ಕಳ ಮೇಲೆ ಅತ್ಯಾಚಾರ ಮಾಡಿ ಧೂಳೀಪಟ ಮಾಡುತ್ತಾರೆ. ಸಿಕ್ಕಸಿಕ್ಕವರ ಮೇಲೆ ಮೊಕದ್ದಮೆ ಹೂಡಿದ್ದರ ಫಲವಾಗಿ ಗುರಪ್ಪ, ಮಲ್ಲಪ್ಪ, ಸೂರ್ಯನಾರಾಯಣಾಚಾರಿ, ಹಾಲಪ್ಪ, ಶಂಕರಪ್ಪನವರಿಗೆ ಗಲ್ಲುಶಿಕ್ಷೆಯಾಗುತ್ತದೆ. ಇದು ನಾಟಕದ ಸಾರಾಂಶವಾಗಿದೆ.
ವಿನಯ್‍ಕುಮಾರ್ ಎಂ. ವಿನಯ್‍ಕುಮಾರ್ ಹೆಚ್. ಪುನೀತ್ ರಾಜ್ ಡಿ. ಮನು ವಿ. ಸಾಗರ್ ವಿ. ಕೃಷ್ಣ ಎಸ್. ಕಾರ್ತಿಕ್ ಜಿ.ಎಸ್. ವಿಕಾಸ್ ಎಸ್. ದರ್ಶನ್ ಎ. ಮೋಹನ್‍ಕುಮಾರ್ ಚಿನ್ನಸ್ವಾಮಿ ಕೆ. ವಿನಯ್‍ಕುಮಾರ್ ಜಯಂತ್ ಎಲ್.ಮಹದೇವಸ್ವಾಮಿ,ಶರತ್‍ಕುಮಾರ್.ಎಸ್.ಸ್ಪಂದನಾ.ಕೆ.ತಂಜೀ:ಯಾ,ಮೇಘನ,ಸುಚಿತ್ರ,ರೀತು,ರಕ್ಷಿತ ಮಾನಸ ಅವರುಗಳು ರಂಗದಮೇಲಿದ್ದರೆ, ರಂಗದ ಹಿಂದೆ  ರಂಗಪರಿಕರ ಹಾಗೂ ರಂಗಸಜ್ಜಿಕೆ ಮಧೂಸೂದನ್,ವಸ್ತ್ರವಿನ್ಯಾಸಕರಾಗಿ ಶಕುಂತಲಾ ಹೆಗಡೆ, ಮಹೇಶ್ ಹೆಬ್ಬಾಳ್, ಪ್ರಸಾಧನ ಮಂಜುನಾಥ್ (ಕಾಚಕ್ಕಿ)ಸಂಗೀತ ಸಾಂಗತ್ಯವನ್ನು  ಮೈಸೂರಿನ ಕೃಷ್ಣ ಚೈತನ್ಯ ಅವರು ನೀಡಿದ್ದಾರೆ. 
ಪ್ರಮುಖವಾಗಿ ಜಿಲ್ಲೆಯವರೇ ಹಾಗೂ ಪಟ್ಟಣದವರೇ ಆದ ವೆಂಕಟರಾಜು ಮಂಜುನಾಥ ಕಾಚಕ್ಕಿ ಅವರ ಸ್ವಲ್ಪ ವಿವರಗಳಿ ಹೀಗಿದೆ. ನಾಟಕಕಾರÀರಾದ ಶ್ರೀ ಕೆ. ವೆಂಕಟರಾಜುರವರು ಚಾಮರಾಜನಗರ ಜಿಲ್ಲೆಯವರು. ಆರೋಗ್ಯ ಕುಟುಂಬ ಕಲ್ಯಾಣ ಇಲಾಖೆಯಲ್ಲಿ ಕಾರ್ಯನಿರ್ವಹಿಸಿ ನಿವೃತ್ತರಾಗಿದ್ದು, ಕಳೆದ 45 ವರ್ಷಗಳಿಂದ ಚಾಮರಾಜನಗರದಲ್ಲಿ ಶಾಂತಲ ಕಲಾವಿದರು ಎಂಬ ಸಂಸ್ಥೆ ಕಟ್ಟಿ ರಂಗ ಚಟುವಟಿಕೆಯನ್ನು ನಡೆಸಿಕೊಂಡು ಬರುತ್ತಿದ್ದಾರೆ. ಇವರಿಗೆ ಅನೇಕ ಪ್ರಶಸ್ತಿಗಳು ಲಭಿಸಿವೆ. ರಜಿನಿ ಭಕ್ಷಿ ಅವರ ಬಾಪುಕುಟಿ ಪುಸ್ತಕವನ್ನು ಕನ್ನಡಕ್ಕೆ ಅನುವಾದಿಸಿದ್ದಾರೆ. ಇದಕ್ಕೆ ರಾಜ್ಯ ಅನುವಾದ ಅಕಾಡೆಮಿ ಪ್ರಶಸ್ತಿ ಲಭಿಸಿದೆ. ಇದಲ್ಲದೇ ನಾಟಕ ಅಕಾಡೆಮಿ ಪ್ರಶಸ್ತಿ, ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ, ಸಿದ್ಧನಳ್ಳಿ ಕೃಷ್ಣಶರ್ಮ ಪ್ರಶಸ್ತಿಗಳು ಬಂದಿವೆ.
ನಿರ್ದೇಶಕರರಾದ ಶ್ರೀ ಮಂಜುನಾಥ ಕಾಚಕ್ಕಿ ಇವರು ಚಾಮರಾಜನಗರ ಜಿಲ್ಲೆಯ ರಾಮಸಮುದ್ರ ಗ್ರಾಮದವರು. ಇವರು ನೀನಾಸಂ ರಂಗತರಬೇತಿ ಪಡೆದುಕೊಂಡು ಗೊಂಬೆರಾವಣ, ನಾಯಿಮರಿ, ನಾಣಿಭಟ್ಟನ ಸ್ವರ್ಗದ ಕನಸು, ತಲೆಬಾಗದ ಜನ ನಾಟಕಗಳನ್ನು ನಿರ್ದೇಶನ ಮಾಡಿದ್ದಾರೆ. ಪ್ರಸ್ತುತ ಇವರು ಜೆಎಸ್‍ಎಸ್ ಪ್ರೌಢಶಾಲೆ, ಸಂತೆಮರಳ್ಳಿಯಲ್ಲಿ ಕಳೆದ ಹತ್ತು ವರ್ಷಗಳಿಂದ ನಾಟಕ ಶಿಕ್ಷಕರಾಗಿ ಕಲಾಮಂಟಪದಲ್ಲಿ ನಟರಾಗಿ ಬೇಸಿಗೆ ಶಿಬಿರಗಳು ಮತ್ತು ರಂಗೋತ್ಸವ ನಾಟಕಗಳಲ್ಲಿ ಸಕ್ರಿಯವಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. 

 ಸಹನಿರ್ದೇಶಕರಾದ ಶ್ರೀಮತಿ ಪಿ ಜಿ ಸಮತ ಇವರು ನೀನಾಸಂನಲ್ಲಿ ರಂಗತರಬೇತಿ ಪಡೆದಿದ್ದಾರೆ. ಗುಮ್ಮ, ನ್ಯಾಯಕ್ಕೆ ಜಯ, ನಾಟಕಗಳನ್ನು ಜೆಎಸ್‍ಎಸ್ ರಂಗೋತ್ಸವಕ್ಕೆ ನಿರ್ದೇಶನ ಮಾಡಿದ್ದಾರೆ. ಪ್ರಸ್ತುತ ಜೆಎಸ್‍ಎಸ್ ಪ್ರೌಢಶಾಲೆ ಗಿರಿಯಬೋವಿಪಾಳ್ಯದಲ್ಲಿ ರಂಗಶಿಕ್ಷಕರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.

      _______________________________________-                      

ನಾಯಿತಿಪ್ಪ  ಎಂಬ ನಾಟಕದ ರಚನೆಯನ್ನು ಕೋಟಗಾನಹಳ್ಳಿ ರಾಮಯ್ಯ ಅವರು ಮಾಡಿದ್ದು ಚಂದ್ರಶೇಖರಾಚಾರ್ ಹೆಗ್ಗೊಠಾರ ಅವರು ಸಂಗೀತ, ವಿನ್ಯಾಸ ಮತ್ತು ನಿರ್ದೇಶನ  ಮಾಢಿದ್ದಾರೆ. ಜೀವನ್‍ಕುಮಾರ್ ಬಿ ಹೆಗ್ಗೋಡು ಅವರು          ಬೆಳಕು ನೀಡಿದ್ದು,ಸಹ ನಿರ್ದೇಶನವನ್ನು ಪ್ರಶಾಂತ ಬಿ (ಮಾದರಸನಕೊಪ್ಪ) ಮಾಡಿದ್ದಾರೆ
ಮೈಸೂರು ಜೆ.ಪಿ.ನಗರ ನಾಚನಹಳ್ಳಿಪಾಳ್ಯದ ಜೆಎಸ್‍ಎಸ್ ಪ್ರೌಢಶಾಲೆ ಮಕ್ಕಳು ಅಭಿನಯಿಸಿದ್ದಾರೆ

   ನಾಯಿತಿಪ್ಪ  ನಾಟಕದ ಸಾರಾಂಶ: ಅಜ್ಜಿ ಹೇಳುವ ಹಾಗೆ ಕಾಳು ಕೋಡೋ ಭೂಮಿತಾಯಿ ಕಾಸು ಕೊಟ್ಟು ಕೊಟ್ಟು ಬಂಜೆಯಾಗೋದ್ಲು, ಬಡವಳಾದ ಅಜ್ಜಿ, ಮೊಮ್ಮಗ ತಿಪ್ಪನನ್ನು ಕೂಲಿ ಕೆಲಸಕ್ಕಾಗಿ ಬೆಂಗಳೂರು ಪ್ಯಾಟಿಗೆ ಕಳುಹಿಸುತ್ತಾಳೆ. ಬೆಂಗಳೂರಿಗೆ ಬಂದ ತಿಪ್ಪ ಅಲ್ಲಿನ ಆಕಾಶದೆತ್ತರದ ಬಿಲ್ಡಿಂಗ್‍ಗಳು, ವಾಹನ ದಟ್ಟಣೆ, ಕಾರ್ಖಾನೆಗಳು, ಕಂಪನಿಗಳು, ವಿಚಿತ್ರ ಜನರನ್ನು ನೋಡಿ ದಿಗ್ಭ್ರಮೆಗೊಳ್ಳುತ್ತಾನೆ. ಅಲ್ಲಿ ಜನರ ಆಟಾಟೋಪಕ್ಕೆ ಸಿಕ್ಕು ನರಳಿ ಊರಿಗೆ ಮರಳುತ್ತಾನೆ. ಊರವರ ಸಲಹೆಯ ಮೇರೆಗೆ ಅಜ್ಜಿ ದೋಸೆ ಮಾರಲು ತಿಪ್ಪನನ್ನು ಕಳುಹಿಸುತ್ತಾಳೆ. ವ್ಯಾಪಾರದ ಗುಟ್ಟು ಅರಿಯದ ತಿಪ್ಪ ಮಾರಲಾಗದೆ ನಾಯಿಗಳೇ ಗಿರಾಕಿಗಳೆಂದು ತಿಳಿದುಕೊಂಡು ಅವುಗಳಿಗೆ ಕೊಟ್ಟು ಬರಿಗೈಯಲ್ಲಿ ಹಿಂದಿರುಗುತ್ತಾನೆ. ಕೊನೆಗೆ ನಾಯಿಗಳ ಸಹಾಯದಿಂದ ಕಳ್ಳರು ಬಿಟ್ಟುಹೋದ ಹಣ ಸಿಗುತ್ತದೆ. ಅದನ್ನು ಉಳಿಸಿಕೊಳ್ಳಲು ಅಜ್ಜಿ ತಂತ್ರಗಳನ್ನು ಹೂಡುತ್ತಾಳೆ. ಸರ್ಕಾರಕ್ಕೂ ತಿಳಿದು ಕೋರ್ಟ್‍ನಲ್ಲೂ ಬಚಾವಾಗುತ್ತಾಳೆ. ಇಂದು ರೈತರು ಜಮೀನು ಕಳೆದುಕೊಂಡು ಪಟ್ಟಣಗಳಿಗೆ ಗುಳೇ ಹೋಗುತ್ತಿರುವ ಈ ಸಂದರ್ಭದಲ್ಲಿ ಜಾಗತೀಕರಣ ಹಾಗೂ ವ್ಯಾಪಾರೀಕರಣದ ಭರಾಟೆಯಲ್ಲಿಯೂ ಮುಗ್ಧತೆಯೆ ಗೆಲ್ಲಬೇಕೆಂಬುದು ಈ ನಾಟಕದ ಕೇಂದ್ರಭಾವವಾಗಿದೆ.  
        ನಾಟಕಕಾರರಾದ ಶ್ರೀ ರಾಮಯ್ಯನವರು ಕೋಟಗಾನಹಳ್ಳಿಯವರು, ಸೃಜನಶೀಲ ಬರಹಗಾರರು ಎಡಪಂಥೀಯ ಚಿಂತಕರು, ಕಿರುತೆರೆ ಹಾಗೂ ಹಿರಿತೆರೆಯ ಸಂಭಾಷಣೆಕಾರರು, ಗಂಗಭಾರತ, ಡರ್‍ಬುರ್ ಬುಡ್ಡಣ್ಣ, ಹಕ್ಕಿಯ ಹಾಡು, ಒಗಟಿನರಾಣಿ, ರತ್ನಪಕ್ಷಿ, ಕಣ್ಣಾಸ್ಪತ್ರೆ, ನಾಯಿತಿಪ್ಪ ಇನ್ನೂ ಹಲವು ನಾಟಕಗಳನ್ನು ರಚಿಸಿದ್ದಾರೆ. ಆದಿಮ ಸಂಸ್ಥೆಯನ್ನು ಕಟ್ಟಿ ರಂಗಕ್ರಿಯೆಯಲ್ಲಿ ಸಕ್ರಿಯವಾಗಿ ತೊಡಗಿಕೊಂಡಿದ್ದಾರೆ. 
      
      
      ನಿರ್ದೇಶಕರಾದ   ಶ್ರೀ ಚಂದ್ರಶೇಖರಾಚಾರ್ ಹುಟ್ಟೂರು ಚಾಮರಾಜನಗರ ಜಿಲ್ಲೆ  ಹೆಗ್ಗೊಠಾರ. 1990 ರಲ್ಲಿ ನೀನಾಸಂ ರಂಗಶಿಕ್ಷಣ ಕೇಂದ್ರದಲ್ಲಿ ಡಿಪ್ಲೋಮಾ ಪದವಿ ಪಡೆದು 1991-92 ತಿರುಗಾಟದಲ್ಲಿ ನಟರಾಗಿ ಸಂಗೀತಗಾರರಾಗಿ ದುಡಿದಿದ್ದಾರೆ. ಸಂಗ್ಯಾಬಾಳ್ಯಾ, ಹೂ ಹುಡುಗಿ,  ತಲೆದಂಡ, ಅಥೆನ್ಸಿನ ಅರ್ಥವಂತ ಮುಖ್ಯ ನಾಟಕಗಳು. ಬಿ.ವಿ. ಕಾರಂತರು ನಿರ್ದೇಶಿಸಿದ ಗೋಕುಲ ನಿರ್ಗಮನ ನಾಟಕದಲ್ಲಿ ಮುಖ್ಯ ಗಾಯಕರಾಗಿ ದೇಶದಾದ್ಯಂತ ಸಂಚಾರ ಮಾಡಿದ್ದಾರೆ. ಬೆಟ್ಟಕ್ಕೆ ಚಳಿಯಾದರೆ, ನೀಲಿ ಕುದುರೆ, ಪುಷ್ಪರಾಣಿ, ಸೇವಂತಿ ಪ್ರಸಂಗ ನಾಟಕಗಳನ್ನು ನಿರ್ದೇಶನ ಮಾಡಿದ್ದಾರೆ. ಕಾಕನಕೋಟೆ, ಮಂಟೇಸ್ವಾಮಿ ಕಥಾಪ್ರಸಂಗ, ಏಕಲವ್ಯ, ಮೈಸೂರು ಮಲ್ಲಿಗೆ, ಚೋರ ಚರಣದಾಸ, ಹಕ್ಕಿಯ ಹಾಡು, ಅಳಿಲು ರಾಮಾಯಣ. ಹೀಗೆ ನೂರಕ್ಕೂ ಹೆಚ್ಚು ನಾಟಕಗಳಿಗೆ ಸಂಗೀತ ನೀಡಿದ್ದಾರೆ. ಪ್ರಸ್ತುತ ಜೆಎಸ್‍ಎಸ್ ಕಲಾ ಮಂಟಪದಲ್ಲಿ ಸಂಚಾಲಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಅನೇಕ ರಂಗ ಕಾರ್ಯಗಾರ, ಬೇಸಿಗೆ ಶಿಬಿರಗಳನ್ನು ಆಯೋಜಿಸುತ್ತಾ ರಂಗಭೂಮಿಯಲ್ಲಿ ಸಕ್ರಿಯರಾಗಿದ್ದಾರೆ.
ಸಹನಿರ್ದೇಶಕರಾದ ಶ್ರೀ ಪ್ರಶಾಂತ ಬಿ (ಮಾದರಸನಕೊಪ್ಪ) ಇವರು ನೀನಾಸಂನಲ್ಲಿ ರಂಗತರಬೇತಿ
ಪಡೆದಿದ್ದಾರೆ. ಜೆ ಎಸ್ ಎಸ್ ರಂಗೋತ್ಸವಕ್ಕೆ ಮೈನಾಹಕ್ಕಿ, ಸರೀಸೃಪಗಳ ಸಭೆ, ಪಂಜರ ಶಾಲೆ, ಕಂಸಾಯಣ,
ಬೆಪ್ಪತಕ್ಕಡಿ ಬೋಳೆಶಂಕರ ಈ ನಾಟಕಗಳಿಗೆ  ಸಂಗೀತ ನೀಡಿದ್ದಾರೆ ಮತ್ತು ನಿರ್ದೇಶನ ಮಾಡಿದ್ದಾರೆ. ಮೈನಾಹಕ್ಕಿ, ಸರೀಸೃಪಗಳ ಸಭೆ ಎಂಬ ನಾಟಕಗಳನ್ನು ರಚಿಸಿದ್ದಾರೆ. ಪರಮಪೂಜ್ಯ ಜಗದ್ಗುರು ಶ್ರೀ ಶಿವರಾತ್ರಿ ದೇಶಿಕೇಂದ್ರ ಮಹಾಸ್ವಾಮಿಗಳವರು ಸಂಪಾದಿಸಿರುವ ವೃಷಭೇಂದ್ರ ವಿಳಾಸ ಕೃತಿಯನ್ನು ಅಧರಿಸಿದ ಯಕ್ಷಗಾನ ನಾಟಕವನ್ನು ಮಹಿಳಾ ತಂಡಕ್ಕೆ ಕಲಿಸಿ ಬಸವ ಜಯಂತಿ ಕಾರ್ಯಕ್ರಮದಲ್ಲಿ ಪ್ರದರ್ಶನ ನೀಡಿದ್ದಾರೆ. ಪ್ರಸ್ತುತ ಜೆಎಸ್‍ಎಸ್
ಪ್ರೌಢಶಾಲೆ ನಾರ್ವೆಯಲ್ಲಿ ರಂಗಶಿಕ್ಷಕರಾಗಿ ಕೆಲಸ ನಿರ್ವಹಿಸುತ್ತಿದ್ದಾರೆ. ರಂಗದ ಮೇಲೆ : ಎಂ. ಪವನ್‍ಕುಮಾರ್, ಎಂ. ದರ್ಶನ್ ಎಲ್. ಶರತ್ ಎಂ. ತರುಣ್‍ಸ್ವಾಮಿ, ನಂದನ್ ರಾಕೇಶ್, ಸಿ. ಸಾಗರ್, ಕೆ. ಎಸ್. ಚೇತನ್, ಅರುಣ್, ಉಮೇಶ್, ಸೋಮಶೇಖರ್, ಆರ್. ಸ್ನೇಹ, ಮಹದೇವಸ್ವಾಮಿ, ರಂಜಿತ, ಜಿ. ಮೇಘನಾ, ಹೆಚ್.ಎಲ್.ಸಂಜನಾ, ಮರಿಯಾ ಝಾನ್ಸಿ, ಕೆ. ರಮ್ಯಾ, ಎಂ. ಚೈತನ್ಯ, ಫಿರ್‍ದೋಸ್ ಕೌಸರ್, ಸಹನಾ ಅವರುಗಳಿದ್ದರೆ ರಂಗದ ಹಿಂದೆ
ರಂಗಪರಿಕರ ಹಾಗೂ ರಂಗಸಜ್ಜಿಕೆ  ಮಧೂಸೂದನ್, ಸಂಗೀತ ಸಾಂಗತ್ಯ :  ಕೃಷ್ಣ ಚೈತನ್ಯ, ಮೈಸೂರು ವಸ್ತ್ರವಿನ್ಯಾಸ : ಶಕುಂತಲಾ ಹೆಗಡೆ, ಮಹೇಶ್ ಹೆಬ್ಬಾಳ್, ಪ್ರಸಾಧನವನ್ನು ಮಂಜುನಾಥ್ (ಕಾಚಕ್ಕಿ) ಮಾಡಿದ್ದಾರೆ.
         

   

 ಇಲಿ ಮಡಕೆ ನಾಟಕ : ಕಾಡುವಾಸಿಗಳ ಪುನರ್ವಸತಿ ಯೋಜನೆಯಿಂದಾಗಿ ಬುಡಬುಡಕೆಯವರು, ಹಕ್ಕಿಪಿಕ್ಕರು, ಗೊರವರು, ಗಿಣಿಶಾಸ್ತ್ರದವರು, ಕಾಡುಗೊಲ್ಲರು ಮುಂತಾದ ಬುಡಕಟ್ಟು ಜನಗಳ ಸಂಕಟಗಳನ್ನು ಹೇಳುವ ಕಥೆಯಾಗಿದೆ. ಪುನರ್ವಸತಿ ಕೊಡಲಿ ಕಾವಿಗೆ ಬಲಿಯಾಗಿ ಅತ್ತ ನಾಡಿಗೂ ಹೊಂದಿಕೊಳ್ಳಲಾಗದೆ, ಇತ್ತ ಕಾಡಿಗೂ ಮರಳಲಾಗದೆ ಪಡುವ ಪಾಡಿನ ಕುರಿತಾದ ಕಥೆ ಇದು. ಇಂಥದ್ದೆ ಪುನರ್ವಸತಿ ಪಂಜರದೊಳಗೆ ಬಂಧಿಯಾದ ಗಿಣಿ ಪಳಗಿಸುವ ಮಂಕಾಳಿ ಎಂಬ ರುದ್ರನ ಸೇಡಿನ ಕಥೆಯೂ ಹೌದು. ಕಳೆದುಹೋದ ತಮ್ಮ ಮೂಲ ಬದುಕನ್ನು ಮರು ತೆಗೆದುಕೊಳ್ಳುವ ಪ್ರಸಂಗಗಳು ಈ ಕಥೆಯ ಒಟ್ಟು ಹೂರಣ. ಆಧುನಿಕತೆ, ನಾಗರಿಕತೆ ಎಂದರೆ ಬರಿಯ ತಂತ್ರಜ್ಞಾನ, ಕಾನೂನು ಶಾಸನಗಳಲ್ಲಿ ಅದನ್ನು ಮೀರಿದ ಬುಡಕಟ್ಟು ಸಮುದಾಯಗಳ ಸಂಸ್ಕೃತಿ-ಪರಂಪರೆಗಳನ್ನು ಗೌರವಿಸುವುದು ಎಂಬುದನ್ನು ಈ ಇಲಿ ಮಡಕೆ ನಾಟಕವು ನಿರೂಪಿಸುತ್ತದೆ.
ಇಲಿ ಮಡಕೆ ನಾಟಕವನ್ನು ಟಿ.ಕೆ. ದಯಾನಂದ್ ರಚನೆ ಮಾಡಿದ್ದು ರಂಗರೂಪವನ್ನು ಯತೀಶ್ ಕೊಳ್ಳೇಗಾಲ,ಸಂಗೀತವನ್ನು ಚಂದ್ರಶೇಖರಾಚಾರ್ ಹೆಗ್ಗೊಠಾರ ಅವರು ಮಾಡಿದ್ದಾರೆ. ಜೀವನ್‍ಕುಮಾರ್ ಬಿ ಹೆಗ್ಗೋಡು ಅವರು ವಿನ್ಯಾಸ, ಬೆಳಕು ಮತ್ತು ನಿರ್ದೇಶನ ಮಾಡಿದ್ದು ನಾಟಕದ ಸಹನಿರ್ದೇಶನವನ್ನು ಶಕುಂತಲಾ ಹೆಗಡೆ ಅವರು ಮಾಡಿದ್ದು
ಊಟಿ ರಸ್ತೆ, ಮೈಸೂರು ರಸ್ತೆಯಲ್ಲಿರುವ ಜೆಎಸ್‍ಎಸ್ ಪದವಿ ಕಾಲೇಜು ವಿದ್ಯಾರ್ಥಿಗಳು ಅಭಿನಯಿಸಿದ್ದಾರೆ.

 ನಾಟಕಕಾರರಾದ  ಶ್ರೀ ಟಿ ಕೆ ದಯಾನಂದ್‍ರವರ  ಜನ್ಮಸ್ಥಳ ಇವರು ತುಮಕೂರು. ಬೆಂಗಳೂರು ವಿಶ್ವವಿದ್ಯಾಲಯದಿಂದ ಮಾಸ್ ಕಮ್ಯೂನಿಕೇಷನ್‍ನಲ್ಲಿ ಸ್ನಾತಕೋತ್ತರ ಪದವಿ. ನ್ಯಾಷನಲ್ ಲಾ ಸ್ಕೂಲ್ ಆಫ್ ಇಂಡಿಯಾ ಯೂನಿವರ್ಸಿಟಿಯಲ್ಲಿ ಸಂಶೋಧಕರಾಗಿ ನಗರದ ಬಡಜನರ ಕುರಿತಂತೆ ಅಧ್ಯಯನ ಮಾಡಿದ್ದಾರೆ. ಕೆಂಡಸಂಪಿಗೆ ಅಂತರ್ಜಾಲ ಪತ್ರಿಕೆಯಲ್ಲಿ ಅಂಕಣವಾಗಿ ಪ್ರಕಟಗೊಂಡ ರಸ್ತೆ ನಕ್ಷತ್ರ ಇವರ ಪ್ರಥಮ ಕೃತಿ. ರೆಕ್ಕೆ ಹಾವು ಇವರ ಮೊದಲ ಕಥಾಸಂಕಲನ. ಚಲನಚಿತ್ರ ನಿರ್ದೇಶಕರಾಗಿಯೂ ಗುರುತಿಸಿಕೊಂಡಿರುವ ದಯಾನಂದ ಅವರು ಪ್ರಸ್ತುತ ಸುದ್ದಿ ಟಿ.ವಿ. ವಾಹಿನಿಯಲ್ಲಿ ಪೆÇ್ರೀಗ್ರಾಂ ಚೀಫ್ ಆಗಿ ಕಾರ್ಯ ನಿರ್ವಹಿಸಿದ್ದಾರೆ.
       
ಯತೀಶ್ ಕೊಳ್ಳೇಗಾಲರವರು  2005-06ರಲ್ಲಿ ನೀನಾಸಂ ಡಿಪೆÇ್ಲಮಾ ಮುಗಿಸಿದ್ದಾರೆ.  ನೀನಾಸಂ ತಿರುಗಾಟ, ರಂಗಭಾರತಿ ಹೂವಿನ ಹಡಗಲಿ, ಆಟಮಾಟ ಧಾರವಾಡ ತಂಡಗಳಲ್ಲಿ ನಟ ತಂತ್ರಜ್ಞರಾಗಿ ಕಾರ್ಯ ನಿರ್ವಹಿಸಿದ ಅನುಭವ ಹೊಂದಿದ್ದಾರೆ.  ಮಕ್ಕಳ ಶಿಬಿರ, ಅಭಿನಯ ಕಮ್ಮಟಗಳನ್ನು ನಿರ್ವಹಿಸಿದ ಅನುಭವ. 15ಕ್ಕೂ ಹೆಚ್ಚು ನಾಟಕಗಳ ನಿರ್ದೇಶನ ಹಾಗೂ ಅಭಿನಯಿಸಿದ ಅನುಭವ ಹೊಂದಿದ್ದಾರೆ. ಅಲ್ಲದೆ ಹಲವು ಸ್ವರಚಿತ ನಾಟಕಗಳನ್ನು ರಚಿಸಿದ್ದಾರೆ. ಪ್ರಸ್ತುತ ಇಲಿ ಮಡಕೆ ಕಥೆಯನ್ನು ರಂಗರೂಪ ಮಾಡಿದ್ದಾರೆ.

ನಿರ್ದೇಶಕರಾದ ಶ್ರೀ ಜೀವನ್ ಕುಮಾರ್‍ರವರು ಶಿವಮೊಗ್ಗ ಜಿಲ್ಲೆಯ ಸಾಗರ ತಾಲ್ಲೂಕಿನ ಹೆಗ್ಗೋಡಿನವರು. 2002-03 ರಲ್ಲಿ ನೀನಾಸಂ ಡಿಪ್ಲೋಮಾ ಪಡೆದಿದ್ದಾರೆ. ನಂತರ ನೀನಾಸಂ ತಿರುಗಾಟ, ನೀನಾಸಂ ಕಿರು ತಿರುಗಾಟ, ರಂಗಾಯಣದ ರಂಗ ಕಿಶೋರ, ಮಕ್ಕಳ ರಂಗಭೂಮಿಯಲ್ಲಿ ನಟರಾಗಿ ತಂತ್ರಜ್ಞರಾಗಿ ಕಾರ್ಯ ನಿರ್ವಹಿಸಿದ್ದಾರೆ. ಮೈಸೂರಿನ ಕಾರಾಗೃಹ ಖೈದಿಗಳಿಗೆ ಹಾಗೂ ಕಾಲೇಜು ವಿದ್ಯಾರ್ಥಿಗಳಿಗೆ, ಶಾಲಾ ಮಕ್ಕಳಿಗೆ, ಹವ್ಯಾಸಿ ತಂಡಗಳಿಗೆ ಹಲವಾರು ನಾಟಕಗಳನ್ನು ನಿರ್ದೆಶಿಸಿದ್ದಾರೆ. ಇವರು ನಿರ್ದೇಶಿಸಿದ ಪ್ರಮುಖ ನಾಟಕಗಳು ಜೀಕೆ ಮಾಸ್ತರರ ಪ್ರಣಯ ಪ್ರಸಂಗ, ಭಗವದಜ್ಜುಕೀಯಂ, ಚಿತ್ರಪಟ, ರಾಮಧಾನ್ಶ ಪ್ರಕರಣ, ಕೃಷ್ಣೇಗೌಡನ ಆನೆ, ಆಮನಿ, ಜಯಂತನ ಸ್ವಗತ, ಅಲ್ಲದೇ ಶಿಕ್ಷಣದಲ್ಲಿ ರಂಗಭೂಮಿ ಅಳವಡಿಕೆ ಕುರಿತು ಅನೇಕ ಕಾರ್ಯಗಾರಗಳವನ್ನು ನಡೆಸಿದ್ದಾರೆ. ಪ್ರಸ್ತುತ ಜೆಎಸ್‍ಎಸ್ ಸಂಸ್ಥೆಯಲ್ಲಿ ರಂಗ ಶಿಕ್ಷಕರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.
      
 ಸಹನಿರ್ದೇಶಕರಾದ ಶ್ರೀಮತಿ ಶಕುಂತಲಾ ಹೆಗಡೆರವರು ನೀನಾಸಂನಲ್ಲಿ ರಂಗತರಬೇತಿ ಪಡೆದಿದ್ದಾರೆ. ರಂಗಾಯಣದ ರಂಗಕೀಶೋರದಲ್ಲಿ ಮಕ್ಕಳ ರಂಗಭೂಮಿ ಕುರಿತಾದ ಕೆಲಸ ನಿರ್ವಹಿಸಿದ್ದಾರೆ. ಜೆಎಸ್‍ಎಸ್ ರಂಗೋತ್ಸವಕ್ಕೆ ಸತ್ರು ಅಂದ್ರೆ ಸಾಯ್ತರಾ, ಅಳಿಲು ರಾಮಾಯಣ, ದ್ರೋಣಪ್ರತಿಜ್ಞೆ ಈ ನಾಟಕಗಳನ್ನು ನಿರ್ದೇಶನ ಮಾಡಿದ್ದಾರೆ. ಪ್ರಸ್ತುತ ಜೆಎಸ್‍ಎಸ್ ಶಿಶುನಾಳ ಶರೀಫ ಪ್ರೌಢಶಾಲೆ ಉದಯಗಿರಿ ಯಲ್ಲಿ ರಂಗಶಿಕ್ಷಕರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.
 ನಾಟಕದಲ್ಲಿ ಮನೋಜ್‍ಕುಮಾರ್,  ಬಿ.ಎಸ್. ಗಿರಿ, ಎಸ್. ಚೇತನ್ ಮನು ಕೆ.ಎಸ್. ಚೇತನ್ ಕುಮಾರ್ ಎಂ.ಪಿ.  ಹೇಮಂತ್ ಎಂ. ಮನೋಜ್ ಹೆಚ್.ಎಂ. ಮನೋಜ್ ಆರ್. ಆಕಾಶ್  ಭರತ್ ಹೆಚ್.ಎ. ರಾಜೇಶ್ ರಾಜ್ ಬಿ. ವೃಶ್ರೀ ರವಿ ಎಲ್.ಎಂ. ದೀಪಕ್  ಗುರುರಾಜ್ ಎಸ್. ತನುಷ್ ಬಿ.ಸಿ  ಮಾದೇವಸ್ಥಾಮಿ ಎಂ. ಸುಹಾಸ್ ಬಿ.ರಾಧ ಬಿ.ಎಸ್. ವಿದ್ಯಾಶ್ರೀ ಎಸ್. ತೇಜು ಬಿ. ನಿವೇದಿತಾ ಎಂ. ರಾಜಶ್ರೀ ಕೆ.ಎಸ್. ಸುನನ್ ಸುನಿಫ್  ಸುನೀಲ್ ಪುನೀತ್ ಪಿ.ಎಂ. ಪೂಜಿ ಪಿ. ಪೂಜಾ ಎನ್. ಅನು ಸಿ.  ರಂಗದ ಮೇಲಿದ್ದರೆ,,ರಂಗದ ಹಿಂದೆ ಮಧೂಸೂದನ್ (ರಂಗಪರಿಕರ ಹಾಗೂ ರಂಗಸಜ್ಜಿಕೆ) ಶಕುಂತಲಾ ಹೆಗಡೆ, ಮಹೇಶ್ ಹೆಬ್ಬಾಳ್(ವಸ್ತ್ರವಿನ್ಯಾಸ ) : ಪ್ರಸಾಧನ   ಮಂಜುನಾಥ್ (ಕಾಚಕ್ಕಿ) ಸಂಗೀತ ಸಾಂಗತ್ಯ : ಕೃಷ್ಣ ಚೈತನ್ಯ, ಮೈಸೂರು ಇವರುಗಳು ಇದ್ದಾರೆ.
_________________________________________________________________________-



       

ಉಪಮುಖ್ಯಮಂತ್ರಿಗಳೆ, ಇತ್ತ ನೋಡಿ.. ಮುರುಕಲು ಬಿದ್ದ,ಗೆದ್ದಲು ತಿಂದ ಪೊಲೀಸ್ ಠಾಣೆಯಾ!? *ವರದಿ: ರಾಮಸಮುದ್ರ ಎಸ್.ವೀರಭದ್ರಸ್ವಾಮಿ*

ಉಪಮುಖ್ಯಮಂತ್ರಿಗಳೆ, ಇತ್ತ ನೋಡಿ.. ಮುರುಕಲು ಬಿದ್ದ,ಗೆದ್ದಲು ತಿಂದ ಪೊಲೀಸ್ ಠಾಣೆಯಾ!?  

*ವರದಿ: ರಾಮಸಮುದ್ರ ಎಸ್.ವೀರಭದ್ರಸ್ವಾಮಿ* ಚಾಮರಾಜನಗರ: ಇಲ್ಲೊಂದು ಪುಟ್ಟ ಠಾಣೆಯಿದೆ. ಈ ಠಾಣೆಗೆ ಸ್ವಂತ ನೆಲೆಯೂ ಇಲ್ಲ, ಕಟ್ಟಡವೂ ಇಲ್ಲ..ಗೆದ್ದಲು ಬಂದಿದೆ. ಮುರುದು ಗೋಡೆಗಳು ಕಳಚುತ್ತಿದೆ. ಇದನ್ನ ನೋಡಲು ಕೆಲವರು ಕಣ್ಣಿದ್ದು ಕುರುಡರಾಗಿದ್ದಾರೆ. 

 *ಹೌದು ಇದು ಚಾಮರಾಜನಗರ ಪಟ್ಟಣ ಠಾಣೆಯ ದುಸ್ಥಿತಿ.ಜೀವ ಕಾಪಾಡೋ ಜೀವಗಳು ಜೀವ ಹಿಡಿದು ಕೆಲಸ ಮಾಡ್ತಾರೆ.ಈ ಕಟ್ಟಡ ಬೇರೆಡೆಗೆ ವರ್ಗಾವಣೆ ಮಾಡಿ ಅಂತ ನೂರಾರು ಪತ್ರ ವ್ಯವಹಾರಗಳೆ ನಡೆದು ಹೋಗಿದೆ. ಶಾಸಕರು, ಸಚಿವರು ಭೇಟಿ ಕೊಟ್ಟಿದ್ದಾರೆ ಆದರೆ ಯಾವುದೂ ಕೂಡ ಸಫಲವಾಗದೇ ವಿಫಲವಾಗಿದೆ. *ಪ್ರತಿನಿತ್ಯ ನೂರಾರು ಸಮಸ್ಯೆಗಳನ್ನ ಹೊತ್ತು ತರುವ ಜನರು ಇದರ ಕೆಳಗಡೆ ಕೂರಲು ಹಿಂಜರಿಯಬೇಕು. ಇದನ್ನ ಬೇರೆಡೆಗೆ ವರ್ಗಾಯಿಸಬೇಕೆಂದು ಜಿಲ್ಲಾಡಳಿತ ಭವನದಲ್ಲಿ ಸಾಮಾಜಿಕ ಕಾರ್ಯಕರ್ತ ಎಸ್.ವೀರಭದ್ರಸ್ವಾಮಿ ಅವರು ಪ್ರತಿಭಟಿಸಿ ಜಿಲ್ಲಾದಿಕಾರಿಗಳಿಗೆ ಮನವಿ ಸಲ್ಲಿಸಿದ್ದರು. ಮನವಿ ಸ್ವೀಕರಿಸಿದ ಜಿಲ್ಲಾಡಳಿತ ಕೇಂದ್ರ ಹಾಗೂ ರಾಜ್ಯ ಸರ್ಕಾರಕ್ಕೂ ಪತ್ರ ವ್ಯವಹಾರ ‌ಮಾಡಿ ಅಂಚೆ ಇಲಾಖೆಯ ಕೆಲಸ ಮಾಡಿ ಕೈ ತೊಳೆದುಕೊಂಡಿತು. 

*ಅದಿಕೃತ ಹಾಗೂ ಅನದಿಕೃತ ಭೇಟಿ ಸೇರಿದಂತೆ ಶಾಸಕ ಹಾಗೂ ಸಚಿವರಾದ ಪುಟ್ಟರಂಗಶೆಟ್ಟಿ ಅವರು ಎಂಟು ಭಾರಿ ಬೇಟಿ ನೀಡಿದರೂ ಫಲಪ್ರದವಾಗಲೇ ಇಲ್ಲ. ಬಹುಶಃ ಭಾರಿ ಮಳೆಗೋ,ಗೋಡೆಗಳು ಶಿಥಿಲವಾಗಿ ಕುಸಿದು ಸಾವನ್ನಪ್ಪಿದಾಗ ಆ ಸಾವಿನಿಂದಲೋ ಪಲಪ್ರದವಾಗುವುದೋ ಏನೋ ಗೊತ್ತಾಗುತ್ತಿಲ್ಲ. ಇದ್ದಾಗ ಯೋಗಕ್ಷೇಮ ವಿಚಾರಿಸಿದವರು ಸತ್ತಾಗ ಕುಟುಂಬದವರು ಕುಶೋಲೋಪಚಾರ ಕೇಳಿದರೆ ವ್ಯರ್ಥವಾಗಲಿದೆ.

  *ಎಸ್ಪಿ ದರ್ಮೆಂದರ್ ಕುಮಾರ್ ಮೀನಾ ಅವರು ಇದರ ಬಗ್ಗೆ ಅರಿವಿದೆ. ಕ್ರಮವಹಿಸಿದ್ದೇವೆ ಎನ್ನುತ್ತಿದ್ದಾರೆ. ಇವರ ಕೆಲಸದಂತೆ ಠಾಣೆ ವೀಕ್ಷಣೆಗೆ ಹೋದಾಗ ಕಟ್ಟಡ ,ದಾಖಲೆಗಳನ್ನು ಸುಸ್ಥಿತಿಯಲ್ಲಿ ಇಡಬೇಕು. ಇಲ್ಲದಿದ್ದರೆ ಅದೀನ ಸಿಬ್ಬಂದಿಗಳ ಮೇಲೆ ಕ್ರಮಜರುಗಿಸುವ ಇವರು ಉತ್ತಮ ಕಟ್ಟಡದಲ್ಲಿ ಠಾಣಾ ಸ್ಥಳಾಂತರಕ್ಕೆ ತ್ವರಿತವಾಗಿ ಯಾಕೆ ಕ್ರಮವಹಿಸುತ್ತಿಲ್ಲ ಎಂಬ ಪ್ರಶ್ನೆಗೆ ಮೌನ ಉತ್ತರವಾಗಿದೆ.

 *  ಇತ್ತೀಚೆಗಷ್ಟೆ ಪಟ್ಟಣ ಠಾಣೆಗೆ ವರ್ಗಾವಣೆಯಾಗಿ ಬಂದ ಇನ್ಸ್ ಪೆಕ್ಟರ್ ನಾಗೇಗೌಡ ಎಂಬುವವರು ಮತ್ತು ಸಿಬ್ಬಂದಿಗಳು ಅವರುಗಳೆ ಸ್ವಂತ ಹಣ ಖರ್ಚುಮಾಡಿ   ಹತ್ತು ಹದಿನೈದು ವರ್ಷಗಳ ದೂಳು ತೆಗೆದು ಹೊರಗಡೆ ಸುಂದರವಾಗಿಸಿಕೊಂಡಿದ್ದಾರೆ. ಆ ಸುಂದರ ಸಾಯುವ ಮುದುಕಿಗೆ ರೇಷ್ಮೆ ಸೀರೆ ತೊಡಿಸಿದಂತೆ ಕಂಡರೂ ಆಯಸ್ಸು ಮಾತ್ರ ಇಲ್ಲ ಎಂಬುದಷ್ಟೆ ಅರಿಯಬೇಕು. *ಚಾಮರಾಜನಗರ ಪಟ್ಟಕ್ಕೆ   ಉಪಮುಖ್ಯಮಂತ್ರಿ ಡಾ. ಜಿ. ಪರಮೇಶ್ವರ ಅವರು  ಪ್ರವಾಸ ಕೈಗೊಂಡಿದ್ದು ಈ ಠಾಣೆಯನ್ನ ಇವರು ನೋಡಬೇಕಿದೆ.

 * ಚಾಮರಾಜನಗರ ಜಿಲ್ಲೆಯಲ್ಲಿನ  ಯಡಪುರ ಗ್ರಾಮದ ಯಡಬೆಟ್ಟದಲ್ಲಿ ನಳಂದ ಜ್ಞಾನ ಮತ್ತು ಅಧ್ಯಯನ ಕೇಂದ್ರ ಹಾಗೂ ನಳಂದ ಬೌದ್ಧ ವಿಶ್ವವಿದ್ಯಾಲಯದ ಭೂಮಿ ಪೂಜೆ ಶಂಕುಸ್ಥಾಪನೆ ಕಾರ್ಯಕ್ರಮದಲ್ಲಿ ಪಾಲ್ಗೊಂಡ ನಂತರ ಅನತಿ ದೂರದಲ್ಲಿರುವ ಇದಕ್ಕೂ ನಿಮ್ಮ ದರ್ಶನ ಕಾಯಕಲ್ಪ ಅಗತ್ಯವಿದೆ. ಇಲ್ಲವಾದರೆ ಮುಂದಾಗುವ ಅನಾಹುತಗಳಿಗೆ ಬೆಂಗಳೂರಲ್ಲೆ ಕುಳಿತು ಸತ್ತ ಪೊಲೀಸ್ ಸಿಬ್ಬಂದಿಗಳಿಗೆ ಸಂತಾಪ ಸೂಚಿಸಬೇಕಾಗುತ್ತದೆ.